ಅಪೊಸ್ತಲರ್‌ನು ಕಾಮ್‌ಖ್ಹಾರು 7:8 - ದೇವ್ನಿ ಖ್ಹಾಚಿ ವಚನ್

⁸ ಇನವಾರ್ ದೇವ್ನೆ ಅಬ್ರಹಾಮ್‍ಥಿ ಒಪ್ಪಂದ ಕರಿಲಿದೊ. ಯೊ ಖ್ಹಣೇದ್ನ ಖ್ಹಾಜೆ ಖ್ಹತ್ನ ಕರಾಯೊ. ಇನೇಥಿಸ್ ಅಬ್ರಹಾಮ್‌ನ ಏಕ್‌ ಛಿಯ್ಯೊ ಹುಯೊ. ಯೊ ಛಿಯ್ಯಾನ ಆಟ್ನ ದನ್ಮ ಖ್ಹತ್ನ ಕರ‍್ಯೊ. ಇನು ನಾಮ್ ಇಸಾಕ್. ಇಮ್ಮಸ್ ಇಸಾಕಬಿ ಇನ ಛಿಯ್ಯೊ ಯಾಕೋಬ್‍ನ ಖ್ಹತ್ನ ಕರ‍್ಯೊ. ಅಜು಼ ಯಾಕೋಬ್‍ನೆ ಇನ ಖ್ಹಾರಾಸ್ ಪರ್ಖ್ಹಾ ಲಡ್ಕಾವ್‍ನ ಖ್ಹತ್ನ ಕರ‍್ಯೊ. ಆ ಪರ್ಖ್ಹಾ ಲಡ್ಕಾಸ್ ಖ್ಹಾಮ್ಣೆ ಭಾರಜ಼ಣ ಗುರುಗುರುಬ್‌ಲ್ಯ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:8 ပူးပေါင်းရင်းမြစ်များ

ಮತ್ತಾಯ 1:2

ಅಬ್ರಹಾಮ್ ಇಸಾಕನೊ ಬಾ, ಇಸಾಕ್ ಯಾಕೋಬನೊ ಬಾ, ಯಾಕೋಬನ ಯೆಹೂದ ಅಜು಼ ಇನ ಭೈಯೇ ಪೈದಹುಯ.

ಯೋಹಾನ 7:22

ಮೋಶೆನೆ ತುಮೂನ ಖ್ಹತ್ನ ಕರಾವ್ಣು ಕರಿ ಹುಕುಮ್‌ ದಿದೋಥೊ, ಕತೋಬಿ ಯೋ ಮೋಶೆಥಿ ಆಯೂತೆ ಕಾಹೆ, ಇನೇಥಿಬಿ ಅಗಾಡಿ ಥೂತೆ ತುಮಾರ ಗುರುಖ್ಹಾರಾಥೀಸ್ ಯೋ ಆಯೂತೆ. ಅಜು಼ ತುಮೆ ಸಬ್ಬತ್‌ ದನ್‌ಮಾಬಿ ಲಡ್ಕಾವ್ನ ಖ್ಹತ್ನ ಶನಕರೋಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:29

‘ಮಾರಾ ಭೇನೆ ಭೈಯೇವೊ ಅಪ್ಣೊ ಗುರುಗುರಬ್‌ಲ್ಯೊ ದಾವೀದ್‍ನಿ ಬಾರೇಮ ಮೆ ತುಮೂನ ಭಾಲಿಥಿ ಬೋಲೆಜಾ಼ಯ್ ಶಾತ್‌ಕತೊ, ಯೊ ಮರಿನ್‌ ಮಖ್ಹಾಣ್ಯು ಹುಯೊ, ಇನು ಮಖ್ಹಾಣ್ಯು ಹಮ್ಕೆಲಗೂಬಿ ಅಪ್ಣ ಇಚ಼್‌ಮ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:10

ಯೋ ಕದೆ ಹುಯುತೆ? ಇನ ಖ್ಹತ್ನ ಹುಯಿಗುತೆ ತದೇಕಿ ಖ್ಹತ್ನಹುವಾನ ಪಹಿಲೆ? ಯೋ ಖ್ಹತ್ನ ಹುಯುತೆ ತದೆಕಾಹೆ, ಖ್ಹತ್ನಹುವಾನ ಅಗಾಡಿಸ್.

ಗಲಾತ್ಯ 3:15

ಭೈಯೇ ಭೇನೆವೊ, ದನ್‌ರೋಜ಼್‌ನ ಜಿವ್ಣಾಥು ಏಕ್‌ ಮತ್ಲಬ್ ತುಮುನ ಬೋಲುಸ್, ಏಕ್‍ಜ಼ಣೊ ಬಿಜೇಕ್‌ ಜ಼ಣಾಥಿ ಒಪ್ಪಂದ ಕರಿರಾಖಸ್. ಇನ ಬರೊಬ್ಬರ್‌ಥಿ ಕರೀನ್ ಖತಮ್ ಕರಾಪರ್ ಇನ ಕೋಣ್‌ಬಿ ಕಾಡಖ್ಹರ್ಕು ಕೊಯ್ನಿ, ಮಳಾವಖ್ಹರ್ಕೂಬಿ ಕೊಯ್ನಿ.

ಗಲಾತ್ಯ 3:17

ಮೇ ಶಾತ್‌ ಬೋಲಾನ ಆಖ್ಹ್‌ಕರುಸ್ ಕತೊ ದೇವ್ನೆ ಅಬ್ರಹಾಮ್‌ನ ಜೋ಼ಡ್ಮ ಪಹಿಲೆ ಕರೀನ್ ಖತಮ್ ಕರ‍್ಯೊಥೋತೆ ಒಪ್ಪಂದಾನ ಚಾರ್‌ಖ್ಹೊ ಡೋಡಿಖ್ಹ್‌ ವರಖ್ಹ್‌ನ ವಾರ್ ಆಯೋತೆ ಮೋಶೆನಿ ಧರ್ಮಶಾಸ್ತ್ರನ ತೋಡಿನ್ ಯೋ ವಾಗ್ದಾನ್ನ ನಾ ರ‍್ಹೇವ್ಣುತೆ ತಿಮ್ ಕರಾನ ಕೋ ಉಶೇನಿ.

ಇಬ್ರಿ 7:4

ಆ ಹೈರೋತೆ ಕೆತ್ರೆ ಮಹಾನ್ ಹುಯಿರ‍್ಹೊಸ್ ಕರಿ ದೇಖೊ ಅಪ್ಣೊ ಗುರುಗುರಬ್‌ಲ್ಯೊ ಹುಯಿರ‍್ಹೂತೆ ಅಬ್ರಹಾಮ್‌ನೆ ಜಂಗ್ ಜೂತಿನ್ ಲಾಯೊತೆ ಜಿನಖ್ಹ್‌ಮ ದಖ್ಹ್‌ಮ ಏಕ್‌ ಭಾಗ್‌ ಇನ ದಿದೋನಿ.