ಅಪೊಸ್ತಲರ್‌ನು ಕಾಮ್‌ಖ್ಹಾರು 7:38 - ದೇವ್ನಿ ಖ್ಹಾಚಿ ವಚನ್

³⁸ ಇನೇಸ್ ಸೀನಾಯಿ ಪಹಾಡ್‌ಮ ಇನಿಜೋ಼ಡ್ಮ ವಾತೆಬೋಲ್ಯೊತೆ ದೇವ್ನ ದೂತನಾಬಿ ಅಪ್ಣ ಗುರುಖ್ಹಾರಾನಾಬಿ ಜ಼ಂಗಳ್‌ಮ ಥೂತೆ ಸಬೇಮರ‍್ಹೀನ್ ಜಾನ್ನಿ ವಚನ್ನ ಲೀನ್ ಅಪ್ಣುನ ದ್ಯವಾಳೊ ಹುಯಿರೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:38 ပူးပေါင်းရင်းမြစ်များ

ಯೋಹಾನ 1:17

ಧರ್ಮಶಾಸ್ತ್ರ ಮೋಶೆಥಿ ದೇವೈರ‍್ಹುಸ್ ಕತೋಬಿ ವಾರ್‌ಖ್ಹೊಬಿ ಖ್ಹಾಚ಼ಬಿ ಕ್ರಿಸ್ತಥಿ ಆಯುತೆ.

ಯೋಹಾನ 6:63

ಜಾನ್‌ ದೇಸ್ತೆ ದೇವ್‌ನು ಆತ್ಮ ಹುಯಿರುಸ್ ಅದ್ಮಿನು ಹಿಮ್ಮಥ್ಥಿ ಫಾಯಿದೊ ಕೊಯ್ನಿ; ಮೇ ತುಮೂನ ಖಿವು ವಾತ್ನ ಬೋಲ್ಯೋಕಿ ಯೊ ದೇವ್‌ನೊ ಆತ್ಮ ಹುಯಿರ‍್ಹೂಸ್. ಅಜು಼ ಯೋ ಜಾನ್ನ ದೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:30

ಚಾ಼ಳಿಖ್ಹ್ ವರಖ್ಹ್‌ನೊ ಹುಯೊತದೆ ಸೀನಾಯಿ ಪಹಾಡ್ನ ಖನ್ನೆಥೂತೆ ಜ಼ಂಗಳ್‌ನ ಏಕ್‌ ಕಾಟಾನಿ ಡಾಗ್‌ಮ ಆಗ್‍ನಿ ಝ಼ಲ್‌ಪಟ್‌ ಲಾಗುಕರ್ತುಥುತೆ ಇನಾಮ ದೇವ್‌ನೊ ದೂತ ಇನ ದೆಖಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:35

ಇವ್ಣೆ ಖೆವ ಮೋಶೆನ ನಕೊಕರಿ ಝಿಟ್ಕಾರಿನ್, ‘ತುನ ಅದಿಕಾರಿ ಕರೀನ್‌ಬಿ, ನ್ಯಾವ್ಣೊ ಕರೀನ್‌ಬಿ ಮ್ಹೇಲ್ಯುತೆ ಕೋಣ್‌?’ ಕರಿ ಕಿನೆ ಬೋಲ್ಯುಕಿ, ಇನಾಸ್ ದೇವ್ನೆ ಡಾಗ್‌ಮ ದೆಖೈನ್ ದೂತಾಥಿ ಅದಿಕಾರಿಬಿ, ಛುಟ್ಕಾರ್‌ ಕರಾವಾಳನಬಿ ನೇಮಕ್‌ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:53

ತುಮೆ ಸೊರ್ಗ ದೂತರ್‌ಥಿ ನೇಮಕ್ ಹುಯೊತೆ ದೇವ್ನು ಧರ್ಮಶಾಸ್ತ್ರನ ಸ್ವೀಕಾರ್ ಕರ‍್ಯಾತೋಬಿ ಇನಿನಿತರ ಚಾ಼ಲ್ಯಕೊಯ್ನಿ” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:2

ಖ್ಹಾರಿ ಬಾರೇಮ ಬೋಲಾನುಬಿ ಘಣು ಫಾಯಿದೊ ಛಾ಼. ಪಹಿಲೆಥು ದೇವ್ನಿ ವಚನ್‍ ಯೆಹೂದ್ಯರ್‌ನ ದೆವೈರ‍್ಹೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:4

ಇಸ್ರಾಯೇಲ್‌ವಾಳು ಹುಯಿರ‍್ಹುತೆ ಇವ್ಣುನ ಇನಿ ಲಡ್ಕಾವ್‌ನಿ ಘೋಣಿಬಿ ಮಹಿಮೆನ ವತಾಳಿರಾಖ್ಯುಸ್, ಒಪ್ಪಂದಾನ ಅಖ್ಖೂಬಿ, ಧರ್ಮಶಾಸ್ತ್ರ ದೇವವಾನುಬಿ, ಮಂದಿರ್‌ನಿ ಸೇವೆಬಿ ಅಜು಼ ವಾಗ್ದಾನ್‌ಬಿ ಲೀರಾಖ್ಯುಸ್.

ಗಲಾತ್ಯ 3:19

ಇಮ್‍ಕತೊ ಮೋಶೇನು ನಿಯಮ್‌ ಶನಖ್ಹಾಜೆ? ವಾಗ್ದಾನ್‌ಮ ವತಾಳಿರಾಖ್ಯೊತೆ ಯೊ ಆವಲಗು ದೇವ್ ಅಥ್ರಅಥ್ರಾನು ಅಪರಾದ್‌ಕರಿ ದೆಖಾಡನ ಖ್ಹಾಜೇಥಿ ಇನ ವಾಗ್ದಾನ್ ಹುಯುತದೆ ದೇವ್‌ದೂತರ್‌ಥಿ ಏಕ್‌ ಇಚ಼್‌ಮ ರ‍್ಹವಾಳನ ಹಾತ್ಮ ದಿದೊ.

ಇಬ್ರಿ 2:2

ಶನಕತೊ ದೇವ್‌ದೂತರ್‌ಥಿ ಅಪ್ಣ ಗುರುಗುರಬ್‍ಲ್ಯನ ದೆವೈರ‍್ಹೂಸ್ತೆ ಸಂದೇಶ್ ಖ್ಹಾಚು಼ಥು, ಇನಾಬಿ ಭಡಿನ್ ಕರಾನು ಹರೇಕ್ ಗಲ್ತಿ ಅಜು಼ ಕೋಣ್ ವಿಧೇಯ ಕೊಹುಯುನಿಕಿ ನತರ್ ವಿಧೇಯ ಹುಯಿನ್ ಬರಬರ‍್ನಿ ನಿಶತ್ ಲಿದು.

ಇಬ್ರಿ 4:12

ದೇವ್ನಿ ವಚನ್ ಜಿವ್ತಜಾನ್ನು, ಕಾಮ್ ಕರ್ತುರ‍್ಯವಾನುಬಿ ಅಜು಼ ಖಿವಿ ಬೇಮ್ಹೋಡಾನಿ ತಲ್ವಾರ್‌ಥೀಬಿ ಚಾ಼ಲ್ತು ರ‍್ಹೀನ್, ಜಾನ್ನಬಿ ಆತ್ಮಾನ, ಕೀಲ್ ಬಿಶ್ಶಾನಾಬಿ ಅಲಕ್‍ ಕರಾಯೆತ್ರೆ ಪರಕ್ಮ ಪೇಶಿ ನಿಕ್‌ಳ ಎತ್ರೆಬಿ, ದಿಲ್ನಿಖ್ಹೂಜ್‍ನಾಬಿ ಸೋಚ್ ಸಮಜ್‌ನಾಬಿ ಪರ್ಖಾನು ಹುಯಿರ‍್ಹುಸ್.

ಇಬ್ರಿ 5:12

ಅತ್ರಸ್ಮ ತುಮೆ ಶಿಕಾಡವಾಳು ಹುಯಿರ‍್ಹೇಣುಥು ತೋಬಿ, ದೇವ್ನು ವಚನ್ನು ಪಹಿಲೆ ಛಾತೆಪಾಠಅಖ್ಖು ಅಜೇಕ್ ಜ಼ಣು ತುಮುನ ಪಾಛು಼ ಶಿಕಾಡ್ನುಪಡ್ಯು. ತುಮುನ ಹಮ್ಕೆ ದೂದ್ನು ಜ಼ರೂರತ್ ಛಾ಼ ಪಣ್ಕಿ ಘಟ್ ಖಾಣುಕಾಹೆ.

1 ಪೇತ್ರ 4:11

ಏಕ್ಜ಼ಣೊ ಬೋಧನೆಕರಾವಳೊ ರ‍್ಹಯೊತೊ ದೇವ್ನಿ ವಚನ್ನ ಪಾಡಿಬೋಲವಾಳೊ ಹುಯಿನ್ ಬೋಧನೆ ಕರಾದೆ. ಏಕ್‍ಜ಼ಣೊ ಸೇವೆ ಕರಾವಾಳೊ ರ‍್ಹಯೋತೊ ದೇವ್ ದೇಸ್ತೆ ಶಕತ್ನಿಪರಕ್ಮ ಕರಾದೆ. ಆ ಅಖ್ಖೇಥಿಬಿ ಕ್ರಿಸ್ತಯೇಸುಥಿ ದೇವ್ನ ಧನ್ಯವಾದ್ ಹುವಾಸ್. ಕ್ರಿಸ್ತ ಯೇಸುನ ರಾಜ಼್‌ಭಾರ್‌ಬಿ ಮಹಿಮೆಬಿ, ಶಕತ್‌ಬಿ ಜ಼ಗ್‌ಜ಼ಮಾನಮಾಬಿ ಇನಾಸ್ ರ‍್ಹವಾದೆ ಆಮೆನ್.