ಅಪೊಸ್ತಲರ್‌ನು ಕಾಮ್‌ಖ್ಹಾರು 7:35 - ದೇವ್ನಿ ಖ್ಹಾಚಿ ವಚನ್

³⁵ ಇವ್ಣೆ ಖೆವ ಮೋಶೆನ ನಕೊಕರಿ ಝಿಟ್ಕಾರಿನ್, ‘ತುನ ಅದಿಕಾರಿ ಕರೀನ್‌ಬಿ, ನ್ಯಾವ್ಣೊ ಕರೀನ್‌ಬಿ ಮ್ಹೇಲ್ಯುತೆ ಕೋಣ್‌?’ ಕರಿ ಕಿನೆ ಬೋಲ್ಯುಕಿ, ಇನಾಸ್ ದೇವ್ನೆ ಡಾಗ್‌ಮ ದೆಖೈನ್ ದೂತಾಥಿ ಅದಿಕಾರಿಬಿ, ಛುಟ್ಕಾರ್‌ ಕರಾವಾಳನಬಿ ನೇಮಕ್‌ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:35 ပူးပေါင်းရင်းမြစ်များ

ಮಾರ್ಕ 12:26

ಕತೋಬಿ ‘ಮರವಾಳು ಜಿವ್ತುಹುಯಿನ್ ಉಟ್‍ಶೇತೆ’ ಇನಿ ಬಾರೇಮ ಬೋಲ್‌ನು ಕತೊ, ‘ಮೇ ಅಬ್ರಹಾಮ್‌ನೊ ದೇವ್, ಇಸಾಕನೊ ದೇವ್, ಯಾಕೋಬನೊ ದೇವ್’ ಕರಿ ದೇವ್ನೆ ಮೋಶೆನ ಬೋಲ್ಯೊತೆ ಇನ ಮೋಶೇನು ಪುಸ್ತಕ್‌ಮ ಆಗ್‍ನಿ ಡಾಗ್‌ನಿ ಬಾರೇಮ ಛಾ಼ತೆ ವಚನ್ನು ಭಾಗ್‌ಮ ಪಢಿರಾಖ್ಯಕೊಯ್ನಿಕಿ ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:14

ಕತೋಬಿ ಇನು ಶೊಂತ್‌ ಖ್ಹಯೇರ‍್ನು ಅದ್ಮಿ ಇನಾಪರ್‌ ದಾವೊ ಕರೀನ್, ಇನ ಪೀಠೆ ಖಬರ್ ದ್ಯವಾಳಾನ ಮೋಕ್ಲಿನ್, “ಆ ಹಮಾರಪರ್‌ ರಾಜ಼್‌ಭಾರ್‌ ಚ಼ಲಾವಾನು ಹಮೂನ ಅಛ್ಛು಼ ಲಾಗಕೊಯ್ನಿ” ಕರಿ ಇನ ಬೋಲ್ಯು.‌

ಯೋಹಾನ 18:40

ತದೆ ಇವ್ಣೆ, “ಅನ ನಕೊ! ಬರಬ್ಬನಾಸ್ ಮ್ಹೇಲಿದೆ!” ಕರಿ ಚಿಕ್ರಿನ್ ಬೋಲ್ಯು. ಆ ಬರಬ್ಬ ಏಕ್‌ ಢಾಕು ಹುಯಿರ‍್ಹೋಥೊ.

ಯೋಹಾನ 19:15

ಇವ್ಣೆ, “ಇನ ಮರೈನಾಕ್‌! ಇನ ಮರೈನಾಕ್‌! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್‌ರ‍್ಯು. ಅಜು಼ ಪಿಲಾತನೆ ಯೆಹೂದ್ಯರ್‌ನ, “ತುಮಾರ ರಾಜಾ಼ನ ಶಿಲ್‌ಬೆಪರ್ ನಖಾವ್ಣು ಕಿಶು?” ಕರಿ ಬೋಲಾನಿ ವಖ್ಹ್‌ತೆ ಮಹಾಯಾಜಕರ‍್ನೆ ಹಮೂನ ಕೈಸರ್ ಮ್ಹೇಲಿನ್ ಬಿಜೊ಼ ರಾಜ಼ ಕೊಯ್ನಿ ಕರಿ ಜ಼ವಾಬ್ ದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:36

ಇನಖ್ಹಾಜೆ ತುಮೆ ಶಿಲ್‌ಬೆಪರ್ ಛ಼ಡಾಯತೆ ಆ ಯೇಸುನಾಸ್ ದೇವ್ನೆ ಪ್ರಭುಕರೀಬಿ ಕ್ರಿಸ್ತಕರೀಬಿ ಹುಯಿರೊಸ್ ಕರಿ ಇಸ್ರಾಯೇಲ್‌ನ ಖುಮ್‍ವಾಳ ಅಖ್ಖಾನ ಮಾಲುಮ್ ಹುಯಿರ‍್ಹವಾದೆ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:22

ಮೋಶೆನೆ ಬೋಲ್ಯೊತೆ ಶಾತ್‍ಕತೊ, ದೇವ್‍ಹುಯಿರ‍್ಹೋತೆ ಪ್ರಭು ಮಾರಿನಿತರ ತುಮಾರ ಅದ್ಮಿಮಾಸ್ ಏಕ್‌ ಪ್ರವಾದಿನ ತುಮಾರಖ್ಹಾಜೆ ಉಠಾಡ್‍ಶೆ, ಯೋ ಬೋಲ್‍ಶೇತೆ ಅಖ್ಖಿ ವಾತೆನ ತುಮೆ ಖ್ಹಮಜ಼್‌ಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:31

ದೇವ್ ಇನಾಸ್ ಇಸ್ರಾಯೇಲ್ ಅದ್ಮಿನ ಮನ್ ಫರಾವನಾಬಿ, ಪಾಪ್ನ ಕ್ಷಮಾ ಕರಾನಖ್ಹಾಜೆಬಿ, ದೇವ್ನೆ ಇನ ಪ್ರಭು ಕರೀಬಿ ರಕ್ಷಕ್ ಕರೀಬಿ ಇನಿ ಖಾವಿ ಬಾಜು಼ಮ ಬೆಖ್ಹಾಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:30

ಚಾ಼ಳಿಖ್ಹ್ ವರಖ್ಹ್‌ನೊ ಹುಯೊತದೆ ಸೀನಾಯಿ ಪಹಾಡ್ನ ಖನ್ನೆಥೂತೆ ಜ಼ಂಗಳ್‌ನ ಏಕ್‌ ಕಾಟಾನಿ ಡಾಗ್‌ಮ ಆಗ್‍ನಿ ಝ಼ಲ್‌ಪಟ್‌ ಲಾಗುಕರ್ತುಥುತೆ ಇನಾಮ ದೇವ್‌ನೊ ದೂತ ಇನ ದೆಖಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:51

ಸ್ತೆಫನನೆ ಅಮ್‍ ಬೋಲ್ಯೊಕಿ, “ಮೊಂಡಿಹುಯಿರಾತೆ ತುಮೆ ತುಮಾರ ದಿಲ್ನ ದೇವ್ನ ಕೋ ದಿದಾನಿ ಇನ ಕಾನ್‍ಲಗಾಡ್ಯಾಬಿ ಕೊಯ್ನಿ. ಪವಿತ್ರ ಆತ್ಮಾನ ಕಾಮ್ನ ವಿರುದ್ಧಥಿ ಚಾ಼ಲವಾಳ ಹುಯಿರಾಸ್. ತುಮಾರ ಗುರುಗುರಬ್‍ಲ್ಯ ಕಿಮ್‌ಥಾಕಿ ತುಮೇಬಿ ಇಮ್ಮಸ್ ಹುಯಿರಾಸ್.

ಕೊಲೊಸ್ಸೆ 1:15

ಕ್ರಿಸ್ತ ದೇಖಾವಕೊಂತೆ ದೇವ್‌ನೊ ರೂಪ್, ಖ್ಹಾರೀಸ್‍ ಉಬ್‍ಜಾ಼ವ್ಣಿಮ ಫೈಲೋಟೋ ಛಿಯ್ಯೋಬಿ ಹುಯಿರ‍್ಹೋಸ್.

ಇಬ್ರಿ 2:2

ಶನಕತೊ ದೇವ್‌ದೂತರ್‌ಥಿ ಅಪ್ಣ ಗುರುಗುರಬ್‍ಲ್ಯನ ದೆವೈರ‍್ಹೂಸ್ತೆ ಸಂದೇಶ್ ಖ್ಹಾಚು಼ಥು, ಇನಾಬಿ ಭಡಿನ್ ಕರಾನು ಹರೇಕ್ ಗಲ್ತಿ ಅಜು಼ ಕೋಣ್ ವಿಧೇಯ ಕೊಹುಯುನಿಕಿ ನತರ್ ವಿಧೇಯ ಹುಯಿನ್ ಬರಬರ‍್ನಿ ನಿಶತ್ ಲಿದು.

ಪ್ರಕಾಶಿತ್ 15:3

ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.