ಅಪೊಸ್ತಲರ್‌ನು ಕಾಮ್‌ಖ್ಹಾರು 7:3 - ದೇವ್ನಿ ಖ್ಹಾಚಿ ವಚನ್

³ ದೇವ್ನೆ ಇನ ತೂ ‘ತಾರ ದೇಖ್ಹ್‌ನಾಬಿ ಮಾಯಮಾತ್ರನ ಮ್ಹೇಲಿನ್ ಮೇ ವತಾಳುತೆ ದೇಖ್ಹ್‌ನ ನಿಕ್‌ಳಿ ಜಾ಼’ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:3 ပူးပေါင်းရင်းမြစ်များ

ಮತ್ತಾಯ 10:37

ಬಾನ ರ‍್ಹವೊ, ಆಯಾನ ರ‍್ಹವೊ, ಮಾರೇಥಿಬಿ ಜಾ಼ಖ್ಹತ್ ಪ್ಯಾರ್‌ಕರ‍್ಯುತೊ ಮನ ಲ್ಹಾಯೇಕ್‌ನೊ ಕಾಹೆ. ಛಿಯ್ಯಾನ ರ‍್ಹವೊ, ಛೋ಼ರಿನ ರ‍್ಹವೊ ಮಾರೇಥಿಬಿ ಜಾ಼ಖ್ಹತ್ ಪ್ಯಾರ್‌ಕರ‍್ಯುತೊ ಮಾರೊ ಶಿಷ್ಯ ಹುವಾನ ಲ್ಹಾಯಕ್‌ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:33

ಇಮ್ಮಸ್, ತುಮಾರಮ ಕೋಣ್‌ಬಿ ರ‍್ಹವೊ, ಇನಛಾ಼ತೆ ಖ್ಹಾರಸ್ನ ನಾ ಮ್ಹೇಲ್ಯೂತೊ, ಯೋ ಮಾರೊ ಶಿಷ್ಯ ಹುಯಿರ‍್ಹೇವಾನ ಕೋ ಹುವಾನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:4

ಇನಖ್ಹಾಜೆ ಅಬ್ರಹಾಮ್‌ನೆ ಕಲ್ದಿಯ ದೇಖ್ಹ್‌ನ ಮ್ಹೇಲಿನ್ ಖಾರಾನ್‌ಮ ಜಿವ್ಣುಕರಾನ ಗಯೊ; ಅಬ್ರಹಾಮ್‌ನೊ ಬಾ ಮರಾನ ಬಾದ್ಮ ದೇವ್ನೆ ಇನ ಹಮ್ಕೆ ತುಮೆ ಜಿವ್ಣುಕರುಕರಾಸ್ತೆ ಆ ದೇಖ್ಹ್‌ನಾಸ್ ಬೋಲಿಮೋಕ್‌ಲ್ಯೊ.

2 ಕೊರಿಂಥ 6:17

“ಇನಾಖ್ಹಾಜೆ ಅಲ್ಹಾವ್‌ ಅದ್ಮಿವೋನಿ ಬೀಚ್ಮಾಥ ತುಮೆ ಭಾರ್‌ ಆಯಿನ್ ತನಿಯ ಜಿವ್ಣುಕರೊ, ಕಚಿಂಡ್‌ ರ‍್ಹೆಯಿತೆ ಇನ ಛೀಮ್‍ಶುನಕೊ ಕರಿ ಪ್ರಭು ಬೋಲಸ್, ತದೆ ತುಮೂನ ಮಳೈಲಿಶ್.

ಇಬ್ರಿ 11:8

ವಿಶ್ವಾಸ್‌ಥೀಸ್ ದೇವ್ನೆ ವಾಗ್ದಾನ್ ಕರ‍್ಯೊತೆ ದೇಖ್ಹ್‌ನ ಇನೆ ಲೀಲೇವ್ಣುಕರಿ ಅಬ್ರಹಾಮ್‌ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್‌ಥಿ ಲೇವ್ಣುಥೂತೆ ದೇಖ್ಹ್‌ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ.