ಅಪೊಸ್ತಲರ್‌ನು ಕಾಮ್‌ಖ್ಹಾರು 6:7 - ದೇವ್ನಿ ಖ್ಹಾಚಿ ವಚನ್

⁷ ದೇವ್ನಿ ವಚನ್ ಘಣು,ಘಣು, ಅದ್ಮಿಖ್ಹಾರಾನ ಪೋಚ್ಯು. ಯೆರೂಸಲೇಮ್ಮ ಶಿಷ್ಯರ್‌ನಿ ಗಣ್ತಿ ಘಣು ಭಡ್ತುಗಯು. ಯಾಜಕವ್‌ಮಾಬಿ ಘಣು ಅದ್ಮಿ ಯೇಸುನ ವಿಶ್ವಾಸ್‌ಮ ಮಳ್ತುಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:7 ပူးပေါင်းရင်းမြစ်များ

ಮತ್ತಾಯ 19:30

ಕತೋಬಿ ಹಮ್ಕೆ ಅಗಾಡಿ ಛಾ಼ತೆ ಕೈಯೆಕ್ಕಿ ಜ಼ಣು ಪಾಛ಼ಳ್ ಹುಯಿಜಾ಼ಶೆ ಅಜು಼ ಪಾಛ಼ಳ್ ಛಾ಼ತೆ ಕೈಯೆಕ್ಕಿ ಜ಼ಣು ಅಗಾಡಿ ಹುಯಿಜಾ಼ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:34

ಸಿಮೆಯೋನ್ನೆ ಇವ್ಣುನ ಆಶೀರ್ವಾದ್‌ ಕರೀನ್, ಇನಿ ಆಯ ಮರಿಯನ, “ಆ ಲಡ್ಕಾಥಿ ಇಸ್ರಾಯೇಲ್‌ ದೇಖ್ಹ್‌ಮ ಕೈಯೆಕ್ಕಿ ಜ಼ಣು ಪಡಿಜಾ಼ಶೆ ಅಜು಼ ಕೈಯೆಕ್ಕಿ ಉಟ್‌ಶೆ. ಕೈಯೆಕ್ಕಿ ಜ಼ಣು ಅನಿ ವಿರೋದ್ ವಾತೆ ಬೋಲ್‌ಶೇತೇಸ್, ಆ ದೇವ್‍ಥಿ ಆಯೋತೆ ಕರಿ ಬೋಲಾನು ಖ್ಹಣೇದ್ ಹುಯಿರ‍್ಹಿಶೆ.

ಯೋಹಾನ 12:42

ತದೇಬಿ ಘಣು ಯೆಹೂದ್ಯರ್‌ನು ಅದಿಕಾರಿನೆ ಯೇಸುಪರ್‌ ವಿಶ್ವಾಸ್‌ ಕರ‍್ಯು, ಕತೋಬಿ ಸಭೆ ಭರಾವನು ಮಂದಿರ್‌ಮಾಥು ಭಾರ್ ನಾಖಿದಿಶೆ ಕರಿ ಫರಿಸಾಯರ್‌ನ ಡರ್‌ಥಿ, ಅದ್ಮಿನ ಖ್ಹಾಮೆ ಬೋಲಿಲಿದುಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:24

ಕತೋಬಿ ದೇವ್ನಿ ವಚನ್ ಭಡ್ಯು ಅಜು಼ ಜಾ಼ಖ್ಹತ್ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:8

ಕತೋಬಿ ಯೊ ಮಂತ್ರವಾದಿ ಹುಯಿರೋತೆ ಎಲುಮ (ಎಲುಮಕರಿ ನಾಮ್ನೊ ಮಂತ್ರವಾದಿ) ವಿರೋದ್ ಹುಯಿರ‍್ಹೋಥೊ. ರಾಜ್ಯಪಾಲ್‌ನೆ ಕ್ರಿಸ್ತಮ ವಿಶ್ವಾಸ್ ನಾ ಕರ್ನುತೆ ತಿಮ್ ಎಲಿಮನೆ ಕೋಶಿಶ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:20

ಆ ಪರಕ್ಮ ಪ್ರಭುನಿ ವಚನ್ ಭಡ್ತುಜೈ಼ನ್ ಘಣೇಥಿ ಘಣ ಜ಼ಣಾಮ ಫೈಲಾಯು.ಯೊ ಘಣಿ ಶಕತ್ನು ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:47

ಇವ್ಣೆ ದೇವ್ನ ಖ್ಹರವ್‌ಕರ್ತೂಥು. ಅಜು಼ ಅದ್ಮಿಖ್ಹಾರಾನು ದಯಾನ ಲಿಲ್ಯಾವವಾಳ ಹುಯಿರ‍್ಹಾಥ. ಹರೇಕ್ ದನ್‍ಬಿ ಘಣು ಘಣು ಅದ್ಮಿಖ್ಹಾರು ರಕ್ಷಣೆ ಲೇವ್‍ಕರ್ತೂಥು. ಪ್ರಭುನೆ ಇವ್ಣುನ ಅಖ್ಖಾನ ವಿಶ್ವಾಸಿನಿ ಸಭೆಮ ಮಳವ಼್ ಕರ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:20

ಇವ್ಣೆ ಯೋಖ್ಹಾರು ಖ್ಹಮ್‌ಜಿನ್‌ ದೇವ್ನ ಖ್ಹರಾಯು. ತದೆ ಇವ್ಣೆ ಪೌಲನ, “ಭೈ, ಹಜಾ಼ರೊ ಅದ್ಮಿ ಯೆಹೂದ್ಯರ್‌ಖ್ಹಾರು ವಿಶ್ವಾಸಿ ಹುಯಿರ‍್ಹುತೆ ತೂ ದೇಖಾಸ್ನಿ, ಇವ್ಣೆಖ್ಹಾರು ಧರ್ಮಶಾಸ್ತ್ರನ ದಿಲ್‌ಲಗಾಡವಾಳು ಹುಯಿರ‍್ಹುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:1

ಯೋ ದನ್ಮ ಯೇಸುನ ಶಿಷ್ಯರ್‌ನಿ ಗಣ್ತಿ ಜಾ಼ಖ್ಹತ್ ಹೋತು ಆಯು, ಕತೋಬಿ ಯೊ ವಖ್ಹತ್‌ಮ ಗ್ರೀಕ್ ಬೋಲವಾಳ ಯೆಹೂದಿ ಶಿಷ್ಯರ‍್ನೆ, ಇಬ್ರಿಯ ಬೋಲವಾಳ ಯೆಹೂದಿನಿ ಬಾರೇಮ ಹರೇಕ್ ರೋಜ಼್ ಶಿಷ್ಯರ‍್ನ ದೇವ್ಣುಥೂತೆ ತಿನಮಾಥು ಹಮಾರಿ ಮುಂಡಚ್ಚಿಯೆನ ಮಳ್‌ಣುತೆ ಮದತ್ ಬರೋಬರ್‌ಥಿ ಮಳುಕರಕೊಯ್ನಿ ಕರಿ ಭಣ್‌ಕ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:26

ಹಮ್ಕೆ ಯೋ ಖ್ಹಾಚು಼ ಪ್ರವಾದ್‍ನೆನು ನಿಯಮ್‌ಥಿ ಹಮ್ಕೆ ಭಡ್‍ಕೈನ್ ಲೈರಾಖ್ಯುಸ್; ಅಜು಼ ಹರ್‌ಹಮೇಶ ರ‍್ಹವಾಳ ದೇವ್ನಿ ಹುಕುಮ್‌ನಿಮತ್ ಅಖ್ಖಾಸ್ ಜ಼ಗ್‌ಜಾ಼ತ್ನ ಅದ್ಮಿವೋನ ಮಾಲುಮ್‍ಪಡಾನಿ ಘೋಣಿ ಕರಿರಾಖ್ಯುಸ್, ಅಮ್ ವಿಧೇಯ ಹೋಣು ಅಜು಼ ವಿಶ್ವಾಸ್‌ ಕರ‍್ನು.

ಗಲಾತ್ಯ 1:23

ಕತೋಬಿ “ಇವ್ಣೆ ಪಹಿಲೇಸ್ ಏಕ್‌ಹಲ್ಲ ಖ್ಹತಾಪ್ಣಿ ದಿದೊಥೋತೆ ಕತೋಬಿ ಯೊ ನಾಶ್‌ ಕರ್ತೊಥೋತೆ ವಿಶ್ವಾಸ್‌ನಿ ಬಾರೇಮಸ್ ಹಮ್ಕೆ ಅದ್ಮಿಖ್ಹಾರನ ಬೋಲಿವತಾಳುಕರಾಸ್‌” ಕರಿ ಸಮಾಚಾರ‍್ನ ಇವ್ಣೆ ಖ್ಹಮ್‌ಜ್ಯು.

ಗಲಾತ್ಯ 6:10

ಇನಖ್ಹಾಜೆ ವಖ್ಹತ್ ರ‍್ಹವಾನಿಸ್ ವಖ್ಹ್‌ತೆ ಅಖ್ಖಾನ ಅಛ಼್ಛು ಕರಿಯೆ. ವಿಶೇಷ್‌ಥಿ ಎಕ್ಕಸ್ ಘರ್‌ವಾಳನಿತರ ವಿಶ್ವಾಸಿ ಭೈಯೇನ ಕರಿಯೆ.

ಕೊಲೊಸ್ಸೆ 1:6

ತುಮೆ ಖ್ಹಾಚಾಮ ದೇವ್ನಿ ವಾರ್‌ಖ್ಹಾನ ಖ್ಹಮ್‌ಜಿನ್‌ ಮಾಲುಮ್ ಕರಿರಾಖ್ಯಾತೆ ದನ್‌ಥು ತುಮಾರಕನ ಆಯುತೆ ಯೋ ಸುವಾರ್ತೆನ ಜಗತ್‌ಮಖ್ಹಾರು ಫಲ್‍ದಿದೂತೆ ತಿಮ್ಮಸ್ ತುಮಾರಮಾಬಿ ಫಲ್‍ದೀನ್‍ ಭಢುಕರಸ್.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

2 ತಿಮೊ 2:9

ಶನಕತೊ ಮೇ ಅಛ್ಛಿ ಖಬರ್‌ನ ಬೋಲುಸ್ತೆ ಇನಖ್ಹಾಜೇಸ್, ಮೇ ಖ್ಹತುಕರೂಸ್ತೆ ಅಜು಼ ಮನ ಖೈದಿನಿಘೋಣಿ ಖ್ಹಂಕಳ್‌ಥೀಬಿ ಭಾಂದಿರಾಖ್ಯುಸ್. ಕತೋಬಿ ದೇವ್ನಿ ವಚನ್ ಭಂದೈರ‍್ಹಿ ಕೊಯ್ನಿ.

ಇಬ್ರಿ 11:8

ವಿಶ್ವಾಸ್‌ಥೀಸ್ ದೇವ್ನೆ ವಾಗ್ದಾನ್ ಕರ‍್ಯೊತೆ ದೇಖ್ಹ್‌ನ ಇನೆ ಲೀಲೇವ್ಣುಕರಿ ಅಬ್ರಹಾಮ್‌ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್‌ಥಿ ಲೇವ್ಣುಥೂತೆ ದೇಖ್ಹ್‌ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ.

ಇಬ್ರಿ 5:9

ಆ ನಾಹುಯಿನ್ ಇನೆ ಭರ್‌ಪೂರ್‌ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:20

ಕತೋಬಿ ಪ್ಯಾರ್‌ನ ದೋಸ್ತಿವೊ, ತುಮೆ ತುಮಾರು ಘಣು ಪರಿಶುದ್ ಕ್ರಿಸ್ತ ವಿಶ್ವಾಸ್ ಆಧಾರ್ ಕರ‍್ಲಿನ್ ಘಟ್‍ಭೀರ‍್ಹೆವೊ ಅಜು಼ ಪವಿತ್ರಾತ್ಮಥಿ ಭರೈನ್ ಪ್ರಾರ್ಥನೆಕರೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:3

ಮಾರ ಪ್ಯಾರ್‌ವಾಳ, ಅಪ್ಣೆ ಲೀರಾಖ್ಯಾತೆ ರಕ್ಷಣೇನಿ ಬಾರೇಮ ತುಮೂನ ಲಿಖಾನ ಪೂರ ಆಖ್ಹ್‌ಥಿ ಕೋಶಿಶ್ ಕರಾನಿ ವೇಳ್ಮ, ದೇವ್ನ ಅದ್ಮಿವೋನ ಹರ್‌ಹಮೇಶ ರ‍್ಹವಾನಿಘೋಣಿ ಎಕ್ಕಸ್‍ಹಲ್ಲ ದೆವೈರ‍್ಹೀತೆ ಭರೋಖ್ಹಾನ ಬಚಾ಼ಡಿಲ್ಯವಾನಖ್ಹಾಜೆ, ತುಮೆ ಕರ್ತರ‍್ಹೇಣುಕರಿ ಝೇತೈನ್ ಲೀಖಾನು ಅಛ್ಛು಼ಕರಿ ಮನ ಬೋಲಾಯು.