ಅಪೊಸ್ತಲರ್‌ನು ಕಾಮ್‌ಖ್ಹಾರು 6:6 - ದೇವ್ನಿ ಖ್ಹಾಚಿ ವಚನ್

⁶ ಅಪೊಸ್ತಲರ‍್ನೆ ಇವ್ಣಾಪರ್ ಹಾತ್‍ ಮ್ಹೇಲಿನ್ ಪ್ರಾರ್ಥನೆ ಕರೀನ್ ಯೊ ಕಾಮ್ನಖ್ಹಾಜೆ ಇವ್ಣುನ ಖ್ಹಣೇದ್‌ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:6 ပူးပေါင်းရင်းမြစ်များ

ಮಾರ್ಕ 5:23

“ಮಾರಿ ಅಡ್ಡಾಣಿ ಛೋ಼ಕ್ರಿ ಮರ್‌ವಾನ ಆಯಿ; ಯೊ ಅಛ್ಛಿಹುಯಿನ್ ಬಚಾ಼ನಖ್ಹಾಜೆ ದಯಕರಿನ್ ತೂ ಐನ್‌ ಇನಾಪರ್‌ ಹಾತ್‌ ಮ್ಹೇಲ್‌, ಕರಿ ಯೇಸುನ ಘಣು ಗಿಂಗೈಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:24

ತದೆ ಇವ್ಣೆಅಮ್‍ ಪ್ರಾರ್ಥನೆ ಕರ‍್ಯುಕೀ, “ಪ್ರಭು, ತೂ ಅಖ್ಖಾನ ದಿಲ್‌ನೊಮಾಯಿನೊ ಮಾಲುಮ್ ಕರಿರಾಖ್ಯೊಸ್. ಆ ಬೇಜ಼ಣಾಮ ತೂ ಕಿನ ಚೂ಼ಣಿರಾಖ್ಯೊಸ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:3

ಇನಖ್ಹಾಜೆ ಸಬೆವಾಳು ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರಿನ್ ಬಾರ್ನಬ ಸೌಲನ ಉಪ್ಪರ್ ಹಾತ್‍ಮ್ಹೇಲಿನ್‍ ಇವ್ಣುನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:6

ಪೌಲನೆ ಇವ್ಣಪರ್ ಹಾತ್‍ಮ್ಹೇಲಾಮ ಪವಿತ್ರಾತ್ಮ ಇವ್ಣಪರ್ ಉತ್ರಿನ್ ಆಯೊ. ಇವ್ಣೆ ಕೈಏಕ್ ಥರಾನಿ ಬೋಲಿನಬೋಲಲಗ್ಯು, ಪ್ರವಾದ್‌ನೆಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:17

ಯೋ ಬೇ ಅಪೊಸ್ತಲರ‍್ನೆ ಇವ್ಣಪರ್ ಹಾತ್ ಮ್ಹೇಲಾಖ್ಹತರ್‌ ಇವ್ಣೆ ಪವಿತ್ರಾತ್ಮನ ಲೀಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:12

ಸೌಲನೆ ಏಕ್‌ ದರ್ಶನ್ ದೇಖ್ಯೊ. ಅನನೀಯಕರಿ ಏಕ್‍ಜ಼ಣೊ ಆವ್‌ಶೆ ಇನ ಪಾಛು಼ ಡೋಳ ದೇಖಾವನಿತರ ಇನ ಉಪ್ಪರ್ ಹಾತ್‍ ಮ್ಹೆಲಾಖ್ಹತರ್ ಇನೆ ದೇಖ್ಯೊ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:17

ತದೆ ಅನನೀಯ ಚಾ಼ಲ್ತೊ ಯೊ ಘರ್‌ಮ ಜೈ಼ನ್ ಇನಾಪರ್ ಇನೊ ಹಾತ್‍ ಮ್ಹೇಲಿನ್, “ಮಾರೊ ಭೈ ಸೌಲ, ತೂ ಆವಾನಿ ವಾಟ್ಮ ತುನ ದೆಖಾಯೊತೆ ಪ್ರಭು ಯೇಸು ತುನ ಪಾಛು಼ ಡೋಳೊ ದೆಖಾವಾನಿಘೊಣಿಬಿ, ತು ಪವಿತ್ರಾತ್ಮಾಥಿ ಭರಾವ್ಣು ಕರೀಬಿ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ.

1 ತಿಮೊ 4:14

ತುನ ಮಳಿರ‍್ಹೀತೆ ಕೃಪೆನ ಝಿಟ್ಕಾರ್‌ ನಕೊ, ಯೋ ವರ ಸಬೇನು ಘಲ್ಡುಖ್ಹಾರು ಪ್ರವಾದನೇನಿ ಜೋಡ್ಮ ತಾರಪರ್ ಹಾತ್ ಮ್ಹೇಲಾಥಿ ಯೋ ತುನ ಮಳಿರ‍್ಹೂಸ್‌.

1 ತಿಮೊ 5:22

ಉತ್ವಾಳಿಥಿ ಕಿನ ಮಾಥಪರ್‌ಬಿ ಹಾತ್‌ ಮ್ಹೇಲಿನ್, ಪ್ರಭುನಿ ಸೇವೇನ ನೇಮಕ್ ನಕೊ ಕರೀಶ್. ಇಮ್‌ ನೇಮಕ್ ಕರ‍್ಯೊತೊ ಇವ್ಣ ಪಾಪ್‌ಮ ತೂಬಿ ಭಾಗ್‌ವಾಳೊ ಹುಯಿಜೈ಼ಶ್. ತಾರು ತೂ ಪಾಕ್‌ಥಿ ರ‍್ಹವಾನಿಘೋಣಿ ದೇಖಿಲೆ.

2 ತಿಮೊ 1:6

ಅನಖ್ಹಾಜೆಸ್ ದೇವ್ನೆ ತುನ ದಿದೋತೆ ಯೋ ವರದಾನ್ ದೀವಾನಿತರ ಖ್ಹಲಗ್‌ತು ರ‍್ಹವಾದೆ ಅಜು಼ ಮೇ ತಾರಪರ್ ಹಾತ್ ಮ್ಹೇಲ್ಯೊಥೋತೆ ತದೆ ಯೋ ತುನ ಮಳ್ಯು.

ಇಬ್ರಿ 6:2

ಬ್ಯಾಪ್ತಿಸ್ಮನಿ ಬಾರೇಮ ಬೋಲ್ನುಕತೊ, ಹಾತ್‍ಮ್ಹೇಲಾನುಬಿ, ಪಾಛು಼ಜಿವ್ತು ಹುವಾನುಬಿ ಅಜು಼ ಹರ್‌ಹಮೇಶಾನು ನ್ಯಾಯತೀರ್ಪ್‌ನ ಬಾರೇಮ ತುಮುನ ಖ್ಹಮ್‌ಜಾ಼ಡೈರ‍್ಹುಸ್.