ಅಪೊಸ್ತಲರ್‌ನು ಕಾಮ್‌ಖ್ಹಾರು 6:3 - ದೇವ್ನಿ ಖ್ಹಾಚಿ ವಚನ್

³ ಇನಖ್ಹಾಜೆ ಭೈಯೇವೊ ತುಮಾರಮ ಸಾಕ್ಷಿಥಿ ಜಿವವಾಳ ಖ್ಹಾತ್ ಜ಼ಣಾನ ಚೂ಼ಣಿಲೇವೊ. ಇವ್ಣೆ ಅದ್ಮಿಮ ಪವಿತ್ರಾತ್ಮಥಿ ಭರೈರ‍್ಹವಾಳ ಹುಯಿರ‍್ಹೇಣು ಅಜು಼ ಅಕ್ಲಿ ಹುಯಿರ‍್ಹೇಣು,ಇವ್ಣುನ ಹಮೆ ಆ ಕಾಮ್ ದಿಯೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:3 ပူးပေါင်းရင်းမြစ်များ

ಮತ್ತಾಯ 23:8

ಕತೋಬಿ ತುಮೆ ಗುರು ಕರಿ ನಕೊ ಬೋಲೈಲಿಶು; ಶನಕತೊ ಕ್ರಿಸ್ತ ಎಕ್ಕಸ್‍ಜ಼ಣೊ ತುಮೂನಛಾ಼ತೆ ಗುರು ಅಜು಼ ತುಮೆಖ್ಹಾರು ಭೈಯೇ ಭೇನೆನಿಘೋಣಿ ಹುಯಿರ‍್ಹಾಸ್.

ಯೋಹಾನ 21:23

ಅನೇಥಿ ಯೋ ಶಿಷ್ಯ ಮರ್‌ಶೆಕೊಯ್ನಿ ಕರಿ ಬೋಲಾನಿ ವಾತೆ ಯೇಸುನ ಭೈಯೇವ್‌ಮ ಫೈಲಿಗಯು. ಯೋ ಮರ್‌ಶೆಕೊಯ್ನಿ. ಕತೋಬಿ ಯೇಸುನೆ ಇನ ಬೋಲ್ಯೊಕೊಯ್ನಿ, “ಮೇ ಆವಾತೋಡಿ, ಯೋ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌?” ಕರೀಶ್ ಯೇಸುನೆ ಬೋಲ್ಯೊತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:15

ಥೋಡದನ್ ಬಾದ್‌ಮ, ವಿಶ್ವಾಸಿಮ ಖ್ಹುಮಾರ್ ಏಕ್‌ಖ್ಹೊ ವೀಖ್ಹ್‌ ಜ಼ಣು ಸಭೆಮ ಮಳೀನ್‍ ಅಯಿರ‍್ಹವಾಮ, ಪೇತ್ರನೆ ಬೀಚ್ಮ ಉಠಿ ಭೀರಿನ್:

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:21

“ಇನಖ್ಹಾಜೆ ಅಲಕ್ ಏಕ್‍ಜ಼ಣೊ ಅಪ್ಣಿಜೋ಼ಡ್ಮ ಮಳಿನ್ ಪ್ರಭು ಯೇಸು ಮರೀನ್ ಜಿವ್‍ಯೊತೆ ಇನ ಸಾಕ್ಷಿಹುಯಿರೇಣು. ಎಥ್ರಾನವಾಳೊ ಯೇಸು ಫರೀನ್ ಸೇವೆಕರಾನಿ ಅಖ್ಖಿವಖ್ಹ್‌ತೆ ಅಪ್ಣ ಟೋಳ್‍ವಾಳಾಮ ರ‍್ಹವವಾಳೊ ಹುಯಿರೇಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:22

ತದೆ ಇವ್ಣೆ, “ಕೊರ್ನೆಲ್ಯಕರಿ ಖ್ಹೋಶಿಪಾಯಿನೊ ಮೋಟೊ ಛಾ಼. ಯೋ ನೀತಿಮ ಚಾ಼ಲವಾಳೊ; ದೇವ್‍ಥಿ ಡರಾವಾಳೊ ಅಜು಼ ಯೆಹೂದ್ಯರ‍್ನು ಅದ್ಮಿ ಖ್ಹಾರು ಇನ ಮರ್ಯಾದಿ ದೇಸ್. ತುನ ಇನ ಘರೆ ಬುಲೈನ್ ತೂ ಬೋಲಾನಿ ವಾತೇನ ಖ್ಹಮಜ಼್‌ಣುಕರಿ ದೇವ್‌ನೊ ದೂತಥಿ ಕೊರ್ನೆಲ್ಯನ ಬೋಲಿರಾಖ್ಯೊಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:23

ಇವ್ಣ ಹಾತ್ಮ ಲೀಖಿನ್ ದೀರಾಖ್ಯುಥೂತೆ ಶಾತ್‍ಕತೊ, ಭಯೇಖ್ಹಾರ ಹುಯಿರಾತೆ ಅಪೊಸ್ತಲರ‍್ನೇಬಿ ಗಲ್‌ಢಖ್ಹಾರಾನೇಬಿ ಅಂತಿಯೋಕ್ಯ, ಸಿರಿಯ, ಕಿಲಿಕ್ಯ ತಬರ್‌ಖಾಸ್‍ಮ ಛಾ಼ತೆ ಯೆಹೂದ್ಯರ್‌ಕಾಹೆತೆ ಭೈಯೇ ಭೇನೇನ ಹಮಾರಿ ಖ್ಹಲಾಮ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:2

ಲುಸ್ತ್ರ ಅಜು಼ ಇಕೋನ್ಯ ಖ್ಹಯೇರ‍್ನು ವಿಶ್ವಾಸಿಖ್ಹಾರು ತಿಮೊಥೆನ ಮರ್ಯಾದಿ ದೇತುಥು. ಅಜು಼ ಇನಿ ಬಾರೇಮ ಅಛ್ಛೂ಼ಸ್ ಬೋಲ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:4

ಇವ್ಣೆಅಖ್ಖು ಪವಿತ್ರಾತ್ಮಥಿ ಭರೈನ್ ಅಲಕ್ ಅಲಕ್ ಬೋಲಿಮ ವಾತೆಬೋಲಲಗ್ಯು. ಪವಿತ್ರಾತ್ಮಸ್ ಇವ್ಣುನ ಆ ಶಕತ್ನ ದಿದೊ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:12

ಹಿಜ್ಜಾ಼ ಧರ್ಮಶಾಸ್ತ್ರನಿ ಬಾರೇಮ ಬರೋಬರ್ ಚಾ಼ಲಿಲ್ಯವಾಳೊ ದೇವ್‌ನೊ ಭಕ್ತಾಬಿ ಯೋ ಝ಼ಗೋನು ಯೆಹೂದ್ಯರ್ ಖ್ಹಾರಾಥಿ ಅಛ್ಛೊ಼ಕರಿ ನಾಮ್ ಕಮಾಯೊಹುಯೊ ಅನನೀಯಕರಿ ಏಕ್‍ಜ಼ಣೊ ಮಾರಕನ ಆಯಿ ಭೀರಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:14

ಹಮೆ ಹಿಜ್ಜಾ಼ ಥೋಡು ವಿಶ್ವಾಸಿವ್‌ನ ದೇಖ್ಯ. ಇವ್ಣಜೋ಼ಡ್ಮ ಖ್ಹಾತ್ ದನ್‌ತೋಬಿ ರ‍್ಹೇವ್ಣುಕರಿ ಬೋಲಿಲಿದು. ಇನಖ್ಹಾಜೆ ಹಮೆ ರೋಮ್‍ನ ಆಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:2

ತದೆ ಭಾರಜ಼ಣ ಅಪೊಸ್ತಲರ್ ಖ್ಹಾರು ಅಖ್ಖಾಸ್ ಶಿಷ್ಯರ್‌ನ ಟೋಳ್ನ ಸಭೆ ಬುಲೈನ್ ಇವ್ಣುನ, “ದೇವ್ನಿ ವಚನ್ ಬೋಧನೆ ಕರಾನು ಅಪ್ಣು ಕಾಮ್. ಕತೋಬಿ ಯೊ ಕಾಮ್ ಭೀರಿಜಾ಼ವಾನು ಬರೋಬರ್ ಕೊಯ್ನಿ; ಅಪ್ಣೆ ಅದ್ಮಿಖ್ಹಾರನ ಖಾವಪೀಯಾನಿ ಮದತ್‌ಥೀಬಿ ದೇವ್ನಿ ವಚನ್ನು ಬೋಧನೆನ ಅಗಾಡಿ ಭಡಾವನು ಅಛ್ಛು಼.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:5

ಆ ವಾತೆ ಅಖ್ಖಾಸ್ ಝೂ಼ಂಡ್‌‍ವಾಳಾನೆ ಅಛ್ಛು಼ಕರಿ ಸೋಚ್ಯು. ಇವ್ಣೆ ಪವಿತ್ರಾತ್ಮಥಿ ಭರಾಯೊಹುಯೊ. ಘಣು ವಿಶ್ವಾಸ್‌ವಾಳೊ ಹುಯಿರ‍್ಹೋತೆ. ಸ್ತೆಫನನಾಬಿ, ಫಿಲಿಪ್, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ, ಯೆಹೂದ್ಯರ್‌ನಿ ಜಾ಼ತ್‌ಮ ಮಳಿರ‍್ಹೋತೆ, ಅಂತಿಯೋಕ್ಯ ಗಾಮ್‌ವಾಳೊ ನಿಕೊಲಾಯ ಕರಿ ಅವ್ಣುನ ಚೂ಼ಣಿನ್ ಅಪೊಸ್ತಲರ‍್ನ ಖ್ಹಾಮ್ಣೆ ಭಿರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:6

ಅಪೊಸ್ತಲರ‍್ನೆ ಇವ್ಣಾಪರ್ ಹಾತ್‍ ಮ್ಹೇಲಿನ್ ಪ್ರಾರ್ಥನೆ ಕರೀನ್ ಯೊ ಕಾಮ್ನಖ್ಹಾಜೆ ಇವ್ಣುನ ಖ್ಹಣೇದ್‌ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:30

ಅನ ಮಾಲುಮ್ ಕರ‍್ಯುತೆ ವಿಶ್ವಾಸಿಖ್ಹಾರು ಇನ ಕೈಸರೈ ಖ್ಹಯೇರ‍್ನ ಬುಲೈಲಿಜೈ಼ನ್ ಹಿಜ್ಜಾ಼ಥು ತಾರ್ಸಸ್‍ ಖ್ಹಯೇರ‍್ನ ಮೋಕ್ಲಿದಿದು.

1 ಕೊರಿಂಥ 12:8

ಕಿಮ್‌ಕತೊ,ಪವಿತ್ರಾತ್ಮ ಏಕ್‍ಜ಼ಣಾನ ಗ್ಯಾನ್‌ಥಿ ಭರೈರ‍್ಹಾವನಿ ಸಂದೇಶ್‌ಬಿ ಬಿಜೇಕ್ ಜ಼ಣಾನ ಅಕ್ಕಲ್‍ಥಿ ಭರೈರ‍್ಹಾವನಿ ಸಂದೇಶ್‌ಬಿ ದೇಸ್.

1 ಕೊರಿಂಥ 16:3

ಮೇ ತುಮಾರಕನ ಆವಾದಿನ್ ತುಮೆ ಕಿನ ಪರ್ಖಿನ್ ನಿಯತ್‌ವಾಳೊ ವತಾಳಸ್ಕಿ ಇವ್ಣುನ ಚಿಟ್ಟಿದೀನ್ ತುಮಾರು ಇನಾಮ್ನ ಲೀನ್ ಯೆರೂಸಲೇಮ್ನ ಜಾ಼ವ್ಣುಕರಿ ಮೋಕ್ಲುಸ್‌.

ಎಫೆಸ 5:18

ದ್ರಾಕ್ಷಿನೊರಖ್ಹ್ ಪೀನ್ ಕಯೇಪ್ ನಕೊ ಛ಼ಡೈಲೆವೊ. ಇನೇಥಿ ಪಾಪ್ ಕರಾನ ಝ಼ಗೊ ಮಳಾಸ್, ಕತೋಬಿ ಪವಿತ್ರಾತ್ಮಥಿ ಭರೈನ್,

1 ತಿಮೊ 5:10

ಅಜು಼ ಇನು ಗುಣ್ ಅಛ್ಛು಼ ಕಾಮ್ ಕರಾಮಸ್ ರ‍್ಹೇಣು. ಅಜು಼ ಇನ ಲಡ್ಕಾವ್ನ ಅಛ್ಛಿನಿತರ ಪಾಳಿರಾಕ್ಣು, ಘರ್‌ಕನ ಆವವಾಳಾನ ಸ್ವಾಗತ್ ಕರಾವಾಳಿ ಹುಯಿರ‍್ಹೇಣು. ಬಿಜು಼ ರ‍್ಹೇಸ್ತೆ ವಿಶ್ವಾಸಿನಿ ಜೋ಼ಡ್ಮ ಧೋಬೆಡಿನಿತ್ರ ಚಾ಼ಲಿಲೇವ್ಣು. ಖ್ಹತಾಪ್ಣಿಮ ರ‍್ಹೇಸ್ತೆ ಅದ್ಮಿವ್‌ನ ಮದತ್ ಕರಾವಾಳಿ ಹುಯಿರ‍್ಹೇಣು. ಅಜು಼ ಅಛ್ಛು಼ಕಾಮ್ನ ಸಮರ್ಪಣ್‌ ಕರಿರಾಖವಾಳಿ ಹುಯಿರ‍್ಹೇಣು.

ಯಾಕೋಬ 1:17

ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್‌ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್‍ಪ್ಲಾಟಿನೊ ಖ್ಹಾಯಲ್‍ನೋಬಿ ಕಾಹೆ.

3 ಯೋಹಾ 1:12

ದೆಮೇತ್ರಿಯನಿ ಬಾರೇಮ ಅಖ್ಖುಜ಼ಣು ಅಛ್ಛೊ಼ಸ್‌ಕರಿ ಬೋಲಸ್. ಸಾಕ್ಷಿಬಿ ಲೀರಾಖ್ಯೊಸ್. ಎತ್ರೇಸ್‌ಕೊಂತೆ ಹಮೆ ಇನಿ ಬಾರೇಮ ಸಾಕ್ಷಿ ಬೋಲ್‍ಯೇಸ್; ಹಮಾರಿ ಸಾಕ್ಷಿ ಖ್ಹಾಚು಼ಕರಿ ತುನ ಮಾಲುಮ್ ಛಾ಼.