ಅಪೊಸ್ತಲರ್‌ನು ಕಾಮ್‌ಖ್ಹಾರು 5:31 - ದೇವ್ನಿ ಖ್ಹಾಚಿ ವಚನ್

³¹ ದೇವ್ ಇನಾಸ್ ಇಸ್ರಾಯೇಲ್ ಅದ್ಮಿನ ಮನ್ ಫರಾವನಾಬಿ, ಪಾಪ್ನ ಕ್ಷಮಾ ಕರಾನಖ್ಹಾಜೆಬಿ, ದೇವ್ನೆ ಇನ ಪ್ರಭು ಕರೀಬಿ ರಕ್ಷಕ್ ಕರೀಬಿ ಇನಿ ಖಾವಿ ಬಾಜು಼ಮ ಬೆಖ್ಹಾಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:31 ပူးပေါင်းရင်းမြစ်များ

ಮತ್ತಾಯ 1:21

ಯೋ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣ್‌ಶೆ, ತೂ ಇನ ಯೇಸುಕರಿ ನಾಮ್ ಮ್ಹೇಲ್ನು. ಶನಕತೊ, ಯೋ ಇನ ಅದ್ಮಿಯೇವ್ನ ಪಾಪ್‌ಮಾಥು ಬಚಾ಼ವ್‍ಶೆ” ಕರಿ ಬೋಲ್ಯೊ.

ಮತ್ತಾಯ 28:18

ಯೇಸು ಇವ್ಣ ಖನ್ನೆ ಆಯಿನ್, “ಸೊರ್ಗಾಮಾಬಿ, ಧರ್ತಿಪರ್‌ಬಿ ಖ್ಹಾರೀಸ್‍ ಅದಿಕಾರ್ ಮನ ದೆವೈರ‍್ಹೀಸ್.

ಮಾರ್ಕ 2:10

ಕತೋಬಿ ಮೇ ತುಮೂನ ಅದ್ಮಿನೊ ಛಿಯ್ಯಾನ ಜ಼ಮೀನ್‌ಪರ್ ಪಾಪ್‌ಖ್ಹಾರು ಮಾಪ್‌ಕರಾನ ಹಕ್‌ ಛಾ಼, ಕರಿ ವತಾಳುಸ್‌” ಅಮ್ ಬೋಲಿನ್ ಯೋ ಲಕ್‌ವೊ ಮಾರಿರಾಖವಾಳ ಭಣಿ ದೇಖಿನ್,

ಮಾರ್ಕ 4:12

ಶನಕತೊ, ‘ಇವ್ಣೆ ಡೋಳೆಖ್ಹು ದೇಖ್ಯುತೋಬಿ ದೆಖಾವ್ಣು ನಾ; ಕಾನ್‍ಥಿ ಖ್ಹಮ್‌ಜುತೋಬಿ ಪರಖ್‌ಣು ನಾ. ಇಮ್‌ ಕಾಯಿತೋಬಿ ದೇಖಿ, ಪರ್ಖಿಲಿದುತೊ, ಇವ್ಣೆ ದೇವ್ ಭಣಿ ಫರಿಜಾ಼ಶೆ, ಅಜು಼ ದೇವ್ ಇವ್ಣುನ ಮಾಪ್‌ ಕರಿನಾಕ್‌ಶೆ ಕರೀಸ್, ಯೋ ಖ್ಹಾರಿ ಖ್ಹಾಚಿ ಲಪಡೈರ‍್ಹೀಸ್’.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:11

ಯೋ ಶಾತ್‌ಕತೊ, ಆಜ಼್ ದಾವೀದ್‌ನ ನಂಗರ್‌ಮ ತುಮಾರಖ್ಹಾಜೆ ಏಕ್‌ ರಕ್ಷಕ್ ಪೈದಾ ಹುಯಿರ‍್ಹೋಸ್, ಯೋ ಕೋಣ್‌ಕತೊ ಪ್ರಭು ಹುಯಿರ‍್ಹೋತೆ ಕ್ರಿಸ್ತ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಯೋಹಾನ 4:42

ಇವ್ಣೆ ಯೊ ತಯೇಡಾನ, ಹಮೆ ಇನ ನಂಬ್ಯಾತೆ ಅಜೂ಼ಬಿ ತಾರಿ ವಾತ್ನ ಉಪ್ಪರ್ ಕಾಹೆ. ಹಮೇಸ್ ಕಾನ್‍ಥಿ ಖ್ಹಮ್‌ಜಿನ್‌ ಇನ ಯೋಸ್ ಖ್ಹಾಚೇಥಿ ಜಗತ್ನ ಬಚಾ಼ಡವಾಳೊಕರಿ ಮಾಲುಮ್ ಕರಿರಾಖ್ಯಾಸ್ ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:18

ಆ ವಾತೆನ ಇವ್ಣೆ ಖ್ಹಮ್‌ಜಿನ್‌ ಝಿಟ್ಕಾರ್‌ ಕರಾನು ಮ್ಹೆಂದಿನ್; ಇಮ್‍ಕತೊ ದೇವ್ ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ಜಾನ್‍ದೇವ್ಣುಕರಿ ಇವ್ಣ ದಿಲ್ನ ಇನಾಭಣಿ ಫರಾಯೊ ಕರಿ ದೇವ್ನ ಖ್ಹರಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:23

ದೇವ್ ಇನಿ ವಾಗ್ದಾನಿಘೋಣಿಸ್ ದಾವೀದ್‍ನಿ ಖಾನ್‍ದಾನ್‍ಮಾಥು ಏಕ್‍ಜ಼ಣಾನ ಇಸ್ರಾಯೇಲ್‍ವಾಳನೊ ರಕ್ಷಕ್ ಕರಿ ಮೋಕ್ಲಿರಾಖ್ಯೊಸ್, ಯೋಸ್ ಯೇಸು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:33

ಯೇಸು ಸೊರ್ಗನ ಪಡೈಗೊ. ಹಮ್ಕೆ ಯೇಸು ದೇವ್ನಿ ಜೋ಼ಡ್ಮ ಛಾ಼. ದೇವ್ನಿ ಖಾವಿ ಬಾಜು಼ಮ ಛಾ಼. ಹಮ್ಕೆ ಬಾ ಹುಯಿರೋತೆ ದೇವ್ ಪವಿತ್ರಾತ್ಮನ ಯೇಸುನ ದೀರಾಖ್ಯೊಸ್. ಪವಿತ್ರಾತ್ಮನ ದೇವುಸ್ ಕರಿ ದೇವ್ನೆ ವಾಗ್ದಾನ್ ಕರಿರಾಖ್ಯೊಥೊ. ಇನಖ್ಹಾಜೆ ಯೇಸು ಹಮ್ಕೆ ಯೊ ಪವಿತ್ರಾತ್ಮನ ರಂಚಿರಾಖ್ಯೊಸ್. ತುಮೆ ದೇಖುಕರಾತೆ ಅಜು಼ ಖ್ಹಮ್‌ಜು಼ಕರಾತೆ ಅನಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:36

ಇನಖ್ಹಾಜೆ ತುಮೆ ಶಿಲ್‌ಬೆಪರ್ ಛ಼ಡಾಯತೆ ಆ ಯೇಸುನಾಸ್ ದೇವ್ನೆ ಪ್ರಭುಕರೀಬಿ ಕ್ರಿಸ್ತಕರೀಬಿ ಹುಯಿರೊಸ್ ಕರಿ ಇಸ್ರಾಯೇಲ್‌ನ ಖುಮ್‍ವಾಳ ಅಖ್ಖಾನ ಮಾಲುಮ್ ಹುಯಿರ‍್ಹವಾದೆ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:38

ಪೇತ್ರನೆ ಇವ್ಣುನ ತುಮಾರಮ ಹರೇಕ್‍ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್‍ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:15

ಅಮ್ ತುಮೆ ಜಾನ್‍ದೇವಳಾನಸ್ ಮರೈನಾಖ್ಯ. ಕತೋಬಿ ದೇವ್ನೆ ಇನ ಮರ‍್ಯಾಹುಯಾಮಾಥು ಉಠಾಡ್ಯೊ; ಅನಿ ಬಾರೇಮ ಹಮೇಸ್ ಸಾಕ್ಷಿಖ್ಹಾರು ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:26

ದೇವ್ ಪಹಿಲೆ ತುಮಾರಖ್ಹಾಜೇಸ್ ಇನ ಸೇವಕ್‌ನ ಮರಣ್‌ಥು ಉಠಾಡಿನ್ ತುಮಾರಕನ ಮೋಕ್‌ಲ್ಯೊ. ತುಮೂನ ಆಶೀರ್ವಾದ್‌ ಕರಾನಖ್ಹಾಜೆ ದೇವ್ನೆ ಯೇಸುನ ಮೋಕ್‌ಲ್ಯೊ. ಯೋ ತುಮಾರಮ ಹರೇಕ್ ಜ಼ಣಾನಾಬಿ ಇವ್ಣಿ ಇವ್ಣಿ ಖರಾಬ್ ವಾಟ್‍ಥಿ ದೂರ್ ಕರೀನ್ ಆಶೀರ್ವಾದ್‌ ಕರ್ಶೆ.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:11

‘ಘರ್ ಭಾಂದಾವಾಳ ಹುಯಿರ‍್ಹಾತೆ ತುಮೆ ನಕೊಕರಿ ಮ್ಹೆಂದಿದಾತೆ ಯೊ ಬಂಡೋಸ್ ಯೇಸು. ಯೋಸ್ ಮುಖ್ಯ ಹುಯಿರ‍್ಹುತೆ ಕೋಣಾನೊ ಬಂಡೊ ಹುಯಿಗಯೊ’.

2 ಕೊರಿಂಥ 2:10

ತುಮೆ ಕಿನ ಮಾಪ್ ಕರೋಸ್ಕಿ ಮೇಬಿ ಇವ್ಣುನ ಕ್ಷಮಾಪಣ್ ಕರುಸ್. ತುಮಾರ ಖ್ಹಾಜೆಸ್ ಇನ ಕ್ರಿಸ್ತನ ಖ್ಹಾಮ್ಣೆ ಕ್ಷಮಾಪಣ್ ಕರುಸ್.

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಫಿಲಿಪ್ಪಿ 3:20

ಅಪ್ಣೆತೋಬಿ ಸೊರ್ಗಾನ ಪ್ರಜೆ ಹುಯಿರಾಸ್, ಅಪ್ಣೊ ಬಚಾ಼ಡವಾಳೊ ಪ್ರಭು ಯೇಸು ಕ್ರಿಸ್ತಸ್ ಹಿಜ಼್ಜಾಥೊ ಆವಾನು ಮ್ಹೋರೆ ದೇಖುಕರೆಸ್.

ಕೊಲೊಸ್ಸೆ 1:14

ಆ ಛಿಯ್ಯಾಥಿ ಅಪ್ಣ ಪಾಪ್ನ ಮಾಪಿ ಮಳ್ಯು. ಛುಟ್ಕಾರ್‌ಹುಯು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:4

ವಿಶ್ವಾಸ್‌ಮ ಮಾರ ಖ್ಹಾಚ ಛಿಯ್ಯಾನಿಮತ್ ಛಾ಼ತೆ ತೀತನ ಮೇ ಆ ಲೀಖುಕರುಸ್ತೆ. ಅಪ್ಣೊ ಬಾ ಹುಯಿರ‍್ಹೋತೆ ದೇವ್‍ಥಿ ಅಜು಼ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ಕ್ರಿಸ್ತ ಯೇಸುಥಿ ತುನ ವಾರ್‌ಖ್ಹೊ ಅಜು಼ ಶಾಂತಿ ಮಳಾದೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:10

ಇವ್ಣ ಯಜಮಾನ್ನ ಫರೈವಾತೆ ನಾಬೋಲ್ನುತೆ, ಶಾತ್ಬಿ ಚೋ಼ರಿ ನಾ ಕರ್ನುತೆ, ಇವ್ಣೆ ಅಛ್ಛಿ ವಿಶ್ವಾಸ್ನಕರಿ ವತಾಳ್ಣು. ಅನೇಥಿ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ದೇವ್ನಿ ಬೋಧನೆನ ಅಖ್ಖೀಸ್ ಪರಕ್ಮ ಗೌರವ್ ಮಳಾನಿಘೊಣಿ ಚಾ಼ಲಿಲೇವ್ಣು ಕರಿ ಇವ್ಣುನ ಬೋಲ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

ಇಬ್ರಿ 2:10

ಹರೇಕ್‌ಬಿ ಕಿನಖ್ಹಾಜೆ ಕಿನೇಥಿ ಬಣ್ಯುಕಿ. ಯೊ ಘಣು ಜ಼ಣು ಛಿಯ್ಯಾವ್‍ನ ಮಹಿಮೆನ ಮಳಾವನಖ್ಹಾಜೆ; ಇವ್ಣ ಬಚಾ಼ಡವಾಳ ಮೋಟಾನ ಖ್ಹತಾವಥಿ ರಕ್ಷಣೆಲ್ಯವಾನು ಬರಬರಸ್.

1 ಪೇತ್ರ 3:22

ಹಮ್ಕೆ ಯೇಸು ಪರ್‌ಲೋಕ್ನ ಜೈ಼ನ್ ದೇವ್ನ ಖಾವಿಬಾಜು಼ಮ ಬೇಠೋಸ್. ಖ್ಹಾರುಸ್ ದೇವ್‌ದೂತರ್‌ಬಿ ಪರಲೋಕ್ನು ಅದಿಕಾರಿಖ್ಹಾರು ಅಜು಼ ಶಕತ್‍ಖ್ಹಾರನ ಉಪ್ಪರ್ ಯೊ ರಾಜ಼್‌ಭಾರ್ ಚ಼ಲವ್‍ಕರಸ್.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

2 ಪೇತ್ರ 1:11

ಅನೇಥಿ ಅಪ್ಣೊ ಪ್ರಭು ಅಜು಼ ರಕ್ಷಕ್ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಹಮೇಶಾನ ರಾಜ್ಯಮ ಜಾ಼ವಾನಿಮತ್‌, ತುಮುನ ಅರಾಮ್‌ಥಿ ಜಾ಼ವಖ್ಹರ್ಕು ಉಷೆ.

2 ಪೇತ್ರ 2:20

ಪ್ರಭುಬಿ ರಕ್ಷಕ್‍ಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನಿ ಗ್ಯಾನ್‌ಥಿ ಲೋಕ್‌ನು ಕಚಿಂಡ್‍ಮಾಥು ಛು಼ಕೈಗಯುಹುಯು ಫಾಚು಼ಪರಿನ್ ಯೋ ಅಖ್ಖಾಮ ಖ್ಹಪ್‍ಡಿನ್ ಹರಿಗಯೂತೊ, ಇನಿ ಖ್ಹರ್ತಿನಿ ಹಾಲತ್ ಪಹಿಲೆಥೀಬಿ ಖರಾಬ್ ಹುಯಿಜಾಶೆ.

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.

1 ಯೋಹಾನ 4:14

ಬಾನೆ ಇನ ಛಿಯ್ಯಾನ ಜಗತ್ನೊ ರಕ್ಷಕ್ ಕರೀನ್ ಮೋಕ್ಲಿರಾಖ್ಯೊತೆ ಅಪ್ಣೆ ದೇಖಿರಾಖ್ಯಸ್. ಅಜು಼ ಇನಿ ಬಾರೇಮ ಅಪ್ಣೆ ಸಾಕ್ಷಿ ಬೋಲಿಯೇಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:25

ಅಪ್ಣುನ ರಕ್ಷಣೆ ಕರಾವಾಳೊಬಿ ಎಕ್ಕಸ್ ದೇವ್ನ, ಅಖ್ಖಾ ವಖ್ಹತ್‌ಮಥೂತೆ ತಿಮ್ಮಸ್ ಹಮ್ಕೇಬಿ ಕದೇಬಿ ಅಪ್ಣೊ ಪ್ರಭುಹುಯಿರ‍್ಹೋತೆ ಯೇಸು ಕ್ರಿಸ್ತಥಿ ಇನ ಮಹಿಮೆ, ತಾಖತ್ ಅಜು಼ ಅದಿಕಾರ್‌ಖ್ಹಾರು ರ‍್ಹವಾದೆ. ಆಮೆನ್.

ಪ್ರಕಾಶಿತ್ 1:5

ಯೇಸು ವಿಶ್ವಾಸ್‌ನಿ ಸಾಕ್ಷಿ ಹುಯಿರ್‍ಹೊಸ್, ಮರ‍್ಯಹುಯಾಮಥು ಪಹಿಲೆ ಉಠ್ಯೊತೆ ಧರ್ತಿನ ರಾಜಾ಼ವ್ನೊ ಮಾಲಿಕ್ ಹುಯಿರ‍್ಹವವಾಳೊ ಯೇಸು ಕ್ರಿಸ್ತಥಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ. ಅಪ್ಣುನ ಪ್ಯಾರ್‌ಕರವಾಳೊ ಇನು ಪವಿತ್ರ ಲ್ಹೋಯಿಥಿ ಅಪ್ಣುನ ಪಾಪ್‌ಥಿ ಛೋ಼ಡಾಯೊ.