ಅಪೊಸ್ತಲರ್‌ನು ಕಾಮ್‌ಖ್ಹಾರು 5:26 - ದೇವ್ನಿ ಖ್ಹಾಚಿ ವಚನ್

²⁶ ತದೆ ಅದಿಕಾರಿ ಟಪಾಲ್‌ನ ಅದ್ಮಿನ ಜೋ಼ಡೆ ಜೈ಼ನ್ ಅಪೊಸ್ತಲರ‍್ನ ಪಾಛು಼ ಬುಲೈಲಾಯೊ. ಕತೋಬಿ ಶಿಪಾಯಿಖ್ಹಾರು ಇವ್ಣುನ ಜು಼ಲಮ್‌ ಕರ‍್ಯುಕೊಯ್ನಿ. ಶನಕತೊ ಅದ್ಮಿಖ್ಹಾರು ಹಮೂನ ಇರಾದೇಥಿ ಬಂಡೊ ಫೇಕಿನ್ ಮಾರಿನಾಕ್‌ಶೆ ಕರಿ ಡರಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:26 ပူးပေါင်းရင်းမြစ်များ

ಮತ್ತಾಯ 14:5

ಹೆರೋದ ಯೋಹಾನ್ನ ಮರೈನಾಕ್ಣು ಕರಿ ಥೊ, ತೋಬಿ ಅದ್ಮಿಖ್ಹಾರು ಯೋಹಾನ ಏಕ್‌ ಪ್ರವಾದಿ ಕರಿ ಮಾನ್‌ತುಥೂತೆ ಇನಖ್ಹಾಜೆ, ಅದ್ಮಿನ ಡರ್‌ಥಿ ಇನ ಮರಾಯೊ ಕೊಯ್ನಿ.

ಮತ್ತಾಯ 21:26

‘ಅದ್ಮಿಥಿ ಆಯು’ ಕರಿ ಬೋಲ್ಯಾತೊ, ಅಪ್ಣುನ ಅದ್ಮಿನೊ ಡರ್‌ ಛಾ಼” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು. ಶನಕತೊ, ಯೋಹಾನ ಏಕ್‌ ಪ್ರವಾದಿ ಕರಿ ತಮಾಮ್‌ ಅದ್ಮಿ ಶಕ್‌ಕೊಂತೆ ಇಮ್‌ ನಂಬಿರಾಖ್ಯುಥು.

ಮತ್ತಾಯ 26:5

“ತೋಬಿ ಪೂಜಾ಼ನಿ ವಖ್ಹತ್‌ಮ ನಾ ಧರ್‌ನು, ಶನಕತೊ ಅಪ್ಣ ಅದ್ಮಿಮ ಕಲ್ಹಾಗಟ್ ಪಡಿಜಾ಼ಶೆ” ಕರಿ ಬೋಲಿಲಿದು.

ಮತ್ತಾಯ 26:58

ಪೇತ್ರ ದೂರ್‌ಥೋಸ್ ಯೇಸುನ ಪೀಠೆ-ಪೀಠೆ ಜಾ಼ತೊಹುಯಿನ್, ಮಹಾಯಾಜಕ್‌ನ ಘರ್‌ನ ಖ್ಹಾಮ್ಣೆನು ಬಲ್ಡತೋಡಿ ಆಯಿನ್, ಮಹಿ ಧಕೆಲ್‌ತೊ ಅಯಿನ್, ಇನಿ ಹಾಲ್ ಶಾತ್‌ ಉಷೆಕರಿ ದೇಕ್ಣು ಕರಿ, ಕಾವ್ಲಿನ ಶಿಪಾಯಿನ ಜೋ಼ಡೆ ಜೈ಼ನ್, ಬೇಶಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:19

ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಮಹಾಯಾಜಕ ಆ ವಾತೇವ್ನ ಖ್ಹಮ್‌ಜಿನ್‌, ಆ ಹಮಾರಿ ಬಾರೆಮಾಸ್‌, ಆ ಮತ್ಲಬ್‌ನಿ ಖೇಣಿನ ಬೋಲ್ಯೊ, ಕರಿ ಮಾಲುಮ್‌ ಕರಿಲೀನ್, ಯೋಸ್‌ ವಖ್ಹತ್‌ಮ, ಯೇಸುನ ಧರ್‌ನು ಕರಿ ಕರ‍್ಯು. ಕತೋಬಿ ಅದ್ಮಿನ ಡರ್‌ಥಿ ಇನ ಧರ‍್ಯು ಕೊಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:6

ಅದ್ಮಿಥಿ ಆಯು ಕರಿ ಬೋಲ್ಯಾತೊ, ಅದ್ಮಿಖ್ಹಾರು ಯೋಹಾನ ಪ್ರವಾದಿ ಕರಿ ನಂಬಿರಾಖ್ಯುತೆ ಇನಖ್ಹಾಜೆ, ಇವ್ಣೆ ಅಪ್ಣುನ ಬಂಡೊ ಫೇಕಿ ಮಾರ್‌ಶೆ” ಕರಿ ಇವ್ಣ-ಇವ್ಣಾಮಸ್‌ ಬೋಲಿಲಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:2

ಮಹಾಯಾಜಕ, ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಯೇಸುನ ಮರಾವ್ಣು ಕರಿ ಸೋಚಿನ್, ಅದ್ಮಿನ ಡರ್‌ಥಿ ಬರಾಬರ್‌ನಿ ವಖ್ಹತ್‌ನಖ್ಹಾಜೆ ಜ಼ಪಿರ‍್ಹೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:4

ತದೆ ಯೂದಾನೆ, ಮಹಾಯಾಜಕ ಅಜು಼ ಮಂದಿರ್‌ನ ವಖ್ಹ್‌ತಿ ಕರವಾಳಾವ್‌ಕನ ಜೈ಼ನ್‌, ಯೋ ಯೇಸುನ ಧೋಕೇಥಿ ಧರಿದ್ಯವಾನಿ ಬಾರೇಮ ಇವ್ಣ ಜೋ಼ಡೆ ವಾತೆ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:21

ಚಾ಼ಲ್ಯುತೆ ಖ್ಹಣೇದ್ನ ಕಾಮ್ನಖ್ಹಾಜೆ ಅದ್ಮಿಖ್ಹಾರು ದೇವ್ನ ಖ್ಹರವ್‌ಕರ‍್ತುಥು, ಇನಖ್ಹಾಜೆ ಅಪೊಸ್ತಲರ‍್ನ ಖ್ಹತಾವನ ಕಾರಣ್ ಮಳಿಕೊಂತೆ ಇನಖ್ಹಾಜೆ ಇವ್ಣುನ ಅಜೂ಼ಬಿ ಝೇತೈನ್‍ಮ್ಹೇಲಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:13

ಇವ್ಣ ಜೋ಼ಡ್ಮ ರ‍್ಹವಾನ ಬಿಜ಼ ಖೆವ ಏಕ್‌ ಜ಼ಣಾನ ಹಿಮ್ಮತ್ ಕೋಥಿನಿ. ಶನಕತೊ ಅದ್ಮಿಖ್ಹಾರು ಇವ್ಣುನ ಜಾ಼ಖ್ಹತ್ ಖ್ಹರಾವ್‌ತು ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:22

ದೇವ್ನಿಮಂದಿರ್‌ನು ಸೇವೆ ಕರವಾಳು ಜೇಲ್‌ಮ ಜೈ಼ನ್ ದೇಖಾತೊ ಹಿಜ್ಜಾ಼ ಅಪೊಸ್ತಲರ್ ಕೊ ದೆಖಾಯುನಿ. ಇನಖ್ಹಾಜೆ ಪಾಛು಼ಫರಿ ಇವ್ಣೆ ಆಯಿನ್, ನ್ಯಾವ್‌ನಿ ಸಬೆವಾಳನ ಅಮ್ ಬೋಲ್ತೊಹುಯಿನ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:24

ದೇವ್ನಿಮಂದಿರ್‌ನು ದಳಪತಿಬಿ ಬಿಜು಼ ಮಹಾಯಾಜಕ್ ಖ್ಹಾರು ಆ ವಾತೇನ ಖ್ಹಮ್‌ಜಿನ್‌ ಅನೇಥಿ ಶಾತ್‍ಉಷೇಕಿ ಕರಿ ಇವ್ಣುನ ಆಶ್ಚರ್ಯ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:25

ಅಮ್‌ರ‍್ಹವಾನಿ ವಖ್ಹ್‌ತೆ ಏಕ್‍ಜ಼ಣೊ ಅಯಿನ್ ಇವ್ಣುನ, “ಖ್ಹಮ್‍ಜೊ! ತುಮೆ ಜೇಲ್‌ಮ ಘಾಲ್ಯಥಾತೆ ಅದ್ಮಿಖ್ಹಾರು ಆಯಿನ್ ದೇವ್ನಿಮಂದಿರ್‌ಮ ಭಿರೀನ್ ಶಿಕಾಡುಕರಸ್” ಕರಿ ಬೋಲ್ಯೊ.