ಅಪೊಸ್ತಲರ್‌ನು ಕಾಮ್‌ಖ್ಹಾರು 5:16 - ದೇವ್ನಿ ಖ್ಹಾಚಿ ವಚನ್

¹⁶ ಯೆರೂಸಲೇಮ್ನ ಅಶ್‌ಪಿಶ್‍ ಖ್ಹಾರಗಾಮ್‍ನು ಅದ್ಮಿ ಆವ್ತುಥು. ಇವ್ಣೆ ರೋಗ್‍ವಾಳನಾಬಿ ಭೂತ್‌ ಧರಿರಾಖವಾಳನಾಬಿ ಢೊಯಿಲೀನ್ ಆವ್ತುಥು.ಆ ಅಖ್ಖೂಸ್‌ಜ಼ಣು ಗುಣ್‌ಹೋತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:16 ပူးပေါင်းရင်းမြစ်များ

ಮತ್ತಾಯ 2:16

ಯೋ ಗ್ಯಾನಿ ಅದ್ಮಿಖ್ಹಾರು ಇನ ಠಗೈನಾಖ್ಯು ಕರಿ ಹೆರೋದನೆ ಘಣು ಖೀಜ಼್‌ ಕರೀನ್‌, ಇವ್ಣೇಥಿ ಪುಛಾ಼ಯೊಥೋತೆ ವಖ್ಹತ್‌ನ ಬರೋಬರ್‌ಥಿ ಮಾಲುಮ್ ಕರ‍್ಲಿನ್, ಆಳ್‌ನ ಖ್ಹಾರು ಮೋಕ್ಲಿನ್, ಬೇತ್ಲೆಹೇಮ್ ಅಜು಼ ಇನ ಅಶ್‌ಪಿಶ್‍ ಖ್ಹಾರುಸ್ ಗಾಮ್‌ನು, ಬೇ ವರಖ್ಹ್‌ನ ಮಹಿನು ಖ್ಹಾರಸ್ ಪರ್ಖ್ಹಾ ಲಡ್ಕಾನ ಮಾರಿನಾಖಿದೆವ್ಣು ಕರಿ ಹುಕುಮ್ ದಿದೊ.

ಮತ್ತಾಯ 4:24

ಇನಿ ಬಾರೇಮಾನಿ ಖಬರ್ ಸಿರಿಯ ದೇಖ್ಹ್‌ ಅಖ್ಖುಸ್ ಫೈಲಿಗಯು. ತದೆ ಆದ್ಮಿಖ್ಹಾರು ರೋಗ್‌ಮ ರ‍್ಹವಾಳನ ಯೇಸುಕನ ಲಾಯು, ಇವ್ಣಾಮ ಕೈಯೆಕ್ಕಿ ತರ‍್ಹಾನು ರೋಗ್‌-ರಾಯಥಿ ತರಪ್‌ಡುಕರ್ತುಥೂತೆ ಅಜು಼ ಭೂತ್‌ ಧರಿರಾಖ್ಯುಥೂತೆ, ಮಿರ್‌ಘಿ ಥೂತೆ ಅಜು಼ ಲಕ್‍ವೊ ಮಾರಿರಾಖ್ಯುಥೂತೆ ಇವ್ಣ ಅಖ್ಖಾನ ಇನಕನ ಲಾಯು. ಯೇಸುನೆ ಇವ್ಣ ಖ್ಹಾರಸ್ನ ಅಛ್ಛು಼ ಕರ‍್ಯೊ.

ಮತ್ತಾಯ 8:16

ಖ್ಹಾಂಜ಼್ ಹುವ್ವಾದೀನ್, ಭೂತ್‌ ಧರಿರಾಖ್ಯುಥೂತೆ ಘಣ ಅದ್ಮಿನ ಯೇಸುಕನ ಬುಲೈಲಾಯು; ಯೇಸುನೆ ಖಲಿ ವಾತೆಥೀಸ್‌ ಭೂತ್‌ಖ್ಹಾರು ಕಾಡ್ಯೊ ಅಜು಼ ರೋಗ್‌ಮ ಥೂತೆ ಖ್ಹಾರಾನ ಅಛ್ಛು಼ ಕರ‍್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:17

ಏಕ್‌ ದನ್ನೆ ಯೇಸು ವಚನ್‍ ಬೋಲಿ ದೆವ್‍ಕರ್‌ತೋಥೊ. ಗಲಿಲಾಯ ಅಜು಼ ಯೂದಾಯ ತಬರ್‌ಖಾನು ತಮಾಮ್‌ ಗಾಮ್‌ಥು ಅಜು಼ ಯೆರೂಸಲೇಮ್‌ಥು ಆಯುಹುಯು ಫರಿಸಾಯರ್‌ಬಿ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಹಿಜ್ಜಾ಼ ಬೆಠೂಥು. ರೋಗ್‌-ರಾಯೊ ಅಛ್ಛು಼ ಕರಾನವಾಖ್ಹ್‌ತೆ ಪ್ರಭುನಿ ಶಕತ್ ಯೇಸುಮ ಥೀ.‌

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:18

ಯೇಸು ಬೋಲಾತೆ ವಚನ್ನ ಖ್ಹಮ್‌ಜಾ಼ನ, ಅಜು಼ ರೋಗ್‌-ರಾಯೊ ಅಛ್ಛು಼ ಕರೈಲ್ಯವಾನಟೇಕೆ ಯೋ ಅದ್ಮಿಖ್ಹಾರು ಐರ‍್ಹುಥು. ಭೂತ್‌ ಧರಿರಾಖ್ಯುಹುಯು ಅದ್ಮಿ ಖ್ಹಾರುಬಿ ಆಯು, ಇವ್ಣಾಮಬಿ ಅಛ್ಛು಼ ಹುಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:11

ಅದ್ಮಿನಿ ಭೀಡ್ ಅನ ಖ್ಹಮ್‌ಜಿನ್‌, ಯೇಸುನ ಪೀಠೆ ಗಯು ಯೇಸುನೆ ಇವ್ಣುನ ಬುಲೈಲಿನ್, ಇವ್ಣುನ ದೇವ್ನಿ ರಾಜ್ಯನಿ ಬಾರೇಮ ಬೋಲ್ಯೊ. ಅಜು಼ ಕಿನ-ಕಿನ ರೋಗ್‌ಥಿ ಅಛ್ಛು಼ ಹೋಣುಥೂಕಿ ಇವ್ಣುನ ಅಛ್ಛು಼ ಕರ‍್ಯೊ.

ಯೋಹಾನ 14:12

ಮೇ ತುಮೂನ ಖ್ಹಾಚ ಬೋಲುಸ್, ಮನ ನಂಬವಾಳೊ ಮೇ ಕರ‍್ಯೊತೆ ಕಾಮ್ನಖ್ಹಾರು ಯೋಬಿ ಕರ್ಶೆ, ಎತ್ರೇಸ್ ಕಾಹೆತೆ ಇನೇಥಿ ಮಹಾನ್ ಕಾಮ್ನ ಖ್ಹಾರು ಕರ್ಶೆ, ಶನಕತೊ ಮೇ ಬಾಕನ ವಳ್ಯೊಜ಼ವುಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:30

ತಾರ ಹಾತ್ನ ಭಡಾಯೋತೊ, ತಾರ ಸೇವಕ್, ತಾರಿ ವಚನ್ನ ಹಿಮ್ಮಥ್ಥಿ ಬೋಲಾನಿತರ ರಕ್ಷಕ್ ಯೇಸುನ ನಾಮ್‍ಥಿ ಪವಿತ್ರ ಕಾಮ್ ಕರಾನ, ರೋಗ್‌ವಾಳನ ಗುಣ್‌ಕರಾನಖ್ಹಾಜೆ,ಅಶ್ಚರ್ಯ ಅದ್ಭುತ್‌ಕಾಮ್‌ ಕರಾನ ತಾರೊಹಾತ್‌ ಫೈಲಾವ್‌”.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:15

ಅಮ್‍ ರ‍್ಹವಾನಿ ವೇಳ್ಮ ಅದ್ಮಿಖ್ಹಾರು ರೋಗ್‌ವಾಳನ ಡೋಲಿಪರ್‌ ಪಾಡಿಲೀನ್ ಪೇತ್ರ ಆವಾನಿ ವಾಟ್‌ಪರ್ ಲಯಿನ್, ರೋಗ್‌ವಾಳನ ಉಪ್ಪರ್ ಇನಿ ಛಾ಼ಳಿಪಡಾದೆ ಕರಿ ವಾಟ್‌ಪರ್ ಮ್ಹೆಲ್ತುಥು. ಪೇತ್ರನಿ ಛಾ಼ಳಿ ಪಡಿತೋಬಷ್ ಕರಿ ಅದ್ಮಿಖ್ಹಾರಾನೆ ಸೋಚಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:17

ಮಹಾಯಾಜಕ್‍ಬಿ ಇನ ಜೋ಼ಡ್‍ವಾಳು ಖ್ಹಾರು, ಸದ್ದುಕಾಯ ಭಣಿವಾಳು ಖ್ಹಾರು ಘಣು ಬಳಾಪೊ ಕರ‍್ಯು.

1 ಕೊರಿಂಥ 12:9

ಏಕ್‍ಜ಼ಣಾನ ವಿಶ್ವಾಸ್‍ಥಿ ಯೋಸ್ ಆತ್ಮಾನು ವರ ಹುಯಿರ‍್ಹುಸ್, ಬಿಜೇಕ್‍ಜ಼ಣಾನ ರೋಗ್‌ ಅಛ್ಛು಼ ಕರಾನು ಯೋಸ್ ಆತ್ಮಾಥಿ ದೆವೈರ‍್ಹೂಸ್.

ಯಾಕೋಬ 5:16

ಅಮ್‍ರ‍್ಹವಾಪರ್ ತುಮೆ ಗುಣ್ ಹೋಣುಕತೊ ತುಮಾರಿ ಪಾಪ್ನಅಖ್ಖಾನ ಏಕ್‌ಥಿಏಕ್ ಹರ್‌ಕೆ ಕರಿನ್ ಏಕ್‍ ಜ಼ಣಾನಖ್ಹಾಜೆ ಏಕ್‍ಜ಼ಣು ಪ್ರಾರ್ಥನೆಕರೊ. ನೀತಿವಂತಾನು ಪ್ರಾರ್ಥನೆ ಘಣು ಶಕತ್ನು ಹುಯಿರ‍್ಹುಸ್.