ಅಪೊಸ್ತಲರ್‌ನು ಕಾಮ್‌ಖ್ಹಾರು 5:14 - ದೇವ್ನಿ ಖ್ಹಾಚಿ ವಚನ್

¹⁴ ರ‍್ಹಯುತೋಬಿ ಕೇತ್ರುಕಿಜ಼ಣು; ತಯೇಡ ಪರ್ಖೊಖ್ಹಾರು ಪ್ರಭುನ ನಂಬಾವಾಳು ಹುಯಿನ್ ಇವ್ಣ ಟೋಳ್ಮ ಮಳಿಜಾ಼ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:14 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:24

ಬಾರ್ನಬ ಯೋ ಏಕ್‌ ಅಛ್ಛೊ಼ಅದ್ಮಿ ಹುಯಿರೋಥೊ. ಯೊ ಪವಿತ್ರಾತ್ಮಥಿ ಭರಾಯೊಹುಯೊ ಪೂರ ವಿಶ್ವಾಸ್ಮ ಥೊ ಅಜು಼ ಘಣ ಅದ್ಮಿನ ಪ್ರಭುಭಣಿ ಬುಲೈಲಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:41

ಇನೆ ಬೋಲ್ಯೊತೆ ಖ್ಹಮ್‌ಜಿನ್‌ ಬ್ಯಾಪ್ತಿಸ್ಮ ಲೀಲಿದು. ಯೋ ದನ್ ಕಮ್‍ಶಿಕಮ್ ತೀನ್ ಹಜಾ಼ರ್ ಅದ್ಮಿಖ್ಹಾರು ವಿಶ್ವಾಸಿನ ಟೋಳ್ಮ ಮಳೀಗು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:47

ಇವ್ಣೆ ದೇವ್ನ ಖ್ಹರವ್‌ಕರ್ತೂಥು. ಅಜು಼ ಅದ್ಮಿಖ್ಹಾರಾನು ದಯಾನ ಲಿಲ್ಯಾವವಾಳ ಹುಯಿರ‍್ಹಾಥ. ಹರೇಕ್ ದನ್‍ಬಿ ಘಣು ಘಣು ಅದ್ಮಿಖ್ಹಾರು ರಕ್ಷಣೆ ಲೇವ್‍ಕರ್ತೂಥು. ಪ್ರಭುನೆ ಇವ್ಣುನ ಅಖ್ಖಾನ ವಿಶ್ವಾಸಿನಿ ಸಭೆಮ ಮಳವ಼್ ಕರ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:4

ಆ ಮಾರಗ್‌ಪರ್‌ ಚಾ಼ಲವಾಳಾನ ಖ್ಹತಾವ್‍ತೊಹುಯಿನ್ ತಯೇಡ ಪರ್ಖ್ಹಾ ಖೇಚಿಲಾಯಿನ್ ಜೇಲ್‌ಮ ಧಕೆಲಿನ್ ಇವ್ಣುನ ಮರ್‌ನಾಖನಾಬಿ ಕಚ಼್ ಖಾದೊಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:4

ಕತೋಬಿ ದೇವ್ನಿ ವಚನ್ ಖ್ಹಮ್‍ಜಾ಼ವಾಳಾಮ ಕೆತ್ರೂಕಿಜ಼ಣು ವಿಶ್ವಾಸ್ ಕರ‍್ಯು; ಪರ್ಖ್ಹಾನಿ ಗಣ್ತೀಸ್ ಖ್ಹುಮಾರ್ ಪಾಚ಼್ ಹಜಾ಼ರ್ಥಿ ಜಾ಼ಖ್ಹತ್ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:7

ದೇವ್ನಿ ವಚನ್ ಘಣು,ಘಣು, ಅದ್ಮಿಖ್ಹಾರಾನ ಪೋಚ್ಯು. ಯೆರೂಸಲೇಮ್ಮ ಶಿಷ್ಯರ್‌ನಿ ಗಣ್ತಿ ಘಣು ಭಡ್ತುಗಯು. ಯಾಜಕವ್‌ಮಾಬಿ ಘಣು ಅದ್ಮಿ ಯೇಸುನ ವಿಶ್ವಾಸ್‌ಮ ಮಳ್ತುಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:12

ಕತೋಬಿ ಫಿಲಿಪ್ ದೇವ್ನಿ ರಾಜ್ಯನಿ ಬಾರೇಮ ಅಜು಼ ಯೇಸುಕ್ರಿಸ್ತನಿ ನಾಮ್ನಿ ಬಾರೇಮಾಬಿ ಅದ್ಮಿಖ್ಹಾರಾನ ಸುವಾರ್ತೆ ಬೋಲ್ಯೊ. ಪರ್ಖ್ಹೊ ತಯೇಡ ಖ್ಹಾರುಸ್ ಫಿಲಿಪ್ ಬೋಲ್ಯೊತೆ ವಾತೆನ ವಿಶ್ವಾಸ್ ಕರೀನ್ ಬ್ಯಾಪ್ತಿಸ್ಮ ಕರೈಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:3

ಕತೋಬಿ ಸೌಲ ಘರ್ ಘರ್‌ಮ ಪೇಶಿನ್ ತಯೇಡ ಪರ್ಖ್ಹಾ ಖೇಚಿಲಾಯಿನ್ ಜೇಲ್‌ಮ ಧಕೆಲಿನ್ ಸಬೆನ ಅಖ್ಖು ನಾಶ್‌ಕರ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:2

ದಮಸ್ಕ ಖ್ಹಯೇರ‍್ನಿ ಸಭೆನ ಚಿಟ್ಟಿ ಲೀಖಿನ್ ದಮಸ್ಕಮ ಕ್ರಿಸ್ತಾನ ಮಾರಗ್‍ಮ ಚಾ಼ಲವಾಳು ತಯೇಡ ರ‍್ಹವೊ ಪರ್ಖ್ಹೊ ರ‍್ಹವೊ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ಮನ ಹುಕುಮ್ ದೆವೊ ಕರಿ ಬೋಲಿಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:31

ಇನಬಾದ್ಮ ಯೂದಾಯ, ಗಲಿಲಾಯ, ಅಜು಼ ಸಮಾರ್ಯನ ತಬರ್‌ಖಾಮ ಥೀತೆ ಖ್ಹಾರಿ ಸಭೆಮ ಸಮಾಧಾನ್‍ ಪಡ್ಯು. ಸಬೆ ಭಡ್ತುಹುಯಿನ್ ಪ್ರಭುನ ಡರ್‌ಮಾಬಿ ಭಕ್ತಿಮಾಬಿ ಜಿವ್ತುಹುಯಿನ್, ಪವಿತ್ರಾತ್ಮಥಿ ಜಾ಼ಖ್ಹತ್ ಹೋತುಹುಯಿನ್ ಭಡ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:35

ಲುದ್ದಮ ಅಜು಼ ಶಾರೋನ್‍ಮ ರ‍್ಹವಾಳು ಅದ್ಮಿಖ್ಹಾರು ಇನ ದೇಖಿನ್ ಪ್ರಭು ಯೇಸುನ ಉಪ್ಪರ್ ವಿಶ್ವಾಸ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:42

ಯೊಪ್ಪಮ ಹರೇಕ್ ಬಾಜು಼ಮ ಥೂತೆ ಅದ್ಮಿವೋನ ಆ ವಾತೆ ಮಾಲುಮ್ ಪಡ್ಯು. ಯೊ ಅದ್ಮಿಖ್ಹಾರಾಮ ಕೆತ್ರೂಕಿ ಜ಼ಣು ಪ್ರಭುನ ವಿಶ್ವಾಸ್ ಕರ‍್ಯು.

2 ಕೊರಿಂಥ 6:15

ಕ್ರಿಸ್ತಬಿ, ಶೈತಾನ್‍ಬಿ ಲಾಡ್‍ಥಿರ‍್ಹಾವಾನ ಉಶೇಕಿ ಶು? ವಿಶ್ವಾಸಿಮಾಬಿ ಅವಿಶ್ವಾಸಿಮಾಬಿ ಭಾಗ್‌ ಶನುಛಾ಼?

ಗಲಾತ್ಯ 3:28

ತುಮೆ ಅಖ್ಖುಜ಼ಣು ಕ್ರಿಸ್ತ ಯೇಸುಮ ಎಕ್ಕಸ್ ಹುಯಿರ‍್ಹಾಸ್ತೆಖ್ಹಾಜೆ ಮೆ ಯೆಹೂದ್ಯರ್‌ವಾಳೊ ನತರ್ ಯೆಹೂದ್ಯಕಾಹೇತೆ ಕರಿ ರ‍್ಹವೊ, ಛುಟ್ಕಾರ್‌ವಾಳ ನತರ್ ದಾಸರ್‌ ಕರಿ ರ‍್ಹವೊ, ಪರ್ಖ್ಹೊ ಅಜು಼ ತಯೇಡ ಕರಿ ರ‍್ಹವೊ ಫರಕ್ ಕೊಯ್ನಿ.