ಅಪೊಸ್ತಲರ್‌ನು ಕಾಮ್‌ಖ್ಹಾರು 5:12 - ದೇವ್ನಿ ಖ್ಹಾಚಿ ವಚನ್

¹² ಅಪೊಸ್ತಲರ್ ಖ್ಹಾರು ಕೈಏಕ್ ಖ್ಹಣೇದ್‍ನು ಕಾಮ್‍ಬಿ ಅದ್ಬುತ್‌ಕಾಮ್‌ಬಿ ಕರ‍್ಯು. ಅದ್ಮಿಖ್ಹಾರು ಯೋ ಕಾಮ್ನ ದೇಖ್ಯು. ಅಜು಼ ಅಖ್ಖುಜ಼ಣು ಎಕ್ಟು ಹುಯಿನ್ ಸೊಲೊಮೋನ್ನ ಛ಼ತ್‌ಕನ ಮಳಿನ್ ಆವ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:12 ပူးပေါင်းရင်းမြစ်များ

ಮಾರ್ಕ 16:20

ಹೈಕಡ್ ಇನು ಶಿಷ್ಯರ್‌ ಚ಼ಲ್ಯೂಜೈ಼ನ್ ಖ್ಹಾರಿ ಬಾಜು಼ ದೇವ್ನಿ ಅಛ್ಛಿ ಖಬರ್‌ನ ಬೋಲ್ಯು. ಅಜು಼ ಪ್ರಭುನೆ ಇವ್ಣ ಜೋ಼ಡೆಸ್ ರ‍್ಹೀನ್ ಖ್ಹಣೇದ್‍ನು ಅದ್ಭುತ್ ಕಾಮ್‌ಖ್ಹಾರು ಕರಿನ್, ಇವ್ಣೆ ಬೋಲಾತೆ ಖ್ಹಾರು ಖ್ಹಾಚಿಸ್‌ಕರಿ ವತಾಳಿದೇತೊ ರ‍್ಹೇತೊಥೊ.

ಯೋಹಾನ 10:23

ಯೇಸು ಮಂದಿರ್‌ನ ಮಹಿ ಸೊಲೊಮೋನ್ನು ಮಂಡಪ್‌ಕನ ಚಾ಼ಲ್ಯೊಫಂಡ್‌ತೋಥೊ.

ಯೋಹಾನ 4:48

ಯೇಸುನೆ ಇನ, “ತುಮೆ ಖ್ಹಣೇದ್‍ನು ಕಾಮ್ನ ಅಜು಼ ಅದ್ಭುತ್‌ಕಾಮ್ನ ದೇಖ್ಯುನಾತೊ ನಂಬಾಸಸ್ ಕೊಯ್ನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:14

ಇವ್ಣೆ ಅಖ್ಖುಜ಼ಣು ಏಕ್‍ಮನ್‍ಥಿ ಎಕ್ಟುಹುಯಿನ್ ದೇವ್ನಿ ಪ್ರಾರ್ಥನೆಮ ಥು. ಹಿಜ್ಜಾ಼ ಥೋಡಿಜ಼ಣಿ ತಯೇಡಾಬಿ, ಯೇಸುನಿ ಆಯಾ ಮರಿಯಾಬಿ ಇನ ಭೈಯೇಬಿ ಅಪೊಸ್ತಲರ‍್ನಿ ಜೋ಼ಡ್ಮ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:3

ಅಮ್‍ರ‍್ಹಾವಮ ಇವ್ಣೆ ಘಣಾದನ್ ರ‍್ಹೀನ್ ಪ್ರಭುನಿ ಬಾರೇಮ ಹಿಮ್ಮಥ್ಥಿ ವಾತೆಬೋಲ್ಯು. ಪ್ರಭು ಇವ್ಣಹಾತೆ ಖ್ಹಣೇದ್‍ನು ಕಾಮ್ ಬಿಜು಼ ಅದ್ಭುತ್‌ಕಾಮ್‍ಅಖ್ಖು ಕರೀನ್ ಇನಿ ವಾರ್‌ಖ್ಹಾನಿ ವಚನ್ನ ವತಾಳಿಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:18

ಕೈಏಕ್ ದನ್‍ಲಗೂಬಿ ಅಮ್ಮಸ್ ಬೋಲುಕರ್ತಿಥಿ. ಇನಖ್ಹಾಜೆ ಪೌಲ ಬೇಜಾರ್ ಹುಯಿನ್, ಯೊ ತಯೇಡಾಮ ಛಾ಼ತೆ ಖರಾಬ್ಆತ್ಮ, ‘ಮ್ಹೆಂದಿನ್ ನಿಕ್ಳಿಜಾ಼’ ಕರಿ ಯೇಸುಕ್ರಿಸ್ತನ ನಾಮ್‍ಥಿ ಹುಕುಮ್ ದೆವುಸ್ ಕರಿ ಬೋಲ್ಯೊ. ಯೋ ವಖ್ಹತ್‌ಮಾಸ್‌ ಯೋ ಖರಾಬ್ಆತ್ಮ ಇನ ಮ್ಹೇಲಿನ್ ಚ಼ಲಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:11

ದೇವ್ನೆ ಪೌಲನ ಹಾತೇಖ್ಹು ಬೋಲಾನುಕೊಂತೆ ಎತ್ರು ಅದ್ಭುತ್‌ಖ್ಹಾರು ಕರಾವ್‍ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:46

ಇವ್ಣೆ ಹರೇಕ್ ದನ್ ಏಕ್‍ದಿಲ್‍ಥಿ ದೇವ್ನಿ ಮಂದಿರ್‌ಮ ಮಳಿನ್ ಆವ್ತುಹುಯಿನ್, ಇವ್ಣೆ ಇವ್ಣ ಘರ್‌ಮ ರೋಟೊ ತೋಡಿನ್ ಒಟ್‍ಥಿ ಖಾಣು ಖಾತೂಥು. ಇವ್ಣೊ ದಿಲ್‌ ಖುಷಿಥಿ ಭರೈರ‍್ಹೆತೂಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:9

ಇನಪಾರ್ ಯೋ ಟಾಪನ ಅಜು಼ ಉಭ್‌ರ‍್ಯುತೆ ಖ್ಹಾರುಸ್ ರೋಗಿಬಿ ಪೌಲಕನ ಐನ್ ಗುಣ್‌ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:11

ಅಛ್ಛು಼ ಹುಯುತೆ ಲಂಗ್‍ಡಾನೆ ಪೇತ್ರ ಬಿಜು಼ ಯೋಹಾನನ ಜೋ಼ಡ್ಮ ಒಳೆಜಾ಼ಯ್ತೆ ತದೆ, ಆಶ್ಚರ್ಯ ಕರುಕರ್ತುಥೂತೆ ಅದ್ಮಿಖ್ಹಾರು ಸೊಲೊಮೋನ್ ಕರಿ ನಾಮ್ನ ಛ಼ತ್‌ಕನ ಎಕ್ಟು ಹುಯಿನ್ ನಾಶಿಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:30

ತಾರ ಹಾತ್ನ ಭಡಾಯೋತೊ, ತಾರ ಸೇವಕ್, ತಾರಿ ವಚನ್ನ ಹಿಮ್ಮಥ್ಥಿ ಬೋಲಾನಿತರ ರಕ್ಷಕ್ ಯೇಸುನ ನಾಮ್‍ಥಿ ಪವಿತ್ರ ಕಾಮ್ ಕರಾನ, ರೋಗ್‌ವಾಳನ ಗುಣ್‌ಕರಾನಖ್ಹಾಜೆ,ಅಶ್ಚರ್ಯ ಅದ್ಭುತ್‌ಕಾಮ್‌ ಕರಾನ ತಾರೊಹಾತ್‌ ಫೈಲಾವ್‌”.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:33

ಹಿಜ್ಜಾ಼ ಲಕ್ವೊಮಾರಿನ್ ಆಟ್ ವರಖ್ಹ್ ಥೊ ಬಿಛಾ಼ವ್ಣಪರ್ ಪಡ್ಯೊಥೋತೆ ಐನೇಯ ಕರಿ ಏಕ್‌ ಜ಼ಣಾನ ದೇಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:40

ಅಜು಼ ಪೇತ್ರನೆ ಅದ್ಮಿಖ್ಹಾರಾನ ಭಾರ್‌ ಮೋಕ್ಲಿನ್ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀ ಶರೀರ್‌ಭಣಿ ಫರೀನ್, “ತಬಿಥಾ, ಉಪ್ಪರ್ ಉಟ್” ಕರಿಬೋಲ್ಯೊ. ಯೋ ಡೋಳಪಾಡಿನ್ ಪೇತ್ರನ ದೇಕ್‍ಥೀಸ್ ಉಠಿ ಭೀರಿಗಯಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:19

ಅಜು಼ ಖ್ಹಣೇದ್ನ ಕಾಮ್‍ಥೀಬಿ, ಅದ್ಭುತ್‌ಕಾಮ್‌ನಿ ತಾಖತ್ತಿ ಅಜು಼ ದೇವ್ನುಆತ್ಮನ ಕಾಮ್‍ಥೀಬಿ ಕರಿರಾಖ್ಯೊಸ್. ಇನಖ್ಹಾಜೆ ಯೆರೂಸಲೇಮ್‍ಥೊ ಧರೀನ್ ಇಲ್ಲುರಿಕ ತಬರ್‌ಖಾಲಗು ಜಾ಼ವಾನಿ ವಖ್ಹ್‌ತೆ ಮೇ ಕ್ರಿಸ್ತನಿ ಸುವಾರ್ತೆನ ಅಖ್ಖಿ ಪೂರಫೈಲಾಯೊ.

2 ಕೊರಿಂಥ 12:12

ಮೇ ಖ್ಹಾರಸ್ನ ಖ್ಹಮಾಳಿಲ್ಯವಾಮಾಬಿ, ಖ್ಹಣೇದ್‍ನು ಕಾಮ್ನಾಬಿ ಅದ್ಬುತ್‌ಕಾಮ್‌ನಾಬಿ, ಮಹಾನ್ ಕಾಮ್ನ, ಚ಼ಲಾವಮಾಬಿ, ಅಪೊಸ್ತಲನ ರ‍್ಹೇವ್ಣುತೆಲಖಣ್‌ ತುಮಾರ ಇಚ಼್‌ಮ ವತಾಳ್ಯೊ.

ಇಬ್ರಿ 2:4

ಖ್ಹಣೇದ್‍ನು ಕಾಮ್‍ಥೀಬಿ, ಅದ್ಭುತ್‌ಕಾಮ್ ಖ್ಹಾರಥಿಬಿ, ಕೈಯೇಕ್ ಥರಾನು ಮಹಾನ್ ಕಾಮ್‍ಥೀಬಿ ಅಜು಼ ಇನಿ ಸೋಚ್‌ನಿತರ ಪವಿತ್ರಾತ್ಮನು ವರಾನ ವಾಟಪಾಡಿ ದ್ಯವಾಥಿ ದೇವ್ನೇಸ್ ಇನ ವತಾಳಿಲಿದೊ.