ಅಪೊಸ್ತಲರ್‌ನು ಕಾಮ್‌ಖ್ಹಾರು 4:34 - ದೇವ್ನಿ ಖ್ಹಾಚಿ ವಚನ್

³⁴ ಇವ್ಣೆ ಜ಼ರೂರತ್ ಪೂರಹೋತುಥು, ಜ಼ಮೀನ್ ಬಿಜು಼ ಘರ್ ರ‍್ಹವಾಳು ಹರೇಕ್‌ಜ಼ಣು ಯೊ ಖ್ಹಾರು ವೇಚಿನ್ ಮಳಾತೆ ಪೈಶಾನ ಲೀನ್ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:34 ပူးပေါင်းရင်းမြစ်များ

ಮತ್ತಾಯ 19:21

ಯೇಸುನೆ ಇನ, “ತೂ ಪಕ್ಕಾ ಹೋಣುಕರಿ ಉಶೇತೊ, ಜೈ಼ನ್, ತಾರು ಶೊತ್ನ ಖ್ಹಾರು ವೇಚಿನ್, ಇನೇಥಿ ಆವಸ್ತೆ ಪೈಶಾನ ಗರೀಬ್‌ನ ದೇ, ತದೆ ಸೊರ್ಗಾಮ ತುನ ಶೊತ್ ರ‍್ಹಿಶೆ. ಅನಕೇಡೆಥು ತೂ ಐನ್, ಮಾರ ಪೀಠೆ ಆವ್!” ಕರಿ ಬೋಲ್ಯೊ.

ಮಾರ್ಕ 10:21

ತದೆ ಯೇಸುನೆ ಇನ ಠರ್‌ಕೈ ದೇಖಿನ್‌ ಪ್ಯಾರ್‌ಥಿ ಇನ, “ತಾರಮ ಏಕ್‌ ಕಮ್ ಛಾ಼. ಜಾ಼ ತಾರಕನ ಛಾ಼ತೆ ಖ್ಹಾರು ವೇಚಿನಾಖಿದೀನ್‌ ಗರೀಬ್‌ನ ದೆ, ತದೆ ತುನ ಪರ್‌ಲೋಕ್‌ಮ ಶೊತ್‌ರ‍್ಹಿಶೆ ಅಜು಼ ತು ಐನ್ ಮಾರ ಪೀಠೆ ಆವ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:33

ತುಮಾರಕನ ಛಾ಼ತೆ ಖ್ಹಾರುಸ್‌ ವೇಚಿನ್, ಆವಸ್ತೆ ಪೈಶಾನ ಗೋರ್‌-ಗರೀಬ್‌ನ ದೇವೊ. ತುಮಾರಕನ ಫಾಟಕೊಂತೆ ಚ಼ಂಚಿಯೇನ ಕರಿಲೆವೊ, ಪರ್‌ಲೋಕ್‌ಮ ಕಮ್ ಹುವಾಕೊಂತೆ ಶೊತ್ನ ಜ಼ಮಕರಿಲೇವೊ, ಕೆಹೊ ಚೋ಼ರ್‌ಬಿ ಇನ ಖನ್ನೆ ಆವಾನ ಕೋ ಆವಾನಿ ಅಜು಼ ಇನ ಕೋರ‍್ಹ ಖೈನ್‌ ಬರ್ಬಾತ್ ಕೋ ಉಶೇನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:9

ಯೇಸುನೆ ಬಿಜೂ಼ಬಿ ಬೋಲ್ಯೋಕಿ, “ಮೇ ತುಮೂನ ಬೋಲುಸ್ಕಿ, ಆ ಜಗತ್‌ಮ ಠಗಾಯಿಹುಯಿ ಧನ್‌-ದೌಲತ್‌ಥಿ, ತುಮೆ ಖ್ಹಾರಾನ ದೋಸ್ತ್ ಕರಿಲೆವೊ, ಅಮ್ ಕರ‍್ಯಾತೊ, ತುಮಾರಕನ ಛಾ಼ತೆ ಖ್ಹಾರು ನಿಕ್ಳಿಗಯೂತೋಬಿ, ಹರ್‌ಹಮೇಶ ರ‍್ಹವಾನು ಘರ್‌ಮ ತುಮೂನ ಮಳೈಲಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:35

ಅಜು಼ ಯೇಸುನೆ ಇನ ಶಿಷ್ಯರ್‌ನ, “ಮೇ ತುಮೂನ ಚ಼ಂಚಿ, ಬಟ್‌ವೊ ನತರ್‌ಕಿ ಖೋಖ್ಹ್‌ಡಾ ಕೊಯ್ನಿತೆ ಮೋಕ್‌ಲ್ಯೊಥೋತೆ ತದೆ, ತುಮೂನ ಶಾತ್‌ತೋಬಿ ಕಮ್ ಹುಯುಕಿ ಶು? ಕರಿ ಪುಛಾ಼ವಖ್ಹತರ್, ಇವ್ಣೆ, “ಶಾತ್ಬಿ ಕೊಯ್ನಿ” ಕರಿ ಜವಾಬ್‌ ದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:45

ಇವ್ಣಿ ಜ಼ಮೀನ್ನ ಅಜು಼ ಇವ್ಣಕನ ಥೂತೆ ಶೊತ್ನ ವೇಚಿನ್ ಮಳಾತೆ ಪೈಶಾನ ಜ಼ರೂರತ್ ರ‍್ಹವಳಾನ ವಾಟಪಾಡಿ ದೇತೂಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:37

ಇನೆ ಇನಥೂತೆ ಜ಼ಮೀನ್ನ ವೇಚಿನ್ ಯೊ ಪೈಶಾನ ಅಪೊಸ್ತಲರ‍್ನ ಲಯಿನ್ ದಿದೊ.

2 ಕೊರಿಂಥ 8:14

ಹಮ್ಕೆ ತುಮಾರಕನ ಹೋಣುತೆ ಎತ್ರು ಛಾ಼ ತುಮಾರಿ ಆ ಚೆಹೆಳ್ ಅಲಕ್ ಅದ್ಮಿನು ಕಮೀನ ಕಾಡಿನಾಕ್‌ಶೆ; ಅಮ್ ಅಖ್ಖೂಸ್‌ಜ಼ಣು ಸಮಾನ್ ರ‍್ಹಿಶೆ.

1 ಥೆಸ 4:12

ಅಮ್ ಕರ‍್ಯಾತೊ ತುಮೂನ ವಿಶ್ವಾಸ್‌ಮಕೊಂತೆ ಅದ್ಮಿಥಿ ಮರ್ಯಾದಿ ಮಳ್‌ಶೆ ಕಾಹೆತೆ ತುಮೆ ಕಿನಾಪರ್‌ಬಿ ವಜ಼ನ್ ಕೊ ರ‍್ಹಿಶುನಿ.

1 ತಿಮೊ 6:19

ಅನೇಥಿ ಇವ್ಣೆ ಜಿವ್ಣು ಧರಿರಾಕ್‍ಶೆ ಯೋ ಖ್ಹಾಚ಼ನು ಜಿವ್ಣು ಹುಯಿರುಸ್. ಅಮ್ ಕರ‍್ಯೂತೊ, ಇವ್ಣೆ ಇವ್ಣಖ್ಹಾಜೆ ಏಕ್‌ ಟಜ್ರೀನ ಜ಼ಮ ಕರಾದಾಖ್ಹಲ್, ಯೋ ಇವ್ಣಿ ಖ್ಹಾಮ್ಣೇನಿ ಜಿ಼ಂದ್‌ಗೀನಖ್ಹಾಜೆ ಏಕ್‌ ಘಟ್ ಹದಿಪಾಯ ಹುಯಿರ‍್ಹಿಶೆ.

ಯಾಕೋಬ 1:27

ವದೇಖ್ಹ್‌ಮ ಪಡ್ಯುರ‍್ಹಿನ್ ದಿಕ್‍ಕೊಂತೆ ಇವ್ಣುನಾಬಿ ಮುಂಡಚ್ಚಿಯೇನಾಬಿ ಬಚಾ಼ಡಿನ್ ಇನ ಜಗತ್‌ನು ದೋಷ್‍ ನಾಲಗ್ನುತೆ ಇನುಯೋಸ್ ಬಚಾ಼ಡಿಲ್ಯಾವನುಸ್ ಬಾ ಹುಯಿರೋತೆ ದೇವ್‌ಕನ ಶುದ್ಧಬಿ ಪಾಕ್‍ಬಿ ಹುಯಿರ‍್ಹವಾನಿ ಭಕ್ತಿ.