ಅಪೊಸ್ತಲರ್‌ನು ಕಾಮ್‌ಖ್ಹಾರು 4:19 - ದೇವ್ನಿ ಖ್ಹಾಚಿ ವಚನ್

¹⁹ ಇನಖ್ಹಾಜೆ ಪೇತ್ರಬಿ ಯೋಹಾನಾನೆ; ಇವ್ಣುನ, ದೇವ್ನಿ ವಾತೆ ಖ್ಹಮ್‍ಜಾ಼ಥೀಬಿ ತುಮಾರಿವಾತೆ ಖ್ಹಮ್‍ಜಾ಼ನು ಬರೋಬರ್‌ಕಿ ಶು? ಯೊ ದೇವ್ನ ಖ್ಹಾಮ್ಣೆ ನ್ಯಾವ್‌ಕಿ ಶು? ಇನ ತುಮೇಸ್ ತೀರ್ಪ್ ಕರಿಲೆವೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:19 ပူးပေါင်းရင်းမြစ်များ

ಮತ್ತಾಯ 22:21

ಇವ್ಣೆ, “ಕೈಸರ್‌ನು” ಕರಿ ಜ಼ವಾಬ್ ದಿದು. ತದೆ ಯೇಸುನೆ ಇವ್ಣುನ, “ಇಮ್‍ಕತೊ, ಕೈಸರ್‌ನು ಶಾತ್ ಛಾ಼ಕಿ, ಯೋ ಕೈಸರ್‌ನ ದೆವೊ, ಅಜು಼ ದೇವ್‌ನು ಶಾತ್‌ ಛಾ಼ಕಿ, ಯೋ ದೇವ್ನ ದೆವೊ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:8

ಯೇಸುನೆ ಪೇತ್ರ ಅಜು಼ ಯೋಹಾನ್ನ, “ತುಮೆ ಜೈ಼ನ್‌, ಅಪ್ಣಖ್ಹಾಜೆ ಪಸ್ಕಾನು ಖಾಣನ ಖ್ಹವಾರೊ” ಕರಿ ಬೋಲ್ಯೊ.

ಯೋಹಾನ 7:24

ಡೋಳಾಮ ದೆಖಾವಸ್ತೆ ಇನಾಪರ್‌ ತೀರ್ಪ್‌ ನಕೊ ಕರೊ; ಖ್ಹಾಚು಼ ಶಾತ್ಕಿ ಇನಾಪರ್‌ ತೀರ್ಪ್‌ ಕರೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:13

ಪೇತ್ರ ಬಿಜು಼ ಯೋಹಾನ, ಭಾಲ್‌ಥಿ ವಾತೆ ಬೋಲಾನು ಯೋ ಅದ್ಮಿಖ್ಹಾರು ದೇಖಿನ್ ಇವ್ಣೆ ಶನೀಬಿ ಪಢಂತ್ ಕೊ ಶಿಕಿರಾಖ್ಯಾನಿ ತೋಬಿ ಡರ‍್ಯಕೊಂತೆ ಆ ಕಿಮ್ ಬೋಲಸ್ ಕರಿ ಘಣು ಆಶ್ಚರ್ಯ ಕರ‍್ಯು. ಪೇತ್ರಬಿ ಯೋಹಾನ ಯೇಸುನಿ ಜೋ಼ಡ್ಮಥೋತೆ ಕರಿ ಖ್ಹಣೇದ್ ಧರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:28

“ತುಮೆ ಆ ನಾಮ್‌ಪರ್‌ ಬೋಧನೆ ನಾಸ್‍ಕರ‍್ನು ಕರಿ ತುಮೂನ ಹುಕುಮ್‌ ಕರ‍್ಯಥಾನಿ; ರ‍್ಹಯುತೋಬಿ ತುಮೆ ಕರ‍್ಯಾತೆಶಾತ್? ಯೆರೂಸಲೇಮ್‌ನ ತುಮಾರಿ ಬೋಧನೆಥಿ ಫೈಲೈದಿದ, ಆ ಮರೈರ‍್ಹುಥೆ ಅದ್ಮಿನ ಹಮೇಸ್ ಜಿಮ್ಮೇದಾರಿ ಕರಿ ಕರಾನ ತುಮೆ ಕೋಶಿಶ್ ಕರುಕರಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:29

ತದೆ ಪೇತ್ರ ಅಜು಼ ಥೂತೆ ಅಪೊಸ್ತಲರ್ ಅಮ್ ಬೋಲ್ಯೊಕಿ, “ಹಮೆ ದೇವ್ನ ವಿಧೇಯ ಉಷು ಪಣ್ಕಿ ಅದ್ಮಿನ ಕಾಹೆ.”

1 ಕೊರಿಂಥ 10:15

ತುಮೆ ಅಕ್ಲಿಕರಿ ಮೇ ತುಮಾರಿಜೋ಼ಡ್ಮ ಅನ ಬೋಲುಸ್. ಮೇ ತೀರ್ಪ್‌ಕರಾನು ಖ್ಹುದ್ ತುಮೇಸ್ ಸೋಚಿದೇಖೊ.

2 ಕೊರಿಂಥ 4:2

ಗಪ್ಲತ್‍ನು ಬಿಜು಼ ಖ್ಹರಮ್‌ ಕಡೈಲ್ಯಾವಾನ ಖ್ಹಾರ ಮಾರಗ್‍ಥಿ ಹಮೆ ದೂರ್ ಹುಯಿರಾಸ್‍. ಬಿಜು಼ ಹಮೆ ಮಶ್ಲತ್ ಭಂದೈಯೇ಼ ಕೊಯ್ನಿ. ದೇವ್ನಿ ವಚನ್‍ಮ ಮಿಲಾವಟ್ ಕರಿಯೆಕೊಯ್ನಿ. ಹಮೆ ಖ್ಹಾಚ಼ನ ಛೋ಼ಡಿನ್ ಬೋಲ್ಯೆಸ್‍. ಹಮೆ ನೀತಿವಾಳಕರಿ ಹರೇಕ್ ಅದ್ಮಿನಿ ದಿಲ್ನಿಸಾಕ್ಷಿ ದೇವ್ನ ಖ್ಹಾಮ್ಣೆ ಮಾನಿಲ್ಯವಾನಿ ಪರಕ್ಮ ಚಾ಼ಲೆಯೇಸ್.

ಎಫೆಸ 6:1

ಲಡ್ಕಾವೊ, ತುಮೆ ಪ್ರಭುಮ ರ‍್ಹಾವವಾಳನಿತರಸ್ ತುಮಾರ ಆಯಬಾನ ಹೇಟು ಹುಯಿ‍ರ‍್ಹೆವೊ. ಆ ನ್ಯಾವ್‌ನು ಹುಯಿರ‍್ಹುಸ್.

1 ತಿಮೊ 2:3

ಆ ಹೈರುತೆ ಅಛ್ಛು಼ ಅಜು಼ ಅಪ್ಣೊ ರಕ್ಷಕ್ ಹುಯಿರೋತೆ ದೇವ್ನ ಪಸಂದ್‍ನು ಹುಯಿರುಸ್.

ಇಬ್ರಿ 11:23

ಮೋಶೆ ಪೈದ ಹುವಾಖ್ಹತರ್ ಹೈರೋತೆನ ಆಯಬಾನೆ ಲಡ್ಕು ಶನ್‍ಗಾರ‍್ನು ಛಾ಼ ಕರಿ ದೇಖಿನ್ ರಾಜಾ಼ನ ಹುಕುಮ್‌ನ ಡರಿನ್ ವಿಶ್ವಾಸ್‌ಥೀಸ್ ಇನ ತೀನ್ ಮಹಿನ ಲಪಾಡಿ ರಾಖ್ಯು.

ಯಾಕೋಬ 2:4

ತುಮೆ ತುಮಾರಮಸ್ ಗುಮಾನಿ ಕರೋಸ್ ಆ ನಾಹುಯಿನ್ ತುಮೆ ಕರಸ್ತೆ ನ್ಯಾವ್‍ನಿ ತೀರ್ಪ್ ಗಲತ್‌ ಖ್ಹಯಾಲ್ನು ಹುಯಿರ‍್ಹುಸ್.