ಅಪೊಸ್ತಲರ್‌ನು ಕಾಮ್‌ಖ್ಹಾರು 3:6 - ದೇವ್ನಿ ಖ್ಹಾಚಿ ವಚನ್

⁶ ತದೆ ಪೇತ್ರನೆ, ಪೈಶ ಖ್ಹೊನ್ನು ಮಾರಕನ ಕೊಯ್ನಿ, ಕತೋಬಿ ಮಾರಕನ ಛಾ಼ತೆ ಯೊ ತುನ ದೆವುಸ್. ನಜ಼ರೇತ್ನ ಯೇಸುಕ್ರಿಸ್ತನ ನಾಮ್‍ಥೀಸ್ ಉಠೀನ್ ಚಾ಼ಲ್‍ಕರಿ ಬೋಲಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:6 ပူးပေါင်းရင်းမြစ်များ

ಮತ್ತಾಯ 10:9

ತುಮಾರಿ ಚ಼ಂಚಿಮ ಖ್ಹೊನ್ನು, ರೂಪು ನಾತೊ ತಾಂಬಾನು ಪೈಶಾ ರ‍್ಹವೊ, ನಕೊ ಲೀಜಾ಼ವೊ;

ಮತ್ತಾಯ 7:22

ನ್ಯಾವ್‍ನಿ ತೀರ್ಪ್‌ನ ದನ್ಮ ಕೈಯೆಕ್ಕಿ ಅದ್ಮಿ ಮನ, ‘ಪ್ರಭು, ಪ್ರಭು’ ತಾರ ನಾಮ್‌ಪರ್‌ ಹಮೆ ಪ್ರವಾದ್‌ನೆ ಬೋಲ್ಯ, ತಾರ ನಾಮ್‍ಪರ್ ಹಮೆ ಭೂತ್‌ನ ಖ್ಹಾರು ಕಾಡ್ಯ ಅಜು಼ ಕೈಯೆಕ್ಕಿ ಮಹಾನ್ ಕಾಮ್ನ ಕರ‍್ಯಾ, ಕರಿ ಬೋಲ್‌ಶೆ.

ಮಾರ್ಕ 14:8

ಅನೆ ಇನೊ ಹಾತ್‌ ಕೆತ್ರೆ ಹುವ್ವಾಸ್‌ಕಿ ಎತ್ರೆ ಕರಿರಾಖೀಸ್. ಮೇ ಮರ್‌ವಾನ ಅಗಾಡಿಸ್, ಮಾರು ಶರೀರ್‌ನ ಮಖ್ಹಾಣ್ಯು ಕರಾನ ಖ್ಹವಾರನಖ್ಹಾಜೆ ಅನೆ ಅಗಾಡಿಸ್ ಮಾರ ಆಂಗ್‌ತನ್‌ಪರ್ ವಾನು ತೇಲ್‌ಲಗಾಡಿರಾಖಿಸ್‌.

ಮಾರ್ಕ 16:17

ಅತ್ರೇಸ್ ಕಾಹೆತೆ, ನಂಬವಾಳಾನ ಅದ್ಭುತ್ ಕರಾನಿ ಶಕತ್ ದೆವಾವ್‌ಶೆ; ಮಾರು ನಾಮ್ ಬೋಲಿನ್ ಭೂತ್‌ಖ್ಹಾರು ನಖ್ಹಾಡ್‌ಶೆ; ಇವ್ಣೆ ಬೋಲಿಸ್‍ರಾಖ್ಯುಕೊಂತೆ ನವಿ ಬೋಲಿಥಿ ಬೋಲ್‌ಶೆ.

ಯೋಹಾನ 19:19

ಪಿಲಾತನೆ ಏಕ್‌ ಪಲ್ಗಾಪರ್‌, “ನಜ಼ರೇತ್‌ನೊ ಯೇಸು, ಯೆಹೂದ್ಯರ್‌ನೊ ರಾಜ಼” ಕರಿ ಲೀಖೈನ್, ಶಿಲ್‌ಬೆಪರ್ ಮ್ಹೇಲಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:18

ಕೈಏಕ್ ದನ್‍ಲಗೂಬಿ ಅಮ್ಮಸ್ ಬೋಲುಕರ್ತಿಥಿ. ಇನಖ್ಹಾಜೆ ಪೌಲ ಬೇಜಾರ್ ಹುಯಿನ್, ಯೊ ತಯೇಡಾಮ ಛಾ಼ತೆ ಖರಾಬ್ಆತ್ಮ, ‘ಮ್ಹೆಂದಿನ್ ನಿಕ್ಳಿಜಾ಼’ ಕರಿ ಯೇಸುಕ್ರಿಸ್ತನ ನಾಮ್‍ಥಿ ಹುಕುಮ್ ದೆವುಸ್ ಕರಿ ಬೋಲ್ಯೊ. ಯೋ ವಖ್ಹತ್‌ಮಾಸ್‌ ಯೋ ಖರಾಬ್ಆತ್ಮ ಇನ ಮ್ಹೇಲಿನ್ ಚ಼ಲಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:22

“ಇಸ್ರಾಯೇಲ್ ಅದ್ಮಿವೊ, ಮಾರಿ ವಾತ್ನ ಖ್ಹಮ್‍ಜೊ; ನಜ಼ರೇತ್‌ನೊ ಯೇಸು ಛಾ಼ನಿ ದೇವ್ ತುಮುನಾಬಿ ಮಾಲುಮ್‌ ರ‍್ಹವಾನಿತರ ದೇವ್ನೆಸ್ ಇನೇಥಿ ಚ಼ಲಾಯೊತೆ ಮಹಾ ಕಾಮ್‍ಬಿ, ಅದ್ಭುತ್‌ಕಾಮ್‍ಥಿ ಇನ ಪಸಂದ್ ಹುವಾನಿತರ ತುಮೂನ ವತಾಳಿ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:36

ಇನಖ್ಹಾಜೆ ತುಮೆ ಶಿಲ್‌ಬೆಪರ್ ಛ಼ಡಾಯತೆ ಆ ಯೇಸುನಾಸ್ ದೇವ್ನೆ ಪ್ರಭುಕರೀಬಿ ಕ್ರಿಸ್ತಕರೀಬಿ ಹುಯಿರೊಸ್ ಕರಿ ಇಸ್ರಾಯೇಲ್‌ನ ಖುಮ್‍ವಾಳ ಅಖ್ಖಾನ ಮಾಲುಮ್ ಹುಯಿರ‍್ಹವಾದೆ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:16

ತುಮೆ ಶಾತ್‌ ದೇಖ್ಯಕಿ ಅಜು಼ ತುಮೆ ಶಾತ್ ಖ್ಹಮ್‍ಜ್ಯಾಕಿ ಯೋ ಅಖ್ಖು ಇನ ನಾಮ್‍ಥೀಸ್ ಹುಯಿರುಸ್. ಯೊ ಲಂಗ್‍ಡಾನೆ ಯೇಸುನ ಉಪ್ಪರ್ ರಾಖಿರಾಖ್ಯೊತೆ ವಿಶ್ವಾಸ್‌ಥೀಸ್ ಇನ ಅಛ್ಛು಼ ಹುಯುತೆ ಅನಅಖ್ಖು ತುಮೆ ದೇಖಿರಾಖ್ಯಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:5

ಯೋ ಲಂಗ್ಡೊ ಇವ್ಣೇಥಿ ಶಾತ್‍ತೋಬಿ ಮಳ್‍ಶೆಕಿ ಶುಕಿ ಕರಿ ಖ್ಹಯಾಲ್ ಕರೀನ್ ಇವ್ಣಭಣಿ ದೇಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:7

ಇನೊ ಖಾವೊ ಹಾತ್‍ ಧರೀನ್ ಉಠಾಡ್ಯೊ. ತದ್‌ನು ತದೇಸ್‌ ಇನ ಪಕ್ತೇಳಿಮಾಬಿ, ಪಂಜ಼ವ್‍ಮಾಬಿ,ಏಡಿಮಾಬಿ ಶಕತ್ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:10

ತುಮೆ ಶಿಲ್‌ಬೇಪರ್ ಛ಼ಡಾಯತೆ ಅಜು಼ ‘ದೇವ್ನೆ ಮರ‍್ಯಹುಯಮಾಥು ಉಠಾಡ್ಯೊತೆ ನಜ಼ರೇತ್‌ನೊ ಯೇಸುಕ್ರಿಸ್ತನ ನಾಮ್‍ಥೀಸ್ ಆ ಲಂಗ್ಡೊಥೋತೆ ಅದ್ಮಿ ಅಛ್ಛೊ಼ ಹುಯು. ಬಿಜು಼ ತುಮಾರ ಖ್ಹಾಮ್ಣೆ ಭಿಯೋಸ್ ಕರಿ ಬೋಲಾನು, ತುಮೂನಾಬಿ ಅಜು಼ ಇಸ್ರಾಯೇಲ್ ಅದ್ಮಿಖ್ಹಾರನ ಆವಾತೆ ಮಾಲುಮ್ ರ‍್ಹವಾದೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:7

ಅವ್ಣೆ ಪೇತ್ರಬಿ ಯೋಹಾ‍ನನ ಬೀಚ್ಮ ಭೀರಾಖಿನ್ ತುಮೆ ಖಿವಿ ಶಕಥ್ಥಿ ಅಜು಼ ಕಿನ ನಾಮ್‍ಥಿ ಆ ಅಖ್ಖು ಕರೋಸ್? ಕರಿ ಬೋಲಖ್ಹತರ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:34

ಪೇತ್ರನೆ ಯೋ ಅದ್ಮಿನ, “ಐನೇಯ,ಯೇಸು ಕ್ರಿಸ್ತಾಸ್ ತುನ ಅಛ್ಛು಼ ಕರುಕರಸ್. ಉಟ್ ತಾರ ಬಿಛಾ಼ವ್ಣನ ತೂಸ್ ಬಿಚೈ಼ಲೇ” ಕರಿ ಬೋಲ್ಯೊ. ತುರಂತ್ ಯೋ ಉಠಿನಿಕ್‍ಳ್ಯೊ.

1 ಕೊರಿಂಥ 4:11

ಹಮ್ಕೆಲಗೂಬಿ ಹಮೆ ಭುಕ್ಯಛಿಯ್ಯೆ಼; ಠೋಖ್ಹ್‌ಲಾಗ್ಯಹುಯ ಹುಯಿರ‍್ಹಾಸ್; ಫೆರಾನಖ್ಹಾಜೆ ಹೋಣುತೆ ಎತ್ರು ಲುಂಗ್ಡು ಕೊಯ್ನಿ; ಕದೆಕದೆ ಮಾರ್ ಖಾವವಾಳ; ಹಮುನ ಘರ್‌ಬಿಕೊಯ್ನಿ.

2 ಕೊರಿಂಥ 6:10

ದುಖ್‌ಲ್ಯವಾಳ ರ‍್ಹಿಯಾತೋಬಿ ಸೇವೆಮ ಕದೇಬಿ ಹಾಶಿಖ್ಹುಶಾಲಿಥಿ ರ‍್ಹವಾಳ ಹುಯಿರ‍್ಹಾಸ್, ಗರೀಬ್‍ರ‍್ಹಿಯತೋಬಿ ಕೈಏಕ್ ಜ಼ಣನ ವಿಶ್ವಾಸ್‌ಮ ಧನ್‍ದೌಲತ್‌ವಾಳ ಕರೀನ್ ಬಣೈರಾಖ್ಯಾಸ್; ಶಾತ್‍ಬಿಕೊಂತೆ ರ‍್ಹಿಯತೋಬಿ ಅಖ್ಖಾನ ಲೀರಾಖವಾಳ ಹುಯಿರ‍್ಹಾಸ್.

2 ಕೊರಿಂಥ 8:12

ಏಕ್‍ಜ಼ಣೊ ದ್ಯವಾನೊ ದಿಲ್‍ರ‍್ಹಿನ್ ಯೋ ಇನ ದಿಲ್ನಿ ಅನುಸಾರ್ ದಿದೊತೊ ತುಮಾರು ದಾನ್ ಸ್ವೀಕಾರ್ ಹುಯಿರ‍್ಹಿಶೆ; ಇನ ದೇವ್‍ಥಿ ಲ್ಹಾಯೇಕ್ ಮಳ್‍ಶೆ.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

ಯಾಕೋಬ 2:5

ಮಾರ ಪ್ಯಾರ್‌ನ ಭೈಯೇ ಭೇನೆವೊ ಖ್ಹಮ್‍ಜೊ ದೇವ್ ಆ ಜಗತ್‌ನು ಗರೀಬ್‌ನ ವಿಶ್ವಾಸ್‌ಮ ಶೌಕಾರ್ ಬಣೈನ್‍ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ‍್ಯೊತೆ ರಾಜ್ಯನ ಭಾದ್ಯ ಬಣೈನ್‍ಬಿ ರ‍್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?

1 ಪೇತ್ರ 4:10

ತುಮೆ ಅಖ್ಖು ದೇವ್ನಿ ಅಲಕ್ ಅಲಕ್ ವರಾನಿ ಬಾರೇಮ ಅಛ್ಛೊ಼ ಸೇವಕ್‌ಹುಯಿನ್ ಹರೇಕ್‍ಜ಼ಣು ಇವ್ಣೆ ಲಿದಾತೆ ವಾರ್‌ಖ್ಹಾನಿ ವರಾನ ಅಖ್ಖಾಸ್ನಿ ಸೇವೆನಖ್ಹಾಜೆ ಉಪಯೋಗ್ ಕರಿಲ್ಯವಾದೆ.