ಅಪೊಸ್ತಲರ್‌ನು ಕಾಮ್‌ಖ್ಹಾರು 3:26 - ದೇವ್ನಿ ಖ್ಹಾಚಿ ವಚನ್

²⁶ ದೇವ್ ಪಹಿಲೆ ತುಮಾರಖ್ಹಾಜೇಸ್ ಇನ ಸೇವಕ್‌ನ ಮರಣ್‌ಥು ಉಠಾಡಿನ್ ತುಮಾರಕನ ಮೋಕ್‌ಲ್ಯೊ. ತುಮೂನ ಆಶೀರ್ವಾದ್‌ ಕರಾನಖ್ಹಾಜೆ ದೇವ್ನೆ ಯೇಸುನ ಮೋಕ್‌ಲ್ಯೊ. ಯೋ ತುಮಾರಮ ಹರೇಕ್ ಜ಼ಣಾನಾಬಿ ಇವ್ಣಿ ಇವ್ಣಿ ಖರಾಬ್ ವಾಟ್‍ಥಿ ದೂರ್ ಕರೀನ್ ಆಶೀರ್ವಾದ್‌ ಕರ್ಶೆ.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:26 ပူးပေါင်းရင်းမြစ်များ

ಮತ್ತಾಯ 1:21

ಯೋ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣ್‌ಶೆ, ತೂ ಇನ ಯೇಸುಕರಿ ನಾಮ್ ಮ್ಹೇಲ್ನು. ಶನಕತೊ, ಯೋ ಇನ ಅದ್ಮಿಯೇವ್ನ ಪಾಪ್‌ಮಾಥು ಬಚಾ಼ವ್‍ಶೆ” ಕರಿ ಬೋಲ್ಯೊ.

ಮತ್ತಾಯ 15:24

ತದೆ ಯೇಸುನೆ ಫರೈನ್ ಬೋಲ್ಯೋಕಿ, “ಗುಮೈಗಯೂತೆ ಮೇಂಢವ್‌ನಿ ಘೋಣಿ ಛಾ಼ತೆ ಇಸ್ರಾಯೇಲ್‌ನು ಅದ್ಮಿನ ಮ್ಹೆಂದಿನ್ ಬಿಜ಼ ಕಿನಾಕನಾಬಿ ದೇವ್ನೆ ಮನ ಮೋಕ್‌ಲ್ಯೊಕೊಯ್ನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಯೋಹಾನ 4:22

ತುಮೆ ಸಮಾರಿಯವಾಳ ಕತೋಬಿ ಯೆಹೂದ್ಯರ್ ಹುಯಿರ‍್ಹಾತೆ ಹಮೆ ಕಿನ ಆರಾದನೆ ಕರೇಸ್ ಕರಿ ತುಮುನ ಮಾಲುಮ್‌ ಕೊಯ್ನಿ, ಶನಕತೊ ರಕ್ಷಣೆ ಯೆಹೂದ್ಯರ್‌ಥೀಸ್‌ ಆವ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:8

ಕತೋಬಿ ಪವಿತ್ರಾತ್ಮ ತುಮಾರಪರ್ ಆಯಿಗೋತೊ, ತುಮೆ ಶಕತ್‍ಲೀನ್ ಯೆರೂಸಲೇಮ್ಮಾಬಿ ಯೂದಾಯಮಬಿ, ಸಮಾರ್ಯ ತಬರ್‌ಖಾಮಾಬಿ ಅಜು಼ ಜಗತ್ನ ಕಡೆಷಿ ಲಗೂಬಿ ಮನ ಸಾಕ್ಷಿಹುಯಿರಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:26

ಮಾರ ಭೈಯೇವೊ, ಅಬ್ರಹಾಮ್‌ನಿ ಖಾನ್‍ದಾನ್‍ವಾಳವೋ, ಖ್ಹಾಚ ದೇವ್ನ ಆರಾದನೆ ಕರುಕರಾತೆ ಯೆಹೂದ್ಯರ್‌ಕಾಹೆತೆ ಅದ್ಮಿವೊ, ಖ್ಹಮ್‍ಜೊ! ಆ ರಕ್ಷಣೆನು ವಚನ್ ಮೋಕ್‍ಲೈರ‍್ಹುತೆ ಅಪ್ಣಖ್ಹಾಜೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:24

ಯೇಸುನ ದೇವ್ನೆ ಮರಣ್ಣಿ ಖ್ಹತಾಪ್ಣಿಥಿ ಛೋ಼ಡೈನ್ ಉಠಾಡ್ಯೊ. ಶನಕತೊ ಮರಣ್ ಇನ ಧರಿಲ್ಯವಾನ ಕೊ ಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:32

ಇನಖ್ಹಾಜೆ ದೇವ್ನೆ ಮರ‍್ಯಹುಯಾಮ ಜಿವ್ತೊಕರಿನ್ ಮ್ಹೇಲ್ಯೊತೆ ಯೇಸುನಾಸ್, ಇನ ಹಮೆಅಖ್ಖು ಸಾಕ್ಷಿ ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:20

ಪಹಿಲೆ ಯೆರೂಸಲೇಮ್ಮ ಛಾ಼ತೆ ದಮಸ್ಕಮಾಬಿ, ಯೂದಾಯನ ಅಖ್ಖಾ ತಭರ್‌ಖಾಮಾಬಿ ಛಾ಼ತೆ ಇವ್ಣುನ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿನಾಬಿ, ತುಮೆ ದೇವ್‌ಭಣಿ ಫರ್‌ನು ಕರೀಬಿ ತುಮಾರು ಪಾಪ್‌ಭರ‍್ಯು ಜಿವ್ಣನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣುಕರಿಬಿ ಆಸ್ ಯೋಗ್ಯಾನು ಅಛ಼಼್ಛಕಾಮ್ನ ಪ್ರಚಾರ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:13

ಅಪ್ಣೊ ಗುರುಗುರಬ್‌ಲ್ಯ ಹುಯಿರೋತೆ ಅಬ್ರಹಾಮ್ ಇಸಾಕ್ ಯಾಕೋಬನೊ ದೇವ್‌ ಅಜು಼ ಅಪ್ಣೊ ಗುರುಗುರಬ್‌ಲ್ಯನೊ ದೇವ್ ಇನೊ ದಾಸಹುಯಿರ‍್ಹೊತೆ ಯೇಸುನ ಮಹಿಮೆ ಕರಿರಾಖ್ಯೊಸ್. ಕತೋಬಿ ತುಮೆ ಇನ ಪಿಲಾತನ ಹಾತ್ಮ ಮಾರನ ಧರಿನ್‍ ದಿದಾ; ಬಿಜು಼ ಪಿಲಾತನೆ ಇನ ಛೋ಼ಡಾವ್ಣು ಕರಿ ಖ್ಹೂಜ಼್‌ ಕರಾದಿನ್, ಇನಖ್ಹಾಮ್ಣೆ ತುಮೆ ಯೇಸು ಹೋಣುಕೊಯ್ನಿ ಕರಿ ಬೋಲ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:15

ಅಮ್ ತುಮೆ ಜಾನ್‍ದೇವಳಾನಸ್ ಮರೈನಾಖ್ಯ. ಕತೋಬಿ ದೇವ್ನೆ ಇನ ಮರ‍್ಯಾಹುಯಾಮಾಥು ಉಠಾಡ್ಯೊ; ಅನಿ ಬಾರೇಮ ಹಮೇಸ್ ಸಾಕ್ಷಿಖ್ಹಾರು ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:20

ಪ್ರಭು ತುಮೂನ ಆತ್ಮೀಕ ಅರಾಮ್ ದಿಶೆ.ಅಜು಼ ದೇವ್ನೆ ಪಹಿಲೇಸ್ ಕ್ರಿಸ್ತಕರಿ ಚೂ಼ಣಿರಾಖ್ಯೊತೆ ಮೆಸ್ಸಿಯಾನ ತುಮಾರಖ್ಹಾಜೇಸ್ ಮೋಕಲ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:22

ಮೋಶೆನೆ ಬೋಲ್ಯೊತೆ ಶಾತ್‍ಕತೊ, ದೇವ್‍ಹುಯಿರ‍್ಹೋತೆ ಪ್ರಭು ಮಾರಿನಿತರ ತುಮಾರ ಅದ್ಮಿಮಾಸ್ ಏಕ್‌ ಪ್ರವಾದಿನ ತುಮಾರಖ್ಹಾಜೆ ಉಠಾಡ್‍ಶೆ, ಯೋ ಬೋಲ್‍ಶೇತೆ ಅಖ್ಖಿ ವಾತೆನ ತುಮೆ ಖ್ಹಮಜ಼್‌ಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:25

ಯೊ ಪ್ರವಾದಿಖ್ಹಾರು ಬೋಲ್ಯಾತೆ ವಾತೆನ ತುಮೆ ಖ್ಹಮ್‍ಜಿಲಿದ. ದೇವ್ ತುಮಾರ ಗುರುಗುರಬ್‍ಲ್ಯಾನಿ ಜೋ಼ಡ್ಮ ಕರ‍್ಯೊತೆ ಒಪ್ಪಂದಾನನ ತುಮೆ ಸ್ವೀಕಾರ್ ಕರೀಲಿದಾ. ದೇವ್ ತುಮಾರೊ ಗುರು ಹುಯಿರೋತೆ ಅಬ್ರಹಾಮ್‌ನ, ‘ತಾರಿ ಖಾನ್‍ಧಾನ್‍ಥಿ ಜ಼ಮೀನ್‌ಪರ್ ಛಾ಼ತೆ ಅದ್ಮಿಖ್ಹಾರು ವಾರ್‌ಖ್ಹೊ ಲೀಲಿಶೆ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:16

ಮಾರಿ ಸುವಾರ್ತೆನಿ ಬಾರೇಮ ಮನ ಪೂರ ಆತ್ಮ ವಿಶ್ವಾಸ್ ಛಾ಼. ಶನಕತೊ ಯೋ ಪಹಿಲೆ ಯೆಹೂದ್ಯರ್‌ನ ಇನಕೇಡೆಥು ಯೆಹೂದ್ಯಕಾಹೇತೆ ಇವ್ಣುನಾಸ್ ಕಾಹೆತೆ ವಿಶ್ವಾಸ್‌ಕರವಾಳ ಹರೇಕ್‌ನಬಿ ಆ ಸುವಾರ್ತೆ ರಕ್ಷಣೆನ ಉಬ್‍ಜಾ಼ವನಿ ದೇವ್ನಿ ಶಕತ್‍ಹುಯಿರ‍್ಹೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:29

ಆ ನಾಹುಯಿನ್ ತುಮಾರಕನ ಆವಾನಿ ವಖ್ಹ್‌ತೆ ಕ್ರಿಸ್ತಥಿ ಹುವಾನು ಘಣಿ ಆಶೀರ್ವಾದ್‌ನ ಮೇ ತುಮಾರಕನ ಲಾಯಿಶ್, ಕರಿ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:8

ಶನಕತೊ ಕ್ರಿಸ್ತಾನು ಸೇವೆನು ಜಿವ್ಣು ಯೆಹೂದ್ಯರ್‌ನ ಸಾಕ್ಷಿ ಹುಯಿರ‍್ಹುಸ್‌ಕರಿ ಮೇ ಬೋಲುಸ್, ಕತೋಬಿ ದೇವ್ನೆ ಗುರುಗುರಬ್‍ಲ್ಯನ ಕರ‍್ಯೊತೆ ವಾಗ್ದಾನ್‍ಖ್ಹಾರು ಖ್ಹಾಚ಼ನ ಒತಾಳನಖ್ಹಾಜೆ ಖ್ಹತ್ನಕರಿ ಪದತ್ತಿನ ಖ್ಹಾಜೇಥಿಬಿ ಕ್ರಿಸ್ತ ಯೆಹೂದ್ಯರ್‌ನೊ ಚಾ಼ಕ್ರಿವಾಳೊ ಬಣ್ಯೊ.

ಎಫೆಸ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಅಜು಼ ಬಾ ಹುಯಿರ‍್ಹೋತೆ ಇನ ಧನ್ಯವಾದ್ ಹುವಾದೆ, ಕ್ರಿಸ್ತನಿ ಗಳ್‌ಜೋ಼ಡ್ಮ ಇನೆ ಪರಲೋಕ್‍ಮ ಛಾ಼ತೆ ಹರೇಕ್ ಆತ್ಮೀಕ್ ಆಶೀರ್ವಾದ್‌ಖ್ಹಾರು ಅಪ್ಣುನ ದಿರಾಖ್ಯೊಸ್.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.

1 ಪೇತ್ರ 3:9

ಖರಾಬ್‌ನ ಖರಾಬ್, ಚಾ಼ವ್‍ಣ್ಯನ ಚಾ಼ವ್‌ಣ್ಯ ನಾಕರ‍್ನುತೆ ಆಶೀರ್ವಾದ್‌ ಕರೊ ಅನಖ್ಹಾಜೆಸ್ ದೇವ್ನೆ ತುಮುನ ಬುಲೈರಾಖ್ಯೋಸ್ನಿ. ಅಮ್ ಕರಾವಾಳ ಹುಯಿರ‍್ಹಾತೊ ತುಮೆ ಆಶೀರ್ವಾದ್‌ನ ಹಕ್‌ಥಿ ಲೀಲಿಶು.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.