ಅಪೊಸ್ತಲರ್‌ನು ಕಾಮ್‌ಖ್ಹಾರು 3:25 - ದೇವ್ನಿ ಖ್ಹಾಚಿ ವಚನ್

²⁵ ಯೊ ಪ್ರವಾದಿಖ್ಹಾರು ಬೋಲ್ಯಾತೆ ವಾತೆನ ತುಮೆ ಖ್ಹಮ್‍ಜಿಲಿದ. ದೇವ್ ತುಮಾರ ಗುರುಗುರಬ್‍ಲ್ಯಾನಿ ಜೋ಼ಡ್ಮ ಕರ‍್ಯೊತೆ ಒಪ್ಪಂದಾನನ ತುಮೆ ಸ್ವೀಕಾರ್ ಕರೀಲಿದಾ. ದೇವ್ ತುಮಾರೊ ಗುರು ಹುಯಿರೋತೆ ಅಬ್ರಹಾಮ್‌ನ, ‘ತಾರಿ ಖಾನ್‍ಧಾನ್‍ಥಿ ಜ಼ಮೀನ್‌ಪರ್ ಛಾ಼ತೆ ಅದ್ಮಿಖ್ಹಾರು ವಾರ್‌ಖ್ಹೊ ಲೀಲಿಶೆ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:25 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:72

ದೇವ್ನೆ ಅಪ್ಣ ಗುರುಗುರಬ್‍ಲ್ಯನ ಗೋರ್‌ಖೈನ್, ಪವಿತ್ರ ಒಪ್ಪಂದನ ಯಾದ್‌ಕರಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:26

ಮಾರ ಭೈಯೇವೊ, ಅಬ್ರಹಾಮ್‌ನಿ ಖಾನ್‍ದಾನ್‍ವಾಳವೋ, ಖ್ಹಾಚ ದೇವ್ನ ಆರಾದನೆ ಕರುಕರಾತೆ ಯೆಹೂದ್ಯರ್‌ಕಾಹೆತೆ ಅದ್ಮಿವೊ, ಖ್ಹಮ್‍ಜೊ! ಆ ರಕ್ಷಣೆನು ವಚನ್ ಮೋಕ್‍ಲೈರ‍್ಹುತೆ ಅಪ್ಣಖ್ಹಾಜೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:39

ಆ ವಾಗ್ದಾನ್ ತುಮೂನಾಬಿ ತುಮಾರ ಲಡ್ಕಾವ್‍ನಾಬಿ ಘಣ ದೂರ‍್ಮಛಾ಼ತೆ ಅದ್ಮಿವೊನಾಬಿ ದೆವೈರ‍್ಹೂಸ್. ಅಪ್ಣೊ ದೇವ್ ಹುಯಿರೋತೆ ಪ್ರಭು ಇನಕನ ಖುಷಿ ಲ್ಯವಾಳ ಹರೇಕ್ ಜ಼ಣಾನಾಬಿ ಆ ವಾಗ್ದಾನ ದೀರಾಖ್ಯೊಸ್ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:8

ಶನಕತೊ ಕ್ರಿಸ್ತಾನು ಸೇವೆನು ಜಿವ್ಣು ಯೆಹೂದ್ಯರ್‌ನ ಸಾಕ್ಷಿ ಹುಯಿರ‍್ಹುಸ್‌ಕರಿ ಮೇ ಬೋಲುಸ್, ಕತೋಬಿ ದೇವ್ನೆ ಗುರುಗುರಬ್‍ಲ್ಯನ ಕರ‍್ಯೊತೆ ವಾಗ್ದಾನ್‍ಖ್ಹಾರು ಖ್ಹಾಚ಼ನ ಒತಾಳನಖ್ಹಾಜೆ ಖ್ಹತ್ನಕರಿ ಪದತ್ತಿನ ಖ್ಹಾಜೇಥಿಬಿ ಕ್ರಿಸ್ತ ಯೆಹೂದ್ಯರ್‌ನೊ ಚಾ಼ಕ್ರಿವಾಳೊ ಬಣ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:13

ಜಗತ್‍ನಾಸ್ ಹಕ್‍ದಾರ್ ಉಷೆಕರಿ ಬೋಲಾನು ವಾಗ್ದಾನ್ ಅಬ್ರಹಾಮ್ ಧರ್ಮಶಾಸ್ತ್ರನ ಪಾಡಿ ಚಾ಼ಲುಕರ್ತೊಥೋತೆ ಇನಖ್ಹಾಜೆ ಕಾಹೆ. ವಿಶ್ವಾಸ್‍ಥಿ ಆವಾತೆ ನೀತಿಹುಯಿರ‍್ಹಿಸ್.

ಗಲಾತ್ಯ 3:16

ಇಮ್ಮಸ್ ದೇವ್ನೆ ಅಬ್ರಹಾಮ್‌ನಾಬಿ ಇನಿ ಪಿಳ್ಗಿನಾಬಿ ವಾಗ್ದಾನ್‌ ಕರ‍್ಯೊ. ಕತೋಬಿ ಯೋ ಖೂಮ್ಮ ರ‍್ಹವಾಳ ಅಖ್ಖಾಸ್ನ ಬೋಲ್ಯೊಕೊಂತೆ ಅಬ್ರಹಾಮ್‌ನು ಪಿಳ್ಗಿನ ಛಾ಼ತೆ ಎಕ್ಕಸ್ ಜ಼ಣಾನ ವತಾಳಸ್‍. ಯೋ ಏಕ್‌ ಜ಼ಣೋಸ್ ಯೇಸು ಕ್ರಿಸ್ತ.

ಗಲಾತ್ಯ 3:29

ತುಮೆ ಕ್ರಿಸ್ತವಾಳ ಉಷೇತೊ ಅಬ್ರಹಾಮ್‌ನ ಖೂಮ್‌ವಾಳ ಹುಯಿನ್ ಅಜು಼ ದೇವ್ನು ವಾಗ್ದಾನ್ನ ಲೀರಾಖವಾಳ ಹುಯಿರ‍್ಹಾಸ್.

ಗಲಾತ್ಯ 3:8

ದೇವ್ನೆ ಯೆಹೂದ್ಯರ್‌ಕಾಹೆತೆ ಅದ್ಮಿನ ವಿಶ್ವಾಸ್‌ನ ಖ್ಹಾಜೇಥಿಸ್ ನೀತಿವಾಳಕರಿ ಸಾಬಿತ್‌ಕರಾನು ದೇವ್ನಿ ವಚನ್ನ ಪಹಿಲೇಸ್ ದೇಖಿನ್ ಅಬ್ರಹಾಮ್‌ನ, “ತಾರೇಥಿ ಜ಼ಗ್‌ಜಾ಼ತ್‌ನಾಬಿ ಆಶೀರ್ವಾದ್‌ ಉಷೆ” ಕರಿ ಸುವಾರ್ತೆನ ಅಗ್ಗಳ್‌ಥೂಸ್ ಬೋಲಾಯು.

ಪ್ರಕಾಶಿತ್ 14:6

ಬಿಜೇಕ್ ದೇವ್‌ನೊ ದೂತ ಆಬ್‌ನ ಇಚ಼್‌ಮ ಉಡುಕರಾನು ದೇಖ್ಯೊ. ಜ಼ಮೀನ್‌ಪರ್ ಜಿವ್‌ಕರಾತೆ ಹರೇಕ್ ಜ಼ಗ್‌ಜಾ಼ತ್‌, ಖೂಮ್‌, ಬೋಲಿ, ಅದ್ಮಿಖ್ಹಾರನ ಬೋಲಿವತಾಳಾನ ಖ್ಹಾಜೆ ಹರ್‌ಹಮೇಶಾನು ಅಛ್ಛಿ ಸಂದೇಶ್ ಇನಾಕನ ಥು.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.

ಪ್ರಕಾಶಿತ್ 7:9

ಆ ಹುವಾನ ವಾರ್, ಹಂದೇಕ್ ಕಿನೇಥೀಬಿ ಗಣ್ತಿಕರಾನ ಕೊಹುವಾನಿತೆ ಎತ್ರೆ ಅದ್ಮಿಯೇವ್‌ನು ಭೀಡ್ ಸಿಂಹಾಸನ್ನ ಖ್ಹಾಮ್ಣೆ ಅಜು಼ ಮೇಂಢಾನ ಖ್ಹಾಮ್ಣೆಬಿ ಭಿಯುರ‍್ಹವಾನು ದೇಖ್ಯೊ. ಇವ್ಣೆಖ್ಹಾರು ಹರೇಕ್ ಜ಼ಗ್‌ಜಾ಼ತ್‌ನುಬಿ,ಖೂಮ್‌, ಬೋಲಿ ಬೋಲಾವಳು ಹುಯಿರ‍್ಹುಥು. ಇವ್ಣೆ ಧೋಳ ಝ಼ಗ್ಗೊ ಫೇರಿಲಿನ್ ಇವ್ಣ ಹಾತ್ಮ ಖಜೂ಼ರ‍್ನಿ ಡಾಳಿ ಧರಿರಾಖ್ಯೂಥು.