ಅಪೊಸ್ತಲರ್‌ನು ಕಾಮ್‌ಖ್ಹಾರು 3:16 - ದೇವ್ನಿ ಖ್ಹಾಚಿ ವಚನ್

¹⁶ ತುಮೆ ಶಾತ್‌ ದೇಖ್ಯಕಿ ಅಜು಼ ತುಮೆ ಶಾತ್ ಖ್ಹಮ್‍ಜ್ಯಾಕಿ ಯೋ ಅಖ್ಖು ಇನ ನಾಮ್‍ಥೀಸ್ ಹುಯಿರುಸ್. ಯೊ ಲಂಗ್‍ಡಾನೆ ಯೇಸುನ ಉಪ್ಪರ್ ರಾಖಿರಾಖ್ಯೊತೆ ವಿಶ್ವಾಸ್‌ಥೀಸ್ ಇನ ಅಛ್ಛು಼ ಹುಯುತೆ ಅನಅಖ್ಖು ತುಮೆ ದೇಖಿರಾಖ್ಯಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:16 ပူးပေါင်းရင်းမြစ်များ

ಮತ್ತಾಯ 14:29

ಯೇಸುನೆ ಇನ, “ಆವ್!” ಕರಿ ಜ಼ವಾಬ್‌ದಿದೊ. ತದೆ ಪೇತ್ರ ಯೇಸುಕನ ಜಾ಼ವಾನಖ್ಹಾಜೆ ಡೋಣ್‌ಮಾಥು ಉತ್ರಿನ್, ಪಾಣಿಪರ್‌ ಚಾ಼ಲಲಗ್ಯೊ.

ಮತ್ತಾಯ 9:22

ತದೆ ಯೇಸುನೆ ಫರೀನ್, ಇನಾಭಣಿ ದೇಖಿನ್‌, “ಛೋ಼ರಿ ಧಿಲ್‌ಪತ್‌ಥಿ ರ‍್ಹೇ! ತಾರಿ ವಿಶ್ವಾಸ್‌ಥೀಸ್‌ ತುನ ಅಛ಼್ಛುಹುಯು” ಕರಿ ಬೋಲ್ಯೊ. ಯೋಸ್‌ ವಖ್ಹತ್‌ಮ ಯೋ ತಯೇಡಾನ ಗುಣ್‌ಹುಯು.

ಯೋಹಾನ 14:12

ಮೇ ತುಮೂನ ಖ್ಹಾಚ ಬೋಲುಸ್, ಮನ ನಂಬವಾಳೊ ಮೇ ಕರ‍್ಯೊತೆ ಕಾಮ್ನಖ್ಹಾರು ಯೋಬಿ ಕರ್ಶೆ, ಎತ್ರೇಸ್ ಕಾಹೆತೆ ಇನೇಥಿ ಮಹಾನ್ ಕಾಮ್ನ ಖ್ಹಾರು ಕರ್ಶೆ, ಶನಕತೊ ಮೇ ಬಾಕನ ವಳ್ಯೊಜ಼ವುಸ್‌.

ಯೋಹಾನ 7:23

ಮೋಶೇನು ಧರ್ಮಶಾಸ್ತ್ರ ತೋಡ್ನು ನಾ ಕರಿ ಏಕ್‍ಜ಼ಣೊ ಸಬ್ಬತ್‌ನ ದನ್ಮ ಖ್ಹತ್ನ ಕರೈಲ್ಯವಾನು ರ‍್ಹಿಯುತೊ, ಮೇ ಸಬ್ಬತ್‌ ದನ್ಮ ಏಕ್‌ ಅದ್ಮಿನ ಗುಣ್ ಕರೀನ್ಅಛ್ಛು಼ ಕರ್ತಾನ, ಮಾರಪರ್ ಶನ ಇರಾದೊ ಕರೋಸ್?

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:9

ಕದೇಬಿ ಚಾ಼ಲ್ತೋಥೊಕೊಂತೆ ಯೋ ಅದ್ಮಿ ಬೇಠು ಬೇಠು ಪೌಲನಿ ವಾತೆನ ಪೌಲನಿ ವಾತೆನ ಖ್ಹಮ್‌ಜು಼ ಕರ್ತುಥು. ಪೌಲನೆ ಇನ ಠರ್‌ಕೈನ್ ದೇಖಿನ್, ದೇವ್ ಗುಣ್‌ಕರ್ಶೆ ಕರಿ ಬೋಲಾನಿ ವಿಶ್ವಾಸ್ ಇನಾಮಥೂತೆ ಇನ ಮಾಲುಮ್ ಕರಿಲಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:18

ಕೈಏಕ್ ದನ್‍ಲಗೂಬಿ ಅಮ್ಮಸ್ ಬೋಲುಕರ್ತಿಥಿ. ಇನಖ್ಹಾಜೆ ಪೌಲ ಬೇಜಾರ್ ಹುಯಿನ್, ಯೊ ತಯೇಡಾಮ ಛಾ಼ತೆ ಖರಾಬ್ಆತ್ಮ, ‘ಮ್ಹೆಂದಿನ್ ನಿಕ್ಳಿಜಾ಼’ ಕರಿ ಯೇಸುಕ್ರಿಸ್ತನ ನಾಮ್‍ಥಿ ಹುಕುಮ್ ದೆವುಸ್ ಕರಿ ಬೋಲ್ಯೊ. ಯೋ ವಖ್ಹತ್‌ಮಾಸ್‌ ಯೋ ಖರಾಬ್ಆತ್ಮ ಇನ ಮ್ಹೇಲಿನ್ ಚ಼ಲಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:6

ತದೆ ಪೇತ್ರನೆ, ಪೈಶ ಖ್ಹೊನ್ನು ಮಾರಕನ ಕೊಯ್ನಿ, ಕತೋಬಿ ಮಾರಕನ ಛಾ಼ತೆ ಯೊ ತುನ ದೆವುಸ್. ನಜ಼ರೇತ್ನ ಯೇಸುಕ್ರಿಸ್ತನ ನಾಮ್‍ಥೀಸ್ ಉಠೀನ್ ಚಾ಼ಲ್‍ಕರಿ ಬೋಲಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:8

ಯೊ ಉಠೀನ್ ಭೀರಿನ್‌ ಗೋಡೆಥಿ ಚಾ಼ಲಾಲಗ್ಯೊ; ಯೊ ಚಾ಼ಲ್ತೊ ಖೇಲ್ತೊ ದೇವ್ನ ಖ್ಹರಾವ್‌ತೊಹುಯಿನ್ ಇವ್ಣಿಜೋ಼ಡ್ಮ ದೇವ್ನಿಮಂದಿರ್‌ನ ಮಹಿ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:10

ತುಮೆ ಶಿಲ್‌ಬೇಪರ್ ಛ಼ಡಾಯತೆ ಅಜು಼ ‘ದೇವ್ನೆ ಮರ‍್ಯಹುಯಮಾಥು ಉಠಾಡ್ಯೊತೆ ನಜ಼ರೇತ್‌ನೊ ಯೇಸುಕ್ರಿಸ್ತನ ನಾಮ್‍ಥೀಸ್ ಆ ಲಂಗ್ಡೊಥೋತೆ ಅದ್ಮಿ ಅಛ್ಛೊ಼ ಹುಯು. ಬಿಜು಼ ತುಮಾರ ಖ್ಹಾಮ್ಣೆ ಭಿಯೋಸ್ ಕರಿ ಬೋಲಾನು, ತುಮೂನಾಬಿ ಅಜು಼ ಇಸ್ರಾಯೇಲ್ ಅದ್ಮಿಖ್ಹಾರನ ಆವಾತೆ ಮಾಲುಮ್ ರ‍್ಹವಾದೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:30

ತಾರ ಹಾತ್ನ ಭಡಾಯೋತೊ, ತಾರ ಸೇವಕ್, ತಾರಿ ವಚನ್ನ ಹಿಮ್ಮಥ್ಥಿ ಬೋಲಾನಿತರ ರಕ್ಷಕ್ ಯೇಸುನ ನಾಮ್‍ಥಿ ಪವಿತ್ರ ಕಾಮ್ ಕರಾನ, ರೋಗ್‌ವಾಳನ ಗುಣ್‌ಕರಾನಖ್ಹಾಜೆ,ಅಶ್ಚರ್ಯ ಅದ್ಭುತ್‌ಕಾಮ್‌ ಕರಾನ ತಾರೊಹಾತ್‌ ಫೈಲಾವ್‌”.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:7

ಅವ್ಣೆ ಪೇತ್ರಬಿ ಯೋಹಾ‍ನನ ಬೀಚ್ಮ ಭೀರಾಖಿನ್ ತುಮೆ ಖಿವಿ ಶಕಥ್ಥಿ ಅಜು಼ ಕಿನ ನಾಮ್‍ಥಿ ಆ ಅಖ್ಖು ಕರೋಸ್? ಕರಿ ಬೋಲಖ್ಹತರ್,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:22

ಯೇಸುಕ್ರಿಸ್ತಮ ವಿಶ್ವಾಸ್‍ಕರಾವಾಳಥಿಸ್‌ ವಿಶ್ವಾಸಿಖ್ಹಾರವ್ನ ದೇವ್ನಿ ನೀತಿ ಆವ್‌ಶೆ. ಅನಾಮ ಖೆವುಬಿ ಅಶಿಲ್ ಕಮ್‌ಶಿಲ್ ಕೊಯ್ನಿ.

1 ಕೊರಿಂಥ 13:2

ಮನ ಪ್ರವಾದನೆ ವರ ರ‍್ಹಯುತೋಬಿ, ಮೇ ಖ್ಹಾರುಸ್ ಗಪ್ಲಥ್ಥಿ ರ‍್ಹೆಯಿತೇಬಿ ಅಖ್ಖಿಥರಾನು ಪಢಂತ್‍ನ ಮಾಲುಮ್ ಕರಿರಾಖ್ಯೊತೋಬಿ, ಪಹಾಡ್ನ ಖ್ಹರ್ಕಾವಯೆತ್ರೆ ವಿಶ್ವಾಸ್ ರ‍್ಹೀತೊಬಿ ಮನ ಪ್ಯಾರ್ ನಾರ‍್ಹಯುತೊ, ಶಾತ್ಬಿ ನಾ ರ‍್ಹವಾಳೊ ಹುಯಿರೋಸ್.