ಅಪೊಸ್ತಲರ್‌ನು ಕಾಮ್‌ಖ್ಹಾರು 3:14 - ದೇವ್ನಿ ಖ್ಹಾಚಿ ವಚನ್

¹⁴ ತುಮೆ ಪರಿಶುದ್ಧಬಿ ನೀತಿನೊ ಹುಯಿರೋತೆ ಯೇಸುನ ನಕೊ ಕರಿ ಬೋಲ್ಯ. ಇನಬದಲ್ ಹತ್ಯಾರ ಏಕ್‌ ಚೋ಼ರ್‌ನ ಛೋ಼ಡೈ ದೇವ್ಣು ಕರಿ ಪಿಲಾತನ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:14 ပူးပေါင်းရင်းမြစ်များ

ಮತ್ತಾಯ 27:20

ಕತೋಬಿ ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಬರಬ್ಬನ ಮ್ಹೇಲಿದೇಣು, ಯೇಸುನ ಮರೈನಾಕ್ಣು ಕರಿ ಪಿಲಾತನ ಬೋಲಿಲೇವ್ಣು ಕರಿ ಅದ್ಮಿಯೇನ ಬೋಲಿದಿದು.

ಮಾರ್ಕ 1:24

ಯೋ ಚಿಕ್ರಿನ್, “ನಜ಼ರೇತ್‌ನೊ ಯೇಸು, ಹಮಾರೇಥಿ ತುನ ಶಾತ್‌ ಛಾ಼? ಹಮೂನ ಬರ್ಬಾತ್ ಕರಾನ ಆಯೊಕಿ ಶು? ತು ಕೋಣ್ ಕರಿ ಮನ ಮಾಲುಮ್; ತೂ ದೇವ್‌ನೊ ಪವಿತ್ರ್‌ ಛಿಯ್ಯೊ ಹುಯಿರ‍್ಹೋಸ್” ಕರಿ ಬೋಲ್ಯು.

ಮಾರ್ಕ 15:11

ತದೆ ಗಲ್‌ಢಯಾಜಕರ್‌ಖ್ಹಾರು, “ಬರಬ್ಬನಾಸ್ ಮ್ಹೇಲಿದೆ ಕರಿ ಬೋಲ್‌ನು” ಕರಿ ಅದ್ಮಿನ ಬೋಲಿದಿದು.

ಮಾರ್ಕ 15:7

ತದೆ ಬರಬ್ಬ ಕರಿ ಏಕ್‌ ಜ಼ಣೊ ಥೊ. ಕಲ್ಹಾಗಟ್‌ ಪಡಾನಿ ವಖ್ಹತ್‌ಮ, ಅದ್ಮಿನ ಮಾರಿನಾಖಿ ದೇಯಿತೆ ಇವ್ಣ ಜೋ಼ಡ್ಮ ಇನ ಧರಿನ್ ಕೋಂಡಿ ಘಾಲಿರಾಖ್ಯುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:35

ತದೆ ದೇವ್‌ನೊ ದೂತನೆ ಮರಿಯನ, “ತಾರಪರ್ ಪವಿತ್ರಾತ್ಮ ಆವ್‌ಶೆ ಅಜು಼ ದೇವ್ನಿ ಶಕತ್‍ ಆಯಿನ್ ತಾರಪರ್ ಢಪಾವ್‌ಶೆ, ಅನಖ್ಹಾಜೆಸ್ ಪೈದಾ ಉಷೇತೆ ಯೋ ಪವಿತ್ರ ಲಡ್ಕು ದೇವ್‌ನೊ ಛಿಯ್ಯೊ ಕರಿ ಬೋಲೈಲಿಶೆ” ಕರಿ ಜವಾಬ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:25

ಕಲ್ಹಾಗಟ್ ಅಜು಼ ಅದ್ಮಿನ ಮರ್‌ನಾಖ್ಯುತೆ ಇನಾಟೇಕೆ, ಜೇಲ್‌ಮ ಕೋಂಡೈ ಘಲೈರ‍್ಹೂಥೂತೆ ಬರಬ್ಬನ ಮ್ಹೇಲಿದಿನ್, ಅದ್ಮಿನಿ ಮರ್ಜಿನಿಘೋಣಿ, ಯೇಸುನ ಇವ್ಣ ಹಾತ್‌ಮ ದಿನಾಖ್ಯೊ.

ಯೋಹಾನ 16:10

ಮೇ ಬಾಕನ ಜೈ಼ನ್‌, ನೀತಿನಿ ಬಾರೇಮ ಅದ್ಮಿಖ್ಹಾರನ ಖ್ಹಾಮ್ಣೆ ಸಾಕ್ಷಿದಿಶ್, ಬಿಜು಼ ಅನಪಾರ್ ಮನ ಘಣಿ ವಖ್ಹತ್ ದೇಕ್‌ಶು ಕೊಯ್ನಿ.

ಯೋಹಾನ 18:40

ತದೆ ಇವ್ಣೆ, “ಅನ ನಕೊ! ಬರಬ್ಬನಾಸ್ ಮ್ಹೇಲಿದೆ!” ಕರಿ ಚಿಕ್ರಿನ್ ಬೋಲ್ಯು. ಆ ಬರಬ್ಬ ಏಕ್‌ ಢಾಕು ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:28

ಯೇಸುನ ಮರಣ್ಣಿ ದಂಡನೆ ದ್ಯವಾನ ಬರೋಬರ್‌ನಿ ಕಾರಣ್ ನಾಮಳ್ಯುತೋಬಿ ಇನ ಮರಾವ್ಣುಕರಿ ಪಿಲಾತನ ಬೋಲಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:27

ಶನಕತೊ ತೂ ಮಾರ ಜಾನ್ನಆತ್ಮನ ಪಾತಾಳ್ಮ ಮ್ಹೇಲಿಶ್ ಕೊಯ್ನಿ. ತಾರ ಪ್ಯಾರ್‌ನ ಅದ್ಮಿನ ಪಾತಾಳ್ಮ ಖ್ಹಡ್ವಾನ ಮ್ಹೇಲಿಶ್‍ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:14

ತದೆ ಅನನೀಯನೆ, ‘ತುಮಾರೊ ಗುರುಖ್ಹಾರಾನೊ ದೇವ್ ಘಣ ದನ್ನ ಪಾರಸ್ ತುನ ಚೂ಼ಣಿಲಿದೊ. ತೂ ದೇವ್ನಿ ಖ್ಹಯಾಲ್ನ ಮಾಲುಮ್ ಕರಿಲ್ಯವಾನಾಬಿ ನೀತಿವಾಳೊಸೇವಕ್ನ ದೇಕ್ಣುಕರಿಬೀ, ಯೊ ಇನಿ ಶೊಂತ್ ಅವಾಜ಼್‌ನಿ ವಾತೆನ ಖ್ಹಮಜ಼್‌ಣುಕರಿ ದೇವ್ನೆ ತುನ ನೇಮ್‌ಶಾಯೋತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:27

ಯೋ ವಾಥ್ಥಿಸ್ ಹೆರೋದಬಿ ಪೊಂತ್ಯ ಪಿಲಾತಬಿ, ತೂ ಅಬಿಷೇಕ್ ಕರ‍್ಯೊತೆ ತಾರೊ ಪವಿತ್ರ ಸೇವಕ್ ಹುಯಿರೋತೆ ಯೇಸುನ ವಿರೋದ್ ಯೆಹೂದ್ಯರ್‌ಕಾಹೆತೆ ಖ್ಹಾರು ಅಜು಼ ಇಸ್ರಾಯೇಲ್‌ನು ಅದ್ಮಿಖ್ಹಾರು ಒಟ್‍ ಹುಯಿನ್ ಭರೈರ‍್ಹೂಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:28

“ತುಮೆ ಆ ನಾಮ್‌ಪರ್‌ ಬೋಧನೆ ನಾಸ್‍ಕರ‍್ನು ಕರಿ ತುಮೂನ ಹುಕುಮ್‌ ಕರ‍್ಯಥಾನಿ; ರ‍್ಹಯುತೋಬಿ ತುಮೆ ಕರ‍್ಯಾತೆಶಾತ್? ಯೆರೂಸಲೇಮ್‌ನ ತುಮಾರಿ ಬೋಧನೆಥಿ ಫೈಲೈದಿದ, ಆ ಮರೈರ‍್ಹುಥೆ ಅದ್ಮಿನ ಹಮೇಸ್ ಜಿಮ್ಮೇದಾರಿ ಕರಿ ಕರಾನ ತುಮೆ ಕೋಶಿಶ್ ಕರುಕರಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:52

ಜಿವ್ತಥಾತೆ ಪ್ರವಾದಿಮ ಖ್ಹಾರಜ಼ಣನ ತುಮಾರ ಗುರುಖ್ಹಾರು ಖ್ಹತಾಯು. ನೀತಿವಾಳೊ ಎಕ್ಕಸ್‍ಜ಼ಣೊ ಹುಯಿರೋತೆ ಯೊ ಪಹಿಲೆಸ್ ಆವ್‍ಶೆಕರಿ ಖ್ಹಮ್‍ಜಾ಼ಯುಥು. ಕತೋಬಿ ತುಮಾರು ಗುರುಖ್ಹಾರು ಯೋ ಪ್ರವಾದಿಖ್ಹಾರನ ಮಾರಿನಾಖ್ಯು. ಹಮ್ಕೆ ತುಮೆ ಧರಿದೀನಸ್ ಇನ ಮರೈನಾಖ್ಯ.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಯಾಕೋಬ 5:6

ತುಮೆ ನೀತಿವಾಳಾನ ಗಾಳೆದೀನ್ ಖೂನ್‌ಕರಿನಾಖ್ಯ, ಯೊತೋಬಿ ತುಮುನ ವಿರೋದ್ ಕರುಕರಕೊಯ್ನಿ.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

ಪ್ರಕಾಶಿತ್ 3:7

ಫಿಲಿಡೇಲ್ಫಿಯಾಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ಪರಿಶುದ್ಧಬಿ, ಖ್ಹಾಚೊ಼ಹುಯಿರ‍್ಯವಾಳೊಬಿ, ದಾವೀದನು ಬೀಗಾನು ಕೀಲಿ ಲೀರಾಖವಾಳೋಬಿ, ಕಿನೇಥೀಬಿ ನಾ ಮೂಚ಼ನಹೋಣುತೆ ಇಮ್‌ ಕಾಡವಾಳೊ, ಖೆವಾಥೀಬಿ ಉಖ್ಡಾನ ನಾ ಹೋಣುತೆ ಇಮ್‌ ಮೂಚಾ಼ವಾಳೊ ಹುಯಿರೋತೆ ಶಾತ್‌ ಬೋಲಾಸ್‍ಕತೊ,