ಅಪೊಸ್ತಲರ್‌ನು ಕಾಮ್‌ಖ್ಹಾರು 28:8 - ದೇವ್ನಿ ಖ್ಹಾಚಿ ವಚನ್

⁸ ಪೋಪ್ಲಿಯಾನೊ ಬಾ ತಾವ್‍ಥೀಬಿ ಲ್ಹೊಯ್ಯವ್‌ಹುಯಿನ್ ಛಾ಼ದ್ರಿ ಧರಿರಾಖ್ಯೊಥೊ.ಪೌಲ ಇನಕನ ಜೈ಼ನ್ ಪ್ರಾರ್ಥನೆ ಕರೀನ್ ಇನ ಮುಡ್‌ಕ್ಯಪರ್ ಹಾತ್‍ಮ್ಹೇಲಿನ್‍ ಅಛ್ಛುಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:8 ပူးပေါင်းရင်းမြစ်များ

ಮತ್ತಾಯ 10:1

ಯೇಸುನೆ ಇನ ಭಾರ ಜ಼ಣ ಶಿಷ್ಯರ್‌ನ ಎಕ್ಕದಮ್‌ ಬುಲೈನ್, ಭೂತ್‌ಖ್ಹಾರು ಕಾಡಾನ ಅಜು಼ ಖ್ಹಾರಿಸ್ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರಾನ ಇವ್ಣುನ ಅದಿಕಾರ್ ದಿದೊ.

ಮತ್ತಾಯ 10:8

ರೋಗ್‌ವಾಳಾನ ಅಛ್ಛು಼ಕರೊ, ಮರ‍್ಯಾಹುಯಾನ ಜಿವ್ತು ಕರೊ, ಖೋಡ್‍ ಲಗ್ಯಹುಯಾನ ಪಾಕ್‌ಕರೊ ಅಜು಼ ಭೂತ್‌ಖ್ಹಾರು ಕಾಡೊ. ತುಮೂನ ಫುಗಟ್‌ಮ ಮಳಿರ‍್ಹೂಸ್‌ ಇನಖ್ಹಾಜೆ ಫುಗಟ್‌ಮ ದೆವೊ.

ಮತ್ತಾಯ 12:13

ಅನಕೇಡೆಥು ಯೇಸುನೆ ಯೋ ಹಾತ್‌ ಝೂ಼ಟೊ ಪಡಿಹುಯು ಅದ್ಮಿನ, “ತಾರೊ ಹಾತ್‌ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ; ಇನೆ ಖ್ಹಾಮ್ಣೆ ಕರ‍್ಯೊ. ತದೆ ಇನೊ ಹಾತ್‌ ಅಛ್ಛು಼ ಹುಯಿನ್, ಬಿಜ್ಜೇಕ್‌ ಹಾತ್ನಿ ಘೋಣಿ ಹುಯಿಗಯು.

ಮತ್ತಾಯ 9:18

ಯೇಸು ಇವ್ಣಿ ಜೋ಼ಡೆ ಆ ವಾತೆ ಬೋಲುಕರಾನಿ ವಖ್ಹತ್‌ಮ, ಯೆಹೂದ್ಯರ್‌ನೊ ಏಕ್‌ ಅದಿಕಾರಿ ಇನಾಕನ ಆಯಿನ್, ಇನಖ್ಹಾಮ್ಣೆ ಢುಕ್‌ಣ್ಯಟೇಕಿನ್, “ಮಾರಿ ಛೋ಼ರಿ ಹಂಕೇಸ್‌ ಮರಿಗೈ; ತೋಬಿ ತೂ ಐನ್ ಇನಾಪರ್‌ ಹಾತ್‌ ಮ್ಹೇಲ್ಯೋತೊ ಯೋ ಜಿವ್‌ತಿ ಉಶೆ” ಕರಿ ಗಿಂಗೈಲಿದೊ.

ಮಾರ್ಕ 16:18

ಇವ್ಣೆ ಖ್ಹಾಪ್‌ನಖ್ಹಾರು ಪಾಡ್ಯುತೋಬಿ ನಾತೊ ಝಾರ್‌ ಪೀಲಿದುತೋಬಿ ಇವ್ಣುನ ಶಾತ್ಬಿ ಖರಾಬ್ ಕೋ ಉಶೇನಿ; ಇವ್ಣೆ ರೋಗ್‌ವಾಳನ ಉಪ್ಪರ್ ಹಾತ್‌ ಮ್ಹೇಲಿತೊ ಯೋ ರೋಗ್‌ವಾಳನ ಅಛ್ಛು಼ ಹುಯಿಜಾ಼ಶೆ” ಕರಿ ಬೋಲ್ಯೊ.

ಮಾರ್ಕ 5:23

“ಮಾರಿ ಅಡ್ಡಾಣಿ ಛೋ಼ಕ್ರಿ ಮರ್‌ವಾನ ಆಯಿ; ಯೊ ಅಛ್ಛಿಹುಯಿನ್ ಬಚಾ಼ನಖ್ಹಾಜೆ ದಯಕರಿನ್ ತೂ ಐನ್‌ ಇನಾಪರ್‌ ಹಾತ್‌ ಮ್ಹೇಲ್‌, ಕರಿ ಯೇಸುನ ಘಣು ಗಿಂಗೈಲಿದೊ.

ಮಾರ್ಕ 6:5

ಯೇಸುನೆ ಹಿಜ್ಜಾ಼ ರೋಗ್‍ವಾಳ ಥೋಡ ಅದ್ಮಿಪರ್ ಹಾತ್‌ ಮ್ಹೇಲಿನ್ ಅಛ್ಛು಼ ಕರಾನು ಕಾಹೆತೆ ಬಿಜು಼ ಶನೂಬಿ ಅದ್ಭುತ್‌ಕಾಮ್ನ ಕರಾನ ಕೋ ಹುಯೂನಿ.

ಮಾರ್ಕ 7:32

ತದೆ ಥೋಡು ಅದ್ಮಿನೆ ಭೈರೂಬಿ ತೊತ್‌ಳ್ಯು ಹುಯಿರ‍್ಹುಥೂತೆ ಏಕ್‌ ಜ಼ಣಾನ ಯೇಸುಕನ ಬುಲೈಲಾಯಿನ್‌, “ಅನ ಉಪ್ಪರ್ ತಾರೊ ಹಾತ್‌ ಮ್ಹೇಲ್‌” ಕರಿ ಇನ ಗಿಂಗೈಲಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:13

ಇನಾಪರ್ ಇನೊ ಹಾತ್‌ ಮ್ಹೇಲ್ಯೊ, ಮ್ಹೇಲ್‌ತಾಸ್‌ನ ಯೋ ಉಭು ಭೀರಿಗೈ ಅಜು಼ ಇನೆ ದೇವ್ನ ಸ್ತುತಿ ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:40

ದನ್ ಡುಬಾನ ಬಾದ್‌ಮ ಥರಥರಾನು ರೋಗ್‌ವಾಳು ಥೂತೆ ತಮಾಮ್‌ ಘರ್‌ವಾಳು, ಜಾನ್ನ ಅಛ್ಛು಼ಕೊಂತೆ ಅದ್ಮಿನಖ್ಹಾರು ಯೇಸುಕನ ಬುಲೈಲಾಯು. ಹರೇಕ್ ರೋಗ್‌ವಾಳಪರ್ ಯೇಸುನೆ ಹಾತ್‌ ಮ್ಹೇಲಿನ್ ಇವ್ಣುನ ಅಛ್ಛು಼ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:7

ಯೋ ಟಾಪುನೊ ಮೋಟೊ ಅಧಿಕಾರಿಮ ಏಕ್‍ಜ಼ಣೊ ಪೋಪ್ಲಿಯಾನು ಖೇತರ್‌ ಗದ್ದೆ ಹಮೆಥಾತೆ ಝ಼ಗೊನ ಖನ್ನೇಸ್‍ಮ ಥೂ. ಯೋ ಹಮೂನ ಸ್ವಾಗತ್ ಕರೀನ್ ತೀನ್ ದನ್‌ಲಗು ಹಮೆ ಇನೇಥಿ ಸತ್ಕಾರ್ ಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:9

ಇನಪಾರ್ ಯೋ ಟಾಪನ ಅಜು಼ ಉಭ್‌ರ‍್ಯುತೆ ಖ್ಹಾರುಸ್ ರೋಗಿಬಿ ಪೌಲಕನ ಐನ್ ಗುಣ್‌ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:40

ಅಜು಼ ಪೇತ್ರನೆ ಅದ್ಮಿಖ್ಹಾರಾನ ಭಾರ್‌ ಮೋಕ್ಲಿನ್ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀ ಶರೀರ್‌ಭಣಿ ಫರೀನ್, “ತಬಿಥಾ, ಉಪ್ಪರ್ ಉಟ್” ಕರಿಬೋಲ್ಯೊ. ಯೋ ಡೋಳಪಾಡಿನ್ ಪೇತ್ರನ ದೇಕ್‍ಥೀಸ್ ಉಠಿ ಭೀರಿಗಯಿ.

1 ಕೊರಿಂಥ 12:28

ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.

1 ಕೊರಿಂಥ 12:9

ಏಕ್‍ಜ಼ಣಾನ ವಿಶ್ವಾಸ್‍ಥಿ ಯೋಸ್ ಆತ್ಮಾನು ವರ ಹುಯಿರ‍್ಹುಸ್, ಬಿಜೇಕ್‍ಜ಼ಣಾನ ರೋಗ್‌ ಅಛ್ಛು಼ ಕರಾನು ಯೋಸ್ ಆತ್ಮಾಥಿ ದೆವೈರ‍್ಹೂಸ್.