ಅಪೊಸ್ತಲರ್‌ನು ಕಾಮ್‌ಖ್ಹಾರು 27:20 - ದೇವ್ನಿ ಖ್ಹಾಚಿ ವಚನ್

²⁰ ಕೈಏಕ್ ದನ್‌ಲಗು ಚಾ಼ಂದ್‍ನ ರ‍್ಹವೊ, ಶುಕ್ಕರ್‌ನ ರ‍್ಹವೊ ದೇಖಾನ ಕೊಹುಯುನಿ. ತೋಫಾನ್ ಮೋಟುಸ್ ಹೋತುಆಯು. ಹಮೆ ಬಚಿಜಾಶುಕರಿ ಬೋಲಾನಿ ವಿಶ್ವಾಸ್ ಹಮಾರಮಾಥಿ ನಿಕ್ಳಿಗೈಥಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:20 ပူးပေါင်းရင်းမြစ်များ

ಮತ್ತಾಯ 24:29

ಯೋ ಖ್ಹಾರು ದನ್ನು ಖ್ಹತಾಪ್ಣಿ ಖತಮ್ ಹೋತಾಸ್‌ನ, ಚಾ಼ಂದ್ ಕಾಳೊಪಡಿಜಾ಼ಶೆ, ಚ಼ಂದರ್‌ಮೊ ಉಜಾ಼ಳು ಕೋದಿಶೇನಿ, ಆಬ್‍ಪರ್‌ಥು ಶುಕ್ಕರ್ ಖ್ಹಾರು ಖಂಕರ್‌ಶೆ, ಅಜು಼ ಆಬ್‍ಮ ಛಾ಼ತೆ ಶಕತ್‌ಖ್ಹಾರಿ ಕಾಪ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:19

ಇನ ತೀನ್ ದನ್ಮ ಜ಼ಹಾಜ಼್‌ವಾಳನೇಸ್, ಜ಼ಹಾಜ಼್‌ನು ರಾಛಾ಼ವ್‌ನಾಸ್ ಪಾಡಿನ್ ಫೇಕಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:21

ಯೋ ಅದ್ಮಿಖ್ಹಾರು ಘಣಾದನ್‍ಥು ಖಾಣುಖಾದೂಥು ಕೊಯ್ನಿ. ತದೆ ಏಕ್‍ದನ್ ಪೌಲ ಉಠಿ ಭೀರಿನ್ ಇವ್ಣುನ “ಅಲಾ ಅದ್ಮಿವೊ, ಕ್ರೇಟ್ ಟಾಪಾಥು ನಿಕ್ಳೊನಕೊ ಕರಿ ಮೇ ತುಮೂನ ಬೋಲ್ಯೊ. ತುಮೆ ಮಾರಿವಾತೆ ಖ್ಹಮಜ಼್‌ಣುಥು. ತದೆ ತುಮೂನ ಅತ್ರೆ ವದೇಖ್ಹೊ ಲುಕ್ಷಾನ್‌ ಕೋ ಹುಯುಹೋತ್ನಿ.

2 ಕೊರಿಂಥ 11:25

ತೀನ್‍ಹಲ್ಲ ಕೊಲ್ಡಾನಿ ಮೂಟ್‍ಥಿ ಕೂಟೈಲಿಧೊ. ಏಕ್‌ ವಖ್ಹತ್ ಮನ ಮಾರಿನಾಖಾನ ಬಂಡೊಫೇಕ್ಯು. ತೀನ್‍ವಖ್ಹತ್ ಮೇ ವಳ್ಯೊಜಾ಼ತೊಥೋತೆ ಜ಼ಹಾಜ಼್ ಫುಟೀಗಿ. ಏಕ್‌ ರಾತ್ ಏಕ್‍ದನ್ ಮೇ ದರ‍್ಯಾವ್‌ಪರ್ ತೇಲ್‍ತೊಫಂಡ್ಯೊ.

ಎಫೆಸ 2:12

ತ್ಯೊ ಹಗಾಮ್ಮ ತುಮೆ ಕ್ರಿಸ್ತಥಿ ಅಲಕ್ ಹುಯಿರ‍್ಹಾಥ, ಇಸ್ರಾಯೇಲ್‌ವಾಳಾನಿ ಹಕ್‌ಮ ಕೊಹುಯಿರ‍್ಹಾಥಾನಿ. ದೇವ್ ಇನ ಅದ್ಮಿನ ಜೋ಼ಡೆ ವಾಗ್ದಾನ್ ಕರಿರಾಖ್ಯೊತೆ ಒಪ್ಪಂದಾಮ ತುಮೆ ವಾಟೊ ಹುಯಿರ‍್ಹಾಥ ಕೊಯ್ನಿ ಅಜು಼ ತುಮೆ ಆ ಜಗತ್ನ ಭರೋಖ್ಹಾಮ ಥಾ. ಅಜು಼ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಥಕೊಯ್ನಿ.

1 ಥೆಸ 4:13

ಹಮಾರ ಭೈಯೇ ಭೇನೇವೊ, ಮರಿಗಯೂತೆ ಅದ್ಮಿನಿ ಬಾರೇಮಾನಿ ಖ್ಹಾಚಿನ ತುಮೆ ಮಾಲುಮ್ ಕರಿರಾಕ್ಣುಕರಿ ಹಮಾರಿ ಆಖ್ಹ್. ಅನೇಥಿ ಕೋಣ್‌ಬಿ ಭರೋಖ್ಹಾಮಕೊಂತೆ ಅಲಕ್‌ನಿಘೋಣಿ ತುಮೆ ದುಖ್‌ಮ ನಾರ‍್ಹೇವ್ಣು.