ಅಪೊಸ್ತಲರ್‌ನು ಕಾಮ್‌ಖ್ಹಾರು 26:5 - ದೇವ್ನಿ ಖ್ಹಾಚಿ ವಚನ್

⁵ ಹಮಾರಿ ಧರ್ಮ್‌ನು ಜಾ಼ಖ್ಹತ್ ಕಠಣ್‍ಥಿ ರ‍್ಹವಾನು ಫರಿಸಾಯರ್‌ನು ಪದತ್ತಿನಿ ಅನುಸಾರ್ ಫರಿಸಾಯ ಹುಯಿನ್ ಚಾ಼ಲಿಲಿದೊಕರಿ ಶುರುವಾತ್‌ಥೂಬಿ ಇವ್ಣುನ ಮಾಲುಮ್‌ ಛಾ಼. ಸಾಕ್ಷಿ ಬೋಲಾನು ದಿಲ್‌ ಉಷೇತೊ ಬೋಲೆಜಾ಼ಯ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:5 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:5

ಹಿಜ್ಜಾ಼ ಥೂತೆ ವಿಶ್ವಾಸಿ ಖ್ಹಾರಾಮ ಥೋಡು ಫರಿಸಾಯರ್‌ನ ಝೂ಼ಂಡ್‌‍ವಾಳುಬಿ ಥೂ. ಇವ್ಣೆ ಉಠಿಭೀರಿನ್ ವಿಶ್ವಾಸಿಕೊಂತೆ ಖ್ಹಾರು ಖ್ಹತ್ನ ಕರೈಲೇವ್ಣು. ಮೋಶೆನ ಧರ್ಮಶಾಸ್ತ್ರಕನ ಖ್ಹಾಮ್ಣೆ ಮುಡ್‌ಕ್ಯು ಝು಼ಕಾವ್ಣುಕರಿ ಅಪ್ಣೆ ಇವ್ಣುನ ಬೋಲ್‌ನು” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:3

ಮೇ ಕಿಲಿಕ್ಯಾನು ತಾರ್ಸ ಖ್ಹಯೇರ್‌ಮ ಪೈದಹುಯೊತೆ ಯೆಹೂದ್ಯವಾಳೊ. ಕತೋಬಿ ಆಸ್ ಖ್ಹಯೇರ್‌ಮ ಪಳ್ಯೊಹುಯೊ.ಯೆರೂಸಲೇಮ್ಮ ಮೇ ಗಮಲಿಯೇಲನೊ ಶಿಷ್ಯಹುಯಿನ್, ಹಮಾರ ಗುರುಗುರಬ್‌ಲ್ಯನು ಧರ್ಮಶಾಸ್ತ್ರನು ಖ್ಹಾರೂಸ್ ಶಿಕಿರಾಖ್ಯೊಸ್; ಹಮ್ಕೆ ತುಮೆಖ್ಹಾರು ಛಾ಼ತೆ ತಿಮ್ಮಸ್ ಮೇಬಿ ದೇವ್‌ನೊ ದಿಲ್‌ಲಾಗ್ಯೊತೆ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:5

ಅನಿಬಾರೇಮ ಗಲ್‌ಢಯಾಜಕ್‌ಬಿ ಮೋಟಿಸಭೆವಾಳು ಖ್ಹಾರು ಸಾಕ್ಷಿ ಹುಯಿರ‍್ಹುಸ್. ಇವ್ಣೇಥಿಸ್ ದಮಸ್ಕಮ ಥೂತೆ ಯಹೂದಿ ದೋಸ್ತಿನ ದ್ಯವಾನಖ್ಹಾಜೆ ಅವ್ಣಕನ ಥೂತೆ ಚಿಟ್ಟಿನ ಮಾಂಗಿಲೀನ್ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ದಮಸ್ಕಮ ಮೇ ವಳ್ಯೊಜಾ಼ತೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:6

ಸಭೆಮ ಥೂತೆ ಅದ್ಮಿಮ, ಥೋಡು ಸದ್ದುಕಾಯವಾಳು,ಅಜು಼ ಥೋಡು ಫರಿಸಾಯರ್‌ವಾಳನ ದೇಖಿನ್ ಪೌಲನೆ, “ಮಾರ ಭೈಯೇವೊ, ಮೇ ಫರಿಸಾಯರ್‌ವಾಳೊ ಮಾರೊ ಬಾಬಿ ಪರಿಸಾಯ ಹುಯಿರ‍್ಹೋಥೊ ಮಾರವಾಳು ಪಾಛು಼ಜಿವ್ತು ಉಷೆಕರಿ ಕರಿ ಮೆ ವಿಶ್ವಾಸ್ ಕರೀನ್ ಹಜ಼್ಜ ನ್ಯಾವ್‌ನ ವಿಚಾರಣೆಮ ಪಡ್ಯೊಸ್” ಕರಿ ಚಿಕ್ರಿನ್ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:14

ಕತೋಬಿ ಏಕ್‌ ಖಲಿ ತಾರ ಖ್ಹಾಮ್ಣೆ ಮಾನಿಲೆವುಸ್‌, ಶಾತ್‌ಕತೊ, ಧರ್ಮವಿರೋದಿಕರಿ ಬೋಲಾನು ಮಾರಗ್‍ಮ ಚಾ಼ಲವಾಳೊ ಮೇ ಮಾರ ಗುರುಗುರಬ್‍ಲ್ಯನ ದೇವ್ನ ಆರಾದನೆ ಕರುಸ್. ಕತೋಬಿ ಮೋಶೇನು ಧರ್ಮಶಾಸ್ತ್ರನು ಪ್ರವಾದನೆ ದಪ್ತರ್‌ಮ ಲೀಖೈರುತೆ ಯೊ ಅಖ್ಖಾಸ್ನ ವಿಶ್ವಾಸ್ ಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:5

“ಆ ಅದ್ಮಿ ಖರಾಬ್‌ಛಾ಼ ಅಜು಼ ಬರಾಬರ್‌ಕೊಯ್ನಿ ಜಗತ್‌ಮ ಕಿಜ್ಜಾ಼ಬಿ ರ‍್ಹವೊ, ಯೆಹೂದ್ಯರ್‌ಮ ಲಡೈ ಉಠಾಡ್ತೊ ಫಂಡಸ್‌ಕರಿಬಿ, ಆ ನಜ಼ರೇತ್‌ನಿ ಖೂಮ್ನೊ ಮೋಟೊ ಕರಿಬಿ ಹಮೆ ದೇಖ್ಯ.