ಅಪೊಸ್ತಲರ್‌ನು ಕಾಮ್‌ಖ್ಹಾರು 26:24 - ದೇವ್ನಿ ಖ್ಹಾಚಿ ವಚನ್

²⁴ ಅಮ್ ಪೌಲನೆ ಇನಭಣಿಥು ಜ಼ವಾಬ್ ದ್ಯವಾನಿ ವಖ್ಹ್‌ತೆ; ಫೆಸ್ತನೆ, “ಪೌಲ, ತೂ ದಿವಾನೊ ಹುಯಿಗೊ ಜಾ಼ಖ್ಹತ್ ಪಢಂತ್‌ ತುನ ದಿವಾನನಿತರ ಕರಿನಾಖ್ಯು” ಕರಿ ಚಿಕ್ರಿನ್ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:24 ပူးပေါင်းရင်းမြစ်များ

ಮಾರ್ಕ 3:21

ಯೇಸುನ ಘರ್‌ವಾಳಾನೆ ಇನ ದಿವಾನು ಲಾಗಿರ‍್ಹೂಸ್ ಕರಿ ಅದ್ಮಿಖ್ಹಾರು ಬೋಲಾತೆ ಖ್ಹಮ್‌ಜಿನ್‌, ಇನ ಘರೆ ಬುಲೈಲಿನ್ ಆವಾನಟೇಕೆ ನಿಕ್‌ಳ್ಯು.

ಯೋಹಾನ 7:15

ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು, “ಪಢ್ಯೊ-ಲೀಖ್ಯೊಕೊಂತೆ ಅನ, ಅತ್ರುಖ್ಹಾರು ಮಾಲುಮ್‌ಛಾ಼ತೆ ಕಿಮ್?” ಕರಿ ಬೋಲಿನ್ ಆಶ್ಚರ್ಯ ಕರ‍್ಯು.

ಯೋಹಾನ 8:48

ತದೆ ಯೆಹೂದ್ಯರ್‌ನೆ ಯೇಸುನ ಬೋಲ್ಯು,ಹಮೆ ಬೋಲಾನು ಬರಾಬರ್‌ ಕಾಹೆಕಿ ಶು? “ತೂ ಸಮಾರಿಯಾವಾಳೊ ಅಜು಼ ತಾರಾಮ ಭೂತ್‌ ಛಾ಼” ಕರಿ ಬೋಲ್ಯು.

ಯೋಹಾನ 8:52

ಇನ ಯೆಹೂದ್ಯವಾಳನೆ, “ತುನ ಭೂತ್‌ ಧರಿರಾಖ್ಯುಸ್ ಕರಿ ಹಮ್ಕೆ ಹಮೂನ ಮಾಲುಮ್ ಪಡ್ಯು! ಅಬ್ರಹಾಮ್‌ ಮರಿಗಯೊ, ಅಜು಼ ಪ್ರವಾದಿ ಖ್ಹಾರುಬಿ ಮರಿಗಯು, ತೋಬಿ ತೂ ಬೋಲಸ್ಕಿ, ಮೆ ಶಿಕಾಡನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆಕೊಯ್ನಿ ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:32

ಯೇಸು ಮರ‍್ಯಹುಯಮಾಥು ಪಾಛು಼ಜಿವ್ತೊಹುಯಿನ್ ಉಠೀನ್ ಐರ‍್ಹೋಸ್‍ಕರಿ ಬೋಲಾನಿ ವಾತೆನ ಖ್ಹಮ್‍ಜ್ಯೊತೆ ಅದ್ಮಿಮ ಥೋಡುಜ಼ಣು ನಕ್ಲೆ ಕರ‍್ಯು. ಅಜು಼ ಥೋಡುಜ಼ಣು “ಆ ವಾತೆನಿ ಬಾರೇಮ ತೂ ಬಿಜೇಕ್‍ಹಲ್ಲ ಬೋಲೆಜಾ಼ಯ್ ತದೆ ಹಮೆ ಖ್ಹಮಜ಼್‌ಶು” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:1

“ಮಾರ ಬಾವೊ, ಯಹೂದಿ ದೋಸ್ತಿವೊ, ಮೇ ಹಮ್ಕೆ ತುಮೂನ ದೆವುಸ್ತೆ ಫೇಡ್ನ ಖ್ಹಮ್‍ಜೊ ಕರಿ ಚಿಕ್ರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:25

ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ‍್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್‌ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:27

ಬೇ ವರಖ್ಹ್‌ನ ವಾರ್ ಫೇಲಿಕ್ಸ್‌ನ ಬದಲ್ ಪೋರ್ಕಿಯ ಫೆಸ್ತ ಕರಿ ರಾಜ್ಯಪಾಲ್‌ಹುಯಿನ್ ಆಯೊ. ಫೇಲಿಕ್ಸನೆ ಯೆಹೂದ್ಯರ್‌ನಿ ಪ್ಯಾರ್ ಕಮಾವ್ಣು ಕರಿ ಆಖ್ಹ್‌ಕರೀನ್ ಪೌಲನ ಜೇಲ್‌ಮಾಸ್ ಮ್ಹೆಂದಿನ್ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:11

ಅಖ್ಖಾ ಸಬೇನು ಮಂದಿರ್‌ಮಾಬಿ ಮೇ ಕೈಯೇಕ್‌ಹಲ್ಲ ಇನ ಖ್ಹತಾಪ್ಣಿ ದೀನ್ ಇನೇಥಿ ದೇವ್ನ ದೂಷಣೆನಿ ವಾತೆ ಬೋಲಾವಾನಿತರ ಕೋಶಿಶ್‌ಕರ‍್ಯೊ. ಯೋ ವಿಶ್ವಾಸಿಖ್ಹಾರಾಪರ್ ಇರಾದೊ ಕರ್ತೊಹುಯಿನ್ ಇವ್ಣುನ ಢೂಂಡಿನ್ ಲತಾಡ ದ್ಯವಾನಖ್ಹಾಜೆ ಭಾರ್‌ ದೇಖ್ಹ್‌ನ ಖ್ಹಯೇರ್‌ಮಾಬಿ ಗಯೋಥೊ.

1 ಕೊರಿಂಥ 1:23

ಅಪ್ಣೆತೋಬಿ ಶಿಲ್‌ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್‌ನ ಅಡ್ಡಿ ಹುಯಿರ‍್ಹೂಸ್. ಯೆಹೂದ್ಯರ್‌ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್.

1 ಕೊರಿಂಥ 4:10

ಹಮೆ ಕ್ರಿಸ್ತನಖ್ಹಾಜೆ ಖ್ಹೈಲು ಹುಯಿರಾಸ್. ಕತೋಬಿ ಕ್ರಿಸ್ತಮ ತುಮೆ ಜಾ಼ಖ್ಹತ್ ಅಕ್ಲಿಕರಿ ಲಹಿರಾಖ್ಯಸ್. ಹಮೆ ಶಕತ್‌ಕೊಂತೆ ಹುಯಿರಾಸ್. ಕತೋಬಿ ತುಮಾರು ತುಮೇಸ್ ತಾಖತ್ತಿಕರಿ ಲಹಿರಾಖ್ಯಸ್! ಹಮೆ ಚಿಂಘೈಲಿದಹುಯ, ತುಮುನ ಮರ್ಯಾದಿವಾಳ ಹುಯಿರ‍್ಹಾಸ್.

2 ಕೊರಿಂಥ 5:13

ಶನಕತೊ ಹಮೆ ದಿವಾನ ಹುಯಿರ‍್ಹಉಶೇತೊ ಯೊ ದೇವ್ನ ಮಹಿಮೆನ ಖ್ಹಾಜೆಸ್. ಹಮೂನ ಅಛ್ಛಿ ಬುದ್ಧಿ ಉಶೇತೊ ಯೊ ತುಮಾರ ಫಾಯಿದಾನ ಖ್ಹಾಜೆಥೀಸ್.

2 ತಿಮೊ 3:15

ಅಡ್ಡಾಣಿಪರ್‌ಥೂಸ್ ತುನ ಪರಿಶುದ್ದ ದಪ್ತರ್‌ಮ ಲೀಖೈರ‍್ಹುತೆ ಮಾಲುಮ್‌ ಛಾ಼ನಿ, ಯೋ ದಪ್ತರ್‌ಖ್ಹಾರು ಕ್ರಿಸ್ತಯೇಸುಮ ಛಾ಼ತೆ ಭರೋಖ್ಹಾಥಿ ರಕ್ಷಣೆಲ್ಯವಾನಿ ಗ್ಯಾನ್ನ ತುನ ದ್ಯವಾನ ತಾಖತ್ನು ಹುಯಿರ‍್ಹುಸ್.