ಅಪೊಸ್ತಲರ್‌ನು ಕಾಮ್‌ಖ್ಹಾರು 26:19 - ದೇವ್ನಿ ಖ್ಹಾಚಿ ವಚನ್

¹⁹ ಅನಖ್ಹಾಜೆ ಅಗ್ರಿಪ್ಪ ರಾಜ಼, ಪರಲೋಕ್‌ಥು ಮನ ಹುಯೂತೆ ಯೊ ದರ್ಶನಾನ ಮೇ ಖ್ಹರಮ್‌ ಕಾಡುಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:19 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:2

ರಾಜ಼ ಅಗ್ರಿಪ್ಪ, ಯೆಹೂದ್ಯರ್ ಮಾರಪರ್ ಅಖ್ಖಿ ಅಪರಾದ್ ಕರಸ್ಕಿ ಆಜ಼್ ತಾರ ಖ್ಹಾಮ್ಣೆ ಇನು ಜ಼ವಾಬ್ ದ್ಯವಾನಿ ಅವಕಾಶ್ ಮಳಿರ‍್ಹೂತೆ ಮಾರು ಮೇಸ್ ಧನ್ಯಕರಿ ಬೋಲಿಲೇವುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:20

ಪಹಿಲೆ ಯೆರೂಸಲೇಮ್ಮ ಛಾ಼ತೆ ದಮಸ್ಕಮಾಬಿ, ಯೂದಾಯನ ಅಖ್ಖಾ ತಭರ್‌ಖಾಮಾಬಿ ಛಾ಼ತೆ ಇವ್ಣುನ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿನಾಬಿ, ತುಮೆ ದೇವ್‌ಭಣಿ ಫರ್‌ನು ಕರೀಬಿ ತುಮಾರು ಪಾಪ್‌ಭರ‍್ಯು ಜಿವ್ಣನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣುಕರಿಬಿ ಆಸ್ ಯೋಗ್ಯಾನು ಅಛ಼಼್ಛಕಾಮ್ನ ಪ್ರಚಾರ್ ಕರ‍್ಯೊ.

ಗಲಾತ್ಯ 1:16

ಅಮ್ ಮೇ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಇನಿ ಛಿಯ್ಯಾನಿ ಬಾರೇಮ ಸುವಾರ್ತೆನ ಖ್ಹಮ್‌ಜಾ಼ಡ್ನುಕರಿ ದೇವ್ನಿ ಮರ್ಜಿ ಹುಯಿರ‍್ಹೀಥಿ. ಇನಖ್ಹಾಜೆ ದೇವ್ನೆ ಇನ ಛಿಯ್ಯಾನ ಮನ ವತಾಳ್ಯೊ. ಯೊ ಮನ ಬುಲಾವಖ್ಹತರ್ ಮೆ ಅದ್ಮಿಯೇವ್‌ನಿ ಖ್ಹೂಜ಼್‌ನ ಫುಛಾ಼ಯೊ ಕೊಯ್ನಿ.