ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18 - ದೇವ್ನಿ ಖ್ಹಾಚಿ ವಚನ್

¹⁸ ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18 ပူးပေါင်းရင်းမြစ်များ

ಮತ್ತಾಯ 4:10

ತದೆ ಯೇಸುನೆ, “ಇನ, ಶೈತಾನ್‍ ತೂ ಹಟಿಜಾ಼! ‘ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ‍್ನು ಅಜು಼ ಸೇವೆ ಕರ‍್ನು ಕರಿ ವಚನ್‌ಮ ಲೀಖೈರ‍್ಹುಸ್” ಕರಿ ಬೋಲ್ಯೊ.

ಮತ್ತಾಯ 4:16

ಅಮ್ ಅಂಧಾರಾಮ ಜಿವ್‍ಕರ್ತುಥೂತೆ ಆ ತಬರ್‌ಖಾನು ಅದ್ಮಿಖ್ಹಾರು ಮೋಟು ಉಜಾ಼ಖ್ಹ್‌ ದೆಖಾಯು. ಮರಣ್ಣಿ ಛಾ಼ಳೊ ಢಪೈರ‍್ಹುಥುತೆ ತಬರ್‌ಖಾಮ ಜಿವ್‍ಕರ್ತುಥೂತೆ ಇವ್ಣಾಪರ್ ಉಜಾ಼ಳು ಘೈಗೈಗು.”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:77

“ಪಾಪ್‌ಖ್ಹಾರು ಮಾಪ್‌ ಹುವಾಥೀಸ್ ರಕ್ಷಣೆ ಮಳಾನು ಕರಿ, ಇನ ಅದ್ಮಿನ ಬೋಲವಾಳೊ ಹುಯಿರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:79

ಅಜು಼ ಅಂಧಾರಮಾಬಿ, ಮರಣ್ಣಿ ಛಾ಼ಳಿಮ ರ‍್ಹವಾಳ ಖ್ಹಾರಾನ ಉಜಾ಼ಳು ದಿಶೆ, ಅಪ್ಣುನ ಸಮಾಧಾನ್ನಿ ವಾಟ್‌ ವತಾಳಿನ್ ಚ಼ಲಾವ್‌ಷೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:32

ಯೋ ಪರೈ ಜಾ಼ತ್‌ವಾಳ ಅದ್ಮಿನ ತಾರಿ ಮರ್ಜಿ ವತಾಳವಾಳೊ ಉಜಾ಼ಳು ಹುಯಿರ‍್ಹೋಸ್ ಅಜು಼ ತಾರು ಇಸ್ರಾಯೇಲ್ ಅದ್ಮಿವೋನ ಮಹಿಮೆ ಉಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:45

ಅನ ಬಾದ್‌ಮ ಇವ್ಣೆ ವಚನ್‍ಮ ಲೀಖೈರ‍್ಹೂತೆ ಇನ ಪರ್ಖಿಲವಾನಿಮತ್, ಯೇಸುನೆ ಇವ್ಣಿ ಅಕ್ಕಲ್‍ನ ಛೋ಼ಡ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:18

ಪ್ರಭುನು ಆತ್ಮ ಮಾರಪರ್ ಛಾ಼, ಗರೀಬ್‌ನ ಸುವಾರ್ತೆ ಬೋಲಾನಟೇಕೆ ದೇವ್ನೆ ಮನ ಅಬಿಷೇಕ್ ಕರಿರಾಖ್ಯೋಸ್, ಧರೈಗೂತೆ ಅದ್ಮಿನ, “ತುಮೆ ಛು಼ಟಿಗಯ ಕರಿ ಅಜು಼ ಕಾಣಾವ್ನ, ತುಮುನ ಡೋಳ ದೆಖಾವ್‌ಶೆ’ ಕರಿ ಬೋಲಾನಟೇಕೆ, ಅಜು಼ ಖ್ಹತಾವ್ಣಿಮ ಛಾ಼ತೆ ಇವ್ಣುನ ಛೋ಼ಡಾವನಟೇಕೆ,

ಯೋಹಾನ 17:17

ತು ಅವ್ಣುನ ಖ್ಹಾಚಾ಼ಥಿ ಸಮರ್ಪಣ್‌ ಕರಿಲೆ ತಾರಿ ವಚನ್ ಖ್ಹಾಚು಼ ಹುಯಿರ‍್ಹೀಸ್‌.

ಯೋಹಾನ 3:19

ಯೋ ತೀರ್ಪ್‌ ಶಾತ್‌ಕತೊ ಉಜಾ಼ಳು ಜಗತ್‌ಮ ಆಯುತೋಬಿ ಅದ್ಮಿವೊನು ಕಾಮ್ ಖರಾಬ್‍ಥೂತೆ ಇನಖ್ಹಾಜೆ ಇವ್ಣೆ ಉಜಾ಼ಳೇಥಿಬಿ ಅಂಧಾರನ ಪ್ಯಾರ್ ಕರ‍್ಯು.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಯೋಹಾನ 9:39

ಯೇಸುನೆ ಬೋಲ್ಯೊ, “ಮೇ ನ್ಯಾಯತೀರ್ಪ್‌ನ ಖ್ಹಾಜೆ ಆ ಜಗತ್‌ಮ ಐರ‍್ಹೋಸ್ತೆ, ಇನಖ್ಹಾಜೆ ಡೋಳಾಕೊಂತೆ ಇವ್ಣೆ ದೇಕ್‌ಶೆ, ಅಜು಼ ಕಿನ ಡೋಳಾ ಛಾ಼ಕಿ ಇವ್ಣೆ ಕಾಣು ಉಶೆ” ಕರಿಬೋಲ್ಯೊ.

ಯೋಹಾನ 9:5

ಮೇ ಆ ಜಗತ್‌ಮ ರ‍್ಹವಾನಿ ವಖ್ಹತ್‌ಮ, ಮೇಸ್ ಆ ಜಗತ್ನ ಉಜಾ಼ಳು ಹುಯಿರ‍್ಹೋಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:43

ಇನ ನಂಬಾವಾಳನು ಹರೇಕ್‍ಜ಼ಣು ಪಾಪ್ನ ಇನ ನಾಮ್‍ಥಿ ಕ್ಷಮಾಪಣ್ ಮಳ್‌ಶೇತೆ. ಆ ಖ್ಹಾಚಸ್‌ಕರಿ ಪ್ರವಾದಿಖ್ಹಾರು ಸಾಕ್ಷಿ ಬೋಲಿರಾಖ್ಯುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:47

ಶನಕತೊ ಪ್ರಭುನೆ ದಿದೋತೆ ಹುಕುಮ್‌ ಅಮ್‍ ಛಾ಼, ‘ಜಗತ್ನೊ ಖ್ಹರ್ತಿಲಗು ಛಾ಼ತೆ ಅದ್ಮಿಖ್ಹಾರಾನ ತೂ ರಕ್ಷಕ್ ಹುಯಿರ‍್ಹೇವ್ಣು ಕರಿ ಮೇ ತುನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಉಜಾ಼ಳು ಕರಿ ಬಣೈರಾಖ್ಯೊಸ್.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:9

ಅತ್ರೇಸ್ ಕಾಹೆತೆ, ದೇವ್ನೆ ಅಪ್ಣುನಾಬಿ ಇವ್ಣುನಾಬಿ ಶನೂಸ್ ಗುಮಾನಿ ಕರ‍್ಯೊಕೊಂತೆ ಇವ್ಣ ದಿಲ್ನ ವಿಶ್ವಾಸ್‌ಥೀಸ್ ಶುದ್ದಿಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:38

ಪೇತ್ರನೆ ಇವ್ಣುನ ತುಮಾರಮ ಹರೇಕ್‍ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್‍ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:32

“ಮೇ ಹಮ್ಕೆ ತುಮೂನ ದೇವ್‍ನಾಬಿ ಇನ ವಾರ್‌ಖ್ಹಾನಿ ವಚನ್ನಾಬಿ ದೆವುಕರೂಸ್. ಯೊ ತುಮಾರಮ ಭಕ್ತಿನ ಭಡಾವನಾಬಿ, ಪರಿಶುದ್‌ಥಿ ತುಮೂನ ಹಕ್ನ ದ್ಯವಾನಾಬಿ ಶಕತ್‌ವಾಳೊ ಹುಯಿರೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:19

ಅನಖ್ಹಾಜೆ ಅಗ್ರಿಪ್ಪ ರಾಜ಼, ಪರಲೋಕ್‌ಥು ಮನ ಹುಯೂತೆ ಯೊ ದರ್ಶನಾನ ಮೇ ಖ್ಹರಮ್‌ ಕಾಡುಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:23

ಯೇಸುನೆ ಖ್ಹತಾಪ್ಣಿನ ಪಾಡಿನ್ ಅಜು಼ ಮರ‍್ಯಹುಯಮಾಥು ಪಾಛು಼ಜಿವ್ತೊ ಹುಯಿನ್ ಆವಾಮ ಪಹಿಲೊ ಹುಯಿನ್ ಉಠೀನ್ ಯೆಹೂದ್ಯರ್‌ನಾಬಿ ಯೆಹೂದ್ಯರ್‌ಕಾಹೆತೆ ಇವ್ಣನಾಬಿ ರಕ್ಷಣೆನ ಉಜಾ಼ಳನ ವತಾಳವಾಳೊ ಹುಯಿರ‍್ಹೋಸ್.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:31

ದೇವ್ ಇನಾಸ್ ಇಸ್ರಾಯೇಲ್ ಅದ್ಮಿನ ಮನ್ ಫರಾವನಾಬಿ, ಪಾಪ್ನ ಕ್ಷಮಾ ಕರಾನಖ್ಹಾಜೆಬಿ, ದೇವ್ನೆ ಇನ ಪ್ರಭು ಕರೀಬಿ ರಕ್ಷಕ್ ಕರೀಬಿ ಇನಿ ಖಾವಿ ಬಾಜು಼ಮ ಬೆಖ್ಹಾಡ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

1 ಕೊರಿಂಥ 1:2

ಕ್ರಿಸ್ತ ಯೇಸುಮ ಪವಿತ್ರ ಕರಿ ಬಣೈರಾಖ್ಯೊತೆ ಕೊರಿಂಥನಿ ದೇವ್ನಿ ಸಬೆವಾಳನ ಆ ಚಿಟ್ಟಿ ಲೀಖುಕರುಸ್. ತುಮೆ ದೇವ್ನು ಪವಿತ್ರ ಅದ್ಮಿಹುವಾನಖ್ಹಾಜೆ ಸ್ವೀಕಾರ್ ಹುಯಿರುತೆ ಇವ್ಣುನ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್ಮ ವಿಶ್ವಾಸ್ ಕರಸ್ತೆ ಖ್ಹಾರಸ್ ಅದ್ಮಿನಿಜೋ಼ಡ್ಮ ತುಮೆ ಚೂ಼ಣೈರ‍್ಹಾಸ್. ಯೇಸುಕ್ರಿಸ್ತ ಇವ್ಣುನಾಬಿ ಅಪ್ಣುನಾಬಿ ಪ್ರಭು ಹುಯಿರ‍್ಹೊಸ್.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

2 ಕೊರಿಂಥ 6:14

ಕ್ರಿಸ್ತನಿ ವಿಶ್ವಾಸ್‌ಕೊಂತೆ ಅದ್ಮಿಮಾಬಿ ತುಮಾರಮಾಬಿ ಪರಕ್‍ಛಾ಼. ಇನಖ್ಹಾಜೆ ತುಮೆ ಇವ್ಣಿ ಜೋ಼ಡ್ಮ ಭಾಗಿ ನಕೊಹುವೊ. ಅಛ್ಛು಼ ಬಿಜು಼ ಖರಾಬ್ ಎಕ್ಟುಹುವಾನ ಉಶೇಕಿ ಶು? ಉಜಾ಼ಳು ಅಂಧಾರನಿ ಜೋ಼ಡ್ಮ ಲಾಡ್‍ಥಿರ‍್ಹಾವಾನ ಉಶೇಕಿ ಶು?

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

ಗಲಾತ್ಯ 3:14

ಅನೇಥಿ ಅಬ್ರಹಾಮ್‌ನ ಹುಯೂತೆ ಆಶೀರ್ವಾದ್‌ ಯೇಸುಥಿ ಯೆಹೂದ್ಯರ್‌ಕಾಹೆತೆ ಅದ್ಮಿವ್‌ನ ಮಳಾನಿಘೊಣಿ ಹೋಣುಕರಿ ಅಮ್ ವಿಶ್ವಾಸ್‌ನಿ ಬಾರೇಥಿ ದೇವ್‍ಥಿ ವಾಗ್ದಾನ್ ಹುಯೂತೆ ಪವಿತ್ರಾತ್ಮ ಅಪ್ಣುನ ಮಳಾನಿತರ ಹುಯು.

ಗಲಾತ್ಯ 3:2

ಏಕ್‌ ಬಾರೇಮ ಖಲಿ ತುಮಾರೇಥಿ ಮಾಲುಮ್ ಕರ್ನುಕರಿ ಛು಼. ತುಮೆ ಪವಿತ್ರಾತ್ಮನ ಲಿದಾತೆ ಧರ್ಮಶಾಸ್ತ್ರನ ಪಾಡಿನ್ ಚಾ಼ಲಾಥಿಕಿ ನತರ್ ವಿಶ್ವಾಸ್‌ನಿ ಸುವಾರ್ತೆನ ಖ್ಹಮ್‌ಜಾ಼ಥಿಕಿ ಶು?

ಎಫೆಸ 1:11

ಖ್ಹಾರು ಕಾಮ್ ದೇವ್ನಿ ಮನ್ನಿ ತರಿಖಾಥಿ ಬಣೈಗಯು ಅಜು಼ ದೇವ್ ಅಪ್ಣುನ ಇನಿ ಶೊಂತ್ ಖ್ಹೂಜ಼್‌ನಿತರ ಪಹಿಲೇಸ್ ನೇಮಕ್‌ಹುಯಿರ‍್ಹಾತೆ ಅಪ್ಣುನ ಕ್ರಿಸ್ತನಿ ಘಳ್‍ಜೋಡ್ಮ ಇನ ಆದ್ಮಿ ಹುವಾನಖ್ಹಾಜೆ ಚೂ಼ಣಿಲಿದೊ.

ಎಫೆಸ 1:14

ದೇವ್ನೆ ಇನ ಶೊಂತ್ ಅದ್ಮಿನ ಛುಟ್ಕಾರ್ ಉಷೆಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣುನ ಖ್ಹಂಜ಼್‌ಕಾರ್‌ ಹುಯಿರ‍್ಹೊಸ್, ಅನಖ್ಹಾಜೆ ದೇವ್ನ ಮಹಿಮೆ ಕರಿಯೆ.

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 2:8

ವಿಶ್ವಾಸ್‌ನಿ ಕೃಪೆಥಿಸ್ ತುಮೆ ರಕ್ಷಣೆ ಲೀರಾಖವಾಳ ಹುಯಿರ‍್ಹಾಸ್. ಆ ಬಚಾ಼ವ್ಣಿ ಅಪ್ಣಕಾಮ್ನು ಫಲ್‌ಕಾಹೆ, ಯೊ ದೇವ್‌ನು ಧರಮಸ್.

ಎಫೆಸ 4:18

ಇವ್ಣ ದಿಲ್‌ ಅಂಧಾರಥಿ ಢಪೈರ‍್ಹೂಸ್, ಇವ್ಣೆ ಇವ್ಣಿ ಕಠೋರ್ ದಿಲ್‌ಥೀಬಿ ಅಜು಼ ಇವ್ಣಾಮ ಅಕ್ಕಲ್‌ಕೊಂತೆ ಖ್ಹಾಜೇಥಿಬಿ ದೇವ್ ದೇಸ್ತೆ ಜಾನ್‌ಥಿ ದೂರ್ ಹುಯಿರ‍್ಹೂಸ್.

ಎಫೆಸ 5:11

ಕಾಯ್‌ಕೊಂತೆ ಅಂಧಾರನ ಕಾಮ್ಮ ವಾಟೊವಾಳ ನಾ ಹುಯಿರ‍್ಹೇಣುತೆ ಅನಬದಲ್ ಉಜಾ಼ಳಮ ದೆಖಾವನಿ ಘೋಣಿ ಕರೊ.

ಎಫೆಸ 5:14

ಶನಕತೊ ಖಿವು ಅಛ್ಛಿನಿತರ ದೆಖಾವಸ್ಕಿ ಯೋಸ್ ದೆಖಾವಸ್, ಇನಖ್ಹಾಜೇಥಿ ಬೋಲೈರ‍್ಹುಸ್. “ಖ್ಹುತೊರ‍್ಹವಾಳ ಉಠಿಆವ್‌, ಮರಿರ‍್ಹವಾಳೆಥಿ ಮ್ಹೇಲಿನ್ ಉಠೊ, ತದೆ ಕ್ರಿಸ್ತ ತುಮಾರಮ ಉಜಾ಼ಖ್ಹ್‌ ಹುಯಿರ‍್ಹಿಶೆಕರಿ ಇನಖ್ಹಾಜೆ ಬೋಲೈರ‍್ಹುಸ್.

ಎಫೆಸ 5:8

ಶನಕತೊ ತುಮೆ ಯೋಹಗಾಮ್ಮ ಅಂಧಾರಮ ಥಾ, ಕತೋಬಿ ಹಮ್ಕೆ ತುಮೆ ಪ್ರಭುನ ಅದ್ಮಿ ಹುಯಿರ‍್ಹಿನ್ ಉಜಾ಼ಳವಾಳ ಹುಯಿರ‍್ಹಾಸ್. ಉಜಾ಼ಳವಾಳನಿತರ ಚಾ಼ಲಿಲೆವೊ.

ಎಫೆಸ 6:12

ಶನಕತೊ ಅಪ್ಣೆ ಲಡಾನು ಖಲಿ ಅದ್ಮಿನ ಜೋ಼ಡೆ ಕಾಹೆ. ಕತೋಬಿ ಅಪ್ಣಿ ಖ್ಹೂಜ಼್‌ ರಾಜ಼್‌ನ ಉಪ್ಪರ್‌ಬಿ, ಅದಿಕಾರಿನ ಉಪ್ಪರ್‌ಬಿ, ಆ ಅಂಧಾರನಿ ಜಗತ್ನಿ ಅದಿಪತಿನ ಉಪ್ಪರ್‌ಬಿ, ಆಸ್ಮಾನ್ನ ಗೋಳಾಮ ಛಾ಼ತೆ ನಾಶ್ ಕರಾನಿ ಆತ್ಮಾನಿ ದಂಡ್ ಉಪ್ಪರ್‌ಬಿ, ಅಪ್ಣೆ ಲಡವಾಳ ಹುಯಿರ‍್ಹಾಸ್.

2 ತಿಮೊ 2:26

ತದೆ ಇವ್ಣೆ ದೇವ್ನಿ ಮರ್ಜಿನ ಪರ್ಖಿಲಿನ್, ಇವ್ಣುನ ಧರಿನ್, ಇವ್ಣೆ ಇನಿ ವಾತೆ ಖ್ಹಮ್‌ಜಾ಼ನಿಮತ್ ಕರಿರಾಖ್ಯೊಸ್ತೆ ಶೈತಾನ್ನ ಫಾಖ್ಹಾಮಾಥು ಭಾರ್‌ಆಯಿನ್, ಬಚಿಜಾ಼ಶೆ.

ಇಬ್ರಿ 10:10

ಶನಕತೊ ಕ್ರಿಸ್ತಯೇಸು ಎಕ್ಕಸ್ ಬಾರ್ ಅಖ್ಖಾನಖ್ಹಾಜೆ ಇನ ಶರೀರ್‌ನ ಸಮರ್ಪಣ್‌ ಕರಿನ್ ದೇವ್ನಿಖ್ಹೂಜ್‍಼ನ ಚ಼ಲಾಯೊತೆ ಇನಖ್ಹಾಜೆ ಅಪ್ಣೆ ಅಖ್ಖಾ ಪಾಪ್‌ಥಿ ಪಾಕ್‌ಹುಯಿಗ.

ಇಬ್ರಿ 10:14

ಇನಿ ಎಕ್ಕಸ್ ಬಲಿಥಿ ಪಾಪ್ನ ಪಾಕ್‌ಕರಿನ್ ಪೂರಕರಿರಾಖ್ಯೊಸ್.

ಇಬ್ರಿ 11:6

ಕತೋಬಿ ವಿಶ್ವಾಸ್‍ಕೊಂತೆ ದೇವ್ನ ಲ್ಹಾಯಕ್ ಕರಾವನ ಕೊಹುವಾನಿ. ಶನಕತೊ ದೇವ್‌ಕನ ಆವಾಳೊ ದೇವ್ ಛಾ಼ ಅಜು಼ ಇನ ಢೂಂಡವಾಳನ ಪ್ರತಿಫಲ್ ದೇಸ್‌ಕರಿ ವಿಶ್ವಾಸ್‌ಕರ‍್ನು.

ಇಬ್ರಿ 9:15

ಅನಖ್ಹಾಜೇಥಿ ದೇವ್‍ಥಿ ಬುಲಾಯೂತೆ ಅದ್ಮಿ ದೇವ್ನಿ ವಾಗ್ದಾನ್ ಹುಯಿರ‍್ಹುತೆ ಹಮೇಶಾನು ವಾರ್‌ಖ್ಹೊ ಲೀಲೆವ್ಣುಕರಿ ಕ್ರಿಸ್ತನೆ ಆ ನವ ಒಪ್ಪಂದನ ಮಳಾವವಾಳೊ ಹುಯಿರ‍್ಹೊಸ್. ಶನಕತೊ ಪಹಿಲಿ ಒಪ್ಪಂದನ ಹಗಾಮ್ಮ ಕರ‍್ಯುತೆ ಗಲ್ತಿನಖ್ಹಾಜೆ ಇವ್ಣುನ ಛುಟ್ಕಾರ್ ಕರಾನಖ್ಹಾಜೆ ಕ್ರಿಸ್ತ ಮರಣ್ ಲಿದೊ.

ಯಾಕೋಬ 2:5

ಮಾರ ಪ್ಯಾರ್‌ನ ಭೈಯೇ ಭೇನೆವೊ ಖ್ಹಮ್‍ಜೊ ದೇವ್ ಆ ಜಗತ್‌ನು ಗರೀಬ್‌ನ ವಿಶ್ವಾಸ್‌ಮ ಶೌಕಾರ್ ಬಣೈನ್‍ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ‍್ಯೊತೆ ರಾಜ್ಯನ ಭಾದ್ಯ ಬಣೈನ್‍ಬಿ ರ‍್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?

1 ಪೇತ್ರ 1:4

ಇಮ್ಮಸ್ ಅಪ್ಣುನ ಮಟಿಜಾ಼ಯಿಕೊಂತೆ ಧನ್‌ದೌಲತ್‌ನ ದ್ಯವಾನಖ್ಹಾಜೆ ಪರಲೋಕ್‌ಮ ಅಪ್ಣಖ್ಹಾಜೆ ಮ್ಹೇಲೈರ‍್ಹೂಸ್. ಯೋ ಕಂದ್‍ ಧರಾಕೊಯ್ನಿ ಅಜು಼ ನಾಶ್ ಹುಯಿಜಾ಼ಯ್‌ ಕೊಯ್ನಿ.

1 ಪೇತ್ರ 2:25

ಶನಕತೊ ತುಮೆ ವಾಟ್‌ ಭೈಕಿಗಾತೆ ಮೇಂಢಾನಿತರ ಹುಯಿರ‍್ಹಾಸ್ ಕತೋಬಿ ಹಮ್ಕೆ ತುಮೆ ಪಾಛ಼ ಫರೀನ್ ತುಮಾರ ಆತ್ಮಾನ ಪಾಳವಾಳಕನಾಬಿ ಕುರುಬ ಹುಯಿರ‍್ಹಾವಾಳಕನ ಆಯಿರ‍್ಹಾಸ್.

1 ಪೇತ್ರ 2:9

ಕತೋಬಿ ಅಂಧಾರಮ ಛಾ಼ತೆ ತುಮುನ ಬುಲೈನ್ ಇನ ಆಶ್ಚರ್ಯನ ಉಜಾ಼ಳಮ ಮಳೈಲಿದ ಹುಯಾನ ಅದ್ಭುತ್ ಕಾಮ್ನ ಕರಾವಳ ಹೋಣುಕರಿ ತುಮೆ ಚೂ಼ಣೈಗಯುಹುಯು ಜ಼ಗ್‌ಜಾ಼ತ್‌ಬಿ, ರಾಜಾ಼ನ ಖಾನ್‌ದಾನ್ನ ಯಾಜಕ್‍ಬಿ, ಪರಿಶುಧ್ ಅದ್ಮಿಬಿ, ದೇವ್ನ ಶೊಂತ್‌ ಅದ್ಮಿಬಿ ಹುಯಿರ‍್ಹಾಸ್.

1 ಯೋಹಾನ 1:9

ಕತೋಬಿ ಅಪ್ಣೆ ಅಪ್ಣ ಪಾಪ್ನ ಮಾನೀನ್ ಬೋಲಿಲಿದತೊ ತದೆ ವಿಶ್ವಾಸ್‍ವಾಳೊಬಿ ನೀತಿವಾಳೊಬಿ ಹುಯಿರ‍್ಹೋತೆ ದೇವ್ ಅಪ್ಣಪಾಪ್ನ ಕ್ಷಮಾಪಣ್ ಕರಿನ್ ಅಖ್ಖಿ ನೀಚ್‌ಕಾಮ್‍ಥಿ ಅಪ್ಣುನ ಪಾಕ್‍ಕರಶೆ.

1 ಯೋಹಾನ 2:12

ಪ್ಯಾರ್‌ನ ಲಡ್ಕಾವೊ ಕ್ರಿಸ್ತನ ನಾಮ್‍ಪರ್ ತುಮಾರಿ ಪಾಪ್‍ಅಖ್ಖು ಕ್ಷಮಾಪಣ್ ಹುಯಿರ‍್ಹುಸ್ತೆ ಇನಖ್ಹಾಜೆ ಮೇ ತುಮೂನ ಲೀಖುಕರುಸ್.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.

1 ಯೋಹಾನ 5:19

ಹಿಡಿ ಜಗತ್ತಸ್ ಕೇಡ್‌ ಕರವಾಳನ ಕಬ್‌ಜಾ಼ಮ ರ‍್ಹಯುತೋಬಿ ಅಪ್ಣೆ ದೇವ್ನ ಮಳಿರ‍್ಹವಾಳ ಕರಿ ಅಪ್ಣುನ ಮಾಲುಮ್ ಛಾ಼.

ಯೂದನೆ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ಸೇವಕ್‌ಬಿ, ಯಾಕೋಬನೊ ಭೈಬಿ ಹುಯಿರೋತೆ ಯೂದ ಬುಲೈ ರ‍್ಹವಾಳಾನ, ಬಾ ಹುಯಿರೋತೆ ದೇವ್‌ಮ ಪ್ಯಾರ್‌ನ ಹುಯಿರಾತೆ ಅಜು಼ ಯೇಸು ಕ್ರಿಸ್ತನಖ್ಹಾಜೆ ಬಚಿರ‍್ಹಾತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಪ್ರಕಾಶಿತ್ 21:27

ಕತೋಬಿ ಅಶುದ್ದ ರ‍್ಹವಾನು ಖಿವು ಏಕ್‌ಬಿ ಕೊಪೇಖ್ಹ್‌ಶೇನಿ. ಇಮ್ಮಸ್ ಕಚಿಂಡ್‌ಕಾಮ್‌ ಕರಾವಳೊಬಿ ಠಗಾವವಾಳೋಬಿ ಇನಾಮ ಪೇಖ್ಹ್‌ಶೆ ಕೊಯ್ನಿ. ಕತೋಬಿ ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹೇಸ್ಕಿ ಇವ್ಣೆಖಲಿ ಯೊ ಖ್ಹಯೇರ್‌ಮ ಪೇಖ್ಹ್‌ಶೆ.