ಅಪೊಸ್ತಲರ್‌ನು ಕಾಮ್‌ಖ್ಹಾರು 24:5 - ದೇವ್ನಿ ಖ್ಹಾಚಿ ವಚನ್

⁵ “ಆ ಅದ್ಮಿ ಖರಾಬ್‌ಛಾ಼ ಅಜು಼ ಬರಾಬರ್‌ಕೊಯ್ನಿ ಜಗತ್‌ಮ ಕಿಜ್ಜಾ಼ಬಿ ರ‍್ಹವೊ, ಯೆಹೂದ್ಯರ್‌ಮ ಲಡೈ ಉಠಾಡ್ತೊ ಫಂಡಸ್‌ಕರಿಬಿ, ಆ ನಜ಼ರೇತ್‌ನಿ ಖೂಮ್ನೊ ಮೋಟೊ ಕರಿಬಿ ಹಮೆ ದೇಖ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:5 ပူးပေါင်းရင်းမြစ်များ

ಮತ್ತಾಯ 10:25

ಶಿಷ್ಯ ಇನ ಗುರುನಿಮತ್‌ ಬಣ್ಯೋತೊ ಬಶ್‌, ಅಜು಼ ಆಳ್‌ ಇನ ಯಜಮಾನ್ನಿ ಮತ್‍ ಬಣ್ಯೋತೊ ಬಶ್‌. ಘರ್‌ನೊ ಯಜಮಾನ್ನಸ್‌, ಬೆಲ್ಜೆಬೂಲ್ ಕರಿ ಇವ್ಣೆ ಚಿಕ್‌ರ‍್ಯುತೊ, ಯೋ ಘರ್‌ನ ಬಿಜಾ಼ಖ್ಹಾರ ಅದ್ಮಿನ ಅಜು಼ಕೆತ್ರೆ ಖರಾಬ್ ನಾಮ್‍ಥಿ ಚಿಕರ್‌ಶೆ ಕೊಯ್ನಿಕಿಶು?

ಮತ್ತಾಯ 2:23

ಅಜು಼ ನಜ಼ರೇತ್ ಕರಿ ಗಾಮ್ಮ ಆಯಿನ್ ಹಿಜ್ಗಾ಼ ಘರ್ ಕರೀನ್ ಥೊ. ಅನೇಥಿ ಇನ, “ನಜ಼ರೇತ್‌ವಾಳೊ ಕರಿ ನಾಮ್ ಆವ್‌ಶೆ” ಕರಿ ಪ್ರವಾದಿಯೇನೆ ಬೋಲ್ಯೂತೆವಾತೆ ಪೂರಹುಯು.

ಮಾರ್ಕ 1:24

ಯೋ ಚಿಕ್ರಿನ್, “ನಜ಼ರೇತ್‌ನೊ ಯೇಸು, ಹಮಾರೇಥಿ ತುನ ಶಾತ್‌ ಛಾ಼? ಹಮೂನ ಬರ್ಬಾತ್ ಕರಾನ ಆಯೊಕಿ ಶು? ತು ಕೋಣ್ ಕರಿ ಮನ ಮಾಲುಮ್; ತೂ ದೇವ್‌ನೊ ಪವಿತ್ರ್‌ ಛಿಯ್ಯೊ ಹುಯಿರ‍್ಹೋಸ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:19

ಖ್ಹಯೇರ್‌ಮ ಚಾ಼ಲ್ಯುಥೂತೆ ಕಲ್ಹಾಗಟ್‍ನಟೇಕೆ ಅಜು಼ ಅದ್ಮಿನ ಮರ್‌ನಾಖ್ಯುತೆ ಇನಖ್ಹಾಜೆ ಬರಬ್ಬಾನ ಜೇಲ್‌ಮ ಕೋಂಡಿ ಘಾಲಿರಾಖ್ಯುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:2

ಹಿಜ್ಜಾ಼ ಇವ್ಣೆ ಯೇಸುಪರ್, “ಆ ಅದ್ಮಿ, ಅಪ್ಣ ಅದ್ಮಿ ಖ್ಹಾರಾನ ಗಲತ್‌ ವಾಟ್‌ಪರ್ ಲೀವಳ್ಯೊಜಾ಼ಸ್, ಇವ್ಣುನ, ‘ತುಮೆ ಕೈಸರ್‌ನ ಶುಂಕ ನಕೊ ಭಾಂದೊ’ ಕರಿ ಬೋಲಸ್, ಅತ್ರೇಸ್ ಕಾಹೆತೆ ಇನು ಯೋಸ್, ‘ಮೇ ಕ್ರಿಸ್ತ ಕರಿ ಏಕ್‌ ರಾಜ಼’ ಕರಿ ಬೋಲ್ತೊಫಂಡಾಸ್” ಕರಿ ಬೋಲಿನ್ ಗಲತ್‌ ಲಗಾಡ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:25

ಕಲ್ಹಾಗಟ್ ಅಜು಼ ಅದ್ಮಿನ ಮರ್‌ನಾಖ್ಯುತೆ ಇನಾಟೇಕೆ, ಜೇಲ್‌ಮ ಕೋಂಡೈ ಘಲೈರ‍್ಹೂಥೂತೆ ಬರಬ್ಬನ ಮ್ಹೇಲಿದಿನ್, ಅದ್ಮಿನಿ ಮರ್ಜಿನಿಘೋಣಿ, ಯೇಸುನ ಇವ್ಣ ಹಾತ್‌ಮ ದಿನಾಖ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:5

ಕತೋಬಿ ಇವ್ಣೆ, “ಯೂದಾಯನು ಖ್ಹಾರಸ್ ಅದ್ಮಿನ, ಆ ವಚನ್ನ ಬೋಲಿದೇತೊಹುಯಿನ್‌, ಇವ್ಣಾಮ ಕಲ್ಹಾಗಟ್ ನಾಖಿರಾಖ್ಯೋಸ್. ಅನೆ ಗಲಿಲಾಯಾಥು ಶುರು ಕರೀನ್, ಹಮ್ಕೆ ಹಜ಼್ಜಾ ಐರ‍್ಹೋಸ್ತೆ” ಕರಿ ಬಿಜೂ಼ಬಿ ಘಟ್‍ಥಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:5

ಹಿಜ್ಜಾ಼ ಥೂತೆ ವಿಶ್ವಾಸಿ ಖ್ಹಾರಾಮ ಥೋಡು ಫರಿಸಾಯರ್‌ನ ಝೂ಼ಂಡ್‌‍ವಾಳುಬಿ ಥೂ. ಇವ್ಣೆ ಉಠಿಭೀರಿನ್ ವಿಶ್ವಾಸಿಕೊಂತೆ ಖ್ಹಾರು ಖ್ಹತ್ನ ಕರೈಲೇವ್ಣು. ಮೋಶೆನ ಧರ್ಮಶಾಸ್ತ್ರಕನ ಖ್ಹಾಮ್ಣೆ ಮುಡ್‌ಕ್ಯು ಝು಼ಕಾವ್ಣುಕರಿ ಅಪ್ಣೆ ಇವ್ಣುನ ಬೋಲ್‌ನು” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:28

“ಇಸ್ರಾಯೇಲ್‌ನ ಅದ್ಮಿವೊ, ಹಮೂನ ಮದತ್ ಕರೊ, ಅಪ್ಣ ಅದ್ಮಿನಾಬಿ, ಧರ್ಮಶಾಸ್ತ್ರನಾಬಿ ಆ ಝ಼ಗೋನಾಬಿ ವಿರೋದ್ ಹುಯಿನ್ ಖ್ಹಾರಾಸ್ ಅದ್ಮಿನ ಬೋಧನೆ ಕರಾವಾಳೊ ಯೋ ಅದ್ಮಿ ಆಸ್! ಅತ್ರೇಸ್ ಕಾಹೆ, ಆ ಗ್ರೀಕ್‍ವಾಳಾನ ದೇವ್ನಿಮಂದಿರ್‌ಮ ಬುಲೈಲಾಯಿನ್‌ ಹೈರಿತೆ ಪವಿತ್ರಝ಼ಗೋನ ಮೈಲು ಕರಿನಾಖ್ಯೊ.” ಕರಿ ಚಿಕ್‌ರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:22

ಆ ವಾತ್ ಬೋಲಲಗು ಅದ್ಮಿಖ್ಹಾರು ಪೌಲನಿ ವಾತ್ನ ಕಾನ್‍ಲಾಗಾಡಿ ಖ್ಹಮ್‌ಜ್ಯು; ಅನಪಾರ್ ಇವ್ಣೆ “ಅಥ್ರಾನವಾಳಾನ ಜ಼ಮೀನ್‍ಪರ್ಥು ಕಾಡಿನಾಕ್; ಆ ಬಚಾ಼ವನ ಲ್ಹಾಯೇಕ್‍ ಕೊಯ್ನಿ” ಕರಿ ಚಿಕ್ರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:14

ಕತೋಬಿ ಏಕ್‌ ಖಲಿ ತಾರ ಖ್ಹಾಮ್ಣೆ ಮಾನಿಲೆವುಸ್‌, ಶಾತ್‌ಕತೊ, ಧರ್ಮವಿರೋದಿಕರಿ ಬೋಲಾನು ಮಾರಗ್‍ಮ ಚಾ಼ಲವಾಳೊ ಮೇ ಮಾರ ಗುರುಗುರಬ್‍ಲ್ಯನ ದೇವ್ನ ಆರಾದನೆ ಕರುಸ್. ಕತೋಬಿ ಮೋಶೇನು ಧರ್ಮಶಾಸ್ತ್ರನು ಪ್ರವಾದನೆ ದಪ್ತರ್‌ಮ ಲೀಖೈರುತೆ ಯೊ ಅಖ್ಖಾಸ್ನ ವಿಶ್ವಾಸ್ ಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:4

ಕತೋಬಿ ಮೇ ತಾರಿ ವಖ್ಹತ್‌ನ ಬಿಜೂ಼ಬಿ ಜಾ಼ಖ್ಹತ್ ಕೋಲೇವುಂತೆ ಥೋಡಿಸ್ ವಾತೆ ಬೋಲುಸ್. ದಯಾಕರೀನ್ ಖ್ಹಮಜ಼್‌ಣುಕರಿ ತಾರಾಮ ಗಿಂಗೈಲೆವುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:7

ಯೆರೂಸಲೇಮ್‌ಥು ಆಯುಥೂತೆ ಯೆಹೂದ್ಯರ್, ಪೌಲ ಹಿಜ್ಜಾ಼ ಆವಾದಿನ್ ಇನ ಅಶ್‌ಪಿಶ್ ಭೀರಿನ್ ಇನಪರ್ ಘಣು ಗಲತ್‌ ಲಗಾಡ್ಯು. ಇವ್ಣೆ ಶಾತ್ಬಿ ಸಾಬಿತ್ ಕರಾನ ಕೋಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:5

ಹಮಾರಿ ಧರ್ಮ್‌ನು ಜಾ಼ಖ್ಹತ್ ಕಠಣ್‍ಥಿ ರ‍್ಹವಾನು ಫರಿಸಾಯರ್‌ನು ಪದತ್ತಿನಿ ಅನುಸಾರ್ ಫರಿಸಾಯ ಹುಯಿನ್ ಚಾ಼ಲಿಲಿದೊಕರಿ ಶುರುವಾತ್‌ಥೂಬಿ ಇವ್ಣುನ ಮಾಲುಮ್‌ ಛಾ಼. ಸಾಕ್ಷಿ ಬೋಲಾನು ದಿಲ್‌ ಉಷೇತೊ ಬೋಲೆಜಾ಼ಯ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:22

ಕತೋಬಿ ತಾರಿ ಸೋಚ್ನ ತಾರ ಮ್ಹೋಡೇಖ್ಹೂಸ್ ಖ್ಹಮ್‌ಜಾ಼ನ ಪಸಂದ್ ಕರ್ಯೆಸ್. ಶನಕತೊ ಅಖ್ಖೂಸ್ ಅದ್ಮಿಖ್ಹಾರು ಆ ಝೂ಼ಂಡ್‌ಮ ಕ್ರಿಸ್ತನು ವಿರೋದ್ ಕರೀನ್ ವಾತೆ ಬೋಲುಕರಸ್‍ಕರಿ ಹಮೂನ ಮಾಲುಮ್‌” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:17

ಮಹಾಯಾಜಕ್‍ಬಿ ಇನ ಜೋ಼ಡ್‍ವಾಳು ಖ್ಹಾರು, ಸದ್ದುಕಾಯ ಭಣಿವಾಳು ಖ್ಹಾರು ಘಣು ಬಳಾಪೊ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:13

ತದೆ ಇವ್ಣೆ, ಥೋಡ ಸಾಕ್ಷಿ ಬೋಲವಾಳಾನ ಬುಲೈಲಾಯಿನ್‌ “ಆ ಅದ್ಮಿ ಆ ಪವಿತ್ರ ಝ಼ಗೋನ ವಿರುದ್ಧಹುಯಿನ್, ಮೋಶೆನಿ ಧರ್ಮಶಾಸ್ತ್ರನ ವಿರೋದ್ ಹುಯಿನ್ ಕದೇಬಿ ಝೂ಼ಟಿ ವಾತೆ ಬೋಲಸ್.

1 ಕೊರಿಂಥ 11:19

ಥೋಡುಜ಼ಣು ದೇವ್‍ಥಿ ಯೋಗ್ಯಕರಿ ಬೋಲೈಲ್ಯವಾಳು ಛಾ಼ಕರಿ ದೆಖಾವನಖ್ಹಾಜೆ ತುಮಾರಮ ಬೇಭಾಗ್‌ ಹುವಾನು ಜ಼ರೂರತ್ ಅನೇಥಿ ಕೋಣ್ ಬರಬ್ಬರ್‌ ಛಾ಼ಕರಿ ಮಾಲುಮ್ ಪಡಾಸ್‌.

1 ಕೊರಿಂಥ 4:13

ಹಮುನ ಚಾ಼ವ್‌ಣ್ಯಕಾಡನಿ ವಖ್ಹ್‌ತೆ ಗೋರ್‌ಥಿ ಜವಾಬ್‌ ದಿಶು.ಆ ಜಗತ್ನಿ ಝಿಟ್ಕಾರ್‌ಥಿ ಮೋಟ ಶಾತ್ಬಿ ಕಾಹೆ. ಹಮೆ ಹಮ್ಕೆಲಗೂಬಿ ಜಗತ್‌ಮ ಜ಼ಮೀನ್ನ ಕಚ್ರಾ಼ನಿತರಸ್ ಛಿಯ್ಯೆ಼.

1 ಪೇತ್ರ 2:19

ಎಕ್‍ಜ಼ಣೊ ಅನ್ಯಾಮ್‍ಥಿ ಖ್ಹತಾವಾಳೊ ಹುಯಿರ‍್ಹಿನ್ ದೇವ್ ದೇಕ್‌ಶೆಕರಿ ಇನ ಖ್ಹಮಾಳಿಲಿದೋತೊ, ಯೋ ಖ್ಹರಾವ್ಣಿನ ಲ್ಹಾಯಕ್ ಹುಯಿರ‍್ಹೊಸ್.