ಅಪೊಸ್ತಲರ್‌ನು ಕಾಮ್‌ಖ್ಹಾರು 24:22 - ದೇವ್ನಿ ಖ್ಹಾಚಿ ವಚನ್

²² ಫೇಲಿಕ್ಸನೆ ಆ ಮಾರಗ್‌ನ ಬಾರೇಮ ಪಹಿಲೇಸ್ ಕೆತ್ರಕ್ಕಿ ಮಾಲುಮ್‌ ಕರಿರಾಖ್ಯೊಥೊ. ಇನಖ್ಹಾಜೆ ನ್ಯಾವ್‍ಕರಾನು ಭೀರಾಖಿನ್, “ಸೇನಾಧಿಪತಿ ಹುಯಿರ‍್ಹೋತೆ ಲುಸಿಯಸ್‍ ಹಜ಼್ಜ ಆವಾದಿನ್ ಆ ವಾತ್ನಿ ಬಾರೇಮ ತೀರ್ಪ್ ಕರಿಶ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:22 ပူးပေါင်းရင်းမြစ်များ

ಮತ್ತಾಯ 2:7

ತದೆ ಹೆರೋದನೆ ಕಿನಾಬಿ ಮಾಲುಮ್‌ಕೊಂತೆ ಇಮ್‌, ಯೋ ಗ್ಯಾನಿ ಅದ್ಮಿಖ್ಹಾರಾನ ಬುಲೈನ್, ಯೋ ಶುಕ್ಕರ್ ದೆಖಾಯೂತೆ ಬರೋಬರ್‌ನಿ ವಖ್ಹತ್‌ನ ಪುಛೈ಼ಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:20

ಇವ್ಣೆಖ್ಹಾರು ಇನ ಅಜೂ಼ಬಿ ಥೋಡದನ್ ಇವ್ಣಿ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಿಲಿದು. ಕತೋಬಿ ಇನೆ ಮಾನ್ಯೊಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:40

ಆ ದನ್ನೆ ಚಾ಼ಲ್ಯುತೆ ಸಮಾಚಾರ‍್ನ ಎಕ್ಟುಹುಯಿರ‍್ಹಾತೆ ತುಮೂನ ಮೆ ಶನ ಬೋಲುಕರುಸ್‍ಕತೊ ಹಮ್ಕೇನು ಝ಼ಗ್‍ಡಾನ ದೇಖ್ಯಾತೆ ಥೋಡು ಅದ್ಮಿಖ್ಹಾರು ಹಮೆ ಝ಼ಗ್‍ಡೊ ಉಠಾಡಿರಾಖ್ಯಸ್ ಕರಿ ಗಲತ್‌ ಲಗಾಡನಿತರ ಥೂ. ಆ ಗಲಾಟ್‌ನ ಬಾರೇಮ ಬೋಲ್ಯುತೊ ಹಮೆ ಝ಼ಗ್ಡಾನ ಮಾನಿಲ್ಯವಾನ ಕೋ ಹುವಾನಿ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:10

ರಾಜ್ಯಪಾಲ್‌ನೆ ಪೌಲನ, ತೂ ವಾತೆ ಬೋಲೆಜಾ಼ಯ್‌ ಕರಿ ಖ್ಹಂಜ಼್‌ಕಾರ್‌ ದ್ಯವಾಮ ಇನೆ ಪಾಛೊ಼ ಜ಼ವಾಬ್ ಶಾತ್‍ದಿದೋಕತೊ “ತೂ ಮನ ಕೈಏಕ್ ವರಖ್ಹ್‌ಥು ಆ ದೇಖ್ಹ್‌ನೊ ನ್ಯಾವ್‍ಣೊ ಬಣಿರೋಸ್ ಕರಿ ಮನ ಮಾಲುಮ್‌. ಇನಖ್ಹಾಜೆ ಖುಷಿಥಿ ಫೇಡ್‍ ದೆವುಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:14

ಕತೋಬಿ ಏಕ್‌ ಖಲಿ ತಾರ ಖ್ಹಾಮ್ಣೆ ಮಾನಿಲೆವುಸ್‌, ಶಾತ್‌ಕತೊ, ಧರ್ಮವಿರೋದಿಕರಿ ಬೋಲಾನು ಮಾರಗ್‍ಮ ಚಾ಼ಲವಾಳೊ ಮೇ ಮಾರ ಗುರುಗುರಬ್‍ಲ್ಯನ ದೇವ್ನ ಆರಾದನೆ ಕರುಸ್. ಕತೋಬಿ ಮೋಶೇನು ಧರ್ಮಶಾಸ್ತ್ರನು ಪ್ರವಾದನೆ ದಪ್ತರ್‌ಮ ಲೀಖೈರುತೆ ಯೊ ಅಖ್ಖಾಸ್ನ ವಿಶ್ವಾಸ್ ಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:24

ಥೋಡದನ್ನ ಪಾರ್ ಫೇಲಿಕ್ಸ್‌ ಇನಿ ಬಾವಣ್‍ ಹುಯಿರೀತೆ ದ್ರೂಸಿಲ್ಲಾನಿ ಜೋ಼ಡ್ಮ ಆಯೊ. ಯೋ ಯೆಹೂದ್ಯವಾಳಿ ಹುಯಿರ‍್ಹೀಥಿ. ಫೇಲಿಕ್ಸನೆ ಪೌಲನ ಬುಲೈಮಂಗೈನ್‌, ಯೋ ಕ್ರಿಸ್ತಯೇಸುನ ವಿಶ್ವಾಸ್‍ಕರಾನಿ ಬಾರೇಮ ವಾತೆ ಬೋಲಾನು ಖ್ಹಮ್‍ಜ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:6

ಆ ನಾಹುಯಿನ್ ಆ ಅದ್ಮಿ ದೇವ್ನಿ ಮಂದಿರ‍್ನ ಮೈಲುಕರಾನ ಕೋಶಿಶ್ ಕರ‍್ಯೊ. ಇನಾಖ್ಹಾಜೆ ಹಮೆ ಇನ ಬಂಧಿಕರ‍್ಯಾ. ಹಮೆ ಹಮಾರ ಶೊಂತ್ ನಿಯಮ್‌ನಿ ಪರಕ್ಮ ತೀರ್ಪ್ ಕರ್ನುಕರಿ ಖ್ಹೂಜ಼್‌ಕರ‍್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:26

ಕತೋಬಿ ಅನಿ ವಾತೆನಿ ಬಾರೇಮ ಕೈಸರೈನ ಲೀಖಾನ, ಬರಾಬರ್‌ನು ಅಪರಾದ್ ಶಾತ್ಬಿ ಮನ ಕೊದೆಖಾವನಿ, ಇನಖ್ಹಾಜೆ ಮೇ ಅನ ತುಮಾರ ಖ್ಹಾರಾನ ಖ್ಹಾಮ್ಣೇಬಿ ವಿಶೇಷ್‌ಥಿ ಛಾ಼ತೆ ರಾಜ಼ ಅಗ್ರಿಪ್ಪನ ಖ್ಹಾಮ್ಣೆ ಲೈರಾಖ್ಯೊಸ್. ಇನಖ್ಹಾಜೆ ತುಮೆ ಅನ ವಿಚಾರ್‌ಕರೀನ್ ಅನಿ ಬಾರೇಮ ಇನ ಲೀಖಾನ ಶನಿತೋಬಿ ವಾತೆ ದಿಶುಕರಿ ಬೋಲಿನ್ ಟಿವೈರ‍್ಹೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:3

ಶನಕತೊ ಯೆಹೂದ್ಯರ್‌ಮ ಛಾ಼ತೆ ಅಖ್ಖುಸ್ ಚಾ಼ಲ್ ಚ಼ಲಣ್‌ಬಿ, ಅಜು಼ ಯೆಹೂದ್ಯರ್ ವಿಚಾರ‍್ನ ವಾದಕರುಕರಾತೆ ಬಾರೇಮ ತುನ ಅಛ್ಛಿನಿತರ ಮಾಲುಮ್ ಛಾ಼. ಇನಖ್ಹಾಜೇಥಿ ಮಾರಿ ವಾತೆನ ಧೀಮೆಥಿ ಖ್ಹಮಜ಼್‌ಣು ಕರಿ ಗಿಂಗೈಲೆವುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:2

ದಮಸ್ಕ ಖ್ಹಯೇರ‍್ನಿ ಸಭೆನ ಚಿಟ್ಟಿ ಲೀಖಿನ್ ದಮಸ್ಕಮ ಕ್ರಿಸ್ತಾನ ಮಾರಗ್‍ಮ ಚಾ಼ಲವಾಳು ತಯೇಡ ರ‍್ಹವೊ ಪರ್ಖ್ಹೊ ರ‍್ಹವೊ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ಮನ ಹುಕುಮ್ ದೆವೊ ಕರಿ ಬೋಲಿಲಿದೊ.