ಅಪೊಸ್ತಲರ್‌ನು ಕಾಮ್‌ಖ್ಹಾರು 24:10 - ದೇವ್ನಿ ಖ್ಹಾಚಿ ವಚನ್

¹⁰ ರಾಜ್ಯಪಾಲ್‌ನೆ ಪೌಲನ, ತೂ ವಾತೆ ಬೋಲೆಜಾ಼ಯ್‌ ಕರಿ ಖ್ಹಂಜ಼್‌ಕಾರ್‌ ದ್ಯವಾಮ ಇನೆ ಪಾಛೊ಼ ಜ಼ವಾಬ್ ಶಾತ್‍ದಿದೋಕತೊ “ತೂ ಮನ ಕೈಏಕ್ ವರಖ್ಹ್‌ಥು ಆ ದೇಖ್ಹ್‌ನೊ ನ್ಯಾವ್‍ಣೊ ಬಣಿರೋಸ್ ಕರಿ ಮನ ಮಾಲುಮ್‌. ಇನಖ್ಹಾಜೆ ಖುಷಿಥಿ ಫೇಡ್‍ ದೆವುಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:10 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:11

“ಇವ್ಣೆ ತುಮೂನ, ಸಭೆ ಭರಾವನು ಮಂದಿರ್‌ಮ ರ‍್ಹವೊ, ಅದಿಕಾರಿಕನ ರ‍್ಹವೊ, ರಾಜ್ಯಪಾಲ್‌ಕನ ರ‍್ಹವೊ, ರಾಜ಼್‌ಭಾರ್‌ ಚ಼ಲಾವವಾಳ ಖ್ಹಾಮ್ಣೆ ರ‍್ಹವೊ ಖೇಚಿಲಿಗಯೂತೆ, ಇವ್ಣುನ ಶಾತ್‌ ಜವಾಬ್‌ ದೇವ್ಣು, ಕಿಮ್ ಬೋಲ್ನುಕರಿ ವೇಚ಼್‌ಣೆ ನಕೊ ಕರ್ಶು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:14

ತದೆ ಯೇಸುನೆ ಇನ, “ಅಲಾ ದೋಸ್, ನಯ್ಯೊಹುಯಿನ್ ರ‍್ಹವೊ ನತರ್‌ಕಿ ಆಸ್ತಿನ ಭಾಗ್‍ಪಾಡವಾಳೊ ಹುಯಿನ್ ರ‍್ಹವೊ, ಮನ ತುಮಾರ ಭೇ ಜ಼ಣಾಪರ್ ನೇಮಕ್ ಕರ‍್ಯುತೆ ಕೋಣ್?” ಕರಿ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:2

ಯೋ ಶಾತ್‌ಕತೊ, “ಏಕ್‌ ಗಾಮ್ಮ ಏಕ್‌ ನಯ್ಯೊ ಥೊ. ಯೋ ದೇವ್‍ನಾಬಿ ದೇಖಿನ್ ಡರ್‌ತೋಥೊ ಕೊಯ್ನಿ, ಅಜು಼ ಅದ್ಮಿನ ಮಜೂ಼ರ್‌ ಕರ್ತೊಥೊ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:17

ಪೇತ್ರನೆ ಇವ್ಣುನ ಶೊಪೊರ‍್ಹೇವೊ ಕರಿ ಹಾತ್‌ನೊ ಇಷಾರ್ಕೊ ಕರೀನ್, ಪ್ರಭುನೆ ಇನ ಜೇಲ್‌ಮಾಥು ಕಿಮ್ ಛೋ಼ಡಾಯೊ ಕರಿ ಯೋ ಬಾರೇಮ ಇವ್ಣುನ ಅಖ್ಖು ಬೋಲಿ ಒತಾಳ್ಯೊ. “ಯಾಕೋಬ್‌ನಾಬಿ ಅಜು಼ ವಿಶ್ವಾಸಿವೊನಾಬಿ ಆ ಸಮಚಾರ್‌ನ ಬೋಲೊ” ಕರಿ ಬೋಲ್ಯೊ. ಇನಕೇಡೆಥು ಪೇತ್ರ ಬಿಜಿ ಝ಼ಗೊ ನಿಕ್ಳಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:16

ತದೆ ಪೌಲನೆ ಉಠಿಭೀರಿನ್ ಇನಿವಾತ್ ಖ್ಹಮಜ಼್‌ಣುಕರಿ ಅದ್ಮಿಖ್ಹಾರಾನ ಹಾತ್‌ನೊ ಝಾ಼ಲೊದೀನ್ ಶಾತ್‍ಬೋಲ್ಯೊಕತೊ; ಮಾರ ಯೆಹೂದ್ಯ ಭೈಯೇವೊ, ಖ್ಹಾಚ ದೇವ್ನ ಆರಾದನೆ ಕರಾವಾಳು ಅದ್ಮಿವೊ ಮಾರಿವಾತೆನ ಕಾನ್‍ದೇವೊ!

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:15

ಕತೋಬಿ ಆ ಹರೇಕ್ ಥರಾನು ವಿವಾದ್ ಬೋಧನೆನಾಬಿ, ನಾಮ್ನಾಬಿ, ತುಮಾರಿ ಧರ್ಮಶಾಸ್ತ್ರನಿ ಘೋಣಿಸ್ ಛಾ಼. ಇನ ತುಮಾರಿ ಪಸಂದ್‌ನಿತ್ರ ತುಮೇಸ್ ತೀರ್ಪ್ ಕರಿರಾಖ್ಯಸ್, ಅಥ್ರಾನಿ ವಾತೆನ ಮನ ನ್ಯಾವ್ ತೀರ್ಪ್ ಕರಾನ ಕೊಹುವ್ವಾನಿ.ಕರಿ ಬೋಲಿನ್

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:33

ಯೆಹೂದ್ಯರ್ ಅಲೆಕ್ಸಾಂಡರ‍್ನ ಖ್ಹಾಮ್ಣೆ ಧಕೇಲಿನ್ ಝೂ಼ಂಡ್‌ಮ ಥೋಡುಜ಼ಣು ಇನ ಇಷಾರ್ಕೊ ಕರ‍್ಯು. ತದೆ ಅಲೆಕ್ಸಾಂಡರ‍್ನೆ ಇನಭಣಿಥು ಹಾತ್‌ನೊ ಝಾ಼ಲೊದೀನ್ ಭರೈರ‍್ಹುತೆ ಅದ್ಮಿಖ್ಹಾರಾನ ಶಾಂತಿಥಿ ರ‍್ಹವಾನ ಬೋಲ್ತೊ ಹುಯಿನ್ ಜ಼ವಾಬ್ ದೇವ್ಣುಕರಿ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:40

ಸಿಪಾಯ್ನೊಮೋಟಾನೆ ಹುಕುಮ್‌ ದ್ಯಾವದೀನ್ ಪೌಲನೆ, ಪಾಯಿರಿಪರ್ ಭೀರಿನ್, ಅದ್ಮಿನಝೂ಼ಂಡ್‌ನ ಖ್ಹೊಪೊರ‍್ಹೇವೊಕರಿ ಹಾತ್‌ನೊ ಇಷಾರ್ಕೊ ದಿದೊ. ಇವ್ಣೆ ಜ಼ರ ಖ್ಹೊಪ್‍ಪಡಾದಿನ್ ಇವ್ಣುನ ಇನೆ ಇಬ್ರಿಯ ವಾತೆಮ ಬೋಲಾನ ಶುರುಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:24

ಅಜು಼ ಘೋಡಾನ ತಯಾರ್‌ಕರ‍್ಲಿನ್, ಪೌಲನ ಬೆಖ್ಹಾಡಿನ್‌, ರಾಜ್ಯಪಾಲ್ ಹುಯಿರೋತೆ ಫೇಲಿಕ್ಸಕನ ಇನ ಜ಼ತನ್‍ಥೀಸ್‌ ಬುಲೈಲೀಜಾವ್ಣು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:1

ಅಗ್ರಿಪ್ಪ ಪೌಲನ, “ಹಮ್ಕೇಥೊ ತಾರ ಭಣೀಥು ವಾತೆ ಬೋಲೆಜಾ಼ಯ್” ಕರಿ ಬೋಲ್ಯೊ. ತದೆ ಪೌಲನೆ ಹಾತ್‍ಪಾಡಿನ್ ಜ಼ವಾಬ್ ದೇತೊಹುಯಿನ್ ಅಮ್ ಬೋಲ್ಯೊ;

1 ಪೇತ್ರ 3:15

ಕತೋಬಿ ಕ್ರಿಸ್ತನ ಪ್ರಭುಕರಿ ತುಮಾರ ದಿಲ್ಮ ಜ಼ತನ್‌ಕರೊ. ತುಮಾರಮ ಛಾ಼ತೆ ಭರೋಖ್ಹಾನ ಆಧಾರಶಾತ್‍ಕರಿ ತುಮುನ ಪುಛಾ಼ವವಾಳ ಹರೇಕ್ ಜ಼ಣಾನ ಜ಼ವಾಬ್‍ದ್ಯವಾನ ಕದೇಬಿ ತಯಾರ್ ರ‍್ಹವೊ. ಕತೋಬಿ ಅನ ಶೇದೇವ್ ಹುಯಿರ‍್ಹಿನ್ ಮರ್ಯಾದಿಥಿ ಬೋಲೊ.