ಅಪೊಸ್ತಲರ್‌ನು ಕಾಮ್‌ಖ್ಹಾರು 23:9 - ದೇವ್ನಿ ಖ್ಹಾಚಿ ವಚನ್

⁹ ತದೆ ಯೋ ಯೆಹೂದ್ಯರ್‌ಮ ಘಣಿ ಗಲಾಟ್ ಹುಯು ಫರಿಸಾಯರ್‌ನ ಝೂ಼ಂಡ್‌‍ನು ಥೋಡು ಧರ್ಮ ಬೋಧನೆ ಕರವಾಳು ಉಠಿಭೀರಿನ್, “ಆ ಅದ್ಮಿಮ ಶನೀಬಿ ಅಪರಾದ್ ದೇಖವ್‌ಕರಕೊಯ್ನಿ. ದಮಸ್ಕನ ಜಾ಼ವಾನಿ ವಾಟ್‌ಮ ದೇವ್‌ದೂತರ್‌ಕೀ, ಆತ್ಮಾಕಿ, ಇನಜೋ಼ಡೆ ವಾತ್‍ಬೋಲಿರಾಕ್ಣು ಕರಿ ಅಬ್ಬಾಜ಼ಬ್ಬಿ ವಾತೆ ಚಾ಼ಲಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:9 ပူးပေါင်းရင်းမြစ်များ

ಮಾರ್ಕ 2:16

ಹಿಜ್ಜಾ಼ ಪರಿಸಾಯರ್‌ನಿ ಝೂ಼ಂಡ್‌ವಾಳು ಹುಯಿರ‍್ಹುಥೂತೆ, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಮ ಥೋಡು ಜ಼ಣು, ಯೇಸು ಶುಂಕ ಮಾಂಗವಾಳನ ಅಜು಼ ಪಾಪಿ ಅದ್ಮಿನ ಜೋ಼ಡೆ ಖಾಣು ಖಾತಾನ ದೇಖ್ಯು. ತದೆ ಇವ್ಣೆ ಯೇಸುನ ಶಿಷ್ಯರ್‌ನ, “ಯೋ ಅಮ್ನಅದ್ಮಿನ ಜೋ಼ಡೆ ಶನ ಖಾಣು ಖಾಸ್ತೆ?” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:22

ಕತೋಬಿ ಪಿಲಾತನೆ ತೀನ್ನೆಹಲ್ಲ, “ಶನ? ಆ ಖಾರಾಬ್‌ ಶಾತ್‌ ಕರಿರಾಖ್ಯೋಸ್? ಮರಣ್ ದಂಡ್‌ ದೆವಾಖ್ಹರ್‌ಖ್ಹು ಗಲತ್‌ ಅನಾಮ ಮನ ದೆಖಾಯು ಕೊಯ್ನಿ! ಅನಖ್ಹಾಜೆ, ಮೇ ಅನ ಕೊಳ್ಡೇಥಿ ಮರೈನ್, ಮ್ಹೆಂದೆವುಸ್” ಕರಿ ಇವ್ಣುನ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:4

ತದೆ ಪಿಲಾತನೆ ಮಹಾಯಾಜಕರ್‌ ಅಜು಼ ಅದ್ಮಿನಿ ಭೀಡ್ನ, “ಆ ಅದ್ಮಿಮ ಮನ ಶನೀಶ್ ಗಲತ್‌ ಕೋ ದೆಖಾಯುನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:30

ಅನ ದೇಖಿನ್, ಫರಿಸಾಯರ್ ಅಜು಼ ಇವ್ಣಿ ಝೂ಼ಂಡ್‌ನ ಮಳಿಹುಯು ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಖ್ಹಾರು ಯೇಸುನ ಶಿಷ್ಯರ್‌ಪರ್ ಮಶ್ಲಾ ಮಾರ್‌ತುಹುಯಿನ್, “ತುಮೆ ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.

ಯೋಹಾನ 12:29

ಹಿಜ್ಜಾ಼ ಭೀಯುಥೂತೆ ಝೂಂಡ್‍ಖ್ಹಾರು ಆ ಅವಾಜ಼್‌ನ ಖ್ಹಮ್‌ಜಿನ್‌, “ಗಲ್ಹಾರ‍್ಯು” ಕರಿ ಬೋಲ್ಯು. ಅಜು಼ ಥೋಡಾನೆ, “ದೇವ್‌ನೊ ದೂತಾನೆ ಯೇಸುನ ಜೋ಼ಡೆ ವಾತೆ ಬೋಲ್ಯೊ” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:17

ಪ್ರಭು ಯೇಸುಕ್ರಿಸ್ತಮ ವಿಶ್ವಾಸ್‌ರಾಖ್ಯಾತೆ ಆಪ್ಣುನ ದಿದೋತೆ ವರನಾಸ್ ದೇವ್ನೆ ಆ ಅದ್ಮಿವೋನಾಬಿ ದಿದೊ. ಅಮ್‍ರ‍್ಹವಾನಾಪರ್ ಮೆ ದೇವ್ನ ಕಾಮ್ನ ಭೀರಾಖಾನ ಮೇ ಕೋಣ್? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:6

ಖ್ಹುಮಾರ್ ಭಾರಘಂಟಾನಿ ವಖ್ಹತ್‌ಮ ಮೇ ದಮಸ್ಕನ ಖನ್ನೆ ಜೈ಼ರ‍್ಹೂಥು. ತದೆ ಅಪ್‌ಗುಪ್‌ಥೀಸ್ ಆಕಾಶ್‌ಮಾಥು ಏಕ್‌ ಉಜಾ಼ಳು ಮಾರ ಅಶ್‌ಪಿಶ್‌ ಉಜಾ಼ಖ್ಹ್‌ಥಿ ಝ಼ಮ್‍ಕ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:7

ಮೇ ಜ಼ಮೀನ್‌ಪರ್ ರಡ್ಕಿಗಯೊ. ತದೆ ‘ಸೌಲ’ ಸೌಲ, ಮನ ಶನ ಖ್ಹತಾವಸ್? ಕರಿ ಮನ ಬೋಲ್ಯುತೆ ಏಕ್‌ ಆವಾಜ಼್‌ನ ಖ್ಹಮ್‍ಜ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:29

ಮನ ಹಿಜ್ಜಾ಼ ಮಾಲುಮ್ ಪಡ್ಯುತೆ ಶಾತ್‍ಕತೊ ಪೌಲ ಖರಾಬ್ ಕಾಮ್ ಕರಿರಾಖ್ಯೊಸ್ ಕರಿ ಯೆಹೂದ್ಯರ್‌ಖ್ಹಾರು ಬೋಲ್ಯುತೋಬಿ, ಇವ್ಣು ಅಪರಾದ್ ಖ್ಹಾರು ಇವ್ಣ ಧರ್ಮಶಾಸ್ತ್ರನಿ ಬಾರೇಮಾನಿ ವಾತೆನ ಪಾಡೀನ್, ಇನಪರ್ ಅಪರಾದ್ ಢೋವಡ್ಯು ಪಣ್ಕಿ ಮರಣ್ ದಂಡನೆ ರ‍್ಹವೊ ಬೇಡಿ ಘಾಲಾನ ರ‍್ಹವೊ ಕರಾಖ್ಹರ‍್ಕಿ ಖೇವಿಬಿ ಅಪರಾದ್ ಕೋಥಿನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:8

ಶನಕತೊ ಮರ‍್ಯುಹುಯು, ಪಾಛು಼ ಜಿವ್ತುಹುವಾನು ರ‍್ಹವೊ, ದೇವ್ನದೂತ ರ‍್ಹವೊ, ಶರೀರ್‌ಕೊಂತೆ ಆತ್ಮರ‍್ಹೇವೊ ಕೊಯ್ನಿಕರಿ, ಸದ್ದುಕಾಯವಾಳು ಬೋಲಸ್. ಕತೋಬಿ ಆ ಭೇಬಿ ಛಾ಼ಕರಿ ಫರಿಸಾಯರ್ ಮಾನಿಲೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:25

ಮೇ ಅನ ವಿಚಾರ್ ಕರಾನಿ ವಖ್ಹ್‌ತೆ ಶನು ಝೂ಼ಟುಬಿ ಕೋ ದೇಖ್ಯೋನಿ ಕತೋಬಿ ಕೈಸರ್‌ಥೀಸ್ ನ್ಯಾವ್‌ನು ತೀರ್ಪ್‌ಹುವಾದೆ ಕರಿ ಬೋಲಿಲಿದೊ. ಇನಖ್ಹಾಜೆ ಅನ ರೋಮ್‍ನ ಮೋಕ್ಲಾನ ತೀರ್ಮಾನ್ ಕರಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:31

ಇನಪಾರ್ ಭಾರ್‌ಜೈ಼ನ್‌ ಇವ್ಣೆ, “ಆ ಅದ್ಮಿನ ಮರಣ್ಣಿ ದಂಡನೆ ನತರ್ ಬೇಡಿ ಘಾಲನು ಅನೆ ಶಾತ್ಬಿ ಕೊಕರ‍್ಯೋನಿ ಕರಿ ಇವ್ಣ ಇವ್ಣಾಮಸ್‌ ಬೋಲಾಲಗ್ಯು

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:23

ಗೈತೆರಾತ್, ದೇವ್‍ಕಂಥೊ ಏಕ್‍ ದೂತ ಮಾರಕನ ಆಯೋಥೊ. ಯೋಸ್ ದೇವ್ನ ಮೇ ಆರಾದನೆ ಕರುಸ್ತೆ ಮೆ ಇನೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:39

ಕತೋಬಿ ಯೋ ದೇವ್‍ಥಿ ಹುಯಿರ‍್ಹವಾನು ಉಷೇತೊ ಇನ ಹರಾವನ ತುಮಾರೇಥಿ ಕೋಉಷೇನಿ; ತುಮೆ ದೇವ್ನವಿರುದ್ ಜಂಗ್‍ಭೀಡಾನಿಮತ್ ದೆಖೈಲಿಶು ಕರಿ ಬೋಲ್ಯೊ.ಇವ್ಣೆ ಗಮಲಿಯೇಲನಿ ಆ ವಾತೆನ ಮಾನಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:4

ಯೊ ಜ಼ಮೀನ್‌ಪರ್ ರಡ್ಕಿಗಯೊ ತದೆ, “ಸೌಲ, ಸೌಲ ಮನ ಶನ ಖ್ಹತಾವಸ್?” ಕರಿ ಬೋಲಾನಿ ಆವಾಜ಼್‌ನ ಖ್ಹಮ್‍ಜ್ಯೊ.

1 ಕೊರಿಂಥ 10:22

ಅಪ್ಣೆ ಪ್ರಭುನ ಇರಾದೊ ಆವನಿತರ ಛೇಡಾವ್ಣು ಕಿಶು? ಅಪ್ಣೆ ಇನೇಥಿಬಿ ತಾಖತ್‍ವಾಳ ಹುಯಿರಾಸ್‍ ಕಿಶು?