ಅಪೊಸ್ತಲರ್‌ನು ಕಾಮ್‌ಖ್ಹಾರು 23:1 - ದೇವ್ನಿ ಖ್ಹಾಚಿ ವಚನ್

¹ ತದೆ ಪೌಲನೆ ಯೆಹೂದ್ಯರ್‌ನ ನ್ಯಾವ್ನಿಸಭೆನ ಠರ್‌ಕಿ ದೇಖಿನ್, “ಭೈಯೇವೊ, ಮೆ ಹಮ್ಕೆಲಗು ಅಛ್ಛಿ ದಿಲ್ನಿಸಾಕ್ಷಿಥಿ ದೇವ್ನಖ್ಹಾಮ್ಣೆ ಚಾ಼ಲಿರ‍್ಹೋಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:1 ပူးပေါင်းရင်းမြစ်များ

ಮತ್ತಾಯ 5:22

ಕತೋಬಿ ಮೇ ತುಮೂನ ಶಾತ್‌ ಬೋಲಸ್‍ಕತೊ, ತುಮೆ ತುಮಾರ ಭೈಪರ್ ಖೀಜ಼್ ಖಾವಾಳೊ ಹರೇಕ್ ಜ಼ಣೋಬಿ ತುಮೆ ನ್ಯಾವ್‍ನಿ ತೀರ್ಪ್‌ಮ ಪಡ್‍ಶು, ಅಜು಼ ತುಮೆ ತುಮಾರ ಭೈನ, ‘ಏ ಬಿಣ್‍ಅಕ್ಲಿ’ ಕರಿ ಬೋಲ್ಯಾತೊ, ತುಮೂನ ನ್ಯಾವ್‍ನಿ ಸಭೆನಖ್ಹಾಮ್ಣೆ ಭೀರಾಕ್‌ಶೆ, ಅಜು಼, ‘ಏ ಫಾಲ್ತು’ ಕರಿ ಬೋಲವಾಳೊ, ನರಕ್‌ನಿ ಆಗ್‌ಮ ಪಡ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:1

“ಮಾರ ಬಾವೊ, ಯಹೂದಿ ದೋಸ್ತಿವೊ, ಮೇ ಹಮ್ಕೆ ತುಮೂನ ದೆವುಸ್ತೆ ಫೇಡ್ನ ಖ್ಹಮ್‍ಜೊ ಕರಿ ಚಿಕ್ರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:30

ಪೌಲನ ಉಪ್ಪರ್ ಯೆಹೂದ್ಯರ್ ಖ್ಹಾರು ಶನ ಅಪರಾದ್ ನಾಖುಕರಸ್ ಕರಿ ಮಾಲುಮ್‌ ಕರಿಲ್ಯಾವಾನಖ್ಹಾಜೆ ಸೇನಾಧಿಪತಿನೆ ತೀರ್ಮಾನ್ ಕರೀನ್, ಇನವ್ಹಾಣೆ ಪೌಲನ ಬೇಡಿನ ಛೋ಼ಡಿನ್ ಮಹಾಯಾಜಕಬಿ ನ್ಯಾವ್ನಿಸಬೆವಾಳು ಖ್ಹಾರುಸ್ ಭರಾವ್ಣುಕರಿ ಹುಕುಮ್‌ ದೀನ್, ಪೌಲನ ಬುಲೈಲೀಜೈ಼ನ್ ಇವ್ಣಖ್ಹಾಮೆ ಭೀರಾಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:5

ಅನಿಬಾರೇಮ ಗಲ್‌ಢಯಾಜಕ್‌ಬಿ ಮೋಟಿಸಭೆವಾಳು ಖ್ಹಾರು ಸಾಕ್ಷಿ ಹುಯಿರ‍್ಹುಸ್. ಇವ್ಣೇಥಿಸ್ ದಮಸ್ಕಮ ಥೂತೆ ಯಹೂದಿ ದೋಸ್ತಿನ ದ್ಯವಾನಖ್ಹಾಜೆ ಅವ್ಣಕನ ಥೂತೆ ಚಿಟ್ಟಿನ ಮಾಂಗಿಲೀನ್ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ದಮಸ್ಕಮ ಮೇ ವಳ್ಯೊಜಾ಼ತೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:15

“ಇನಖ್ಹಾಜೆ ಹಮ್ಕೆ ತುಮೆ ಶಾತ್‍ಕರ‍್ನುಕತೊ, ನ್ಯಾವ್‌ನು ಸಭೆವಾಳಾನಿಜೋಡ್ಮ ರೋಮ್ನೊಸಿಪಾಯ್ನೊ ಮೋಟಾಕನ ಜೈ಼ನ್‌, ಪೌಲನಿ ಬಾರೇಮ ಬಿಜೂ಼ಬಿ ಜಾ಼ಖ್ಹತ್ ತರೀಪ್‌ಶ ಕರ್ನುಕರಿ ಭಾಣುಬೋಲಿನ್ ಇನ ಹಮಾರಕನ ಬುಲೈಲಿನ್ ಆವ್ಣುಕರಿ ಸೇನಾಪತಿನ ಖ್ಹಮ್‌ಜಾ಼ಡ್ ತದೆ ಪೌಲ ಹಜ಼್ಜ ಆವ್‍ತೊಸ್‍ ಜಾ಼ವ್ಣು ಹಮೆ ವಾಟ್‌ಪರ್ ಟಿವೈರ‍್ಹೀನ್, ಇನ ಮಾರಿನಾಖೇಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:20

ತದೆ ಯೋ ಜ಼ವಾನಿ ಛೋ಼ಕ್ರಾನ, “ಪೌಲನಿ ಬಾರೇಮ ಘಣು ಮಾಲುಮ್ ಕರಿಲೇವ್ಣುಕರಿ ಭಾಣುಕರೀನ್, ಕಾಲ್ನ ನ್ಯಾವ್‍ನಿ ಸಭೆಮ ಪೌಲನ ಬುಲೈಲಿನ್ ಆವ್ಣುಕರಿ ತುನ ಯೆಹೂದ್ಯರ್ ಖ್ಹಾರು ಬೋಲಾನ ಕರುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:28

ಇವ್ಣೆ ಶನ ಅನಪಾರ್ ಅಪರಾದ್ ನಾಖುಕರಸ್ ಕರಿ ಮಾಲುಮ್‌ ಕರಿಲ್ಯಾವಾನಖ್ಹಾಜೆ ಕರಿ ಅನ ಇವ್ಣೆ ನ್ಯಾವ್‍ನಿ ಸಬೆಮ ಮೇ ಬುಲೈಲಿನ್ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:6

ಸಭೆಮ ಥೂತೆ ಅದ್ಮಿಮ, ಥೋಡು ಸದ್ದುಕಾಯವಾಳು,ಅಜು಼ ಥೋಡು ಫರಿಸಾಯರ್‌ವಾಳನ ದೇಖಿನ್ ಪೌಲನೆ, “ಮಾರ ಭೈಯೇವೊ, ಮೇ ಫರಿಸಾಯರ್‌ವಾಳೊ ಮಾರೊ ಬಾಬಿ ಪರಿಸಾಯ ಹುಯಿರ‍್ಹೋಥೊ ಮಾರವಾಳು ಪಾಛು಼ಜಿವ್ತು ಉಷೆಕರಿ ಕರಿ ಮೆ ವಿಶ್ವಾಸ್ ಕರೀನ್ ಹಜ಼್ಜ ನ್ಯಾವ್‌ನ ವಿಚಾರಣೆಮ ಪಡ್ಯೊಸ್” ಕರಿ ಚಿಕ್ರಿನ್ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:16

ಇನಾಖ್ಹಾಜೆ ದೇವ್ ಬಿಜು಼ ಅದ್ಮಿನ ಖ್ಹಾಮ್ಣೆ ಮಾರೇಥಿ ಹುವಾಯೆತ್ರೆ ದಿಲ್ನಿಸಾಕ್ಷಿನ ಕದೇಬಿ ಪಾಕ್‌ ರಾಖಾನ ಕೋಶಿಶ್ ಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:15

ನ್ಯಾವ್‌ನ ಸಭೆಮ ಬೇಠುಹುಯು ಖ್ಹಾರೂಸ್ ಸ್ತೆಫೆನನ ಮ್ಹೋಡಾನ ಠರ್‌ಕೈನ್ ದೇಖಾತೊ ಇನು ಮ್ಹೋಡು ದೇವ್ನ ದೂತನ ಮ್ಹೋಡಾನಿತರ ದೆಖವ್‌ಕರ್ತುಥು.

1 ಕೊರಿಂಥ 4:4

ಮಾರಮ ದೋಷ್‌ ಛಾ಼ಕರಿ ಮಾರ ಮನ್‌ಮ ದೇಖಾವಕೊಯ್ನಿ, ತೋಬಿ ಮೇ ಖ್ಹಾಚ಼ಮಾಬಿ ನಿರ್ದೋಷ್‍ಕರಿ ಸಬೂತ್ ಕರಾನುಕೊಯ್ನಿ. ಮನ ನ್ಯಾವ್‌ ಫೇಡವಾಳೊ ಪ್ರಭುಸ್.

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 4:2

ಗಪ್ಲತ್‍ನು ಬಿಜು಼ ಖ್ಹರಮ್‌ ಕಡೈಲ್ಯಾವಾನ ಖ್ಹಾರ ಮಾರಗ್‍ಥಿ ಹಮೆ ದೂರ್ ಹುಯಿರಾಸ್‍. ಬಿಜು಼ ಹಮೆ ಮಶ್ಲತ್ ಭಂದೈಯೇ಼ ಕೊಯ್ನಿ. ದೇವ್ನಿ ವಚನ್‍ಮ ಮಿಲಾವಟ್ ಕರಿಯೆಕೊಯ್ನಿ. ಹಮೆ ಖ್ಹಾಚ಼ನ ಛೋ಼ಡಿನ್ ಬೋಲ್ಯೆಸ್‍. ಹಮೆ ನೀತಿವಾಳಕರಿ ಹರೇಕ್ ಅದ್ಮಿನಿ ದಿಲ್ನಿಸಾಕ್ಷಿ ದೇವ್ನ ಖ್ಹಾಮ್ಣೆ ಮಾನಿಲ್ಯವಾನಿ ಪರಕ್ಮ ಚಾ಼ಲೆಯೇಸ್.

2 ತಿಮೊ 1:3

ಮೇ ಕೆದೇಬಿ ರಾತ್-ದನ್ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತಾರಿ ಬಾರೇಮ ಯಾದ್‌ಕರಿನ್, ದೇವ್ನ ಖ್ಹಲಾಮ್ ಕರುಸ್. ಅಜು಼ ಇನು ಸೇವೆನ ಮಾರ ಬಾಬ್‌ದಾದವ್‍ನಿತರ ಶುದ್‍ ದಿಲ್‌ಥಿ ಕರುಸ್

ಇಬ್ರಿ 13:18

ಹಮಾರ ಖ್ಹಾಜೆ ಪ್ರಾರ್ಥನೆ ಕರೊ. ಅಪ್ಣೆ ಹರೇಕ್ ವಿಚಾರ್‌ಮ ಅಛ಼್ಛ ಹುಯಿನ್ ಚಾ಼ಲಿಲೇವ್ಣುಕರಿ ಸೋಚಿಯೆ. ಶನಕತೊ ಹಮೆ ಅಖ್ಖಿವೇಳ್ಮ ದಿಲ್ನಿಸಾಕ್ಷಿನ ಲೀರಾಖ್ಯಸ್‌ಕರಿ ಮಾನಿರಾಖ್ಯಸ್.

1 ಪೇತ್ರ 3:16

ಅಜು಼ ಅಛ಼್ಛು ದಿಲ್‌ನಿಸಾಕ್ಷಿವಾಳ ಹುಯಿ‍ರ‍್ಹೆವೊ. ತದೆ ತುಮೆ ಖರಾಬ್‌ನ ಕರಾವಾಳಕರಿ ತುಮಾರಿ ಬಾರೇಮ ಖರಾಬ್ ವಾತೆ ಬೋಲಿನ್ ಕ್ರಿಸ್ತಮಛಾ಼ತೆ ತುಮಾರಿ ಅಛ್ಛಿ಼ಚಾ಼ಲ್‍ನಿ ಬಾರೇಮ ಖರಾಬ್‍ವಾತ್‍ ಬೋಲಾವಾಳು ತುಮುನ ಚಾ಼ವ್‍ಣ್ಯ ಕಾಡಾನ ಖ್ಹರ್‌ಮೈಜಾ಼ಶೆ.