ಅಪೊಸ್ತಲರ್‌ನು ಕಾಮ್‌ಖ್ಹಾರು 22:4 - ದೇವ್ನಿ ಖ್ಹಾಚಿ ವಚನ್

⁴ ಆ ಮಾರಗ್‌ಪರ್‌ ಚಾ಼ಲವಾಳಾನ ಖ್ಹತಾವ್‍ತೊಹುಯಿನ್ ತಯೇಡ ಪರ್ಖ್ಹಾ ಖೇಚಿಲಾಯಿನ್ ಜೇಲ್‌ಮ ಧಕೆಲಿನ್ ಇವ್ಣುನ ಮರ್‌ನಾಖನಾಬಿ ಕಚ಼್ ಖಾದೊಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:4 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:17

ಪೌಲಬಿನ್ ಹಮೆ ಜಾ಼ವನಿವಖ್ಹ್‌ತೆ, ಯೊ ಚಿಕ್ರಿ ಬೋಲ್ತಿಹುಯಿನ್, “ಆ ಅದ್ಮಿಖ್ಹಾರು ಘಣೊಊಚೊ಼ ದೇವ್ನು ಸೇವಕ್ ಹುಯಿರ‍್ಹಾಸ್; ತುಮಾರ ಜಾನ್ನ ರಕ್ಷಣೆನು ಮಾರಗ್‌ನ ಅವ್ಣೆ ಬೋಲುಕರಸ್” ಕರಿ ಬೋಲ್ತಿ ರ‍್ಹೇತಿಥಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:26

ಅಪೊಲ್ಲೋಸನೆ ಸಬಾಮಂದಿರ್‌ಮ ಭಾಲಿಥಿ ಬೋಧನೆ ಕರ‍್ಯೊತೆ ಖ್ಹಮ್‍ಜ್ಯಾತೆ ಪ್ರಿಸ್ಕಿಲ್ಲ ಅಜು಼ ಅಕ್ವಿಲನೆ ಇವ್ಣೆ ಇನ ಘರೆ ಬುಲೈಜೈನ್ ಅಜು಼ ದೇವ್ನ ಮಾರಗ್‌ನ ಇನ ಬಿಜೂ಼ಬಿ ಜಾ಼ಖ್ಹತ್ ಅಛ್ಛಿನಿತರ ಬೋಲಿವತಾಳ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:23

ಯೊ ಹಗಾಮ್ಮ ಎಫೆಸಮ ಕ್ರಿಸ್ತನಿ ಮಾರಗ್‌ನ ಮಾಲುಮ್ ಕರಾನಿ ಬಾರೇಮ ಜಾ಼ಖ್ಹತ್ ಗಲಾಟ್ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:9

ಥೋಡುಜ಼ಣು ಇವ್ಣ ಮನ್ನ ಕಠಣ್ ಕರ‍್ಲಿನ್ ಪ್ರಭುನ ಮಾರಗ್‌ನ ಖರಾಬ್ ಕರಿ ಬೋಲ್ಯು.ಇನಖ್ಹಾಜೆ ಪೌಲನೆ ಇವ್ಣುನ ಮ್ಹೇಲಿನ್ ವಿಶ್ವಾಸಿವ್‌ನ ಇನ ಜೋ಼ಡೆ ಬುಲೈಲಿನ್ ಗಯೊ ಅಜು಼ ಇವ್ಣುನ ತುರನ್ನಕರಿ ಬೋಲೈಲ್ಯವಾಳಾನಿ ತರ್ಕಕರಾನಿ ಪಾಠಶಾಲಾಮ ಬುಲೈಲೀಜೈ಼ನ್ ಹರೇಕ್ ದನ್ ಚರ್ಚೆಕರ್ತೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:14

ಕತೋಬಿ ಏಕ್‌ ಖಲಿ ತಾರ ಖ್ಹಾಮ್ಣೆ ಮಾನಿಲೆವುಸ್‌, ಶಾತ್‌ಕತೊ, ಧರ್ಮವಿರೋದಿಕರಿ ಬೋಲಾನು ಮಾರಗ್‍ಮ ಚಾ಼ಲವಾಳೊ ಮೇ ಮಾರ ಗುರುಗುರಬ್‍ಲ್ಯನ ದೇವ್ನ ಆರಾದನೆ ಕರುಸ್. ಕತೋಬಿ ಮೋಶೇನು ಧರ್ಮಶಾಸ್ತ್ರನು ಪ್ರವಾದನೆ ದಪ್ತರ್‌ಮ ಲೀಖೈರುತೆ ಯೊ ಅಖ್ಖಾಸ್ನ ವಿಶ್ವಾಸ್ ಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:58

ಇನ ನಂಗರ‍್ನ ಭಾರ್‌ ಧಕೇಲಿಜೈ಼ನ್ ಮಾರಿನಾಖನ ಇನಪರ್ ಬಂಡೊ ಫೇಕ್ಯು. ಇನ ವಿರೋದ್‌ ಸಾಕ್ಷಿ ಬೋಲ್ಯುತೆ ಇವ್ಣೆ ಇವ್ಣ ಝ಼ಗ್ಗಾನ ಕಾಡಿನ್ ಸೌಲಕರಿ ಏಕ್‍ ಜ಼ಣಾನ ಗೋಡಾಕನ ಮ್ಹೇಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:21

ಆ ವಾತೆನ ಖ್ಹಮ್‍ಜ್ಯುತೆ ಖ್ಹಾರು, “ಯೆರೂಸಲೇಮ್ಮ ಆ ಅದ್ಮಿಸ್‌ ಯೇಸುನ ನಾಮ್ನ ವಿಶ್ವಾಸ್ ಕರವಾಳನ ಮಾರಿನಾಖು ಕರ್ತೊಥೋತೆ ಆಸ್ ಕಾಹೆಕಿ ಶು? ಅಜು಼ ಇವ್ಣುನ ಗಲ್‌ಢಯಾಜಕ್‌ಕನ ಧರಿಲೀನ್ ಜಾ಼ವ್ಣುಕರೀಸ್ ಆ ಹಜ಼್ಜ ಐರ‍್ಹೋಸ್ತೆ?” ಕರಿ ಬೋಲಿಲಿದು.

1 ಕೊರಿಂಥ 15:9

ಮೇತೊ ಅಪೊಸ್ತಲರ್‌ಮ ನ್ಹಾನೊ, ಅಪೊಸ್ತಲಕರಿ ಬೋಲೈಲ್ಯವಾನ ಮೇ ಯೋಗ್ಯಕಾಹೆ. ಶನಕತೊ ಮೇ ದೇವ್ನಿ ಸಬೇನಾಸ್ ಖ್ಹತಾಯೊ.

ಗಲಾತ್ಯ 1:13

ಅಗ್ಗಳ್ ಮೆ ಯೆಹೂದ್ಯರ್‌ಮ ಮಳಿರ‍್ಹೋಥೋತೆ ತದೆ ಮಾರಿ ಚಾ಼ಲ್ ಕಿಮ್ ಥೀ ಕರಿ ತುಮೆ ಖ್ಹಮ್‌ಜಿರಾಖ್ಯಾಥ. ಮೇ ದೇವ್ನಿ ಸಬೆನ ಗೋರ್‌ಕೊಂತೆ ನಾಶ್‌ಕರ್ತೊಥೊ.

ಫಿಲಿಪ್ಪಿ 3:6

ಜಾ಼ತ್ನೊ ಅಭಿಮಾನ್ ದೇಖ್ಯೊತೊ ಮೆ ಕ್ರಿಸ್ತ ಸಬೆನ ಖ್ಹತಾವವಾಳೊ, ಧರ್ಮಶಾಸ್ತ್ರನಿ ನೀತಿನ ದೇಖ್ಯುತೊ ಮೆ ನಿರ್ದೋಷಿ.

2 ಪೇತ್ರ 2:2

ಇವ್ಣ ಖರಾಬ್ ಕಾಮ್ನ ಮಾರಗ್‌ಪರ್ ಕೈಏಕ್ ಜ಼ಣು ಚಾ಼ಲವಾಳು ಹುಯಿರ‍್ಹಿಶೆ. ಇವ್ಣೆ ಖ್ಹಾಚ ಮಾರಗ್‌ನ ದೂಷಣೆ ಬೋಲವಾಳು ಹುಯಿರ‍್ಹಿಶೆ.