ಅಪೊಸ್ತಲರ್‌ನು ಕಾಮ್‌ಖ್ಹಾರು 22:12 - ದೇವ್ನಿ ಖ್ಹಾಚಿ ವಚನ್

¹² ಹಿಜ್ಜಾ಼ ಧರ್ಮಶಾಸ್ತ್ರನಿ ಬಾರೇಮ ಬರೋಬರ್ ಚಾ಼ಲಿಲ್ಯವಾಳೊ ದೇವ್‌ನೊ ಭಕ್ತಾಬಿ ಯೋ ಝ಼ಗೋನು ಯೆಹೂದ್ಯರ್ ಖ್ಹಾರಾಥಿ ಅಛ್ಛೊ಼ಕರಿ ನಾಮ್ ಕಮಾಯೊಹುಯೊ ಅನನೀಯಕರಿ ಏಕ್‍ಜ಼ಣೊ ಮಾರಕನ ಆಯಿ ಭೀರಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:12 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:25

ಯೋ ಹಗಾಮ್ಮ ಯೆರೂಸಲೇಮ್ಮ ಸಿಮೆಯೋನ್‌ ಕರಿ ಏಕ್‍ಜ಼ಣೊ ಥೊ. ಯೋ ಏಕ್‌ ನೀತಿವಾಳೊ ಅಜು಼ ದೇವ್‌ಥಿ ಡರವಾಳೊ ಅದ್ಮಿ ಹುಯಿರ‍್ಹೋಥೊ, ಇಸ್ರಾಯೇಲ್‌ ಅದ್ಮಿಯೇನ ಸಮಾಧಾನ್‍ ಕರಾವಾಳೊ ಕದೆ ಆವ್‍ಶೆಕರಿ ಟಿವವ್‍ಕರ್‌ತೊಥೊ. ಅಜು಼ ಪವಿತ್ರಾತ್ಮ ಇನಿ ಜೋ಼ಡೆ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:22

ತದೆ ಇವ್ಣೆ, “ಕೊರ್ನೆಲ್ಯಕರಿ ಖ್ಹೋಶಿಪಾಯಿನೊ ಮೋಟೊ ಛಾ಼. ಯೋ ನೀತಿಮ ಚಾ಼ಲವಾಳೊ; ದೇವ್‍ಥಿ ಡರಾವಾಳೊ ಅಜು಼ ಯೆಹೂದ್ಯರ‍್ನು ಅದ್ಮಿ ಖ್ಹಾರು ಇನ ಮರ್ಯಾದಿ ದೇಸ್. ತುನ ಇನ ಘರೆ ಬುಲೈನ್ ತೂ ಬೋಲಾನಿ ವಾತೇನ ಖ್ಹಮಜ಼್‌ಣುಕರಿ ದೇವ್‌ನೊ ದೂತಥಿ ಕೊರ್ನೆಲ್ಯನ ಬೋಲಿರಾಖ್ಯೊಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:4

ಇವ್ಣಾಮ ಥೋಡಜ಼ಣು ದೇವ್ನು ಭಕ್ತರ್‌ ಹುಯಿರುತೆ ಗ್ರೀಕ್‌ನು ಮೋಟು ಝೂ಼ಂಡ್‌ ಅಜು಼ ಮುಖ್ಯ ತಯೇಡಾಮ ಕೈಯೆಕ್‍ಜ಼ಣಿ ಪೌಲ ಅಜು಼ ಸೀಲಾನಿ ಜೋ಼ಡೆ ಮಳಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:3

ಇನಖ್ಹಾಜೆ ಭೈಯೇವೊ ತುಮಾರಮ ಸಾಕ್ಷಿಥಿ ಜಿವವಾಳ ಖ್ಹಾತ್ ಜ಼ಣಾನ ಚೂ಼ಣಿಲೇವೊ. ಇವ್ಣೆ ಅದ್ಮಿಮ ಪವಿತ್ರಾತ್ಮಥಿ ಭರೈರ‍್ಹವಾಳ ಹುಯಿರ‍್ಹೇಣು ಅಜು಼ ಅಕ್ಲಿ ಹುಯಿರ‍್ಹೇಣು,ಇವ್ಣುನ ಹಮೆ ಆ ಕಾಮ್ ದಿಯೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:2

ಥೋಡು ಭಕ್ತರ್‌ ಖ್ಹಾರು ಸ್ತೆಫನನ ಮಖ್ಹಾಣ್ಯು ಕರೀನ್ ಇನಖ್ಹಾಜೆ ಘಣು ರದನ್ ಕರ‍್ಯು.

2 ಕೊರಿಂಥ 6:8

ಥೋಡು ಜ಼ಣು ಹಮೂನ ಸನ್ಮಾನ್‍ಕರಸ್, ಬಿಜು಼ ಥೋಡು ಜ಼ಣು ಹಮೂನ ಖ್ಹರಮ್‍ಕಾಡಸ್, ಥೋಡುಜ಼ಣು ಖ್ಹರಾವ್ಣಿಕಾಡಸ್ ಬಿಜು಼ಥೋಡು ಜ಼ಣು ಹಮಾರಿ ಬಾರೇಮ ಖರಾಬ್ ವಾತೆ ಬೋಲಾಸ್, ಥೋಡುಜ಼ಣು ಹಮೂನ ಝೂ಼ಟ ಕರಿ ಬೋಲಸ್, ಕತೋಬಿ ಹಮೆ ಖ್ಹಾಚಿಸ್ ಬೊಲಿಯೇಸ್.

1 ತಿಮೊ 3:7

ಎತ್ರೇಸ್ ಕಾಹೆತೆ, ಯೋ ಭಾರ್‌ಲ್ಯ ಅದ್ಮಿಥಿ ಆಛ್ಛೊ಼ ಕರಿ ಬೊಲೈಲ್ಯವಾಳೊ ಹುಯಿರ‍್ಹೇಣು, ಇಮ್‌ ನಾ ರ‍್ಹಯೋತೊ ಅದ್ಮಿಖ್ಹಾರು ಇನಾಪರ್ ಗಲತ್‌ ಲಗಾಡಿ ದಿಶೆ ಅಜು಼ ಯೋ ಶೈತಾನ್ನ ಚ಼ಪ್ಪಣ್‌ಮ ಖ್ಹಪ್‌ಡಿಜಾ಼ಶೆ.

ಇಬ್ರಿ 11:2

ಅಪ್ಣ ಗಲ್‌ಢಖ್ಹಾರು ಇವ್ಣಿ ವಿಶ್ವಾಸ್‌ಥೀಸ್ ದೇವ್ನಿ ಒಪ್ಪಿಕೆ ಲೀಲಿದು.

3 ಯೋಹಾ 1:12

ದೆಮೇತ್ರಿಯನಿ ಬಾರೇಮ ಅಖ್ಖುಜ಼ಣು ಅಛ್ಛೊ಼ಸ್‌ಕರಿ ಬೋಲಸ್. ಸಾಕ್ಷಿಬಿ ಲೀರಾಖ್ಯೊಸ್. ಎತ್ರೇಸ್‌ಕೊಂತೆ ಹಮೆ ಇನಿ ಬಾರೇಮ ಸಾಕ್ಷಿ ಬೋಲ್‍ಯೇಸ್; ಹಮಾರಿ ಸಾಕ್ಷಿ ಖ್ಹಾಚು಼ಕರಿ ತುನ ಮಾಲುಮ್ ಛಾ಼.