ಅಪೊಸ್ತಲರ್‌ನು ಕಾಮ್‌ಖ್ಹಾರು 21:8 - ದೇವ್ನಿ ಖ್ಹಾಚಿ ವಚನ್

⁸ ಇನವ್ಹಾಣೆ ನಿಕ್ಳಿ ಕೈಸರೈನು ಖ್ಹಯೇರ‍್ನ ಆಯ. ಹಿಜ್ಜಾ಼ ಹಮೆ ಫಿಲಿಪ್ಪನ ಘರ್‌ಮ ರ‍್ಹಯ. ಸುವಾರ್ತೆ ಖ್ಹಮ್‍ಜಾ಼ಡನೂಸ್ ಫಿಲಿಪ್ಪನು ಕಾಮ್ ಹುಯಿರ‍್ಹುಥು. ಹೈರೋತೆ ಸೆಜರೇಯಮ ಮದತ್ ಕರಾವಾಳ ಖ್ಹಾತ್‍ಜ಼ಣಾಮ ಆಬಿ ಏಕ್‍ಜ಼ಣೊ ಹುಯಿರೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:8 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:1

ಕೈಸರೈ ಖ್ಹಯೇರ್‌ಮ ಕೊರ್ನೆಲ್ಯ ಕರಿ ನಾಮ್ನೊ ಏಕ್‌ಜ಼ಣೊ ಥೊ. ಯೋ ಇಟಲಿನು ಫೊಜ಼್‌ನೊ ಖ್ಹೋಶಿಪಾಯಿನೊ ಅದಿಕಾರಿ ಹುಯಿರ‍್ಹೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:10

ಪೌಲನೆ ಯೋ ದರ್ಶನ್ ದೇಖಿನ್, ತದ್‌ನು ತದೇಸ್‌ ಹಿಜ಼್ಜಾನ ಅದ್ಮಿನ ಸುವಾರ್ತೆನ ಖ್ಹಮ್‍ಜಾ಼ಡಾನಖ್ಹಾಜೆ ದೇವ್ನೆ ಹಮೂನ ಬುಲೈರಾಖ್ಯೊಸ್ ಕರಿ ಮಾಲುಮ್ ಕರಿಲಿನ್ ಮೆಕೆದ್ಯೋನ್ಯನ ಜಾ಼ವಾನ ಇವ್ಣೆ ತಯಾರ್ ಹುಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:13

ಖ್ಹಯೇರ‍್ನ ಭಾರ್‌ ಥೂತೆ ನದ್ದಿನ ಕನಾರಿನ ಖನ್ನೆ ಯೆಹೂದ್ಯರ‍್ನು ಪ್ರಾರ್ಥನೆನಿ ಝ಼ಗೊರ‍್ಹೆವ್ಣುಕರಿ ಸಬ್ಬತ್‌ ದನ್ಮ ಹಿಜ್ಜಾ಼ಗಯಾಥ. ಹಿಜ್ಜಾ಼ ಥೋಡಿ ತಯೇಡ ಅಯಿರ‍್ಹೀಥಿ. ತದೆ ಹಮೆ ಬೇಶಿನ್ ಇವ್ಣೇಥಿ ವಾತೆ ಬೋಲ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:16

ಏಕಹಲ್ಲ, ಹಮೆ ಪ್ರಾರ್ಥನೆ ಝ಼ಗೋನ ಜಾ಼ವಾನಿ ವೇಳ್ಮ ಗಾರೋಡಿನಿ ಏಕ್‍ಜ಼ಣಿ ದಾಸಿ ಹಮಾರ ಖ್ಹಾಮ್ಣೆ ಆಯಿ. ಯೋ ಫಾಲ್‌ಬೋಲ್‍ಥೀತೆ ಇನೇಥಿ ಇನೊ ಯಜಮಾನ್ನ ಘಣು ನಫ್ಫೊ ಹೋತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:22

ಯೊ ಕೈಸರೈನ ಆವಾನಿ ವಖ್ಹ್‌ತೆ ಹಿಜ್ಜಾ಼ಥು ಯೆರೂಸಲೇಮ್ಮ ಜೈ಼ನ್ ಸಬೆನ ಮಳಿನ್ ಅಂತಿಯೋಕ್ಯನ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:13

ಹಮೆ ಅಗಾಡಿಸ್ ಜ಼ಹಾಜ಼್‍ಮ ಅಸ್ಸೊಸಿಕರಿ ಖ್ಹಯೇರ‍್ನ ಗಯ. ಹಮೆ ಪೌಲಾನ ಜೋ಼ಡ್ಮ ಜ಼ಹಾಜ಼್‌ಪರ್ ಜಾಶುಕರಿ ಥಾ. ಇನೇಸ್‌ ಗೋಡಾನಿ ವಾಟೇಥಿ ಚಾ಼ಲಿನ್ ಹಿಜ್ಜಾ಼ಥೊ ಒಳೆಜಾ಼ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:6

ಯೆಹೂದ್ಯರ‍್ನು ಫುಗಕೊಂತೆ ರೋಟಾನಿ ಪೂಜ಼ ಹುವಾದಿನ್ ಹಮೆ ಫಿಲಿಪ್ಪಿ ಖ್ಹಯೇರ‍್ನಿ ಜ಼ಹಾಜ಼್ ಛ಼ಡಿನ್, ಪಾಚ಼್ ರೋಜ್‍಼ಕೇಡೆ ತ್ರೋವಮ ಇವ್ಣುನ ಮಳ್ಯ. ಹಿಜ್ಜಾ಼ ಖ್ಹಾ಼ತ್‍ದನ್‌ಲಗು ಥಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:16

ಕೈಸರೈಥು ಥೋಡ ಶಿಷ್ಯರ್‌ ಹಮಾರಿ ಜೋ಼ಡ್ಮ ಐನ್, ಮ್ನಾಸೋನಕರಿ ಏಕ್‍ಜ಼ಣಾನ ಘರ್‌ಮ ಹಮೂನ ರ‍್ಹವಾನಖ್ಹಾಜೆ ಬುಲೈಲಿನ್ ಗಯು. ಯೋ ಕುಪ್ರಥು ಆಯುತೆ ಪಹಿಲ ಶಿಷ್ಯರ್‌ಮ ಏಕ್‍ಜ಼ಣೊ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:23

ಇನಪಾರ್ ಖ್ಹೋಶಿಪಾಯಿನ ಮೋಟಾನೆ ಬೇಜ಼ಣ ಸೇನಾಧಿಕಾರಿನ ಬುಲೈನ್ ಇವ್ಣುನ, “ಆ ರಾತ್ ನೌಘಂಟಾನ ಕೈಸರೈ ಖ್ಹಯೇರ‍್ನ ಜಾ಼ವಾನ ಬೇಖ್ಹೋ ಶಿಪಾಯಿನಾಬಿ, ಖ್ಹಡ್‌ತೀನಿಖ್ಹ್‌ ಅದ್ಮಿ ಘೋಡಾಚ಼ಲಾವಳನಾಬಿ, ಬೇಖ್ಹೊ ಅದ್ಮಿ ಭಾಲವಳಾನಾಬಿ, ತಯಾರ್‌ಕರೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:1

ಹಮೆ ದರ‍್ಯಾವ್ನ ಮಾರಗ್‍ಥಿ ಇಟಲಿನ ಜಾ಼ವ್ಣುಕರಿ ತೀರ್ಮಾನ್ ಹುಯು. ಪೌಲನಾಬಿ ಬಿಜು಼ ಥೋಡು ಖೈದಿಖ್ಹಾರಾನ ಯೂಲ್ಯ ಕರಿ ಏಕ್‍ಜ಼ಣೊ ಖ್ಹೋಶಿಪಾಯಿನೊ ಮೋಟೊ ಹುಯಿರ‍್ಹೋಥೊ. ಯೋ ರಾಜ಼ನಿ ಡಂಡ್ಮ ಕಾಮ್ ಕರಾವಾಳೊ ಹುಯಿರ‍್ಹೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:11

ತೀನ್ ಮಹಿನಾನ ವಾರ್‌ ಅಲೆಕ್ಸಾಂಡ್ರಿಯಾಥು ಅಯಿನ್ ಯೋ ಟಾಪಾಮ ಠಣ್ಣಾದನ್‍ ಕಾಡಿಮ್ಹೇಲಿಜಾ಼ವನ ಖ್ಹಾಜೆ ಏಕ್‌ ಜ಼ಹಾಜ಼್‌ನ ಚ಼ಢೀನ್ ಗಯ. ಯೋ ಜ಼ಹಾಜ಼್‍ನ ಖ್ಹಾಮ್ಣೆ ಗ್ರೀಕ್ ಅವಳಿಜವಳಿ ದೇವ್ತಿನು ಖ್ಹಣೇದ್ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:16

ಇನಕೇಡೆಥು ಹಮೆ ರೋಮ್‍ನ ಪೋಚಾ಼ನಿವಖ್ಹತೆ, ಪೌಲ ಇನ ದೇಖಿಲ್ಯವಾಳೊ ಏಕ್‍ಶಿಪಾಯಿ ಇನಿ ಜೋ಼ಡ್ಮ ರ‍್ಹಿಯೇಜಾ಼ಯ್ ಕರಿ ಬೋಲಾನು ಹುಕುಮ್‌ ಲಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:5

ಆ ವಾತೆ ಅಖ್ಖಾಸ್ ಝೂ಼ಂಡ್‌‍ವಾಳಾನೆ ಅಛ್ಛು಼ಕರಿ ಸೋಚ್ಯು. ಇವ್ಣೆ ಪವಿತ್ರಾತ್ಮಥಿ ಭರಾಯೊಹುಯೊ. ಘಣು ವಿಶ್ವಾಸ್‌ವಾಳೊ ಹುಯಿರ‍್ಹೋತೆ. ಸ್ತೆಫನನಾಬಿ, ಫಿಲಿಪ್, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ, ಯೆಹೂದ್ಯರ್‌ನಿ ಜಾ಼ತ್‌ಮ ಮಳಿರ‍್ಹೋತೆ, ಅಂತಿಯೋಕ್ಯ ಗಾಮ್‌ವಾಳೊ ನಿಕೊಲಾಯ ಕರಿ ಅವ್ಣುನ ಚೂ಼ಣಿನ್ ಅಪೊಸ್ತಲರ‍್ನ ಖ್ಹಾಮ್ಣೆ ಭಿರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:30

ಅನ ಮಾಲುಮ್ ಕರ‍್ಯುತೆ ವಿಶ್ವಾಸಿಖ್ಹಾರು ಇನ ಕೈಸರೈ ಖ್ಹಯೇರ‍್ನ ಬುಲೈಲಿಜೈ಼ನ್ ಹಿಜ್ಜಾ಼ಥು ತಾರ್ಸಸ್‍ ಖ್ಹಯೇರ‍್ನ ಮೋಕ್ಲಿದಿದು.

ಎಫೆಸ 4:11

ಯೊ ಹೈರೋತೆ ಇನಾಮ್ನ ದ್ಯವಾಳೊಬಿ ಹುಯಿರ‍್ಹೊಸ್ ಕತೊ ಯೊ ಥೋಡಜ಼ಣಾನ ಅಪೊಸ್ತಲರ್ ಕರಿಬಿ, ಥೋಡಾನ ಪ್ರವಾದಿಕರಿಬಿ, ಥೋಡಜ಼ಣಾನ ಸುವಾರ್ತೆ ಬೋಲವಾಳುಕರಿಬಿ, ಥೋಡಜ಼ಣಾನ ಸಬಾಪಾಲಕರ್ ಕರಿಬಿ, ಶಿಕಾಡವಾಳೊ ಕರಿಬಿ ನೆಮಿಸಾಯೊ.

2 ತಿಮೊ 4:5

ಕತೋಬಿ ತೂ ಅಖ್ಖಿ ಹಾಲ್‌ಮ ತಾರು ತೂ ದಾಬುಕ್‌ಥಿ ರ‍್ಹೇ; ಖ್ಹತಾಪ್ಣಿ ಆಯುತೊ ಖ್ಹಮಾಳಿಲೇ, ಅಛ್ಛಿ ಸಮಚಾರ್‌ನ ಬೋಲವಾಳೊ ಹುಯಿರ‍್ಹೆ, ಅಜು಼ ತುನ ದೆವೈರ‍್ಹೀತೆ ಸಬೇನು ಕಾಮ್ನ ಬರಾಬರ್‌ಥಿ ಕರ್‌. ಮಾರಿ ಬಾರೇಮ ಬೋಲ್‌ನು ಕತೊ ಮಾರಿ ವೇಳ್ ಐರ‍್ಹೀಸ್ ಮೇ ಬಲಿ ಹುವಾನು ವಖ್ಹತ್ ಆವ್‌ತುರ‍್ಹು.