ಅಪೊಸ್ತಲರ್‌ನು ಕಾಮ್‌ಖ್ಹಾರು 21:11 - ದೇವ್ನಿ ಖ್ಹಾಚಿ ವಚನ್

¹¹ ಯೊ ಹಮಾರಕನ ಐನ್ ಪೌಲನು ಕಂಬರ್‌ನು ಕಷ್‍ಬಂದ್‍ನ ಪಾಡಿನ್ ಇನ ಹಾತ್‌ಗೋಡಕೇಡೆ ಭಾಂಧಿಲೀನ್; ಆ ಕಷ್‌ಬಂದ್‌ ಕಿನೂಕಿ ಇನ ಯೆಹೂದ್ಯರ್‌ನ ಖ್ಹಾರು ಅಮ್ಮಸ್ ಯೆರೂಸಲೇಮ್ಮ ಭಾಂದಿನ್ ಯೆಹೂದ್ಯರ್‌ಕಾಹೆತೆ ಇವ್ಣ ಹಾತ್ಮ ದಿಶೆಕರಿ ಪವಿತ್ರಾತ್ಮ ಬೋಲುಕರಸ್ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:11 ပူးပေါင်းရင်းမြစ်များ

ಯೋಹಾನ 18:1

ಆ ಪ್ರಾರ್ಥನೆ ಕರಾನ ಬಾದ್‌ಮ, ಯೇಸು ಇನ ಶಿಷ್ಯರ್‌ನ ಜೋ಼ಡೆ ಕೆದ್ರೋನ್‌ ವ್ಹೇಕ್ಳಾನ ಪಾರ್ ಚ಼ಲೆಗಯೊ. ಹಿಜ್ಜಾ಼ ಏಕ್‌ ಭಾಗ್‌ ಥೂ, ಯೇಸುಬಿ ಇನ ಶಿಷ್ಯರ್‌ ಇನಾಮಹಿ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:2

ಅವ್ಣೆಖ್ಹಾರು ಪ್ರಭುನಿ ಸೇವೆ ಕರುಕರ್ತುಥು ಅಜು಼ ಉಪವಾಸ್ (ಪಾರ‍್ನೆ) ಕರುಕರ್ತುಥು. ಪವಿತ್ರಾತ್ಮನೆ ಇವ್ಣುನ “ಮೇ ವಿಶೇಷ್ ಕಾಮ್ನಖ್ಹಾಜೆ ಬಾರ್ನಬ ಅಜು಼ ಸೌಲನ ಚೂ಼ಣಿಲಿದೊ ಯೋ ಕಾಮ್ನಖ್ಹಾಜೆ ಇವ್ಣುನ ಅಲಕ್‍ಕಾಡ್ಯೊ.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:6

ಏಷ್ಯಾ ಮುಲಕ್‌ಮ ಪೌಲ ಇವ್ಣೆಖ್ಹಾರು ಸುವಾರ್ತೆನ ಬೋಲಿನ್ ನಾ ವತಾಳ್ಣುಕರಿ ಪವಿತ್ರಾತ್ಮನೆ ಖ್ಹಮ್‍ಜಾ಼ಡಿರಾಖ್ಯೊಥೊ. ಇನಖ್ಹಾಜೆ ಇವ್ಣೆ ಫ್ರಿಜಿಯ, ಅಜು಼ ಗಲಾತ್ಯ ತಬರ್‌ಖಾನಿ ವಾಟೆ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:23

ತುನ ಬೇಡಿಬಿ ಖ್ಹತಾಪ್ಣಿಖ್ಹಾರು ಮಾರಖ್ಹಾಜೆ ಟಿವೈರ‍್ಹೂಸ್‍ಕರಿ ಪವಿತ್ರಾತ್ಮನೆ ಝೇತೈನ್‌ ಹರೇಕ್ ಖ್ಹಯೇರ್‌ಮಾಬಿ ಮನ ಬೋಲುಕರಸ್ತೆ, ಮಾಲುಮ್ ಪಡುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:33

ಶಿಪಾಯಿನೊ ಮೋಟೊ ಖನ್ನೆ ಐನ್ ಇನ ಧರೀನ್ ಬೇ ಖ್ಹಂಕ್‌ಳಿಥಿ ಭಾಂದ್‌ಣುಕರಿ ಹುಕುಮ್‌ ದೀನ್; ಇವ್ಣುನ ಬೋಲ್ಯೊ, ಆ ಕೋಣ್, ಅನೆ ಶಾತ್‌ಕರ‍್ಯೊ? ಕರಿ ಪುಛಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:4

ಹಿಜ್ಜಾ಼ ವಿಶ್ವಾಸಿಖ್ಹಾರನ ಢೂಂಡಿಕಾಡಿನ್ ಖ್ಹಾತ್‍ದನ್ ರ‍್ಹಿಯ. ಇವ್ಣೆ ಪವಿತ್ರಾತ್ಮನಿ ಖ್ಹಯಾಲ್‌ಥಿ ಪೌಲನ, “ತೂ ಯೆರೂಸಲೇಮ್ಮ ಗೋಡೊ ನಕೊ ಮ್ಹೇಲಿಶ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:25

ಇವ್ಣೆ ಪೌಲನ ಡುಗೈನ್ ಭಾಂದಿನ್ ಮಾರಾನಿ ವಖ್ಹ್‌ತೆ ಇನ ಖನ್ನೆ ಭಿಯುಥೂತೆ ಖ್ಹೋಶಿಪಾಯಿನ ಮೋಟಾನ, “ರೋಮ್ ಪ್ರಜೆ ಹುಯಿರ‍್ಹವಾಳ ಅದ್ಮಿನ ಅಪರಾದಿ ಕರಿನ್ ತೀರ್ಪ್ ಹುವಾನ ಅಗಾಡಿಸ್ ಕೋಲ್ಡೆಖ್ಹು ಮಾರ‍್ವಾನು ನ್ಯಾವ್‌ಕಿ ಶು?” ಕರಿ ಪುಛಾ಼ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:27

ಬೇ ವರಖ್ಹ್‌ನ ವಾರ್ ಫೇಲಿಕ್ಸ್‌ನ ಬದಲ್ ಪೋರ್ಕಿಯ ಫೆಸ್ತ ಕರಿ ರಾಜ್ಯಪಾಲ್‌ಹುಯಿನ್ ಆಯೊ. ಫೇಲಿಕ್ಸನೆ ಯೆಹೂದ್ಯರ್‌ನಿ ಪ್ಯಾರ್ ಕಮಾವ್ಣು ಕರಿ ಆಖ್ಹ್‌ಕರೀನ್ ಪೌಲನ ಜೇಲ್‌ಮಾಸ್ ಮ್ಹೆಂದಿನ್ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:29

ಇನ ಪೌಲನೆ; ನ್ಹಾನಿ ಕೋಶಿಶ್‍ಥಿ ರ‍್ಹವೊ, ಮೋಟಿ ಕೋಶಿಶ್‍ಥಿ ರ‍್ಹವೊ, ಯೊ ಮನ ಮುಖ್ಯ ಕಾಹೆ. ತೂಸ್ ಖಲಿಕಾಹೆ ಆಜ಼್ ಮನ ಖ್ಹಮ್‌ಜು಼ಕರಾತೆ ಹರೇಕ್‌ಜ಼ಣು ಮಾರಿನಿತರ ಹೋಣುಕರಿ ಮೆ ದೇವ್ನ ಪ್ರಾರ್ಥನೆಕರುಸ್ ಕತೋಬಿ ಆ ಖ್ಹಂಕಳ್‌ಮ ಪಣ್ಕಿ ತುಮೆ ನಾಜ಼ಕ್‌ಡಾವ್ಣು ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:17

ತೀನ್‍ದನ್‍ ಹುವಾನಪಾರ್ ಪೌಲನೆ ಹಿಜ಼್ಜಾನ ಯೆಹೂದ್ಯರ್‌ನ ಘಲ್ಡಾವ್‌ನ ಏಕ್‌ ಝ಼ಗೊ ಎಕ್ಟು ಬುಲಾಯೊ. ಇವ್ಣೆ ಆವಾಮ ಯೋ ಇವ್ಣುನ, “ಮಾರ ಭೈಯೇವೊ ಮೇ ಅಪ್ಣ ಅದ್ಮಿಥಿ ರ‍್ಹವೊ ಗುರುಗುರಬ್‍ಲ್ಯಥಿ ಆಯೂತೆ ವಿರೋದ್‌ಥಿ ರ‍್ಹವೊ ಶಾತ್‌ ಕರ‍್ಯುಕೊಯ್ನಿ. ಮನ ಯೆರೂಸಲೇಮ್ಮ ಖೈದಿಕರೀನ್ ಧರೀನ್ ರೋಮ್‌ವಾಳಾನ ಹಾತ್ಮ ದ್ಯವಾನಿತರ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:20

ಆ ಕಾರ‍ಣ್ಣಾಖ್ಹಾಜೆ ಮೇ ತುಮೂನ ಬೋಲ್ನುಕರಿ ಬುಲೈಮಂಗಯೋತೆ. ಇಸ್ರಾಯೇಲ್ ಅದ್ಮಿನ ವಿಶ್ವಾಸ್ನಖ್ಹಾಜೆ ಆ ಖ್ಹಂಕ್‌ಳಿಥಿ ಭಂದೈರ‍್ಹೋಸ್.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:25

ಇವ್ಣಾಮ ವಗ್ಗುಟ್‌ಕೊಂತೆ ವಳಿಜಾ಼ತುಥೂತೆ ದೇಖಿನ್ ಖ್ಹರ್ತಿಮ ಪೌಲನೆ ಇವ್ಣುನ ಪವಿತ್ರಾತ್ಮನೆ ಪ್ರವಾದಿ ಹುಯಿರೋತೆ ಯೆಶಾಯಥಿ ಗುರುಗುರಬ್‍ಲ್ಯನ ಖ್ಹಾರಾನ ಖ್ಹಾಚ಼ನ ಬಾರೇಮ ಬೋಲ್ತೊ ಹುಯಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:29

ಪವಿತ್ರಾತ್ಮನೆ ಫಿಲಿಪ್ಪನ ‘ತೂ ಯೋ ರಥ್‌ನ ಖನ್ನೆ ಜೈ಼ನ್ ಇನಿ ಜೋ಼ಡ್ಮಾಸ್ ಚಾ಼ಲ್’ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:16

ಯೊ ಮಾರ ನಾಮ್ನಖ್ಹಾಜೆ ಕೆತ್ರು ಲತಾಡ ಲಿಶೆಕರಿ ಮೇಸ್ ಇನ ವತಾಳಿಶ್.” ಕರಿ ಬೋಲ್ಯೊ.

ಎಫೆಸ 3:1

ಅಮ್‍ರ‍್ಹವಾಪರ್ ಪೌಲ ಹುಯಿರ‍್ಹೋತೆ ಮೆ ಯೆಹೂದ್ಯರ್‌ಕಾಹೆತೆ ತುಮಾರ ಖ್ಹಾಜೇಥಿ ಕ್ರಿಸ್ತ ಯೇಸುನಖ್ಹಾಜೆ ಖ್ಹಾರ್ಕೊಟ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಎಫೆಸ 4:1

ಇನಖ್ಹಾಜೆ ಪ್ರಭುನ ಸೇವೆನಖ್ಹಾಜೆ ಖೈದಿ ಹುಯಿರ‍್ಹೊಸ್ತೆ ಮೆ ತುಮೂನ ಬೋಲಿಲೆವ್‌ಸ್ ಶಾತ್‌ಕತೊ ದೇವ್ ತುಮುನ ಬುಲಾವನಿವಖ್ಹ್‌ತೆ ತುಮೆ ದೇವ್‍ಥಿ ಬುಲೈರಾಸ್ತೆಖ್ಹಾಜೆ ಯೊ ಬುಲಾವ್ಣಿನ ಲ್ಹಾಯೇಕ್ ಹುಯಿನ್ ಜಿವ್ಣು ಕರೊ.

ಎಫೆಸ 6:20

ಯೊ ಅಛ್ಛಿ ಸಂದೇಶ್ನ ಲೀಜಾ಼ವಳೊ ಹುಯಿರ‍್ಹೋತೆ ಮೆ ಜೇಲ್‌ಮ ಖ್ಹಂಕಳ್‌ಥಿ ಬಂಧಿಹುಯಿನ್ ಪಡ್ಯೊಸ್. ಇನಿ ಬಾರೇಮ ಮೆ ಬೋಲ್ನುತೆ ಇಮ್ಮಸ್ ಭಾಲಿಥಿ ಮೆ ಬೋಲಾನಿತರ ಮಾರ ಖ್ಹಾಜೆ ಬಿಂತಿಕರೊ.

1 ತಿಮೊ 4:1

ಕತೋಬಿ ಪವಿತ್ರಾತ್ಮ ಅಛ್ಛಿಂತರ ಬೋಲಾಸ್. ವಳ್ಯಾವಸ್ತೆ ದನೂಮ, ಥೋಡು ಅದ್ಮಿ ವಿಶ್ವಾಸ್‌ನ ಮ್ಹೆಂದಿಶೆ. ಅವ್ಣೆ ಠಗಾರುಆತ್ಮನಿ ಹುಕುಮ್‌ನ ಪಾಲನ್‍ ಕರ್ಶೆ. ಅಜು಼ ಶೈತಾನ್ ಶಿಕಾಡಿದೇಸ್ತೆ ಪರಕ್ಮ ಇವ್ಣೆ ಚಾ಼ಲ್‌ಷೆ.

2 ತಿಮೊ 2:9

ಶನಕತೊ ಮೇ ಅಛ್ಛಿ ಖಬರ್‌ನ ಬೋಲುಸ್ತೆ ಇನಖ್ಹಾಜೇಸ್, ಮೇ ಖ್ಹತುಕರೂಸ್ತೆ ಅಜು಼ ಮನ ಖೈದಿನಿಘೋಣಿ ಖ್ಹಂಕಳ್‌ಥೀಬಿ ಭಾಂದಿರಾಖ್ಯುಸ್. ಕತೋಬಿ ದೇವ್ನಿ ವಚನ್ ಭಂದೈರ‍್ಹಿ ಕೊಯ್ನಿ.

ಇಬ್ರಿ 10:34

ತುಮೆ ಜೇಲ್‌ಮ ರ‍್ಹವಾಳನ ಆರ್‌ಗೋರ್‌ ಒತಾಳ್ಯ. ಅನೇಥಿ ಊಚು಼ ಹುಯಿರ‍್ಹುತೆ ಹಮೇಶಾನಿ ಆಸ್ತಿ ಛಾ಼ಕರಿ ಮಾಲುಮ್ ಕರಿಲಿದ ತುಮಾರಿ ಶೊತ್ನ ಛಿನೈಲ್ಯವಾಳಾನ ಶಂತೋಖ್ಹ್‌ಥಿ ಮ್ಹೇಲಿರಾಖ್ಯಸ್.

ಇಬ್ರಿ 3:7

ಇಮ್ಮಸ್ ಪವಿತ್ರಾತ್ಮ ಬೋಲಾನಿ ಪರಕ್ಮ ತುಮೆ ಆ ದನ್ ದೇವ್ನ ಗಳಾನ ಕಾನ್‌ ಲಗಾಡವಾಳ ರ‍್ಹಯಾತೊ,

1 ಪೇತ್ರ 1:12

ಪರ್‌ಲೋಕ್‌ಥು ಮೋಕ್‍ಲೈರ‍್ಹುತೆ ಪರಿಶುದ್ದಆತ್ಮಥಿ ತುಮುನ ಸುವಾರ್ತೆನ ಬೋಲವಾಳು ಹಮ್ಕೆ ತುಮುನ ಖ್ಹಮ್‍ಜಾ಼ಡನಿತರ ಅಜು಼ ದೂತರ್ ಡೋಳಲಗಾಡಿನ್ ದೇಕ್ಣು ಕರಿ ಅಖ್ಹ್‌ಕರ‍್ಯುತೆತಿಮ್‍ ಅಖ್ಖಕಾಮ್ಮ ಇವ್ಣಖ್ಹಾಜೆ ಕಾಹೆ ಅಪ್ಣ ಖ್ಹಾಜೆಸ್ ಸೇವೆ ಕರಿರಾಖ್ಯುಸ್‌ಕರಿ ಇವ್ಣುನ ದೆಖಾಯು.