ಅಪೊಸ್ತಲರ್‌ನು ಕಾಮ್‌ಖ್ಹಾರು 2:43 - ದೇವ್ನಿ ಖ್ಹಾಚಿ ವಚನ್

⁴³ ಅಪೊಸ್ತಲರ್ ಅಖ್ಖು ಕೈಏಕ್ ಶಕತ್ನುಬಿ ಅಜು಼ ಅದ್ಭುತ್‌ಕಾಮ್ನ ಕರ್ತುಥು. ಅಜು಼ ಹರೇಕ್ ಜ಼ಣಾನಾಬಿ ದೇವ್ನಿ ಡರ್‌ ಭಕ್ತಿ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:43 ပူးပေါင်းရင်းမြစ်များ

ಮಾರ್ಕ 16:17

ಅತ್ರೇಸ್ ಕಾಹೆತೆ, ನಂಬವಾಳಾನ ಅದ್ಭುತ್ ಕರಾನಿ ಶಕತ್ ದೆವಾವ್‌ಶೆ; ಮಾರು ನಾಮ್ ಬೋಲಿನ್ ಭೂತ್‌ಖ್ಹಾರು ನಖ್ಹಾಡ್‌ಶೆ; ಇವ್ಣೆ ಬೋಲಿಸ್‍ರಾಖ್ಯುಕೊಂತೆ ನವಿ ಬೋಲಿಥಿ ಬೋಲ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:16

ಅನ ದೇಖಿನ್, ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಡರಿನ್, ದೇವ್ನ ಸ್ತುತಿ ಕರ್ತುಹುಯಿನ್, “ಏಕ್‌ ಮಹಾನ್ ಪ್ರವಾದಿ ಅಪ್ಣಕನ ಐರ‍್ಹೋಸ್! ದೇವ್ ಇನ ಅದ್ಮಿನ ಬಚಾ಼ಡಾನ ಐರ‍್ಹೋಸ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:37

ಗೆರಸೇನವಾಳನು ತಬರ್‌ಖಾನು ಖ್ಹಾರಾನ ಘಣು ಡರ್‌ಲಾಗ್ಯೂತೆ ಇನಖ್ಹಾಜೆ, ಇವ್ಣೆ ಯೇಸುನ, “ತೂ ಹಮೂನ ಮ್ಹೆಂದಿನ್ ಜಾ಼” ಕರಿ ಬೋಲಿಲಿದು. ಇನಖ್ಹಾಜೆ ಯೇಸು ಡೋಣ್ಣಾ ಚ಼ಢೀನ್‌, ಪಾಛು಼ ಫರಿ ಚ಼ಲೆಗಯೊ.

ಯೋಹಾನ 14:12

ಮೇ ತುಮೂನ ಖ್ಹಾಚ ಬೋಲುಸ್, ಮನ ನಂಬವಾಳೊ ಮೇ ಕರ‍್ಯೊತೆ ಕಾಮ್ನಖ್ಹಾರು ಯೋಬಿ ಕರ್ಶೆ, ಎತ್ರೇಸ್ ಕಾಹೆತೆ ಇನೇಥಿ ಮಹಾನ್ ಕಾಮ್ನ ಖ್ಹಾರು ಕರ್ಶೆ, ಶನಕತೊ ಮೇ ಬಾಕನ ವಳ್ಯೊಜ಼ವುಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:22

“ಇಸ್ರಾಯೇಲ್ ಅದ್ಮಿವೊ, ಮಾರಿ ವಾತ್ನ ಖ್ಹಮ್‍ಜೊ; ನಜ಼ರೇತ್‌ನೊ ಯೇಸು ಛಾ಼ನಿ ದೇವ್ ತುಮುನಾಬಿ ಮಾಲುಮ್‌ ರ‍್ಹವಾನಿತರ ದೇವ್ನೆಸ್ ಇನೇಥಿ ಚ಼ಲಾಯೊತೆ ಮಹಾ ಕಾಮ್‍ಬಿ, ಅದ್ಭುತ್‌ಕಾಮ್‍ಥಿ ಇನ ಪಸಂದ್ ಹುವಾನಿತರ ತುಮೂನ ವತಾಳಿ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:33

ಪ್ರಭು ಹುಯಿರೋತೆ ಯೇಸು ಪಾಛು಼ಜಿವ್ತೊಹುಯಿನ್ ಉಠೀನ್ ಆಯೊಕರಿ ಅಪೊಸ್ತಲರ್ ಘಣ ಶಕಥ್ಥಿ ಅದ್ಮಿಖ್ಹಾರಾನ ಸಾಕ್ಷಿ ಬೋಲ್ತುರ‍್ಹೇತುಥು. ಅಜು಼ ದೇವ್ನಿ ದಯಾ ಜಾ಼ಖ್ಹತ್ ಕಾಮ್‍ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:5

ಆವಾತೆಖ್ಹಾರಿ ಖ್ಹಮಜ಼್‌ತಾಸ್‌ ಅನನೀಯ ಹೇಟ್ ರಡ್ಕಿನ್ ಮರಿಗಯೊ; ಅನ ಖ್ಹಮ್‍ಜಾ಼ವಾಳ ಅಖ್ಖಾಸ್ನ ಘಣೊ ಡರ್‌ಲಾಗ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:34

ಪೇತ್ರನೆ ಯೋ ಅದ್ಮಿನ, “ಐನೇಯ,ಯೇಸು ಕ್ರಿಸ್ತಾಸ್ ತುನ ಅಛ್ಛು಼ ಕರುಕರಸ್. ಉಟ್ ತಾರ ಬಿಛಾ಼ವ್ಣನ ತೂಸ್ ಬಿಚೈ಼ಲೇ” ಕರಿ ಬೋಲ್ಯೊ. ತುರಂತ್ ಯೋ ಉಠಿನಿಕ್‍ಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:40

ಅಜು಼ ಪೇತ್ರನೆ ಅದ್ಮಿಖ್ಹಾರಾನ ಭಾರ್‌ ಮೋಕ್ಲಿನ್ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀ ಶರೀರ್‌ಭಣಿ ಫರೀನ್, “ತಬಿಥಾ, ಉಪ್ಪರ್ ಉಟ್” ಕರಿಬೋಲ್ಯೊ. ಯೋ ಡೋಳಪಾಡಿನ್ ಪೇತ್ರನ ದೇಕ್‍ಥೀಸ್ ಉಠಿ ಭೀರಿಗಯಿ.