ಅಪೊಸ್ತಲರ್‌ನು ಕಾಮ್‌ಖ್ಹಾರು 2:38 - ದೇವ್ನಿ ಖ್ಹಾಚಿ ವಚನ್

³⁸ ಪೇತ್ರನೆ ಇವ್ಣುನ ತುಮಾರಮ ಹರೇಕ್‍ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್‍ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:38 ပူးပေါင်းရင်းမြစ်များ

ಮತ್ತಾಯ 28:19

ಇನಖ್ಹಾಜೆ ತುಮೆ ಜೈ಼ನ್, ಖ್ಹಾರ ದೇಖ್ಹ್‌ಮ ಛಾ಼ತೆ ಅಲಕ್ ಅಲಕ್ ವಾತೆ ಬೋಲಾವಳು ಅದ್ಮಿ ಖ್ಹಾರಾನ ಮಾರ ಶಿಷ್ಯರ್‌ ಬಣಾವೊ: ಇವ್ಣುನ ಬಾ, ಛಿಯ್ಯೊ ಅಜು಼ ಪವಿತ್ರಾತ್ಮನ ನಾಮ್‌ಪರ್‌ ಬ್ಯಾಪ್ತಿಸ್ಮ ದೆವೊ.

ಮತ್ತಾಯ 3:2

“ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗೈ!” ಕರಿ ಬೋಲ್ತೊನಿಕ್‌ಳ್ಯೊ.

ಮತ್ತಾಯ 3:6

ಇವ್ಣು-ಇವ್ಣು ಪಾಪ್ನ ಕಬೂಲಿಲೀನ್‌, ಯೊರ್ದನ್‌ ನದ್ದಿಮ ಯೋಹಾನಥಿ ಬ್ಯಾಪ್ತಿಸ್ಮ ಕರೈಲೆವ್‌ಕರ್ತುಥು.

ಮತ್ತಾಯ 4:17

ತಪ್‌ಥೊ ಯೇಸು, ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗು!” ಕರಿ ಖಬರ್‌ನ ಬೋಲ್ತೊನಿಕ್‌ಳ್ಯೊ.

ಮಾರ್ಕ 1:15

“ದನ್‌ಖ್ಹಾರ ಭರೈಗ, ದೇವ್ನಿ ರಾಜ್ಯ ಖನ್ನೆ ಐಗು! ತುಮಾರು ಪಾಪ್ನ ಖ್ಹಾರು ಮ್ಹೇಲಿನ್ ದೇವ್‌ಭಣಿ ಫರಿನ್, ದೇವ್ನಿ ಅಛ್ಛಿ ಸಮಾಚಾರ‍್ನ ನಂಬೊ!” ಕರಿ ಬೋಲ್ಯೊ.

ಮಾರ್ಕ 16:16

ನಂಬಿನ್, ಬ್ಯಾಪ್ತಿಸ್ಮ ಕರೈಲೆವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ಬಚಿನ್ ಪರ್‌ಲೋಕ್‌ಮ ಜಾ಼ಶೆ; ಕೋಣ್ ನಂಬಾಕೊಯ್ನಿಕಿ ಇವ್ಣುನ ನಿಶತ್‌ಮಳ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:10

ತದೆ ಯೋ ಅದ್ಮಿಖ್ಹಾರು, “ಇಮ್‌ ಕತೊ, ಹಮೆ ಶಾತ್ ಕರ‍್ನು?” ಕರಿ ಪುಛಾ಼ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:43

ಇನ ನಂಬಾವಾಳನು ಹರೇಕ್‍ಜ಼ಣು ಪಾಪ್ನ ಇನ ನಾಮ್‍ಥಿ ಕ್ಷಮಾಪಣ್ ಮಳ್‌ಶೇತೆ. ಆ ಖ್ಹಾಚಸ್‌ಕರಿ ಪ್ರವಾದಿಖ್ಹಾರು ಸಾಕ್ಷಿ ಬೋಲಿರಾಖ್ಯುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:48

ಅನಖ್ಹಾಜೆ ಇವ್ಣುನ ಕ್ರಿಸ್ತನ ನಾಮ್‍ಥಿ ಬ್ಯಾಪ್ತಿಸ್ಮ ಲೇವ್ಣುಕರಿ ಹುಕುಮ್‌ ದಿದೊ. ತದೆ ಇವ್ಣೆ, ಪೇತ್ರನ ಥೋಡ ದನ್ ಹಮಾರ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:38

ಮೋಶೆನ ಧರ್ಮಶಾಸ್ತ್ರಥೀಸ್ ತುಮೆ ಛುಟ್ಕಾರ್‌ ಹುಯಿನ್ ನೀತಿವಾಳಕೊಯ್ನಿ ಕರಿ ಬೋಲೈರ‍್ಹಾಸ್.ಇನಖ್ಹಾಜೆ ಭೈಯೇವೊ, ಆ ತುಮೂನ ಮಾಲುಮ್ ರ‍್ಹವಾದೆ; ಯೇಸುಥೀಸ್ ತುಮಾರಿ ಪಾಪ್ನ ಕ್ಷಮಾಪಣ್ ಮಳ್‌ಶೆಕರಿ ಬೋಲುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:15

ಲಿಡಿಯ ಅಜು಼ ಇನ ಘರ್‌ಮಥೂತೆ ಖ್ಹಾರುಜ಼ಣು ಬ್ಯಾಪ್ತಿಸ್ಮ ಕರೈಲಿದು. ಇನೆ, “ಪ್ರಭುನಿ ಖ್ಹಾಚ ವಿಶ್ವಾಸಿಕರಿ ತೀರ್ಮಾನ್‌ ಕರ್ತ ಉಷೇತೊ, ಹಮಾರ ಘರ್‌ಮ ಐನ್ ರ‍್ಹವೊ” ಕರಿ ಗಿಂಗೈನ್ ಹಮೂನ ಜು಼ಲಮ್‍ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30

ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:16

ತೂ ಹಮ್ಕೆ ಶನ ಖ್ಹೊಪ್‍ರ‍್ಹೇಸ್ ಉಟ್? ಪ್ರಭುನ ನಾಮ್ನ ಬೋಲವಾಳೊಹುಯಿನ್, ಬ್ಯಾಪ್ತಿಸ್ಮ ಕರೈಲೀನ್ ತಾರ ಪಾಪ್ನ ದ್ಹೋಯಿಲೆ ಅಜು಼ ತು ಇನಖ್ಹಾಜೆ ಪ್ರಾರ್ಥನೆ ಕರ್‌ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:20

ಪಹಿಲೆ ಯೆರೂಸಲೇಮ್ಮ ಛಾ಼ತೆ ದಮಸ್ಕಮಾಬಿ, ಯೂದಾಯನ ಅಖ್ಖಾ ತಭರ್‌ಖಾಮಾಬಿ ಛಾ಼ತೆ ಇವ್ಣುನ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿನಾಬಿ, ತುಮೆ ದೇವ್‌ಭಣಿ ಫರ್‌ನು ಕರೀಬಿ ತುಮಾರು ಪಾಪ್‌ಭರ‍್ಯು ಜಿವ್ಣನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣುಕರಿಬಿ ಆಸ್ ಯೋಗ್ಯಾನು ಅಛ಼಼್ಛಕಾಮ್ನ ಪ್ರಚಾರ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:31

ದೇವ್ ಇನಾಸ್ ಇಸ್ರಾಯೇಲ್ ಅದ್ಮಿನ ಮನ್ ಫರಾವನಾಬಿ, ಪಾಪ್ನ ಕ್ಷಮಾ ಕರಾನಖ್ಹಾಜೆಬಿ, ದೇವ್ನೆ ಇನ ಪ್ರಭು ಕರೀಬಿ ರಕ್ಷಕ್ ಕರೀಬಿ ಇನಿ ಖಾವಿ ಬಾಜು಼ಮ ಬೆಖ್ಹಾಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:12

ಕತೋಬಿ ಫಿಲಿಪ್ ದೇವ್ನಿ ರಾಜ್ಯನಿ ಬಾರೇಮ ಅಜು಼ ಯೇಸುಕ್ರಿಸ್ತನಿ ನಾಮ್ನಿ ಬಾರೇಮಾಬಿ ಅದ್ಮಿಖ್ಹಾರಾನ ಸುವಾರ್ತೆ ಬೋಲ್ಯೊ. ಪರ್ಖ್ಹೊ ತಯೇಡ ಖ್ಹಾರುಸ್ ಫಿಲಿಪ್ ಬೋಲ್ಯೊತೆ ವಾತೆನ ವಿಶ್ವಾಸ್ ಕರೀನ್ ಬ್ಯಾಪ್ತಿಸ್ಮ ಕರೈಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:20

ಕತೋಬಿ ಪೇತ್ರನೆ ಇನ “ತಾರ ಪೈಶ ತಾರಿಜೋ಼ಡ್ಮ ನಾಶಹುಯಿಜಾ಼ವಾದೆ. ದೇವ್ನಿ ವರಾನ ಪೈಶಾನ ಲಿಯೆಜಾ಼ಯ್ ಕರಿ ಲಾಝ್ಯೊಕಿ ಶು?” ಕರಿ ಜ಼ವಾಬ್ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:3

ನತರ್ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಭಾಗ್‌ ಲೀರಾಖವಾಳ ಹುಯಿನ್ ಬ್ಯಾಪ್ತಿಸ್ಮ ಕರೈಲಿದಾತೆ ಅಪ್ಣೆ ಇನ ಮರಣ್‍ಮ ಬ್ಯಾಪ್ತಿಸ್ಮ ಕರೈರಾಖ್ಯಸ್‍ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು?

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:5

ಇನೆ ಅಪ್ಣುನ ಬಚಾ಼ಡ್ಯೊತೆ, ಅಪ್ಣೆ ಕರ‍್ಯಾತೆ ಅಛ್ಛು಼ ಕಾಮ್‍ಥಿ ಕಾಹೆ ಪಣ್ಕಿ ಇನಿ ಗೋರ್‌ಥೀಸ್. ಅಜು಼ ಪವಿತ್ರಾತ್ಮಾಥಿ ನವಿ ಜಿ಼ಂದ್‌ಗಿ ದಿದೊ. ಅಜು಼ ಇನೆ ಅಪ್ಣುನ ಧೊಯಿನ್ ನವೊ ಜಾನ್ನದಿದೊ.

1 ಪೇತ್ರ 3:21

ಯೋ ಹಮ್ಕೆ ತುಮುನ ಬಚಾ಼ಡನು ಬ್ಯಾಪ್ತಿಸ್ಮನು ಏಕ್‌ ರೂಪ್ ಹುಯಿರ‍್ಹುಸ್. ಆ ಖಲಿ ಶರೀರ್‌ನು ಮೇಲೊ ಧೊವಾಕೊಯ್ನಿ. ಕತೋಬಿ ಆ ಅಛ಼್ಛು ದಿಲ್ನಿಸಾಕ್ಷಿಥಿ ದೇವ್ನಿ ಜೋ಼ಡ್ಮಕರಾನಿ ವಾಗ್ದಾನ್‌ ಹುಯಿರ‍್ಹೀಸ್. ಅಜು಼ ಯೇಸುಕ್ರಿಸ್ತ ಪಾಛು಼ಜಿವ್ತು ಉಠಾಥಿಸ್ ಹಮ್ಕೆ ಆ ಅಪ್ಣುನ ರಕ್ಷಣೆದಿಶೆ.