ಅಪೊಸ್ತಲರ್‌ನು ಕಾಮ್‌ಖ್ಹಾರು 2:17 - ದೇವ್ನಿ ಖ್ಹಾಚಿ ವಚನ್

¹⁷ ದೇವ್ನೆ ಅಮ್‍ ಬೋಲ್ಯೊಕಿ, ‘ಖ್ಹರ್ತಿನ ದನ್ಮ ಖ್ಹಾರ ಅದ್ಮಿಪರ್, ಮಾರಿ ಆತ್ಮಾನ ಖ್ಹಾರ ಅದ್ಮಿವೋನ ಉಪ್ಪರ್ ರಂಚೀಶ್, ತುಮಾರ ತಯೇಡ ಪರ್ಖ್ಹಾ ಪ್ರವಾದ್‌ನೆ ಕರ್ಶೆ; ತುಮಾರ ಜಾ಼ನ್ಜ಼ಮಾನ್ ಖ್ಹಾರು ದರ್ಶನ್ ದೇಕ್‌ಶೆ; ಅಜು಼ ತುಮಾರು ಗಲ್‌ಢಖ್ಹಾರು ಖ್ಹೋಣ್ಯಮ ದೇಕ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:17 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:6

ತಮಾಮ್‌ ಅದ್ಮಿ ದೇವ್ನಿ ರಕ್ಷಣೆನ ದೇಕ್‌ಶೆ” ಕರಿ ಯೋ ಅವಾಜ಼್ ಹುಯಿರ‍್ಹೂಸ್.

ಯೋಹಾನ 17:2

ತುನೆ ಇನಖ್ಹಾರ ಅದ್ಮಿಪರ್ ಅದಿಕಾರ್ ದೀರಾಖ್ಯೊಸ್. ತುನೆ ಇನ ಕಿನಕಿನ ದೀರಾಖ್ಯೊಸ್ಕಿ, ಇವ್ಣ ಖ್ಹಾರಾನ ಯೋ ಹಮೇಶಾನಿ ಜಿ಼ಂದ್‌ಗಿ ದೇವ್ಣುಕರಿ ಹುಯಿರ‍್ಹೀಸ್.

ಯೋಹಾನ 7:39

ಕತೋಬಿ ಯೇಸುನೆ ಇನ ನಂಬಾವಾಳು ಲೀಲಿಶೇತೆ ಪವಿತ್ರಾತ್ಮ ವರಾನಿ ಬಾರೇಮ ಬೋಲ್ಯೊ. ಯೇಸು ಬೀಜೂಬಿ ಮಹಿಮೆನ ಲೀರಾಖ್ಯೊಥೊ ಕೊಯ್ನಿ ಶನಕತೊ ಪವಿತ್ರಾತ್ಮ ವರ ಅಜೂ಼ಬಿ ದೆವೈರ‍್ಹುಥು ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:45

ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಉಪ್ಪರ್ ಪವಿತ್ರಾತ್ಮನು ವರ ಉತ್ರಿ ಆವಾನು ದೇಖಿನ್ ಪೇತ್ರನಿಜೋ಼ಡ್ಮ ಯೊಪ್ಪಥು ಆಯುತೆ ಯೆಹೂದ್ಯರ್ ವಿಶ್ವಾಸಿಖ್ಹಾರು ಆಶ್ಚರ್ಯಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:27

ಯೋ ಹಗಾಮ್ಮ ಥೋಡುಜ಼ಣು ಪ್ರವಾದಿಖ್ಹಾರು ಯೆರೂಸಲೇಮ್‍ಥು ಅಂತಿಯೋಕ್ಯನ ಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:28

ಆ ಪ್ರವಾದಿಖ್ಹಾರಾಮ “ಅಗಬ” ಕರಿ ಏಕ್‍ಜ಼ಣೊ ಥೊ. ಅಗಬನೆ ಅಂತಿಯೋಕ್ಯಮ ಪವಿತ್ರಾತ್ಮನಿ ಖ್ಹಯಾಲ್‌ಥಿ, “ಹಿಡಿ ಜಗತ್‍ನಾಸ್ ಕಾಳ್ದುಕಾಳ್ ಆವ್‌ಶೆ” ಕರಿ ಬೋಲ್ಯೊ. ಯೋ ಕಾಳ್ದುಕಾಳ್‍ನ ಹಗಾಮ್ ಕ್ಲೌದಿಯ ರಾಜ಼ನು ಹಗಾಮ್ಮ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:16

ಕತೋಬಿ ಹಮ್ಕೆ ಚಾ಼ಲುಕರಾತೆ ಹಾಲತ್‌ನಿ ಬಾರೇಮ ಪ್ರವಾದಿ ಯೋವೇಲನೆ ಅಮ್‍ ಲೀಖಿರಾಖ್ಯೊಸ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:18

ಯೊ ದನ್ಮ ಮಾರ ಆತ್ಮಾನ ಮಾರ ದಾಸದಾಸಿನ ಉಪ್ಪರ್ ರಂಚೈ಼ಶ್. ತದೆ ಇವ್ಣೇಬಿ ಪ್ರವಾದ್‌ನೆ ಕರ್ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:33

ಯೇಸು ಸೊರ್ಗನ ಪಡೈಗೊ. ಹಮ್ಕೆ ಯೇಸು ದೇವ್ನಿ ಜೋ಼ಡ್ಮ ಛಾ಼. ದೇವ್ನಿ ಖಾವಿ ಬಾಜು಼ಮ ಛಾ಼. ಹಮ್ಕೆ ಬಾ ಹುಯಿರೋತೆ ದೇವ್ ಪವಿತ್ರಾತ್ಮನ ಯೇಸುನ ದೀರಾಖ್ಯೊಸ್. ಪವಿತ್ರಾತ್ಮನ ದೇವುಸ್ ಕರಿ ದೇವ್ನೆ ವಾಗ್ದಾನ್ ಕರಿರಾಖ್ಯೊಥೊ. ಇನಖ್ಹಾಜೆ ಯೇಸು ಹಮ್ಕೆ ಯೊ ಪವಿತ್ರಾತ್ಮನ ರಂಚಿರಾಖ್ಯೊಸ್. ತುಮೆ ದೇಖುಕರಾತೆ ಅಜು಼ ಖ್ಹಮ್‌ಜು಼ಕರಾತೆ ಅನಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:9

ಇನ ಚಾರ್‌ಜ಼ಣಿ ಕವಾರಿ ಛೋ಼ರಿಯೇಥಿ. ಇವ್ಣೆ ಖ್ಹಾರಿಜ಼ಣಿ ದೇವ್ನ ವಾತೇನ ಪ್ರವಾದ್‌ನೆ ಕರಾವಳಿಯೆ ಹುಯಿರ‍್ಹಿಥಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:5

ಆ ಭರೋಖ್ಹೊ ಕದೇಬಿ ನಿರಾಶ್‍ ಕೋಕರ್‌ಶೇನಿ, ಶನಕತೊ ದೇವ್ನಿ ಪ್ಯಾರ್‌ ಅಪ್ಣುನ ಇನಿ ವರಹುಯಿರ‍್ಹಿತೆ ಪವಿತ್ರಾತ್ಮಥಿ ಅಪ್ಣ ದಿಲ್ಮ ರಂಚಿರಾಖ್ಯೊಸ್.

1 ಕೊರಿಂಥ 12:10

ಏಕ್‍ಜ಼ಣಾನ ಅದ್ಭುತ್ ಕಾಮ್‌ಕರಾನಿ ಶಕತ್‍ನಾಬಿ ಅಜೇಕ್ ಜ಼ಣಾನ ಪ್ರವಾದನೆನಾಬಿ, ಏಕ್‍ಜ಼ಣಾನ ಆತ್ಮಾನ ಸೋಚ್‌ಸಮಜ್‌ಕರಾನಿ ವರಾಬಿ, ಬಿಜೇಕ್‍ಜ಼ಣಾನ ಹರೇಕ್ ತರೀಖಾನಿ ಬೋಲಿ ಬೋಲಾನಿ ವರಾಬಿ, ಏಕ್‌ಜ಼ಣಾನ ಬೋಲಿನಿ ಮತಲಬ್‌ನ ಛೋ಼ಡಿನ್ ಬೋಲಾನಿ ವರಾಬಿ ದೇವಾವ್‌ಶೆ.

1 ಕೊರಿಂಥ 12:28

ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.

ಇಬ್ರಿ 1:2

ಕತೋಬಿ ಆ ಖ್ಹರ್ತಿನೊ ದನ್ಮ ಯೊ ಇನ ಛಿಯ್ಯಾಥಿ ಅಪ್ಣ ಜೋ಼ಡೆ ವಾತೆ ಬೋಲ್ಯೊ. ದೇವ್ನೆ ಇನ ಛಿಯ್ಯಾಥಿ ಖ್ಹಾರ ಜಗತ್‍ನಾಸ್ ಉಬ್‌ಜೈ಼ನ್ ಹರೇಕ್‌ಪರ್ ಇನಾಸ್ ವಾರಿಸ್ ಕರ‍್ಯೊ.

ಯಾಕೋಬ 5:3

ತುಮಾರು ಖ್ಹೊನ್ನು, ರೂಪು ಕಿಲಪ್‍ ಧರಿನ್‍ ಮಾಟಿನ ಬರೋಬರ್ ಹುಯಿರ‍್ಹುಸ್‍. ಯೋ ಖ್ಹಾರಾನು ಕಿಲಪ್‍ ತುಮೂನ ವಿರೋದ್. ಸಾಕ್ಷಿ ಹುಯಿರ‍್ಹಿನ್ ಆಗ್‍ನಿತರ ತುಮಾರಿ ಬೋಟಿನ ಭುಂಜಿನಾಕ್‍ಶೆ. ಖ್ಹರ್ತಿನ ದನ್ಮ ಆಯಿಗುತೋಬಿ ದೌಲತ್ ಜ಼ಮಾಕರೀನ್ ತುಮೆ ಮ್ಹೇಲಿರಾಖ್ಯಸ್.

2 ಪೇತ್ರ 3:3

ಅಖ್ಖೇಥಿ ಪಹಿಲೆಸ್ ತುಮೆ ಅನ ಯಾದ್ಮರಾಖಿರಾಕ್ಣು; ಥೋಡುಜ಼ಣು ಇವ್ಣಿ ಖರಾಬ್ ಆಖ್ಹ್‌ನಿ ಅಧೀನ್‍ಮ ಜಿವ್ಣುಕರಾತೆ ದೇಖವಸ್. ಇವ್ಣೆ ಚಿಂಘಾವ್ಣಿ ಕರ್ತುಹುಯಿನ್,