ಅಪೊಸ್ತಲರ್‌ನು ಕಾಮ್‌ಖ್ಹಾರು 2:11 - ದೇವ್ನಿ ಖ್ಹಾಚಿ ವಚನ್

¹¹ ಯೆಹೂದ್ಯರ್‌ಬಿನ್ ಯೆಹೂದ್ಯರ್‌ಕಾಹೆತೆ ಧರ್ಮ್‍ನ ಪಾಲನ್‍ಕರಾವಳು ಥೋಡು ಅದ್ಮಿಖ್ಹಾರು, ಕ್ರೇಟ್ ಅಜು಼ ಅರೇಬಿಯವಾಳೂಬಿ ಹಜ಼್ಜ ಛಾ಼. ಅಪ್ಣೆಖ್ಹಾರು ದೇವ್ನಿ ಮಹಾನ್ ಕಾಮ್ನಿ ಬಾರೇಮ ಬೋಲುಕರಸ್ತೆ ಯೊಅಖ್ಖು ಅಪ್ಣಿ ಅಪ್ಣಿ ಬೋಲೀಮ ಖ್ಹಮ್‍ಜು಼ ಕರಿಯೇಸ್‌ನಿ ಕರಿ ಆಶ್ಚರ್ಯ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:11 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:10

ಫ್ರಿಜಿಯ ಅಜು಼ ಪಂಫುಲ್ಯವಾಳೂಬಿ ಛಾ಼. ಈಜಿಪ್ಟ್ ಅಜು಼ ಸಿರೇನಿನ ಖನ್ನೆವಾಳು ಅಜು಼ ಲಿಬಿಯನು ತಬರ್‌ಖವಾಳೂಬಿ ಮಳಿರ‍್ಹೂಸ್‌. ಯೊ ಕೊಂತೆ ಅಪ್ಣಾಮ ಥೋಡುಜ಼ಣು ರೋಮ್‍ವಾಳೂಬಿ ಐರ‍್ಹೂಸ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:12

ಅದ್ಮಿಖ್ಹಾರು ಆಶ್ಚರ್ಯ ಹುಯಿನ್, ಕಲಾವ್ಣಿಹುಯಿನ್ ಆ ಶಾತ್ ರ‍್ಹೇವ್ಣು ಕರಿ ಏಕ್‌ಥಿ ಏಕ್‌ ಬೋಲಲಗ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:12

ಯೋ ಬಂದರ್ನೊ ತಬರ್‌ಖೊ ಠಣ್ಣಹಗಾಮ್ ಕಾಡಾನ ಯೋ ಜ಼ಹಾಜ಼್ನ ಅಛ್ಛಿಝ಼ಗೊ ಕೋಥೂನಿ. ಇನಖ್ಹಾಜೆ ಹಿಜ್ಜಾ಼ಥು ನಿಕ್ಳಿನ್, ಜಾ಼ವಾನು ಹುಯುತೊ ಕಿಮ್‍ಬಿ ಫೆನಿಕ್ಸ್‌ ಗಾಮ್ನ ಜೈ಼ನ್ ಹಿಜ್ಜಾ಼ಸ್ ಯೋ ಠಣ್ಣಾ ಹಗಾಮ್‌ ಕಾಡ್ಣುಕರಿ ಘಣು ಅದ್ಮಿ ಖ್ಹೂಜ಼್‌ ಕರ‍್ಯು. ಫೆನಿಕ್ಸ್‌, ಕ್ರೇಟ್ ಟಾಪಾನು ಏಕ್‌ ಬಂದರ್ನೊ ತಬರ್‌ಖೊ, ಯೋ ಈಶಾನ್ಯ ದಿಕ್ನಾಬಿ, ಆಗ್ನೇಯ ದಿಕ್ನಾಬಿ, ಆಮಖ್ಹಾಮೆ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:13

ತದೆ ದಕ್ಷಿಣ್ ಭಣೀಥು ವಹಿರೊ ಹಳ್ಳೇಖ್ಹು ವಾಗಲಗ್ಯೊ. ಇವ್ಣೆ ಉದ್ದೇಶ್ ಹಕ್ಲಾಲ್ ಹುಯುಕರಿ ಖ್ಹೂಜ಼್ ಕರೀನ್, ಲಂಗಾರ್‌ನ ಛೋ಼ಡಿಲಿನ್, ಕ್ರೇಟ್ ಟಾಪಾನ ಕನಾರೇಸ್‍ಕರಿ ಪಡ್ತಹುಯಿನ್ ಜ಼ಹಾಜ಼್‌ಪರ್ ನಿಕ್‍ಳ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:7

ಹಮೆ ಹಳ್ಳೂಥಿ ಕೈಏಕ್ ದನ್‌ಲಗು ಜ಼ಹಾಜ಼್‌ನಿಚಾ಼ಲ್‌ ಕರ್ತಹುಯಿನ್ ಘಣು ಮುಶ್ಕಿಲ್‌ಥಿ ಖ್ಹರ್ತಿನ ಸ್ನೀಡ‌ ಖ್ಹಯೇರ‍್ನ ಐನ್ ಪೋಚ್ಯ. ಖ್ಹಾಮ್ಣೆನೊ ವಹಿರೊ ವಾಗುಕರ್ತುಥೂತೆ ಇನಖ್ಹಾಜೆ, ಯೋ ಮಾರಗ್‍ಮ ಅಗಾಡಿ ಜಾ಼ವಾನ ಹಮೂನ ಕೊಹುಯುನಿ. ಇನಖ್ಹಾಜೆ ಹಮೆ ಕ್ರೇಟ್ ಟಾಪಾನ ಕನಾರೆಕರಿ ಸಾಲ್ಮೋನೆನ ಖನ್ನೆ ಐನ್,

1 ಕೊರಿಂಥ 12:10

ಏಕ್‍ಜ಼ಣಾನ ಅದ್ಭುತ್ ಕಾಮ್‌ಕರಾನಿ ಶಕತ್‍ನಾಬಿ ಅಜೇಕ್ ಜ಼ಣಾನ ಪ್ರವಾದನೆನಾಬಿ, ಏಕ್‍ಜ಼ಣಾನ ಆತ್ಮಾನ ಸೋಚ್‌ಸಮಜ್‌ಕರಾನಿ ವರಾಬಿ, ಬಿಜೇಕ್‍ಜ಼ಣಾನ ಹರೇಕ್ ತರೀಖಾನಿ ಬೋಲಿ ಬೋಲಾನಿ ವರಾಬಿ, ಏಕ್‌ಜ಼ಣಾನ ಬೋಲಿನಿ ಮತಲಬ್‌ನ ಛೋ಼ಡಿನ್ ಬೋಲಾನಿ ವರಾಬಿ ದೇವಾವ್‌ಶೆ.

1 ಕೊರಿಂಥ 12:28

ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.

ಗಲಾತ್ಯ 1:17

ಯೆರೂಸಲೇಮ್ಮ ಮಾರೇಥಿಬಿ ಪಹಿಲೆ ಅಪೊಸ್ತಲರ್ ಹುಯಿರ‍್ಹುಥೂತೆ ಇವ್ಣಕನಾಬಿ ಕೊಗಯೊಂತೆ ಅರಬ್ ದೇಖ್ಹ್‌ನ ಜೈ಼ನ್ ಪಾಛು಼ ದಮಸ್ಕ ಖ್ಹಯೇರ್‌ಮ ಮೆ ಆಯೊ.

ಗಲಾತ್ಯ 4:25

ಹಾಗರ್ ಕತೊ ಅರಬ್‌ಮ ಛಾ಼ತೆ ಸೀನಾಯಿ ಪರ್ಭತ್‌ನ ವತಾಳಸ್‍. ಹಮ್ಕೇನು ಯೆರೂಸಲೇಮ್ ಖ್ಹಯೇರ‍್ನಿಮತ್ ಹುಯಿರ‍್ಹೀಸ್. ಶನಕತೊ ಯೊ ಹೈರಿತೆ ಇನ ಅದ್ಮಿಯೇನ ಜೋ಼ಡ್ಮ ಹಮ್ಕೆ ಸೇವೆಕರವಾಳಿ ಹುಯಿರ‍್ಹೀಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:12

ಅಜು಼ “ಕ್ರೇಟ್ ಟಾಪವಾಳಮನೊ ಏಕ್‌ ಪ್ರವಾದಿ ಹಮೇಶ ಝೂ಼ಟಿ ಬೋಲವಾಳೊ, ಜಾನ್ವರ್‌ನಿತರಾನೊ, ಅಜು಼ ಶೋಂಬೇರಿ ಹುಯಿರ‍್ಹೂಸ್” ಕರಿ ಕ್ರೇಟ್‌ವಾಳೊಸ್ ಏಕ್‌ ಪ್ರವಾದೀನೆ ಬೋಲಿರಾಖ್ಯೋಸ್‌ನಿ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:5

ತೂ ಕ್ರೇಟ್‌ಮ ಬಿಜೂ಼ಬಿ ಬರಾಬರ್‌ ಹುಯುಕೊಂತೆ ಕಾಮ್ನ ಖ್ಹಾರು ಬರಾಬರ್‌ ಕರಾನಖ್ಹಾಜೆಬಿ, ಅಜು಼ ಹರೇಕ್ ಖ್ಹಯೇರ್‌ಮ ಸಬೇನು ಶಾಣಾವ್ನ ನೇಮಕ್ ಕರ್ನುಕರಿ ಮೇ ತುನ ಹಿಜ಼್ಜಾಸ್ ಹುಕುಮ್ ದೀನ್ ಮ್ಹೆಂದಿನ್ ಆಯೊ.

ಇಬ್ರಿ 2:4

ಖ್ಹಣೇದ್‍ನು ಕಾಮ್‍ಥೀಬಿ, ಅದ್ಭುತ್‌ಕಾಮ್ ಖ್ಹಾರಥಿಬಿ, ಕೈಯೇಕ್ ಥರಾನು ಮಹಾನ್ ಕಾಮ್‍ಥೀಬಿ ಅಜು಼ ಇನಿ ಸೋಚ್‌ನಿತರ ಪವಿತ್ರಾತ್ಮನು ವರಾನ ವಾಟಪಾಡಿ ದ್ಯವಾಥಿ ದೇವ್ನೇಸ್ ಇನ ವತಾಳಿಲಿದೊ.