ಅಪೊಸ್ತಲರ್‌ನು ಕಾಮ್‌ಖ್ಹಾರು 19:9 - ದೇವ್ನಿ ಖ್ಹಾಚಿ ವಚನ್

⁹ ಥೋಡುಜ಼ಣು ಇವ್ಣ ಮನ್ನ ಕಠಣ್ ಕರ‍್ಲಿನ್ ಪ್ರಭುನ ಮಾರಗ್‌ನ ಖರಾಬ್ ಕರಿ ಬೋಲ್ಯು.ಇನಖ್ಹಾಜೆ ಪೌಲನೆ ಇವ್ಣುನ ಮ್ಹೇಲಿನ್ ವಿಶ್ವಾಸಿವ್‌ನ ಇನ ಜೋ಼ಡೆ ಬುಲೈಲಿನ್ ಗಯೊ ಅಜು಼ ಇವ್ಣುನ ತುರನ್ನಕರಿ ಬೋಲೈಲ್ಯವಾಳಾನಿ ತರ್ಕಕರಾನಿ ಪಾಠಶಾಲಾಮ ಬುಲೈಲೀಜೈ಼ನ್ ಹರೇಕ್ ದನ್ ಚರ್ಚೆಕರ್ತೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:9 ပူးပေါင်းရင်းမြစ်များ

ಮತ್ತಾಯ 15:14

“ಇವ್ಣಿ ಬಾರೇಮ ಫಿಕರ್ ನಕೊ ಕರೊ! ಇವ್ಣೆ ಕಾಣು ಹುಯಿರ‍್ಹುಸ್‍, ಬಿಜಾ಼ನ ವಾಟ್‌ ವತಾಳನ ಜಾ಼ಸ್‌, ಕಾಣೊ ಕಾಣಾನ ವಾಟ್‌ ವತಾಳ್ಯೊತೊ ಇವ್ಣೆ ಭೇ ಜ಼ಣು ಖಾಡ್‌ಮ ಪಡಾಸ್‌” ಕರಿ ಬೋಲ್ಯೊ.

ಮತ್ತಾಯ 16:4

ಖರಾಬ್ ಅಜು಼ ಪಾಪಿ ಹುಯಿರ‍್ಹೂತೆ ಆ ಪಿಳ್ಗೀನು ಅದ್ಮಿ ಏಕ್‌ ಅದ್ಭುತಾನ ದೇಕ್ಣು ಕರಿ ಆಖ್ಹ್ ಕರಾಸ್! ಯೋನನ ಚಾ಼ಲ್ಯುತೆ ಅದ್ಭುತ್ ಕಾಮಸ್ ಪಣ್ಕಿ ಬಿಜು಼ ಕೆಹೂಬಿ ಇವ್ಣುನ ಮಳ್‌ಶೆ ಕೊಯ್ನಿ!” ಕರಿ ಜವಾಬ್‌ ದೀನ್, ಇವ್ಣುನ ಮ್ಹೆಂದಿನ್ ಚ಼ಲೆಗಯೊ.

ಮತ್ತಾಯ 26:55

ಯೋಸ್‍ ವೇಳ್ಮ ಯೇಸು ಝೂ಼ಂಡ್‍ಭಂದೈನ್ ಆಯಿರ‍್ಹುಥೂತೆ ಅದ್ಮಿವೋನ, “ಚೋ಼ರ್‌ನ ಧರಾನಿಘೋಣಿ ತಲ್ವಾರೆ ಅಜು಼ ಲಠ್ಠ ಪಳ್ಳಿನ್‌, ಮನ ಧರಾನಖ್ಹಾಜೆ ಆಯಾಕಿ ಶು? ಮೇ ದನ್‍ರೋಜ಼್, ಮಂದಿರ್‌ಮ ಬೇಶಿನ್, ವಚನ್ ಬೋಲಿನ್ ದೇವ್‌ಕರ್‌ತೊಥೋತೆ ತದೆ ತುಮೆ ಮನ ಧರ‍್ಯಾಕೊಯ್ನಿ.

ಯೋಹಾನ 12:40

‘ದೇವ್ನೆ ಇವ್ಣ ಡೋಳಾನ ಕಾಣು ಕರಿರಾಖ್ಯೋಸ್, ಅಜು಼ ಇವ್ಣ ದಿಲ್ನ ಕಠಣ್ ಕರಿರಾಖ್ಯೋಸ್, ಶನಕತೊ, ಇವ್ಣೊ ಡೋಳೊ ದೇಕ್ಣು ನಾ ಅಜು಼ ಇವ್ಣೊ ದಿಲ್‌ ಪರಖ್‌ಣು ನಾ’ ಕರಿ ಅಜು಼ ಇವ್ಣೆ ಇನಾಭಣಿ ಫರೀನ್, ಇನಖ್ಹಾಜೆ ಅಛ್ಛು಼ ನಾ ಹೋಣು ಕರಿ” ಬೋಲೈರ‍್ಹುಸ್ತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:26

ಬಾರ್ನಬನೆ ಸೌಲಾನ ಹಿಜ್ಜಾ಼ ದೇಖಿನ್ ಇನ ಅಂತಿಯೋಕ್ಯನ ಬುಲೈಲಿನ್ ಆಯೊ. ಸೌಲಾಬಿ ಅಜು಼ ಬಾರ್ನಬನೆ ಅಂತಿಯೋಕ್ಯಮ ಏಕ್‌ ವರಖ್ಹ್‌ಅಖ್ಖು ಸಬೆನ ಜೋ಼ಡ್ಮಾಸ್ ರ‍್ಹೀನ್ ಕೈಏಕ್ ಜ಼ಣಾನ ಶಿಕಾಡ್ಯ. ಆ ವಿಶ್ವಾಸಿನ ಪಹಿಲಿಬಾರ್ “ಕ್ರೈಸ್ತರ್” ಕರಿ ನಾಮ್ ಆಯುತೆ ಅಂತಿಯೋಕ್ಯಮಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:4

ಇನಖ್ಹಾಜೆ ದೇವ್ನ ಉಪ್ಪರ್ ಭರೋಖ್ಹೊ ರಾಖಿನ್ ಹಿಮ್ಮಥ್ಥಿ ವಾತೆಬೋಲ್ತುಥು. ತದೆ ಯೊ ಖ್ಹಯೇರ‍್ನ ಅದ್ಮಿಮ ಥೋಡು ಯೆಹೂದ್ಯರ್‌ನಿ ವಾತೆನಾಬಿ ಬಿಜು಼ ಥೋಡುಜ಼ಣು ಅಪೊಸ್ತಲ ಭಣಿವಾಳಾನಿ ವಾತೆನಾಬಿ ವಿಶ್ವಾಸ್ ಕರ್ತುಥೂತೆ ಇನಖ್ಹಾಜೆ ಇವ್ಣಮಾಸ್ ಬೇ ಭಾಗ್‍ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:4

ಇವ್ಣಾಮ ಥೋಡಜ಼ಣು ದೇವ್ನು ಭಕ್ತರ್‌ ಹುಯಿರುತೆ ಗ್ರೀಕ್‌ನು ಮೋಟು ಝೂ಼ಂಡ್‌ ಅಜು಼ ಮುಖ್ಯ ತಯೇಡಾಮ ಕೈಯೆಕ್‍ಜ಼ಣಿ ಪೌಲ ಅಜು಼ ಸೀಲಾನಿ ಜೋ಼ಡೆ ಮಳಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:23

ಯೊ ಹಗಾಮ್ಮ ಎಫೆಸಮ ಕ್ರಿಸ್ತನಿ ಮಾರಗ್‌ನ ಮಾಲುಮ್ ಕರಾನಿ ಬಾರೇಮ ಜಾ಼ಖ್ಹತ್ ಗಲಾಟ್ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:30

ಅನ ಮಾಲುಮ್ ಕರ‍್ಯೊತೆ ಪೌಲನೆ ಮಹಿ ಪೇಶಿನ್ ಅದ್ಮಿಖ್ಹಾರಥಿ ವಾತೆ ಬೋಲ್ನುಕರಿ ಕರ‍್ಯೊ. ಕತೋಬಿ ವಿಶ್ವಾಸಿಖ್ಹಾರು ಇನ ಜಾ಼ವಾನ ಕೋ ಮ್ಹೆಲ್ಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:31

ಇನಖ್ಹಾಜೆ ಡೋಳಾನು ಆಂಝು಼ ನಾಕ್ತೊ ಹುಯಿನ್ ಮೇ ತೀನ್ ವರಖ್ಹ್ ದನ್ ತುಮಾರಿ ಜೋ಼ಡೆರ‍್ಹೀನ್ ಮೇ ತುಮೂನ ರ‍್ಹೇಣ್‍ದನ್ ಶಿಕಾಡ್ತೊಹುಯಿನ್ ತುಮೂನ ಹೊಷಾರ್ ಕರ‍್ಯೊತೆ ಯಾದ್ಮ ರಾಖೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:4

ಆ ಮಾರಗ್‌ಪರ್‌ ಚಾ಼ಲವಾಳಾನ ಖ್ಹತಾವ್‍ತೊಹುಯಿನ್ ತಯೇಡ ಪರ್ಖ್ಹಾ ಖೇಚಿಲಾಯಿನ್ ಜೇಲ್‌ಮ ಧಕೆಲಿನ್ ಇವ್ಣುನ ಮರ್‌ನಾಖನಾಬಿ ಕಚ಼್ ಖಾದೊಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:21

ಮೇ ಇವ್ಣ ಖ್ಹಾಮ್ಣೆ ಭಿರೀನ್; ಪಾಛು಼ಜಿವ್ತು ಉಟ್‍ಶೇತೆ ಇನಿ ಬಾರೇಮ ಮೆ ವಿಶ್ವಾಸ್ ಕರ‍್ಯೊತೆ ಖ್ಹಾಜೆ ಹಜ಼್ಜ ನ್ಯಾವ್‌ಮ ಭೀಯೊಸ್ತೆ’ ಕರಿ ಮೆ ಎಕ್ಕಸ್ ವಾತೆನ ಚಿಕ್ರಿ ಬೋಲ್ಯೊ.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:22

ಕತೋಬಿ ತಾರಿ ಸೋಚ್ನ ತಾರ ಮ್ಹೋಡೇಖ್ಹೂಸ್ ಖ್ಹಮ್‌ಜಾ಼ನ ಪಸಂದ್ ಕರ್ಯೆಸ್. ಶನಕತೊ ಅಖ್ಖೂಸ್ ಅದ್ಮಿಖ್ಹಾರು ಆ ಝೂ಼ಂಡ್‌ಮ ಕ್ರಿಸ್ತನು ವಿರೋದ್ ಕರೀನ್ ವಾತೆ ಬೋಲುಕರಸ್‍ಕರಿ ಹಮೂನ ಮಾಲುಮ್‌” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:51

ಸ್ತೆಫನನೆ ಅಮ್‍ ಬೋಲ್ಯೊಕಿ, “ಮೊಂಡಿಹುಯಿರಾತೆ ತುಮೆ ತುಮಾರ ದಿಲ್ನ ದೇವ್ನ ಕೋ ದಿದಾನಿ ಇನ ಕಾನ್‍ಲಗಾಡ್ಯಾಬಿ ಕೊಯ್ನಿ. ಪವಿತ್ರ ಆತ್ಮಾನ ಕಾಮ್ನ ವಿರುದ್ಧಥಿ ಚಾ಼ಲವಾಳ ಹುಯಿರಾಸ್. ತುಮಾರ ಗುರುಗುರಬ್‍ಲ್ಯ ಕಿಮ್‌ಥಾಕಿ ತುಮೇಬಿ ಇಮ್ಮಸ್ ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:2

ದಮಸ್ಕ ಖ್ಹಯೇರ‍್ನಿ ಸಭೆನ ಚಿಟ್ಟಿ ಲೀಖಿನ್ ದಮಸ್ಕಮ ಕ್ರಿಸ್ತಾನ ಮಾರಗ್‍ಮ ಚಾ಼ಲವಾಳು ತಯೇಡ ರ‍್ಹವೊ ಪರ್ಖ್ಹೊ ರ‍್ಹವೊ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ಮನ ಹುಕುಮ್ ದೆವೊ ಕರಿ ಬೋಲಿಲಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:7

ಇಮ್‍ಕತೊ ಶಾತ್? ಇನಖ್ಹಾಜೆ ಇಸ್ರಾಯೇಲ್‍ನೆ ಢೂಂಡ್ಯಹುಯಾನ ಲೀಲಿದುಕೊಯ್ನಿ. ಕತೋಬಿ ಇವ್ಣಾಮ ಚೂ಼ಣೈಗಯಹುಯಾನೆ ಲೀಲಿದು; ಉಬ್ರಿಹುಯುಖ್ಹಾರು ಕಠಣ್ ದಿಲ್‍ವಾಳುಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:18

ಇನಖ್ಹಾಜೆ ದೇವ್ ಕಿನ ಗೋರ್‌ಕರ‍್ನುಕರಿ ಖ್ಹೂಜ಼್‌ಕರಸ್ಕಿ ಇನ ಗೋರೆಲುಕರಸ್. ಕಿನ ಕಠಣ್ ಕರ್ನುಕರಿ ಖ್ಹೂಜ಼್‌ಕರಸ್ಕಿ ಇವ್ಣುನ ಕಠಣ್ ಬಣಾವಸ್.

1 ಕೊರಿಂಥ 16:9

ಶನಕತೊ ಕೆತ್ರಿಕ್ಕಿ ವಿರೋದಿಖ್ಹಾರು ರ‍್ಹಯುತೋಬಿ ಏಕ್‌ ಊಚು಼ ಅಜು಼ ನಫ್ಫಾನು ಕಾಮ್ ಕರಾನ ಖ್ಹಾಚಮಾಬಿ ವೇಳ್‌ಮಳಿ ಐರ‍್ಹೀಸ್.

1 ತಿಮೊ 6:5

ಅತ್ರೇಸ್ ಕಾಹೆತೆ ಇಮ್ನ ಖ್ಹಾರ ಅದ್ಮಿಥಿ ಕದೇಬಿ ಖತಮ್ ಹುವ್ವಾಕೊಂತೆ ವಾದ್‌ವಿವಾದ್ ಪೈದಾ ಹುವಾಸ್. ಯೋ ಅದ್ಮಿಖ್ಹಾರು ಖ್ಹಾಚಿನ ಧಕೇಲಿದಿದುಹುಯು ಹುಯಿರ‍್ಹೂಸ್. ದೇವ್ನಿ ಸೇವೆ ಕತೊ ಧನ್‌-ದೌಲತ್ ಕಮಾವಾನೊ ಮಾರಗ್ ಕರಿ ಇವ್ಣೆ ಸೋಚಸ್.

2 ತಿಮೊ 1:15

ಏಷ್ಯಾ ತಬರ್‌ಖಾನು ತಮಾಮ್‌ ಅದ್ಮಿ, ಮನ ಹಾತ್ ಮ್ಹೆಂದಿದು ಕರಿ ಬೋಲಾನು ತುನ ಮಾಲುಮ್‌. ಇವ್ಣಾಮ ಫುಗೇಲಬಿ ಅಜು಼ ಹೇರ್ಮೋಗೇನ್‌ ಮಳಿರ‍್ಹಾಸ್.

2 ತಿಮೊ 3:5

ಯೊ ಅದ್ಮಿಖ್ಹಾರು ಅಪ್ಣ ಪದತ್ತಿ ಕಾಮ್ನಾಸ್ ಧರಿರಾಖಾಸ್ ಕತೋಬಿ ಇನ ಮಹಿನು ಖ್ಹಾಚಿನಿ ಶಕತ್ನ ಮ್ಹೇಲಿದೇಸ್ ಅಥ್ರಾನವಾಳೇಥಿ ದೂರ್ ರ‍್ಹೆ.

2 ತಿಮೊ 4:2

ದೇವ್ನಿ ಸುವಾರ್ತೆ ಅದ್ಮಿವೋನ ಅಛ್ಛಿ ವಖ್ಹತ್‌ಮ ಖಬರ್ ವಖ್ಹತ್‌ಮ ಬೋಲಿದೆ. ಅದ್ಮಿಖ್ಹಾರು ಕರ್ನುತೆ ಇನ ಇವ್ಣುನ ಬೋಲಿದೆ. ಇವ್ಣೆ ಗಲತ್‌ ಕರಾನಿ ವಖ್ಹ್‌ತೆ ಯೋ ಇನ ಒತಾಳ್, ಇವ್ಣುನ ಗುರ್‌ಕಾವ್, ಹುಮ್ಮಖ್ಹ್‌ರ‍್ಹಿನ್ ಘಣು ಖ್ಹಮಾಳಿರ‍್ಹೀನ್‌ ಅಜು಼ ಹೊಷಾರ್‌ಥಿ ಕರ್‌.

ಇಬ್ರಿ 3:13

ತುಮಾರಮ ಏಕ್‍ಜ಼ಣೂಬಿ ಪಾಪ್‌ಮ ಖ್ಹಪ್‍ಡಿನ್ ಠಗೈ ನಾಜಾ಼ವ್ಣುತೆ, ಹಮ್ಕೇಬಿ ಕದೇಬಿ ಬುಲೈಲೆಯಿತೆ ವೇಳ್ ಛಾ಼ತೆ ತದೇಸ್‌, ಹರೇಕ್‌ದನ್‌ಬಿ ಏಕ್‌ಥಿ ಏಕ್‍ಜ಼ಣು ಹುಮ್ಮಖ್ಹ್‌ ದೆವೊ.

2 ಪೇತ್ರ 2:12

ಮ್ಹಾಮುಲಿಥಿ ಕಬ್‌ಜಾ಼ಮ ಧರೈಜೈನ್ ನಾಶ ಹುವಾನಖ್ಹಾಜೆ ಪೈದಹುಯಿರ‍್ಹುತೆ ಬಿಣ್‍ ಅಕ್ಕಲ್‌ನು ಜಾನ್ವರ್‌ನಿತರ ಛಾ಼ತೆ ಆ ಖರಾಬ್ ಬೋಧನೆ ಕರವಾಳು ಖ್ಹಾರು ಇವ್ಣುನ ಮಾಲುಮ್‌ಕೊಂತೆ ಬಾರೇಮ ದೂಷಣೆ ಕರವಾಳು ಹುಯಿರ‍್ಹುಸ್‍. ಅವ್ಣೆ ಖ್ಹಾರು ಇವ್ಣಿ ಖರಾಬ್ ಫಣೈಥಿ ಇವ್ಣೆಸ್ ಪೂರನಾಶ ಹುಯಿಜಾಶೆ.

2 ಪೇತ್ರ 2:2

ಇವ್ಣ ಖರಾಬ್ ಕಾಮ್ನ ಮಾರಗ್‌ಪರ್ ಕೈಏಕ್ ಜ಼ಣು ಚಾ಼ಲವಾಳು ಹುಯಿರ‍್ಹಿಶೆ. ಇವ್ಣೆ ಖ್ಹಾಚ ಮಾರಗ್‌ನ ದೂಷಣೆ ಬೋಲವಾಳು ಹುಯಿರ‍್ಹಿಶೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:10

ಕತೋಬಿ ಆ ಅದ್ಮಿಖ್ಹಾರು ಇವ್ಣುನ ಮಾಲುಮ್‌ಕೊಂತೆ ತಿನಿಬಾರೇಮ ದೂಷಣೆ ಕರಸ್. ಅಜು಼ ಇವ್ಣೆ ಅಕ್ಕಲ್‌ಕೊಂತೆ ಜಾನ್ವರ್‌ನಿತರ ಮಾಲುಮ್‌ ಕರಿಲೇಸ್. ಅಜು಼ ಇನೇಥಿ ಇವ್ಣು ಇವ್ಣೇಸ್ ನಾಶ್ ಕರಿಲೇಸ್.