ಅಪೊಸ್ತಲರ್‌ನು ಕಾಮ್‌ಖ್ಹಾರು 19:34 - ದೇವ್ನಿ ಖ್ಹಾಚಿ ವಚನ್

³⁴ ಕತೋಬಿ ಯೋ ಯೆಹೂದ್ಯರ್‌ನೊ ಕರಿ ಮಾಲುಮ್ ಕರಖ್ಹತರ್ ಇವ್ಣೆಖ್ಹಾರು ಎಕ್ಕಸ್ ದಮ್‍ಪರ್; ಎಫೆಸವಾಳಾನಿ ಅರ್ತೆಮೀ ದೇವಿಸ್ ಮಹಾದೇವಿ, ಕರಿ ಕೂಘಾಟಿ ಮ್ಹೇಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:34 ပူးပေါင်းရင်းမြစ်များ

ಮತ್ತಾಯ 6:7

“ತೂ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ದೇವ್ನ ಪರ್ಖಾಕೊಂತೆ ಅದ್ಮಿ ಬೋಲಾಸ್ತೆ ಇಮ್‌, ಮತ್ಲಬ್‌ಕೊಂತೆ ವಾತೇನ ಘಡಿಕೇಡೆ ನಕೊ ಬೋಲ್. ಇವ್ಣೆ ಘಣಿ ವಾತೆ ಬೋಲ್ಯಾತೊ, ಇವ್ಣಿ ಪ್ರಾರ್ಥನೆ ದೇವ್ ಖ್ಹಮಜ಼್‌ಶೆ ಕರಿ ಸೋಚ಼ಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:20

ಹಿಜ್ಜಾ಼ ಪೌಲನಾಬಿ ಸೀಲನ ಅಧಿಕಾರಿನ ಖ್ಹಾಮ್ಣೆ ಇವ್ಣುನ ಬುಲೈಲಿಜೈ಼ನ್ “ಆ ಅದ್ಮಿಖ್ಹಾರು ಯೆಹೂದ್ಯರ್ ಹುಯಿರುಸ್, ಅವ್ಣೆ ಖ್ಹಯೇರ‍್ನ ಕಲಾವ್ಣಿಕರಿನ್ ಗಲಾಟ್ ಉಠಾಡುಕರಸ್.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:24

ಯೋ ಕಿಮ್‌ಕತೊ ದೇಮೇತ್ರಿ ಕರಿ ಏಕ್‍ಜ಼ಣೊ ಖ್ಹೊನಾರ್‌ನೆ; ರೂಪಾಥಿ ಅರ್ತೆಮೀ ದೇವ್ತಿನಿ ಘುಢೀನಿ ಶಕಲ್ನಿ ನ್ಹಾನಿ ನ್ಹಾನಿಘುಡಿ ಕರೀನ್ ಯೋ ಕಾಮ್ ಕರಾವಾಳ ಅಖ್ಖಾನ ಘಣು ನಫ್ಫೊಕರಿ ದೆವ್‍ಕರ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:26

ಕತೋಬಿ ಹಾತೇಖ್ಹು ಕರಾನು ಮೂರತ್ ದೇವ್ ಕಾಹೆಕರಿ, ಪೌಲನೆ ಎಫೆಸಮ ಕಾಹೆತೆ ಕಮ್‍ಶಿಕಮ್ ಏಷ್ಯಾ ತಬರ್‌ಖಾನು ಘಣ ಅದ್ಮಿನ ಮನ್ನ ಖೇಚಿನ್ ಫರೈನಾಖ್ಯೊ. ಕರಿ ಬೋಲಾನು ತುಮೆ ದೇಖುಕರಸ್ ಖ್ಹಮ್‍ಜೂ಼ಬಿ ಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:28

ಇವ್ಣೆಖ್ಹಾರು ಆ ವಾತೆ ಖ್ಹಮ್‌ಜಿನ್‌ ಅದ್ಮಿವ್‌ನಿ ಝೂ಼ಂಡ್‌ ಖಿಜಾ಼ವ್ತುಹುಯಿನ್ ಎಫೆಸನು ಅರ್ತೆಮೀನಿ ದೇವಿಸ್ ಊಚಿ ಕರಿ ಚಿಕ್ರಾಣ್ ಮ್ಹೇಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:33

ಯೆಹೂದ್ಯರ್ ಅಲೆಕ್ಸಾಂಡರ‍್ನ ಖ್ಹಾಮ್ಣೆ ಧಕೇಲಿನ್ ಝೂ಼ಂಡ್‌ಮ ಥೋಡುಜ಼ಣು ಇನ ಇಷಾರ್ಕೊ ಕರ‍್ಯು. ತದೆ ಅಲೆಕ್ಸಾಂಡರ‍್ನೆ ಇನಭಣಿಥು ಹಾತ್‌ನೊ ಝಾ಼ಲೊದೀನ್ ಭರೈರ‍್ಹುತೆ ಅದ್ಮಿಖ್ಹಾರಾನ ಶಾಂತಿಥಿ ರ‍್ಹವಾನ ಬೋಲ್ತೊ ಹುಯಿನ್ ಜ಼ವಾಬ್ ದೇವ್ಣುಕರಿ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:35

ಖ್ಹರ್ತಿಮ ಖ್ಹಯೇರ‍್ನ ಯಜಮಾನ್ನೆ ಅದ್ಮಿನಝೂ಼ಂಡ್‌ನ ಸಮಾಧಾನ್ ಕರೀನ್ ಇವ್ಣುನ “ಎಫೆಸನು ಅದ್ಮಿವೊ ಆಕಾಶ್‍ಥು ಪಡ್ಯುತೆ ಅರ್ತೆಮೀ ಮಹಾದೇವಿನ ಮಂದಿರ‍್ನ ಅಜು಼ ಇನಿ ಮೂರತ್ನ ಜ಼ತನ್ ಕರುಕರಸ್ತೆ ಎಫೆಸ ನಂಗರಸ್ ಕರಿ ಹಿಡಿ ಜಗತ್‍ನಾಸ್ ಮಾಲುಮ್ ಛಾ಼ನಿ?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:22

ತೂ ವ್ಯಬಿಚಾರ್ ನಾಕರ‍್ನುಕರಿ ಬೋಲವಾಳೊ ತೂಸ್ ವ್ಯಬಿಚಾರ್ ಕರಸ್‍ಕಿಶು? ಮೂರತ್‍ಅಖ್ಖಾನ ವಿರೋದ್ ಕರಾವಾಳೊ ತೂ ಮಂದಿರ್‌ನಾಸ್ ಲೂಟಿ ಕರಾಸ್ಕಿಶು?

ಪ್ರಕಾಶಿತ್ 13:4

ಅರ್ಝ಼ನ ಯೊ ಜಾನ್ವರ್‌ನ ಅದಿಕಾರ್ ದಿರಾಖ್ಯೊತೆಖ್ಹಾಜೆ ಇವ್ಣೆ ಯೊ ಅರ್ಝ಼ನ ಆರಾದನೆಕರ‍್ಯು. ಅಜು಼ ಇವ್ಣೆ “ಯೋ ಜಾನ್ವರ್‌ನಾಬಿ ಅರಾದನೆ ಕರೀನ್, ಆ ಜಾನ್ವರ್‌ನ ಬರೋಬರಿ ಕೋಣ್ ಛಾ಼? ಅನ ವಿರೋದ್ ಜಂಗ್ ಭಿಡಾನ ಕೋಣ್ ಶಕತ್‌ವಾಳು? ಕರಿ ಬೋಲ್ಯು.