ಅಪೊಸ್ತಲರ್‌ನು ಕಾಮ್‌ಖ್ಹಾರು 18:7 - ದೇವ್ನಿ ಖ್ಹಾಚಿ ವಚನ್

⁷ ತದೆ ಪೌಲನೆ ಸಭೆನಿ ಝ಼ಗೊ ಮ್ಹೇಲಿನ್ ಇನಭೀಡೆಸ್ ಥೂತೆ ತೀತ ಯುಸ್ತ ಕರಿ ಏಕ್‌ ಜ಼ಣಾನ ಘರ್ ಗಯೊ. ಯೊ ಅದ್ಮಿ ಖ್ಹಾಚ ದೇವ್ನು ಆರಾದನೆ ಕರಾವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:7 ပူးပေါင်းရင်းမြစ်များ

ಯೋಹಾನ 9:31

ಹಮೂನ ಮಾಲುಮ್‌ ಪಾಪಿನು ಪ್ರಾರ್ಥನೇನ ದೇವ್ ಖ್ಹಮ್‌ಜಾ಼ಕೊಯ್ನಿ, ಕತೋಬಿ ಕೋಣ್ ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ಕಿ ಇನಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:2

ಯೊ, ಇನು ಕುಟುಂಬ್‍ವಾಳು ದೇವ್‌ಮ ಡರ್‌ ಭಕ್ತಿಥೀಬಿ ರ‍್ಹೀನ್ ಜಿವ್ಣು ಕರುಕರ್ತುಥು. ಅಜು಼ ಗರೀಬ್‌ನ ಜಾ಼ಖ್ಹತ್ ದಾನಧರಮ್‍ ಕರಾವಾಳೊ, ಕದೇಬಿ ದೇವ್ನ ಪ್ರಾರ್ಥನೆ ಕರಾವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:22

ತದೆ ಇವ್ಣೆ, “ಕೊರ್ನೆಲ್ಯಕರಿ ಖ್ಹೋಶಿಪಾಯಿನೊ ಮೋಟೊ ಛಾ಼. ಯೋ ನೀತಿಮ ಚಾ಼ಲವಾಳೊ; ದೇವ್‍ಥಿ ಡರಾವಾಳೊ ಅಜು಼ ಯೆಹೂದ್ಯರ‍್ನು ಅದ್ಮಿ ಖ್ಹಾರು ಇನ ಮರ್ಯಾದಿ ದೇಸ್. ತುನ ಇನ ಘರೆ ಬುಲೈನ್ ತೂ ಬೋಲಾನಿ ವಾತೇನ ಖ್ಹಮಜ಼್‌ಣುಕರಿ ದೇವ್‌ನೊ ದೂತಥಿ ಕೊರ್ನೆಲ್ಯನ ಬೋಲಿರಾಖ್ಯೊಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:42

ಪೌಲ,ಬಾರ್ನಬ ಸಬಾಮಂದಿರ್‌ಮಾಥು ಜಾ಼ವಾನಿ ವಖ್ಹ್‌ತೆ ಆ ವಾತೆನಿ ಬಾರೇಮ ಬಿಜೂ಼ಬಿ ಜಾ಼ಖ್ಹತ್ ಹಮೂನ ಬೋಲಿ ದ್ಯವಾನಖ್ಹಾಜೆ ಅಗ್‍ಲ್ಯ ಸಬ್ಬತ್‌ ದನ್‌ಲಗು ಪಾಛ಼ ಆವ್ಣುಕರಿ ಅದ್ಮಿಖ್ಹಾರಾನೆ ಇವ್ಣುನ ಬೋಲಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:43

ಸಭೆ ಖ್ಹತಮ್ ಹುವಾದಿನ್ ಕೈಏಕ್ ಯೆಹೂದ್ಯರ್ ಖ್ಹಾರು ಹಿಜ಼್ಜಾಥೂತೆ ಬಾರ್ನಬನ ಪೀಠೆಗಯು. ಯೆಹೂದ್ಯನಿ ಜಾ಼ತ್ಮಮಳ್ಯುಹುಯು ಅಜು಼ ಯೆಹೂದ್ಯರ್‌ಕಾಹೆತೆ ಇವ್ಣೆ ಇನಿ ಜೋ಼ಡ್ಮಥು. ಜಾ಼ಥ್ಥಿ ಜಾ಼ತ್‍ ಬದಲ್ಯುಹುಯು ಇವ್ಣೆಜಿನೂಬಿ ಖ್ಹಾಚದೇವ್ನ ಆರಾದನೆ ಕರ್ತುಥು. ಪೌಲ ಬಾರ್ನಬ ಇವ್ಣಿ ಜೋ಼ಡ್ಮ ವಾತ್ ಬೋಲಿನ್, ದೇವ್ನಿ ವಾರ್ಖ್ಹಮಾಸ್ ವಿಶ್ವಾಸ್‌ರಾಖಿನ್ ಅಗಾಡಿ ಭಡ್ನುಕರಿ ಇವ್ಣುನ ಹುಮ್ಮಖ್ಹ್‌ ಕರ‍್ಯಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:50

ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:14

ಹಮಾರಿ ಬೋಧನೆ ಖ್ಹಮ್‍ಜ್ಯುತೆ ತಯೇಡಾವ್ಮ ಲಿಡಿಯಾಬಿ ಏಕ್‍ಜ಼ಣಿ. ಆ ಹೈರಿತೆ ಥುವತೈರ ಖ್ಹಯೇರ್‌ವಾಳಿ; ಹೈರಿತೆ ರಾಯಿಜಾ಼ಮಣ್ಣ ರಂಗ್ನು ಲುಂಗ್ಡು ವೇಚಿನ್ ಧಂದೊ ಕರಾವಾಳಿ ಹುಯಿರ‍್ಹೀಥಿ. ಆ ಖ್ಹಾಚ ದೇವ್ನ ಆರಾದನೆ ಕರ್ತೀಥಿ. ಪೌಲನ ಬೋಧನೆನ ಕಾನ್‍ಜೋ಼ಡಿ ಖ್ಹಮ್‍ಜಾ಼ನಿತರ ಪ್ರಭುನೆ ಇನ ದಿಲ್ನ ಛೋ಼ಡಾಯೊ. ಪೌಲನೆ ಬೋಲ್ಯೊತೆ ಖ್ಹಾರು ಇನೆ ವಿಶ್ವಾಸ್‌ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:4

ಇವ್ಣಾಮ ಥೋಡಜ಼ಣು ದೇವ್ನು ಭಕ್ತರ್‌ ಹುಯಿರುತೆ ಗ್ರೀಕ್‌ನು ಮೋಟು ಝೂ಼ಂಡ್‌ ಅಜು಼ ಮುಖ್ಯ ತಯೇಡಾಮ ಕೈಯೆಕ್‍ಜ಼ಣಿ ಪೌಲ ಅಜು಼ ಸೀಲಾನಿ ಜೋ಼ಡೆ ಮಳಿಗಯು.

ಕೊಲೊಸ್ಸೆ 4:11

ಯೂಸ್ತಕರಿ ಬೋಲೈಲಿದೋತೆ ಯೇಸುಬಿ ತುಮುನ ಖ್ಹಲಾಮ್‍ಕರಸ್. ದೇವ್ನ ರಾಜ್ಯನಖ್ಹಾಜೆ ಮಾರಿಜೋ಼ಡೆ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರೊಸ್. ಯೆಹೂದ್ಯರ್‌ಹುಯಿರ‍್ಹುತೆ ಅವ್ಣೆಥೀಸ್ ಕಾಮ್‌ಕರಾಮ ಮನ ಭಾಲಿ ಹುಯು.