ಅಪೊಸ್ತಲರ್‌ನು ಕಾಮ್‌ಖ್ಹಾರು 18:6 - ದೇವ್ನಿ ಖ್ಹಾಚಿ ವಚನ್

⁶ ಕತೋಬಿ ಯೆಹೂದ್ಯರ್ ಪೌಲನಿ ಬೋಧನೆನ ಝಿಟ್ಕಾರಿನ್ ಅಜು಼ ಚಿಂಘಾವ್ಣಿ ಕರ‍್ಯು. ಇನಖ್ಹಾಜೆ ಪೌಲನೆ ಇನ ಲುಂಗ್ಡಾನ ಧೂಳ್ನ ಝ಼ಟ್‍ಕಿನ್ ಇವ್ಣುನ, ತುಮಾರಿ ನಾಶ್‌ನ ತುಮೇಸ್ ಜಿಮ್ಮೆದಾರಿ, ಮೇ ಶುದ್ದ ಹುಯಿರ‍್ಹೊಸ್. ಮೆ ಹಮ್ಕೇಥೊ ಅಲಕ್‌ ಅದ್ಮಿವೋಕನ ಜ಼ವುಸ್‌” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:6 ပူးပေါင်းရင်းမြစ်များ

ಮತ್ತಾಯ 10:14

ಖೆವತೋಬಿ ಘರ್‌ವಾಳು ನತರ್‌ಕಿ ಗಾಮ್‌ವಾಳು ತುಮೂನ ನಾ ಬುಲೈಲಿದುತೊ, ನತರ್‌ಕಿ ತುಮಾರಿ ವಾತೆನ ನಾ ಖ್ಹಮ್‌ಜುತೊ, ಯೋ ಗಾಮ್‌ನ ಮ್ಹೆಂದಿನ್ ಜಾ಼ವಾನಿ ವಖ್ಹತ್‌ಮ, ತುಮಾರ ಗೋಡಾನ ಲಗ್ಯುತೆ ಧೂಳ್‌ನ ಝ಼ಟ್‌ಕಿ ದೆವೊ.

ಮತ್ತಾಯ 21:41

ಇವ್ಣೆ ಇನ, “ಯೋ ಖರಾಬ್ ಅದ್ಮಿ ಖ್ಹಾರಾನ ಮಾರಿನಾಖಿದೀನ್, ಖ್ಹುಗ್ಗೀನ ದನ್ಮ ಇನು ವಾಟೊ ಬರೋಬರ್‌ಥಿ ದ್ಯವಾಳ ಬಿಜ಼ ವಾರ್‌ನ ಕರಾವಾಳಾನ ಇನ ಬಾಗ್‌ನ ದಿಶೆ” ಕರಿ ಜವಾಬ್‌ ದಿದು.

ಮತ್ತಾಯ 21:43

ಇನಖ್ಹಾಜೇಸ್ ಮೇ ತುಮೂನ ಬೋಲುಸ್ಕಿ: ದೇವ್ನಿ ರಾಜ್ಯನ ತುಮಾರಕಂಥು ಕಾಡಿಲೀನ್, ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ತೆ ಅದ್ಮಿನ ದೆವಾವ್‌ಶೆ.

ಮತ್ತಾಯ 22:10

ಇಮ್ಮಸ್ ಯೋ ಆಳ್‌ಖ್ಹಾರು ಗಲ್ಲಿ ಗಲ್ಲಿಯೇಮ ಜೈ಼ನ್, ಅಛ಼್ಛು ಖರಾಬ್ ಕರಿ ದೇಖ್ಯುಕೊಂತೆ, ಇವ್ಣುನ ಮಳಾತೆ ಖ್ಹಾರ ಅದ್ಮಿನ ಎಕ್ಟು ಕರಿನ್, ಬುಲೈಲಿ ಆಯೊ; ಅಮ್ ಯೋ ವ್ಯಹಾನುಮಂಟಪ್ ಅಖ್ಖುಸ್ ಅದ್ಮಿ ಭರೈಗಯು.

ಮತ್ತಾಯ 27:25

ತದೆ ಝೂ಼ಂಡ್‌ಮ ಥೂತೆ ಹಿಡಿ ಅದ್ಮಿನೆ, “ಆ ಅದ್ಮಿನ ಮರೈನಾಖಿದ್ಯವಾನಿ ಜಿಮ್ಮೇದಾರ್ ಹಮಾರಪರ್ ಅಜು಼ ಹಮಾರ ಲಡ್ಕಾಪರ್ ಪಡಾದೆ!” ಕರಿ ಬೋಲ್ಯು.

ಮತ್ತಾಯ 8:11

ಅತ್ರೇಸ್ ಕಾಹೆತೆ, ಮೇ ತುಮೂನ ಬೋಲುಸ್ಕಿ, “ಪೂರಬ್ ಪಶ್ಚಿಮ್ ದಿಕ್ ಭಣೀಥು ಅದ್ಮಿ ಐನ್, ಸೊರ್ಗನು ರಾಜ್ಯಮ ಅಬ್ರಹಾಮ್‌, ಇಸಾಕ್ ಅಜು಼ ಯಾಕೋಬನ ಜೋ಼ಡೆ ಖಾಣನ ಬೇಖ್ಹ್‌ಶೆ;

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:65

ಅಜು಼ ಇನಿಬಾರೇಮ ಕೈಏಕ್ ದೂಷಣೆ ಬೋಲಿನ್, ಖ್ಹರಮ್‌ ಕಾಡ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:5

ಅಜು಼ ಖೆವ ಗಾಮ್ಮತೋಬಿ ತುಮೂನ ನಾ ಬುಲೈಲಿದುತೊ, ಯೋ ಗಾಮ್‌ನ ಮ್ಹೆಂದಿನ್ ಜಾ಼ವೊ ಅಜು಼ ತುಮಾರ ಗೋಡಾನ ಲಾಗಾತೆ ಧೂಳ್‌ನ ಝ಼ಟ್‌ಕಿ ದೆವೊ. ಯೋ ಇವ್ಣುನ ಝೇತಾವನು ಸಾಕ್ಷಿ ಹುಯಿರ‍್ಹಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:51

ಇನಖ್ಹಾಜೆ ಪೌಲ,ಬಾರ್ನಬನೆ ಇವ್ಣುನ ಝೇತೈನ್‌ ಇವ್ಣ ಗೋಡಾನಿ ಧೂಳ್‌ನ ಝ಼ಟ್ಕಿನಾಖಿದೀನ್, ಇಕೋನ್ಯ ಖ್ಹಯೇರ‍್ನ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:11

ಅಖ್ಖಾ ಸಬೇನು ಮಂದಿರ್‌ಮಾಬಿ ಮೇ ಕೈಯೇಕ್‌ಹಲ್ಲ ಇನ ಖ್ಹತಾಪ್ಣಿ ದೀನ್ ಇನೇಥಿ ದೇವ್ನ ದೂಷಣೆನಿ ವಾತೆ ಬೋಲಾವಾನಿತರ ಕೋಶಿಶ್‌ಕರ‍್ಯೊ. ಯೋ ವಿಶ್ವಾಸಿಖ್ಹಾರಾಪರ್ ಇರಾದೊ ಕರ್ತೊಹುಯಿನ್ ಇವ್ಣುನ ಢೂಂಡಿನ್ ಲತಾಡ ದ್ಯವಾನಖ್ಹಾಜೆ ಭಾರ್‌ ದೇಖ್ಹ್‌ನ ಖ್ಹಯೇರ್‌ಮಾಬಿ ಗಯೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:20

ಪಹಿಲೆ ಯೆರೂಸಲೇಮ್ಮ ಛಾ಼ತೆ ದಮಸ್ಕಮಾಬಿ, ಯೂದಾಯನ ಅಖ್ಖಾ ತಭರ್‌ಖಾಮಾಬಿ ಛಾ಼ತೆ ಇವ್ಣುನ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿನಾಬಿ, ತುಮೆ ದೇವ್‌ಭಣಿ ಫರ್‌ನು ಕರೀಬಿ ತುಮಾರು ಪಾಪ್‌ಭರ‍್ಯು ಜಿವ್ಣನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣುಕರಿಬಿ ಆಸ್ ಯೋಗ್ಯಾನು ಅಛ಼಼್ಛಕಾಮ್ನ ಪ್ರಚಾರ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:28

ತದೆ ಪೌಲನೆ ದೇವ್‌ನು ಆ ರಕ್ಷಣೆನ ಯೆಹೂದ್ಯರ್‌ಕಾಹೆತೆ ಇವ್ಣುನ ಬೋಲಿ ಮೊಕ್‍ಲೈರ‍್ಹುಸ್‍ ಕರಿ ತುಮೂನ ಅಛ್ಛಿನಿತರ ಮಾಲುಮ್‌ ರ‍್ಹವಾದೆ; ಕರಿ ಬೋಲಿನ್ ಇನಿ ವಾತೆನ ಖ್ಹರ್ತಿಕರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:29

ದೇವ್ ಯೆಹೂದ್ಯರ್‌ನ ಖಲಿ ದೇವ್‍ಕಿಶು? ಯೋ ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ದೇವ್‍ಹುಯಿರ‍್ಹೇಸ್‍ ಕೊಯ್ನಿಕಿಶು? ಒಹೊ, ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ದೇವ್ ಹುಯಿರ‍್ಹೋಸ್.

1 ತಿಮೊ 5:22

ಉತ್ವಾಳಿಥಿ ಕಿನ ಮಾಥಪರ್‌ಬಿ ಹಾತ್‌ ಮ್ಹೇಲಿನ್, ಪ್ರಭುನಿ ಸೇವೇನ ನೇಮಕ್ ನಕೊ ಕರೀಶ್. ಇಮ್‌ ನೇಮಕ್ ಕರ‍್ಯೊತೊ ಇವ್ಣ ಪಾಪ್‌ಮ ತೂಬಿ ಭಾಗ್‌ವಾಳೊ ಹುಯಿಜೈ಼ಶ್. ತಾರು ತೂ ಪಾಕ್‌ಥಿ ರ‍್ಹವಾನಿಘೋಣಿ ದೇಖಿಲೆ.

2 ತಿಮೊ 2:25

ಇನ ವಿರೋದ್ ಕರಾವಾಳಾನಾಬಿ ಅನ ಖ್ಹಯಾಲ್ಮ ರಾಖಿನ್ ಶಾಂಧಾರಿಥಿ ಬೋಲಿದಾವಳೊ ಹುಯಿರ‍್ಹೇಣು. ದೇವ್ ಇವ್ಣುನ ಜಿನುಕು ದಿಲ್‌ ಫರಾವನಿತರ ಶಕತ್ ದಿಶೆ.ಅನೇಥಿ ಖ್ಹಾಚಿ ಅಕ್ಕಲ್ ಇವ್ಣುನ ಮಳ್‌ಶೆ.

1 ಪೇತ್ರ 4:14

ತುಮೆ ಕ್ರಿಸ್ತನಿ ನಾಮ್ನಖ್ಹಾಜೆ ಚಿಂಘಾವ್ಣಿನ ಶುಶತ್ ಹುಯೂತೊ ಧನ್ಯ. ಮಹಿಮೆನು ಆತ್ಮ ಹುಯಿರ‍್ಹೋತೆ ದೇವ್ನು ಆತ್ಮ ತುಮಾರಮ ತಳ್‍ಗಾಠಿ ಛಾ಼ನಿ.

1 ಪೇತ್ರ 4:4

ಇವ್ಣೆ ಕರಾಸ್ತೆ ಹೋಯಿಕೊಂತೆಯೆತ್ರೆ ಜಿವ್ಣಮ ತುಮೆ ಮಳಕೊಂತೆ ಇನಖ್ಹಾಜೆ ಇವ್ಣೆ ಆಶ್ಚರ್ಯಪಡಿನ್ ತುಮುನ ಚಿಂಘಾವ್ಣಿ ಕಾಡಸ್‌.