ಅಪೊಸ್ತಲರ್‌ನು ಕಾಮ್‌ಖ್ಹಾರು 18:25 - ದೇವ್ನಿ ಖ್ಹಾಚಿ ವಚನ್

²⁵ ಅಜು಼ ಯೊ ಘಣು ಮನ್‍ಲಗಾಡಿನ್ ಪ್ರಭು ಯೇಸುನಿ ಮಾರಗ್‌ನ ಬಾರೇಮ ಅಛ್ಛಿನಿತರ ಬೋಧನೆ ಕರ್ತೊಥೊ, ಅಜು಼ ಶಿಕಾಡುಕರ್ತೊಥೊ. ಕತೋಬಿ ಯೋಹಾನ ಕರಾಯೋತೆ ಬ್ಯಾಪ್ತಿಸ್ಮನಿ ಬಾರೇಮ ಖಲಿಮಾಲುಮ್ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:25 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:3

ಪೌಲನೆ ಇವ್ಣುನ “ತುಮೆ ಖಿವಿ ಥರಾನು ಬಾಪ್ತಿಸ್ಮ ಲೀರಾಖ್ಯಸ್? ಕರಿ ಬೋಲಖ್ಹತರ್, ಇವ್ಣೆ ಯೋಹಾನನು ಬ್ಯಾಪ್ತಿಸ್ಮ ಕರೈಲಿದ” ಕರಿ ಬೋಲ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:11

ಮ್ಹಿನತ್ ಕರೀನ್ ರಾಬೊ ವಳ್‍ಶಿ ನಕೊಖಾವೊ. ತುಮಾರ ಹುಮ್ಮಖ್ಹ್‌ನ ಮನ್‌ಥಿ ಪ್ರಭುನಿ ಸೇವೆಕರೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:23

ಯೊ ಹಗಾಮ್ಮ ಎಫೆಸಮ ಕ್ರಿಸ್ತನಿ ಮಾರಗ್‌ನ ಮಾಲುಮ್ ಕರಾನಿ ಬಾರೇಮ ಜಾ಼ಖ್ಹತ್ ಗಲಾಟ್ ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:9

ಥೋಡುಜ಼ಣು ಇವ್ಣ ಮನ್ನ ಕಠಣ್ ಕರ‍್ಲಿನ್ ಪ್ರಭುನ ಮಾರಗ್‌ನ ಖರಾಬ್ ಕರಿ ಬೋಲ್ಯು.ಇನಖ್ಹಾಜೆ ಪೌಲನೆ ಇವ್ಣುನ ಮ್ಹೇಲಿನ್ ವಿಶ್ವಾಸಿವ್‌ನ ಇನ ಜೋ಼ಡೆ ಬುಲೈಲಿನ್ ಗಯೊ ಅಜು಼ ಇವ್ಣುನ ತುರನ್ನಕರಿ ಬೋಲೈಲ್ಯವಾಳಾನಿ ತರ್ಕಕರಾನಿ ಪಾಠಶಾಲಾಮ ಬುಲೈಲೀಜೈ಼ನ್ ಹರೇಕ್ ದನ್ ಚರ್ಚೆಕರ್ತೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:2

ದಮಸ್ಕ ಖ್ಹಯೇರ‍್ನಿ ಸಭೆನ ಚಿಟ್ಟಿ ಲೀಖಿನ್ ದಮಸ್ಕಮ ಕ್ರಿಸ್ತಾನ ಮಾರಗ್‍ಮ ಚಾ಼ಲವಾಳು ತಯೇಡ ರ‍್ಹವೊ ಪರ್ಖ್ಹೊ ರ‍್ಹವೊ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ಮನ ಹುಕುಮ್ ದೆವೊ ಕರಿ ಬೋಲಿಲಿದೊ.

ಮಾರ್ಕ 12:14

ಇವ್ಣೆ ಇನಾಕನ ಐನ್ ಬೋಲ್ಯೂಕಿ, “ಗುರು, ತೂ ಖ್ಹಾಚಿಸ್ ಬೋಲಾಸ್, ಕಿನಾಬಿ ದೇಖಿನ್‌ ಡರಾಕೊಯ್ನಿ, ತು ಅದ್ಮಿನು ಮ್ಹೋಡುದೇಖಿನ್‌ ವಾತೆ ಕೋ ಬೋಲಾನಿ. ಕತೋಬಿ ಅದ್ಮಿನಿ ಬಾರೇಮ ದೇವ್ನಿ ಮರ್ಜಿ ಶಾತ್‌ ಛಾ಼ಕಿ ಯೋ ಬೋಲಿವತಾಳಸ್ ಕರಿ ಹಮೂನ ಮಾಲುಮ್‌. ಕೈಸರ್‌ನ ಶುಂಕ ದೆವಾನು ನಿಯಮ್‌ಕಿ ಕೊಯ್ನಿ? ದೇಣೂಕಿ ನಾ ದೇವ್ಣು” ಕರಿ ಯೇಸುನ ಪುಛಾ಼ಯು.

ಯಾಕೋಬ 5:16

ಅಮ್‍ರ‍್ಹವಾಪರ್ ತುಮೆ ಗುಣ್ ಹೋಣುಕತೊ ತುಮಾರಿ ಪಾಪ್ನಅಖ್ಖಾನ ಏಕ್‌ಥಿಏಕ್ ಹರ್‌ಕೆ ಕರಿನ್ ಏಕ್‍ ಜ಼ಣಾನಖ್ಹಾಜೆ ಏಕ್‍ಜ಼ಣು ಪ್ರಾರ್ಥನೆಕರೊ. ನೀತಿವಂತಾನು ಪ್ರಾರ್ಥನೆ ಘಣು ಶಕತ್ನು ಹುಯಿರ‍್ಹುಸ್.

2 ತಿಮೊ 2:4

ಏಕ್‌ ಜಂಗ್‌ನೊ ಶಿಪಾಯಿ ಇನ ಅದಿಕಾರಿನ ಪಸಂದ್‌ಕರಾವನ ಆಖ್ಹ್ ಕರಾಸ್. ಇನಖ್ಹಾಜೇಸ್ ಯೋ ಶಿಪಾಯಿ ಖ್ಹಾರು ಆ ಲೋಕಾನು ವ್ಯವಹಾರ್‌ಮ ಖ್ಹಪಡ್ನುನಾತೆ ಇಮ್‌ ಜ಼ತನ್‌ಥಿ ರ‍್ಹೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:17

ಪೌಲಬಿನ್ ಹಮೆ ಜಾ಼ವನಿವಖ್ಹ್‌ತೆ, ಯೊ ಚಿಕ್ರಿ ಬೋಲ್ತಿಹುಯಿನ್, “ಆ ಅದ್ಮಿಖ್ಹಾರು ಘಣೊಊಚೊ಼ ದೇವ್ನು ಸೇವಕ್ ಹುಯಿರ‍್ಹಾಸ್; ತುಮಾರ ಜಾನ್ನ ರಕ್ಷಣೆನು ಮಾರಗ್‌ನ ಅವ್ಣೆ ಬೋಲುಕರಸ್” ಕರಿ ಬೋಲ್ತಿ ರ‍್ಹೇತಿಥಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:10

ಇನೆ “ತೂ ಶೈತಾನ್ನೊ ಛಿಯ್ಯೊ! ಹರ್ ಏಕ್‍ ಅಛ್ಛಾ಼ನಾಬಿ ತೂ ವಹೇರ‍್ಯೊ” ತು ಖರಾಬ್ ಚಾ಼ಲ್‌ಥೀಬಿ ಝೂ಼ಟೆಥೀಬಿ ಭರೈರ‍್ಹೋಸ್. ಅಖ್ಖಿ ನೀತಿನಾಬಿ ವಿರೋದ್ ಕರವಾಳೋಸ್ ತೂ, ಪ್ರಭುನ ಖ್ಹಾಚಾನ, ಝೂ಼ಟಿಕರಿ ಬದ್ಲಾವನ ತೂ ಕದೇಬಿ ಕೋಶಿಶ್ ಕರ್ತೊರ‍್ಹೇಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:29

ಯೋಹಾನ ಬೋಲ್ಯೋತೆ ಇಮ್‌ ತಮಾಮ್‌ ಅದ್ಮಿ ಅಜು಼ ಶುಂಕ ವಶೂಲ್ ಕರಾವಾಳುಬಿ ದೇವ್‌ನೊ ಮಾರಗ್ ಖ್ಹಾಚಕರಿ ಮಾನಿಲಿದು. ಇನಖ್ಹಾಜೆ ಇವ್ಣೆ ಖ್ಹಾರು ಯೊಹಾನ್ನ ಹಾತೇಥಿ ಬ್ಯಾಪ್ತಿಸ್ಮ ಕರೈಲಿದು.

ಮಾರ್ಕ 1:3

ಏಕ್‌ ಜ಼ಣೊ ಉಜ್ಜಾ಼ಡಿ ಝ಼ಗೋಮ, “ಪ್ರಭುನಿ ವಾಟ್ನ ಖ್ಹವಾರೊ, ಇನಿ ವಾಟ್ನ ಖ್ಹೂದು ಕರೊ” ಕರಿ ಚಿಕ್ರುಕರಾಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:4

ಅನೇಥಿ ತುನ ಶಿಕಾಡ್ಯೂತೆ ಖ್ಹಾರುಸ್ ಖ್ಹಾಚು಼ಕರಿ ತೂ ಮಾಲುಮ್ ಕರಿಲಿಶ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:26

ಅಪೊಲ್ಲೋಸನೆ ಸಬಾಮಂದಿರ್‌ಮ ಭಾಲಿಥಿ ಬೋಧನೆ ಕರ‍್ಯೊತೆ ಖ್ಹಮ್‍ಜ್ಯಾತೆ ಪ್ರಿಸ್ಕಿಲ್ಲ ಅಜು಼ ಅಕ್ವಿಲನೆ ಇವ್ಣೆ ಇನ ಘರೆ ಬುಲೈಜೈನ್ ಅಜು಼ ದೇವ್ನ ಮಾರಗ್‌ನ ಇನ ಬಿಜೂ಼ಬಿ ಜಾ಼ಖ್ಹತ್ ಅಛ್ಛಿನಿತರ ಬೋಲಿವತಾಳ್ಯು.