22 ಯೊ ಕೈಸರೈನ ಆವಾನಿ ವಖ್ಹ್ತೆ ಹಿಜ್ಜಾ಼ಥು ಯೆರೂಸಲೇಮ್ಮ ಜೈ಼ನ್ ಸಬೆನ ಮಳಿನ್ ಅಂತಿಯೋಕ್ಯನ ಗಯೊ.
ಕೈಸರೈ ಖ್ಹಯೇರ್ಮ ಕೊರ್ನೆಲ್ಯ ಕರಿ ನಾಮ್ನೊ ಏಕ್ಜ಼ಣೊ ಥೊ. ಯೋ ಇಟಲಿನು ಫೊಜ಼್ನೊ ಖ್ಹೋಶಿಪಾಯಿನೊ ಅದಿಕಾರಿ ಹುಯಿರ್ಹೊಥೊ.
ಇನ ಅಗ್ಲ್ಯದನ್ನೆ ಇವ್ಣೆ ಕೈಸರೈ ನಂಗರ್ನ ಪೋಚ್ಯು.ತದೆ ಕೊರ್ನೆಲ್ಯನೆ ಇವ್ಣ ಮಾಯಮಾತ್ರಾನಾಬಿ ಅಜು಼ ಸಾಥೀನ ದೋಸ್ತ್ನ ಬುಲೈಲಿನ್ ಪೇತ್ರನಖ್ಹಾಜೆ ಟಿವೈರ್ಹೋಥೊ.
ಯೋಸ್ ವೇಳ್ಮ ಮೇ ಥೋತೆ ಘರ್ನ ಖ್ಹಾಮ್ಣೆ ತೀನ್ಜ಼ಣ ಆಯಾ ಯೊ ತೀನ್ಜ಼ಣಾನ ಕೈಸರೈ ಖ್ಹಯೇರ್ಥು ಮಾರಕನ ಮೋಕ್ಲೈರ್ಹಾಥ.
ಅಂತಿಯೋಕ್ಯಮ ಥೂತೆ ಸಬೆಮ ಖ್ಹಾರು ಪ್ರವಾದಿಬಿ ಬೋಧಕರ್ಬಿ ಥೂ; ಇವ್ಣೆ ಕೋಣ್ಕತೊ, ಬಾರ್ನಬ, ನೀಗರ್ಕರಿ ಬೋಲೈಲಾವಳೊ ಸಿಮೆಯೋನ್, ಕುರೇನ್ಯನೊ ಲೂಕ್ಯ,ಹೆರೋದ ರಾಜ಼ನಿ ಜೋ಼ಡ್ಮ ಪಳ್ಯೊತೆ ಮೆನಹೇನ, ಅಜು಼ ಸೌಲ.
ಹಿಜ್ಜಾ಼ಥು ಇವ್ಣೆ ಸಿರಿಯ ಅಂತಿಯೋಕ್ಯನ ದರ್ಯಾವ್ನ ಮಾರಗ್ಥಿ ಗಯ. ಹಜ಼್ಜಾಲಗು ಇವ್ಣೆ ಕರೀನ್ ಖತಮ್ ಕರ್ಯಾತೆ ಸೇವೆನ ಕಾಮ್ನಖ್ಹಾಜೆ, ಇವ್ಣುನ ದೇವ್ನೆ ವಾರ್ಖ್ಹೊಕರೀನ್ ಮೋಕ್ಲ್ಯುಥೂತೆ ಕಾಮ್ ಆಸ್ ಖ್ಹಯೇರ್ಮ ಪೂರ ಹುಯೂತೆ.
ಇವ್ಣ ಹಾತ್ಮ ಲೀಖಿನ್ ದೀರಾಖ್ಯುಥೂತೆ ಶಾತ್ಕತೊ, ಭಯೇಖ್ಹಾರ ಹುಯಿರಾತೆ ಅಪೊಸ್ತಲರ್ನೇಬಿ ಗಲ್ಢಖ್ಹಾರಾನೇಬಿ ಅಂತಿಯೋಕ್ಯ, ಸಿರಿಯ, ಕಿಲಿಕ್ಯ ತಬರ್ಖಾಸ್ಮ ಛಾ಼ತೆ ಯೆಹೂದ್ಯರ್ಕಾಹೆತೆ ಭೈಯೇ ಭೇನೇನ ಹಮಾರಿ ಖ್ಹಲಾಮ್;
ಅಮ್ ಪೌಲ, ಬಾರ್ನಬ ಬಿಜು಼ ಯೂದ, ಸೀಲ, ಯೆರೂಸಲೇಮ್ಥು ಅಂತಿಯೋಕ್ಯ ಖ್ಹಯೇರ್ನ ಜೈ಼ನ್ ಹಿಜ಼್ಜ ವಿಶ್ವಾಸಿಯೆವ್ನಿ ಸಭೆನ ಭರೈನ್, ಯೋ ಚಿಟ್ಟಿ ಇವ್ಣುನ ದಿದು.
ಕತೋಬಿ ಪೌಲ, ಬಾರ್ನಬ ಅಂತಿಯೋಕ್ಯಮಾಸ್ ರ್ಹೀನ್,ಅಜು಼ ಕೈಯೇಕ್ ಜ಼ಣಾನಿ ಜೋ಼ಡೆ ಮಳಿನ್ ಸುವಾರ್ತೆ ಬೋಲ್ತಹುಯಿನ್ ಬಿಜು಼ ಪ್ರಭುನಿ ವಚನ್ನ ಅದ್ಮಿಖ್ಹಾರಾನ ಶಿಕಾಡ್ಯು.
ಪೌಲ,ಬಾರ್ನಬ ಯೆರೂಸಲೇಮ್ನ ಐನ್ ಸಬೆವಾಳನ ಅಪೊಸ್ತಲರ್ ಖ್ಹಾರಾನ ಸಬೇನು ಗಲ್ಢವ್ಖ್ಹಾರಾನ ಜೋ಼ಡ್ಮ ಮಳಿಜೈ಼ನ್ ದೇವ್ ಇವ್ಣಜೋ಼ಡೆ ರ್ಹಯಿನ್ ಕರ್ಯೊತೆ ಕಾಮ್ಖ್ಹಾರಾನ ಪೌಲ,ಬಾರ್ನಬನೆ ಇವ್ಣುನ ಬೋಲಿ ವತಾಳ್ಯು.
ಇನಪಾರ್ ಖ್ಹೋಶಿಪಾಯಿನ ಮೋಟಾನೆ ಬೇಜ಼ಣ ಸೇನಾಧಿಕಾರಿನ ಬುಲೈನ್ ಇವ್ಣುನ, “ಆ ರಾತ್ ನೌಘಂಟಾನ ಕೈಸರೈ ಖ್ಹಯೇರ್ನ ಜಾ಼ವಾನ ಬೇಖ್ಹೋ ಶಿಪಾಯಿನಾಬಿ, ಖ್ಹಡ್ತೀನಿಖ್ಹ್ ಅದ್ಮಿ ಘೋಡಾಚ಼ಲಾವಳನಾಬಿ, ಬೇಖ್ಹೊ ಅದ್ಮಿ ಭಾಲವಳಾನಾಬಿ, ತಯಾರ್ಕರೊ.
ಫೆಸ್ತನೆ ಅಧಿಕಾರ್ಲೀನ್ ತೀನ್ದನ್ನ ಬಾದ್ಮ ಕೈಸರೈಯಾಥು ಯೆರೂಸಲೇಮ್ನ ಗಯೊ.
ಕತೋಬಿ ಫೆಸ್ತನೆ ಯೆಹೂದ್ಯರ್ಥಿ ದಯಾನ ಲ್ಯವಾನಖ್ಹಾಜೆ ಪೌಲನ “ತೂ ಯೆರೂಸಲೇಮ್ಮ ಜಾ಼ವನ ಕೋಶಿಶ್ ಕರಾನಿವಖ್ಹ್ತೆ, ಹಿಜ್ಜಾ಼ ಮಾರಖ್ಹಾಮ್ಣೆ ಆ ಗಲ್ತಿನಿ ಬಾರೇಮ ತೀರ್ಪ್ ಕರಿಲೇವ್ಣುಕರಿ, ತುನ ಖ್ಹಯಾಲ್ ಛಾ಼ಕಿ ಶು? ಕರಿ ಬೋಲ್ಯೊ.
ಅನಕೇಡೆಥು ಫಿಲಿಪ್ಪ ಅಜೋತ್ಕರಿ ಖ್ಹಯೇರ್ಥು ದೆಖೈನ್ ಹಿಜ್ಜಾ಼ಥು ಕೈಸರೈಕರಿ ಖ್ಹಯೇರ್ಲಗು ಅಖ್ಖಾಸ್ ಗಾಮ್ಮ ಸುವಾರ್ತೆ ಬೋಲ್ತೊ ಗಯೊ.