ಅಪೊಸ್ತಲರ್‌ನು ಕಾಮ್‌ಖ್ಹಾರು 18:12 - ದೇವ್ನಿ ಖ್ಹಾಚಿ ವಚನ್

¹² ಗಲ್ಲಿಯೋಕರಿ ಏಕ್‍ಜ಼ಣೊ ಅಖಾಯ ಮುಲಕ್‌ನೊ ರಾಜ್ಯಪಾಲ್ ಹುಯಿರ‍್ಹವಾನ ಖ್ಹಾಜೆ ಯೆಹೂದ್ಯರ್ ಪೌಲನಿ ವಿರೋದ್ ಎಕ್ಟುಹುಯಿನ್ ಇನ ಧರಿನ್ ನ್ಯಾವ್ನಿಝ಼ಗೊ ಲೀನ್‌ಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:12 ပူးပေါင်းရင်းမြစ်များ

ಮತ್ತಾಯ 27:19

ಅತ್ರೇಸ್ ಕಾಹೆತೆ, ಪಿಲಾತ ನ್ಯಾವ್‍ನಿ ಖುಡ್‍ಶಿಪರ್ ಬೆಠೊರ‍್ಹವಾನಿ ವಖ್ಹತ್‌ಮ ಇನಿ ಬಾವಣ್ಣೆ, “ಯೋ ಅದ್ಮಿನ ಶಾತ್ಬಿ ನಕೊ ಕರೀಶ್, ಯೋ ನೀತಿವಾಳೊ ಹುಯಿರ‍್ಹೊಸ್, ಗಯೋತೆ ರಾತೆ ಖ್ಹೋಣ್ಯಮ ಮನ ಘಣು ಖ್ಹತಾಪ್ಣಿ ಹುಯು” ಕರಿ ಇನ ಬೋಲಿನ್ ಮೋಕ್ಲಿ.

ಯೋಹಾನ 19:13

ಆ ವಾತೆನ ಖ್ಹಮ್‌ಜಿನ್‌ ಪಿಲಾತನೆ ಯೇಸುನ ಭಾರ್‌ಬುಲೈನ್‌, ಬಂಡಾ ಭಿಛೈ಼ರ‍್ಹೂತೆ ರಚ್ಚೊ಼,ಇಬ್ರಿಯ ವಾತೇಮ ಗಬ್ಬಥಾ ಕರಿ ಬೊಲೈಲೇಸ್ತೆ ನಾಮ್ನು ಝ಼ಗೋಪರ್‌ ಜೈ಼ನ್‌, ನ್ಯಾವ್‍ನಿ ಖುಡ್‍ಶಿಪರ್ ಬೇಶಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:12

ಅನ ದೆಖ್ಯೊತೆ ರಾಜ್ಯಪಾಲ್‌ನೆ ಪ್ರಭುಪರ್ ವಿಶ್ವಾಸ್‍ಕರಿನ್ ಪ್ರಭುನಿಬಾರೆನು ಶಿಕಾಡನು ಖ್ಹಮ್‌ಜಿನ್‌ ಆಶ್ಚರ್ಯ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:50

ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:7

ಸೆರ್ಗ್ಯ ಪೌಲಕರಿ ನಾಮ್‍ವಾಳೊ ದೋಸ್ತ್ ಆ ರಾಜ್ಯಪಾಲ್‌ನ ಖನ್ನೆಸ್‌ ಕದೇಬಿ ರ‍್ಹೇತೊಥೊ. ಸೆರ್ಗ್ಯ ಪೌಲ ಅಕ್ಕಲ್‍ವಾಳೊ ಹುಯಿರ‍್ಹೊಥೊ. ಯೋ ದೇವ್ನಿ ವಚನ್ ಖ್ಹಮ್‌ಜಾ಼ನ ಬಾರ್ನಬ, ಸೌಲನ ಬುಲಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:8

ಕತೋಬಿ ಯೊ ಮಂತ್ರವಾದಿ ಹುಯಿರೋತೆ ಎಲುಮ (ಎಲುಮಕರಿ ನಾಮ್ನೊ ಮಂತ್ರವಾದಿ) ವಿರೋದ್ ಹುಯಿರ‍್ಹೋಥೊ. ರಾಜ್ಯಪಾಲ್‌ನೆ ಕ್ರಿಸ್ತಮ ವಿಶ್ವಾಸ್ ನಾ ಕರ್ನುತೆ ತಿಮ್ ಎಲಿಮನೆ ಕೋಶಿಶ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:19

ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:2

ಕತೋಬಿ ವಿಶ್ವಾಸ್ ಕರ‍್ಯುಕೊಂತೆ ಯೆಹೂದ್ಯರ್‌ನೆ ಅಲ್ಹಾವ್‌ ಅದ್ಮಿಖ್ಹಾರಾನ ವಿಶ್ವಾಸಿ ಭೈಯೇನ ವಿರೋದ್ ಉಠಾಡಿ ಭೀರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:13

ಕತೋಬಿ ಪೌಲ ಬೆರೋಯಮ ದೇವ್ನು ವಚನ್ನ ಬೋಲುಕರಸ್ ಕರಿ ಬೋಲಾನು ಖ್ಹಮ್‌ಜಿನ್‌ ಥೆಸಲೋನಿಕನು ಯೆಹೂದ್ಯಮಾಬಿ ಬೆರೋಯಮಾಬಿ ಐನ್ ಹಿಜ಼್ಜಾನ ಅದ್ಮಿಖ್ಹಾರಾನ ಕಲಾವ್ಣಿಕರಿನ್ ಗಲಾಟ್ ಉಠಾಡ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:5

ಕತೋಬಿ ನಂಬ್ಯುಕೊಂತೆ ಯೆಹೂದ್ಯಖ್ಹಾರು ಬಳಾಪೊ ಕರ‍್ಯು. ಇವ್ಣೆ ಖ್ಹಯೇರ್‌ಮ ಥೂತೆ ಥೋಡ ಖರಾಬ್ ಅದ್ಮಿವೋನ ಪೈಶಾದೀನ್ ಬುಲೈಮಂಗೈನ್‌ ಗಮ್ಮ ಗಲಾಟ್ ಕರೈನ್, ಪೌಲಬಿನ್ ಸೀಲನ ಖ್ಹಯೇರ‍್ನ ಸಭೆನ ಖ್ಹಾಮ್ಣೆ ಲೀನ್‍ ಆವ್ಣುಕರಿ ಯಾಸೋನನ ಘರ್‌ನ ಘೇರ್ತುಹುಯಿನ್ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:11

ಇಮ್ಮಸ್ ಡೋಡ್‌ವರಖ್ಹ್ ಲಗು ಹಿಜ್ಜಾ಼ರ‍್ಹೀನ್ ದೇವ್ನಿ ವಚನ್ನ ಅದ್ಮಿಖ್ಹಾರಾನ ಬೋಧನೆ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:27

ಇನಕೇಡೆಥು ಅಖಾಯನ ಜಾ಼ವ್ಣುಕರಿ ಇನ ಮನ್‍ಲಗಾಖ್ಹತರ್ ವಿಶ್ವಾಸಿ ಭಯೇಖ್ಹಾರು ಇನ ಮದತ್‍ಕರಿನ್ ಹಿಜ಼್ಜಾಥೂತೆ ವಿಶ್ವಾಸಿವ್‌ನ ಚಿಟ್ಟಿಲೀಖಿನ್ ಅಪೊಲ್ಲೋಸನ ಮಳೈಲೇವ್ಣು ಕರಿ ಬೋಲಿಲಿದು.ಯೊ ಹಿಜ್ಜಾ಼ ಜಾ಼ವಾನಿ ವಖ್ಹ್‌ತೆ ದೇವ್ನಿ ಕೃಪಾಥಿ ವಿಶ್ವಾಸ್ ಕರವಾಳನ ಏಕ್‌ ಮೋಟು ಮದತ್ ಹುಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:21

ಆ ಹುಯುತೆ ಇನಕೇಡೆಥು ಪೌಲ ಮೆಕೆದೋನ್ಯ ಅಜು಼ ಅಖಾಯ ದೇಖ್ಹ್‌ನಿ ವಾಟೆ ಯೆರೂಸಲೇಮ್ನ ಜಾ಼ವಾನಿ ಮನ್‌ಕರ‍್ಯೊ. ಹಿಜ್ಜಾ಼ ಮೇ ಜಾ಼ವಾನಿ ವಖ್ಹತ್‌ಮ ರೋಮ್ ನಂಗರ್‌ನಾಬಿ ಮಳ್‌ಣು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:10

ತದೆ ಪೌಲನೆ ಬೋಲ್ಯೊ, “ಮೆ ಹಮ್ಕೆ ಕೈಸರ್‌ನ ನ್ಯಾವ್ನಿಝ಼ಗೊಮಾಸ್ ಭಿಯೋಸ್; ಮನ ತೀರ್ಪ್‌ಕರ‍್ನುತೆ ಹಜ್ಜಾ಼ಸ್. ಯೆಹೂದ್ಯರ್‌ನ ಮೆ ಶನು ಠಗಾಯೊ ಶಾತ್‌ಕೊಯ್ನಿ ಕರಿ ಬೋಲಾನು ತುಮುನಾಬಿ ಅಛ್ಛಿನಿತರ ಮಾಲುಮ್‌ಛೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:26

ಶನಕತೊ ಮೆಕೆದೋನ್ಯ ಅಜು಼ ಅಖಾಯ ತಬರ್‌ಖಾವಾಳು ವಿಶ್ವಾಸಿ ಯೆರೂಸಲೇಮ್ಮ ದೇವ್ನ ಅದ್ಮಿವೋನ ಮಳಿನ್ ರ‍್ಹವಾಳ ಗರೀಬ್ ವಿಶ್ವಾಸಿನ ಮದತ್ ಕರಾನಖ್ಹಾಜೆ ಖ್ಹಯಾಲ್ ಕರಿರಾಖ್ಯಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:5

ಅತ್ರೇಸ್‍ಕಾಹೆತೆ ಇವ್ಣ ಘರ್ಮ ಎಕ್ಟುಹುಯಿನ್ ಆವಾತೆ ಸಬೆವಾಳನಾಬಿ ಮಾರಿ ಖ್ಹಲಾಮ್ ಖ್ಹಮ್‍ಜಾ಼ಡೊ. ಏಷ್ಯಾ ತಬರ್‌ಖಾಮ ಕ್ರಿಸ್ತನ ಪೀಛೆಜಾ಼ವಾಳಮ ಫೈಲೆನೊ ಮಾರೊ ಪ್ಯಾರ್‌ನೊ ದೋಸ್ ಎಫೈನೆತನಾಬಿ ಮಾರಿ ಖ್ಹಲಾಮ್ ಖ್ಹಮ್‍ಜಾ಼ಡೊ.

1 ಕೊರಿಂಥ 16:15

ಸ್ತೆಫನನ ಘರ್‌ವಾಳು ಅಖಾಯಮ ವಿಶ್ವಾಸ್ಮ ಪಹಿಲು, ದೇವ್ನ ಅದ್ಮಿಯೇವ್‍ನ ಚಾ಼ಕ್ರಿ ಕರಾನಖ್ಹಾಜೆ ಇವ್ಣುನಸ್ ದೀಲಿದುಹುಯು ಕರಿ ಬೋಲಾನು ತುಮೂನ ಮಾಲುಮ್ ಛಾ಼. ಭೈಯೆ ಭೇನೆವೊ ಮೇ ತುಮುನ ಬಿಂತಿಕರೂಸ್,

2 ಕೊರಿಂಥ 1:1

ದೇವ್ನಿ ಮರ್ಜಿಥಿ ಕ್ರಿಸ್ತ ಯೇಸುನೊ ಏಕ್‍ಜ಼ಣೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ ಅಜು಼ ಇನೊ ವಿಶ್ವಾಸಿ ಭೈ ಹುಯಿರೋತೆ ತಿಮೊಥೆಯ ಕೊರಿಂಥಮ ಛಾ಼ತೆ ದೇವ್ನಿ ಸಬೇನಾಬಿ, ಅಖಾಯ ತಬರ್‌ಖಾಮ ಛಾ಼ತೆ ದೇವ್ನಿ ಅದ್ಮಿಯೇವ್‍ನ ಲೀಖಾನು‌ ಶಾತ್‌ಕತೊ:

2 ಕೊರಿಂಥ 11:10

ಆ ಮಾರಿ ಖ್ಹರಾವ್ಣಿನ ಅಖಾಯ ತಬರ್‌ಖಾನು ಕೋಣ್‌ಬಿ ಆ ಮಾರಿ ಖ್ಹರಾವ್ಣಿನ ಕಮ್‌ಠೋಕಖ್ಹರ್ಕು ಕೊಯ್ನಿ ಕರಿ ಕ್ರಿಸ್ತ ಯೇಸುನ ಖ್ಹಾಮ್ಣೆ ಖ್ಹಾಚಾಮ ಬೋಲುಸ್.

2 ಕೊರಿಂಥ 11:26

ಗಾಮ್‌ಥಿ ಗಾಮ್‍ ಚಾ಼ಲ್ತೋಸ್ ರ‍್ಹಯೊ. ನದ್ದಿಯೇಥಿ ಖತ್ರ, ವಾಟ್‌ಪರ್ ಚೋ಼ರ್‌ಥಿ ಖತ್ರ, ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿಥಿ ಖತ್ರ, ಖ್ಹಯೇರ್‌ಮ ಖತ್ರ, ಭಾರ್‌ಲ್ಯ ತಬರ್‌ಖಾವ್‍ಮ ಖತ್ರ, ದರ‍್ಯಾವ್‌ಮ ಖತ್ರ, ಅಜು಼ ಝೂ಼ಟ ಭಯೇಥಿ ಖತ್ರ ಅಖ್ಖಾಸ್‍ಮ ಮೇ ಖ್ಹಾಮೆ ಹುಯೊ.

2 ಕೊರಿಂಥ 9:2

ಅಖಾಯಮ ಛಾ಼ತೆ ತುಮೆ ಗಯೋತೆ ಏಕ್‌ ವರಖ್ಹ್‌ಥು ಮೋಟ ದಿಲ್‌ಥಿ ದಾನ್ ಕರಾನ ತಯಾರ್ ಹುಯಿರ‍್ಹಾಸ್ ಕರಿ ಬೋಲನಿ ವಾತ್ನ ಮೇ ಮೆಕೆದೋನ್ಯನ ಭೈಯೇ ಭೇನೆವೊನ ಖ್ಹಾಮ್ಣೆ ಬೋಲಿನ್ ತುಮುನ ಖ್ಹರೈರಾಖ್ಯೋಸ್. ಇವ್ಣಮ ಕೆತ್ರೂಕಿಜ಼ಣು ಅನ ಖ್ಹಮ್‌ಜಿನ್‌ ದಾನ್ ದ್ಯಾವಾನ ದಿಲ್‍ಕರ‍್ಯು.

1 ಥೆಸ 2:14

ಹಮಾರ ಭೈಯೇ ಭೇನೆವೊ, ತುಮೆ ಯೂದಾಯಮ ಕ್ರಿಸ್ತ ಯೇಸುಮ ಛಾ಼ತೆ ದೇವ್ನಿ ಖ್ಹಾಚಿ ಸಬೇನಿಮತ್‌ ಚಾ಼ಲಿರಾಖ್ಯಾಸ್‌. ಇವ್ಣೆ ಯೆಹೂದ್ಯರ್‌ಥಿ ಖ್ಹಮಾಳ್ಯುತೆ ಖ್ಹತಾಪ್ಣಿನ, ತುಮೆ ತುಮಾರ ಶೊಂತ್‌ ಅದ್ಮಿಥಿ ಖ್ಹಮಾಳಿರಾಖ್ಯಾಸ್‌.

1 ಥೆಸ 2:16

ಯೆಹೂದ್ಯರ್‌ಕಾಹೆತೆ ಅದ್ಮಿನ ರಕ್ಷಣೆ ಮಳಾದೆ ಕರಿ ಸುವಾರ್ತೆನ ಬೋಲ್‍ಯೇಸ್ತೆ ಹಮುನಾಬಿ ಭೀರಾಕ್‌ಣು ಕರಿ ಕರ‍್ಯು. ಅಮ್ ಕರಾಥಿ ಇವ್ಣು ಪಾಪ್ನು ಕಾಮ್‌ಖ್ಹಾರು ಭರೈನ್ ಉಛ಼್‌ಳಾಯು. ಕತೋಬಿ ದೇವ್‌ನೊ ಇರಾದೊ ಇವ್ಣಾಪರ್ ಪೂರ ಹೋತುಹುಯಿನ್ ಆಯೊ!

ಯಾಕೋಬ 2:6

ಕತೋಬಿ ತುಮೆತೋ ಗರೀಬ್‌ನ ಖ್ಹರಮ್‌ ಕಾಡಿನಾಖಿದಿದ. ತುಮುನ ಖ್ಹತೈನ್ ನ್ಯಾವ್‍ನಿ ಝ಼ಗೋನ ಖ್ಹಾಮ್ಣೆ ಖೇಚಿಲೀಜಾ಼ವಾಳ ಶೌಕಾರ್ ಕಾಹೆಕಿಶು?