ಅಪೊಸ್ತಲರ್‌ನು ಕಾಮ್‌ಖ್ಹಾರು 17:5 - ದೇವ್ನಿ ಖ್ಹಾಚಿ ವಚನ್

⁵ ಕತೋಬಿ ನಂಬ್ಯುಕೊಂತೆ ಯೆಹೂದ್ಯಖ್ಹಾರು ಬಳಾಪೊ ಕರ‍್ಯು. ಇವ್ಣೆ ಖ್ಹಯೇರ್‌ಮ ಥೂತೆ ಥೋಡ ಖರಾಬ್ ಅದ್ಮಿವೋನ ಪೈಶಾದೀನ್ ಬುಲೈಮಂಗೈನ್‌ ಗಮ್ಮ ಗಲಾಟ್ ಕರೈನ್, ಪೌಲಬಿನ್ ಸೀಲನ ಖ್ಹಯೇರ‍್ನ ಸಭೆನ ಖ್ಹಾಮ್ಣೆ ಲೀನ್‍ ಆವ್ಣುಕರಿ ಯಾಸೋನನ ಘರ್‌ನ ಘೇರ್ತುಹುಯಿನ್ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:5 ပူးပေါင်းရင်းမြစ်များ

ಮತ್ತಾಯ 27:18

ಅದ್ಮಿಖ್ಹಾರು ಬಳಾಪೇಥಿ ಯೇಸುನ ಧರೀನ್, ಇನ ಹಾತ್‌ಮ ದೀರಾಖ್ಯುಸ್‌ ಕರಿ ಪಿಲಾತನ ಮಾಲುಮ್‌ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:45

ಅನದೆಖ್ಯುತೆ ಯೆಹೂದ್ಯರ್ ಖ್ಹಾರಾನೆ ಘಣು ಬಳಾಪೊಕರಿನ್ ಪೌಲನೆ ಬೋಲ್ಯೊತೆ ವಾತೆನ ವಿರೋದ್ ಹುಯಿನ್ ಅಬ್ಬಾಜ಼ಬ್ಬಿಥಿ ದೂಷಣೆನಿ ವಾತೆಬೋಲ್‍ತು ರ‍್ಹಿಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:19

ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:2

ಕತೋಬಿ ವಿಶ್ವಾಸ್ ಕರ‍್ಯುಕೊಂತೆ ಯೆಹೂದ್ಯರ್‌ನೆ ಅಲ್ಹಾವ್‌ ಅದ್ಮಿಖ್ಹಾರಾನ ವಿಶ್ವಾಸಿ ಭೈಯೇನ ವಿರೋದ್ ಉಠಾಡಿ ಭೀರಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:13

ಕತೋಬಿ ಪೌಲ ಬೆರೋಯಮ ದೇವ್ನು ವಚನ್ನ ಬೋಲುಕರಸ್ ಕರಿ ಬೋಲಾನು ಖ್ಹಮ್‌ಜಿನ್‌ ಥೆಸಲೋನಿಕನು ಯೆಹೂದ್ಯಮಾಬಿ ಬೆರೋಯಮಾಬಿ ಐನ್ ಹಿಜ಼್ಜಾನ ಅದ್ಮಿಖ್ಹಾರಾನ ಕಲಾವ್ಣಿಕರಿನ್ ಗಲಾಟ್ ಉಠಾಡ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:6

ಕತೋಬಿ ಇವ್ಣೆ ಹಿಜ್ಜಾ಼ ದೆಖಾಯುಕೊಂತೆ ಇನಖ್ಹಾಜೆ ಇವ್ಣೆ ಯಾಸೋನನಾಬಿ ಥೋಡ ವಿಶ್ವಾಸಿಖ್ಹಾರಾನ ನಂಗರ‍್ನ ಅಧಿಕಾರಿನ ಖ್ಹಾಮ್ಣೆ ಖೇಚಿಲೈನ್‌; ಆ ಅದ್ಮಿಖ್ಹಾರು ಜಗತ್ನಿಅಖ್ಖಿಸ್ ಬಾಜು಼ ಗಲಾಟ್ ಉಠಾಡಿನ್ ಹಮ್ಕೆ ಹಜ್ಜಾ಼ಬಿ ಐರ‍್ಹಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:7

ಯಾಸೋನನೆ, ಇನ ಘರ್‌ಮಾಸ್ ಇವ್ಣುನ ರಾಖಿರಾಖ್ಯೋಸ್. ಅಜು಼ ಇವ್ಣೆಖ್ಹಾರು ಯೇಸುಕರಿ ಬಿಜೇಕ್‍ಜ಼ಣೊ ರಾಜ಼ ಛಾ಼ಕರಿ ಬೋಲಿನ್, ಕೈಸರ್‌ನಿ ಹುಕುಮ್‌ನ ವಿರೋಧ್‍ಥಿ ಚಾ಼ಲುಕರಸ್ ಕರಿ ಚಿಕ್‌ರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:9

ಯಾಸೋನಥೀಬಿ ಬಿಜ಼ ಥೋಡ ವಿಶ್ವಾಸಿಥೀಬಿ ಜಾ಼ಮೀನ್‍ಲೀನ್ ಇನ ಪಾಛ಼ಳ್ ಇವ್ಣುನ ಮ್ಹೇಲಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:12

ಗಲ್ಲಿಯೋಕರಿ ಏಕ್‍ಜ಼ಣೊ ಅಖಾಯ ಮುಲಕ್‌ನೊ ರಾಜ್ಯಪಾಲ್ ಹುಯಿರ‍್ಹವಾನ ಖ್ಹಾಜೆ ಯೆಹೂದ್ಯರ್ ಪೌಲನಿ ವಿರೋದ್ ಎಕ್ಟುಹುಯಿನ್ ಇನ ಧರಿನ್ ನ್ಯಾವ್ನಿಝ಼ಗೊ ಲೀನ್‌ಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:40

ಆ ದನ್ನೆ ಚಾ಼ಲ್ಯುತೆ ಸಮಾಚಾರ‍್ನ ಎಕ್ಟುಹುಯಿರ‍್ಹಾತೆ ತುಮೂನ ಮೆ ಶನ ಬೋಲುಕರುಸ್‍ಕತೊ ಹಮ್ಕೇನು ಝ಼ಗ್‍ಡಾನ ದೇಖ್ಯಾತೆ ಥೋಡು ಅದ್ಮಿಖ್ಹಾರು ಹಮೆ ಝ಼ಗ್‍ಡೊ ಉಠಾಡಿರಾಖ್ಯಸ್ ಕರಿ ಗಲತ್‌ ಲಗಾಡನಿತರ ಥೂ. ಆ ಗಲಾಟ್‌ನ ಬಾರೇಮ ಬೋಲ್ಯುತೊ ಹಮೆ ಝ಼ಗ್ಡಾನ ಮಾನಿಲ್ಯವಾನ ಕೋ ಹುವಾನಿ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:9

ಯಾಕೋಬನ ಛಿಯ್ಯಾವ್‌ನೇಸ್ ಯೋಸೇಫನ ಉಪ್ಪರ್ ಬಳಾಪೊ ಕರ‍್ಯು. ಇವ್ಣೆಖ್ಹಾರು ಯೋಸೇಫನ ಧರೀನ್ ಈಜಿಪ್ಟ್‌ನ ಅದ್ಮಿನು ಗುಲಾಮ್ ಬಣೈನ್ ವೇಚಿನಾಖಿದಿದು. ಕತೋಬಿ ದೇವ್ ಯೋಸೇಫನ ಜೋ಼ಡ್ಮಾಸ್ ಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:21

ಮಾರಿ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರೋತೆ ತಿಮೊಥೆಯ ತುಮೂನ ಖ್ಹಲಾಮ್ ಬೋಲುಕರುಸ್. ಇಮ್ಮಸ್ ಲೂಕ್ಯಬಿ, ಯಾಸೋನಬಿ, ಸೋಸಿಪತ್ರಬಿ, ಅಜು಼ ಮಾರಿನಿತರ ಯೆಹೂದ್ಯರ್‌ಖ್ಹಾರು ಹುಯಿರ‍್ಹಾತೆ ಇವ್ಣೆ ತುಮೂನ ಖ್ಹಲಾಮ್ ಬೋಲುಕರಸ್.

1 ಕೊರಿಂಥ 3:3

ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

2 ಕೊರಿಂಥ 11:26

ಗಾಮ್‌ಥಿ ಗಾಮ್‍ ಚಾ಼ಲ್ತೋಸ್ ರ‍್ಹಯೊ. ನದ್ದಿಯೇಥಿ ಖತ್ರ, ವಾಟ್‌ಪರ್ ಚೋ಼ರ್‌ಥಿ ಖತ್ರ, ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿಥಿ ಖತ್ರ, ಖ್ಹಯೇರ್‌ಮ ಖತ್ರ, ಭಾರ್‌ಲ್ಯ ತಬರ್‌ಖಾವ್‍ಮ ಖತ್ರ, ದರ‍್ಯಾವ್‌ಮ ಖತ್ರ, ಅಜು಼ ಝೂ಼ಟ ಭಯೇಥಿ ಖತ್ರ ಅಖ್ಖಾಸ್‍ಮ ಮೇ ಖ್ಹಾಮೆ ಹುಯೊ.

ಗಲಾತ್ಯ 5:21

ವಹೇರ್‌ ರಾಖಾನು, ಪಿಯಾನು, ಗಲಾಟ್, ಮೋಜ್‌ಮಸ್ತಿ, ಆ ಅಖ್ಖು. ಅಮ್ನು ಕಾಮ್ ಚ಼ಲಾವವಾಳು ದೇವ್ನಿ ರಾಜ್ಯನು ಹಕ್‌ವಾಳು ಕೊಉಷೆನಿಕರಿ ಮೇ ಆ ಅಗ್ಗಳ್ ಬೋಲ್ಯೊತೆ ತಿಮ್ಮಸ್ ಹಮ್ಕೇಬಿ ತುಮುನ ಝೇತಾವ್‌ಸ್‌.

ಗಲಾತ್ಯ 5:26

ಹಂಕಾರಿ, ಏಕ್‌ನಏಕ್ ನಾ ಛೇಡಾವ್ಣುನಾತೆ, ಏಕ್‌ ಜ಼ಣಾನ ಉಪ್ಪರ್ ಬಿಜೇಕ್ ಜ಼ಣು ಬಳಾಪೊ ನಾಕರ‍್ನುತೆ ತಿಮ್ ರ‍್ಹಿಯೆ.

1 ಥೆಸ 1:6

ಪ್ರಭುನೆ ಅಜು಼ ಹಮೆ ಚಾ಼ಲಿಲಿದಾತೆ ಇಮ್ಮಸ್, ತುಮೇಬಿ ಚಾ಼ಲ್ಯಾ; ಎತ್ರೆಸ್ ಕಾಹೆತೆ ತುಮೆ ಘಣು ಲತಾಡ ಖ್ಹಮಾಳ್ಯಾತೋಬಿ, ಹಮೆ ಬೋಲ್ಯಾತೆ ಉಪದೇಶ್‍ನ ಪವಿತ್ರಾತ್ಮಥಿ ಪೈದಾಹುವಾಸ್ತೆ ಖ್ಹುಶಿಥಿ ಮಾನಿನ್ ಹಮಾರಿ ಸುವಾರ್ತೆನ ಖ್ಹಮ್‍ಜಿಲಿದ.

ಯಾಕೋಬ 4:5

ಆನಾಹುಯಿನ್ ಹಮಾರಮ ಜಿವ್‌ಕರಾಸ್ತೆ ಆತ್ಮನ “ಘಣಿ ಆಖ್ಹ್‌ಥಿ ಹೋಣುಕರಿ ಹರ್‌ಖ್ಹುಕರುಸ್ ಕರಿ ಬೋಲಾನು ವಚನ್ನಿ ಖಾಲಿ ವಾತ್‍ಕರಿ ಲಾಝೊ಼ಸ್‍ಕಿ ಶು?