ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30 - ದೇವ್ನಿ ಖ್ಹಾಚಿ ವಚನ್

³⁰ ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30 ပူးပေါင်းရင်းမြစ်များ

ಮತ್ತಾಯ 20:7

ತದೆ ಇವ್ಣೆ, ‘ಕೋಣ್‌ಬಿ ಹಮೂನ ಕಾಮ್ನ ಬುಲಾಯು ಕೊಯ್ನಿ’ ಕರಿ ಬೋಲ್ಯು. ಯೋ ಯಜಮಾನ್ನೆ, ‘ಇಮ್‍ಕತೊ, ತುಮೆ ಜೈ಼ನ್, ಮಾರ ದ್ರಾಕ್ಷಿನ ಬಾಗ್‌ಮ ಕಾಮ್ ಕರೊ’ ಕರಿ ಬೋಲ್ಯೊ.

ಮತ್ತಾಯ 3:2

“ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗೈ!” ಕರಿ ಬೋಲ್ತೊನಿಕ್‌ಳ್ಯೊ.

ಮತ್ತಾಯ 4:17

ತಪ್‌ಥೊ ಯೇಸು, ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗು!” ಕರಿ ಖಬರ್‌ನ ಬೋಲ್ತೊನಿಕ್‌ಳ್ಯೊ.

ಮಾರ್ಕ 1:15

“ದನ್‌ಖ್ಹಾರ ಭರೈಗ, ದೇವ್ನಿ ರಾಜ್ಯ ಖನ್ನೆ ಐಗು! ತುಮಾರು ಪಾಪ್ನ ಖ್ಹಾರು ಮ್ಹೇಲಿನ್ ದೇವ್‌ಭಣಿ ಫರಿನ್, ದೇವ್ನಿ ಅಛ್ಛಿ ಸಮಾಚಾರ‍್ನ ನಂಬೊ!” ಕರಿ ಬೋಲ್ಯೊ.

ಮಾರ್ಕ 6:12

ಬಾದ್‌ಮ ಇವ್ಣೆ ಹಿಜ್ಜಾ಼ಥು ಜೈ಼ನ್‌, ಅದ್ಮಿಖ್ಹಾರನ, “ಪಾಪ್ ಕರಾನು ಮ್ಹೇಲಿನ್ ದೇವ್ ಭಣಿ ಫರೊ” ಕರಿ ದೇವ್ನಿ ವಾತೆನ ಬೋಲಿವತಾಳ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:5

ಇಮ್‌ ಕಾಹೆ! ಕರಿ ಮೇ ತುಮೂನ ಬೋಲುಸ್. ತುಮಾರು ಪಾಪ್ನ ಮ್ಹೇಲಿನ್ ನಾ ಫರ‍್ಯಾತೊ, ತುಮೆಖ್ಹಾರುಬಿ ಇಮ್ಮಸ್ ಮರ್‌ಶು” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:10

ಅಮ್ಮಸ್, ದೇವ್ ಭಣಿ ಫರಾಸ್ತೆ ಏಕ್‌ ಪಾಪಿನಿ ಬಾರೇಮ, ದೇವ್‌ನು ದೂತರ್ ಖ್ಹಾರು ಖ್ಹುಶಿಕರಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:18

ಆ ವಾತೆನ ಇವ್ಣೆ ಖ್ಹಮ್‌ಜಿನ್‌ ಝಿಟ್ಕಾರ್‌ ಕರಾನು ಮ್ಹೆಂದಿನ್; ಇಮ್‍ಕತೊ ದೇವ್ ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ಜಾನ್‍ದೇವ್ಣುಕರಿ ಇವ್ಣ ದಿಲ್ನ ಇನಾಭಣಿ ಫರಾಯೊ ಕರಿ ದೇವ್ನ ಖ್ಹರಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:16

ಖ್ಹತಮ್ ಹುಯಿಗೂತೆ ಹಗಾಮ್ಮ ದೇವ್ನೆ ಖ್ಹಾರ ಅದ್ಮಿವೋನ ಇವ್ಣಿ ಇವ್ಣಿ ಮರ್ಜಿಥಿ ಇವ್ಣುನ ಹೋಣುತೆ ಮಾರಗ್‌ಪರ್ ಚಾ಼ಲಾನ ಮ್ಹೆಲಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:23

ಮೆ ತುಮಾರ ಖ್ಹಯೇರ್‌ಮ ಚಾ಼ಲಿನ್ ವೇಳ್ಮ ತುಮೆ ಪೂಜ಼ಕರಾತೆ ದೇವ್ತಿನು ಮೂರತ್ನ ದೇಖಾನಿವಖ್ಹ್‌ತೆ ಏಕ್‌ ಚಾ಼ಚ಼ರ್‌ಪರ್ ‘ಮಾಲುಮ್‌ಕೊಂತೆ ದೇವ್ನ ಕರಿ ಲೀಖೈರ‍್ಹೂಥು. ಇನಖ್ಹಾಜೆ ತುಮೆ ಖೆವಾನ ಮಾಲುಮ್‌ಕೊಂತೆ ಪೂಜ಼ಕರಸ್ಕಿ ಇನಾಸ್ ತುಮೂನ ಮಾಲುಮ್‌ ಕರಾವುಸ್ ಖ್ಹಮ್‍ಜೊ಼” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28

ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:4

ಇನಿ ಘಣಿ ದಯಾಬಿ, ಖ್ಹಮಾಳಿಲ್ಯವಾನು ಅಜು಼ ಹಮೇಶಾನಿ ಶಾಂತಿ ಅನಖ್ಹಾರು ತೂ ಝಿಟ್ಕಾರಸ್ಕಿ ಶು? ದೇವ್ನಿ ಅಛ್ಛಿಗುಣ್‍ ತುನ ದಿಲ್‌ ಫರೈಲ್ಯಾವಭಣಿ ಚ಼ಲಾವ್‍ಶೆಕರಿ ಬೋಲಾನು ತುನ ಮಾಲುಮ್ ಕೊಯ್ನಿಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:23

ಶನಕತೊ ಖ್ಹಾರುಸ್‌ಜ಼ಣು ಪಾಪ್‍ಕರೀನ್ ದೇವ್ನಿ ಮಹಿಮೆಥಿ ದೂರ್‌ಹುಯಿಗು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:25

ಇನೆ ರಂಚ್ಯೊತೆ ಇನ ಲ್ಹೋಯಿಥಿ ಇನ ಉಪ್ಪರ್ ಭರೋಖ್ಹೊ ರಾಖವಾಳ ಹರೇಕ್ನ ಪಾಪ್‌ ಪರಿಹಾರ್ ಹೋಣುಕರಿ ಇನಾಸ್ ಸಮರ್ಪಣ್‌ ಕರಿಲಿದೊ. ಪಾಛ಼್‌ಲ್ಯ ಹಗಾಮ್ಮ ಅದ್ಮಿವೋನೆ ಕರ‍್ಯುತೆ ಪಾಪ್ನ ಬರೋಬರ್‌ನಿ ನಿಶತ್‍ ದಿದೊಕೊಂತೆ ದೇವ್ನೆ ಖ್ಹಮಾಳಿಲಿನ್ ಚಾ಼ಲ್ಯೊ.

2 ಕೊರಿಂಥ 7:10

ದೇವ್ನಿ ಖ್ಹೂಜ಼್‌ನಿತರ ಹುಯಿರುತೆ ದುಖ್ ದಿಲ್‌ನಾಬಿ, ಜೀವಿತ್‍ನಾಬಿ ಬದ್ಲಾವಸ್ ಆ ಬದ್‍ಲಾವ್ಣಿ ರಕ್ಷಣೆ ಭಣಿ ಚ಼ಲಾವಸ್. ಆ ಮನ್ ಫರಿಜಾ಼ವಾನಿ ಬಾರೇಮ ಅಪ್ಣೆ ಡರ‍್ವಾನು ಶಾತ್ಬಿ ಕೊಯ್ನಿ. ಕತೋಬಿ ಲೋಕ್‍ಥಿ ಆವಾತೆ ದುಖ್ ಮರಣ್ಣ ಬುಲಾವಸ್‌.

1 ಪೇತ್ರ 4:3

ತುಮೆ ಖ್ಹರಮ್‌ಕೊಂತೆ ರ‍್ಹವಾನು, ನಿಕ್ಳಜಾನ್, ಪಿಯಾನು, ಜಾ಼ಖ್ಹತ್‍ಖರ್ಚ್, ಕಯೆಪ್‍ಛ಼ಡಾವನು, ಕಚಿಂಡ್‍ನಿತರನು ಮೂರತ್ನಿಫೂಜ಼. ಆಸ್ ಖ್ಹಾರು ಚ಼ಲಾವಮಾಬಿ ಯೆಹೂದ್ಯರ್‌ಕಾಹೆತೆ ಅದ್ಮಿನ ಲ್ಹಾಯಕ್‍ರ‍್ಹವಾನು ಖರಾಬ್‌ಕಾಮ್‍ಖ್ಹಾರು ಕರಮಾಬಿ, ವಖ್ಹತ್ ಕಾಡ್ಯತೆ ಬಶ್‌.