ಅಪೊಸ್ತಲರ್‌ನು ಕಾಮ್‌ಖ್ಹಾರು 17:23 - ದೇವ್ನಿ ಖ್ಹಾಚಿ ವಚನ್

²³ ಮೆ ತುಮಾರ ಖ್ಹಯೇರ್‌ಮ ಚಾ಼ಲಿನ್ ವೇಳ್ಮ ತುಮೆ ಪೂಜ಼ಕರಾತೆ ದೇವ್ತಿನು ಮೂರತ್ನ ದೇಖಾನಿವಖ್ಹ್‌ತೆ ಏಕ್‌ ಚಾ಼ಚ಼ರ್‌ಪರ್ ‘ಮಾಲುಮ್‌ಕೊಂತೆ ದೇವ್ನ ಕರಿ ಲೀಖೈರ‍್ಹೂಥು. ಇನಖ್ಹಾಜೆ ತುಮೆ ಖೆವಾನ ಮಾಲುಮ್‌ಕೊಂತೆ ಪೂಜ಼ಕರಸ್ಕಿ ಇನಾಸ್ ತುಮೂನ ಮಾಲುಮ್‌ ಕರಾವುಸ್ ಖ್ಹಮ್‍ಜೊ಼” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:23 ပူးပေါင်းရင်းမြစ်များ

ಮತ್ತಾಯ 15:9

ಅದ್ಮಿನ ಖ್ಹೂಜ಼್‌ನಿತರ ಶಿಕಾಡ್ತು ಆಯೂತೆ ಇನಾಸ್ ದೇವ್ನಿ ಹುಕುಮ್‌ನಿಘೋಣಿ ಬೋಲಿಶಿಕಾಡವಾಳ ಅವ್ಣೆ ಮನ ಆರಾದನೆ ಕರಾನು ಕಾಮ್ನಕೊಯ್ನಿ.

ಯೋಹಾನ 17:25

ಧರ್ಮಿ ಹುಯಿರ‍್ಹೋತೆ ಬಾ! ಆ ಜಗತ್‌ ತುನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಕತೋಬಿ ಮೇ ತುನ ಮಾಲುಮ್‌ ಕರಿರಾಖ್ಯೋಸ್, ಅಜು಼ ತುನೆ ಮನಮೋಕ್ಲಿರಾಖ್ಯೋಸ್‌ ಕರಿ ಅವ್ಣೆ ಮಾಲುಮ್‌ ಕರಿರಾಖೂಸ್.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಯೋಹಾನ 4:22

ತುಮೆ ಸಮಾರಿಯವಾಳ ಕತೋಬಿ ಯೆಹೂದ್ಯರ್ ಹುಯಿರ‍್ಹಾತೆ ಹಮೆ ಕಿನ ಆರಾದನೆ ಕರೇಸ್ ಕರಿ ತುಮುನ ಮಾಲುಮ್‌ ಕೊಯ್ನಿ, ಶನಕತೊ ರಕ್ಷಣೆ ಯೆಹೂದ್ಯರ್‌ಥೀಸ್‌ ಆವ್‌ಶೆ.

ಯೋಹಾನ 8:54

ತದೆ ಯೇಸುನೆ, “ಮಾರು ಮೇಸ್ ಖ್ಹರೈಲಿದೋತೊ, ಯೋ ಮರ್ಯಾದಿನ ಶನೀಶ್ ಬೆಲೆಕೊಯ್ನಿ. ಮನ ಮರ್ಯಾದಿ ದ್ಯವಾಳೊ ಮಾರೊ ಬಾ, ತುಮೆ ಇನ ಹಮಾರೊ ದೇವ್ ಕರಿ ಬೋಲೋಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30

ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28

ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

1 ಕೊರಿಂಥ 1:21

ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.

1 ಕೊರಿಂಥ 8:5

ಆಬ್‌ಪರ್‌ರ‍್ಹವೊ, ಧರ್ತಿಪರ್‌ರ‍್ಹವೊ ದೇವ್‌ಕರಿ ಬೋಲೈಲ್ಯವಾಳು ಕೈಯೆಕ್ಕಿ ರ‍್ಹಯುತೋಬಿ, ದೇವ್‌ಕರಿ ಪ್ರಭುಕರಿ, ಖ್ಹಮ್‌ಜಾ಼ಡವಾಳು ಜಾ಼ಖ್ಹತ್ ಛಾ಼.

ಎಫೆಸ 2:12

ತ್ಯೊ ಹಗಾಮ್ಮ ತುಮೆ ಕ್ರಿಸ್ತಥಿ ಅಲಕ್ ಹುಯಿರ‍್ಹಾಥ, ಇಸ್ರಾಯೇಲ್‌ವಾಳಾನಿ ಹಕ್‌ಮ ಕೊಹುಯಿರ‍್ಹಾಥಾನಿ. ದೇವ್ ಇನ ಅದ್ಮಿನ ಜೋ಼ಡೆ ವಾಗ್ದಾನ್ ಕರಿರಾಖ್ಯೊತೆ ಒಪ್ಪಂದಾಮ ತುಮೆ ವಾಟೊ ಹುಯಿರ‍್ಹಾಥ ಕೊಯ್ನಿ ಅಜು಼ ತುಮೆ ಆ ಜಗತ್ನ ಭರೋಖ್ಹಾಮ ಥಾ. ಅಜು಼ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಥಕೊಯ್ನಿ.

2 ಥೆಸ 2:4

ಖಿವು ದೇವ್‌ನು ಹುಯಿರ‍್ಹುಸ್ ನತರ್ ಆರಾದನೆನ ಯೋಗ್ಯಹುಯಿರ‍್ಹಾವನು ಹುಯಿರ‍್ಹುಸ್ಕಿ, ಯೋ ಖ್ಹಾರಾನ ನಾಶ್ ಕರ್ಷೆ. ಇನು ಯೋಸ್ ಖ್ಹಾರೇಥಿಬಿ ಭಡೈಲೀನ್, ದೇವ್ನಿ ಮಂದಿರ್‌ಮ ಬೇಶಿನ್‌ ಯೋಸ್ ದೇವ್‌ಕರಿ ಬೋಲಿಲಿಶೆ.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.