ಅಪೊಸ್ತಲರ್‌ನು ಕಾಮ್‌ಖ್ಹಾರು 17:2 - ದೇವ್ನಿ ಖ್ಹಾಚಿ ವಚನ್

² ಪೌಲನೆ ಕದೆ ಕದೇಬಿ ಜಾ಼ತೊಥೋತೆ ಇಮ್ಮಸ್ ಯೆಹೂದ್ಯರ್‌ನ ಮಳಾನಖ್ಹಾಜೆ ಸಭೆಮ ಗಯೊ. ಇನೆ ತೀನ್ ವಾರ ಸಬ್ಬತ್‌ ದನ್ಮ ಯೆಹೂದ್ಯರ್‌ನ ಜೋ಼ಡೆ ದೇವ್ನಿ ವಚನ್ನಿ ಆಧಾರ್‌ಥಿ ಬೋಲಿವತಾಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:2 ပူးပေါင်းရင်းမြစ်များ

ಮತ್ತಾಯ 26:24

ವಚನ್‌ಮ ಲೀಖೈರ‍್ಹೂತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ, ಕತೋಬಿ ಕೋಣ್ ಅದ್ಮಿನೊ ಛಿಯ್ಯಾನ ಧರಿದಿಶೇಕಿ, ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದಾ ನಾಸ್ ಹುಯುಹೊತ್ತೊ ಇನ ಅಛ್ಛು಼ ಥೂ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:16

ಯೇಸು ಯೋ ಪಳ್ಯೋತೆ ಗಾಮ್‍ ಹುಯಿರ‍್ಹೂತೆ ನಜ಼ರೇತ್‌ನ ಆಯೊ. ಯೋ ಕರ್ತೊಥೋತೆ ಇಮ್ಮಸ್, ಸಬ್ಬತ್‌ ದನ್ಮ ಸಬೆ ಭರಾವಾನು ಮಂದಿರ್‌ಮ ಜೈ಼ನ್, ಪಢಾನಖ್ಹಾಜೆ ಉಠಿ ಭಿಯೊ.

ಯೋಹಾನ 18:20

ತದೆ ಯೇಸುನೆ, “ಮೇ ಕದೇಬಿ ಜಗತ್ನ ಖ್ಹಾಮ್ಣೆಸ್ ವಾತೆ ಬೋಲಿರಾಖ್ಯೊಸ್; ಯೆಹೂದ್ಯ ಅದ್ಮಿಖ್ಹಾರು ಎಕ್ಟು ಹುಯಿನ್ ಆವಸ್ತೆ ಸಭೆ ಭರಾವನು ಮಂದಿರ್‌ಮ ಅಜು಼ ಮೋಟಿ ಮಂದಿರ್‌ಮ ಮೇ ಕದೇಬಿ ಬೋಲಿವತಾಳ್‌ತೊ ಆಯೊ, ಮೇ ಲಪೀನ್ ಕದೇಬಿ ಶಾತ್ಬಿ ಕೋ ಬೋಲಿರಾಖ್ಯೊನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:14

ಇವ್ಣೆ ಪೆರ್ಗೆ ಗಾಮ್‍ಥ ನಿಕ್ಳಿನ್ ಪಿಸಿದ್ಯ ತಬರ್‌ಖಾನು ಮಳ್ಯುಹುಯು ಅಂತಿಯೋಕ್ಯನ ಆಯ. ಇವ್ಣೆ ಸಬ್ಬತ್‌ ದನ್ಮ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಬೇಶಿಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:5

ಬಾರ್ನಬ ಅಜು಼ ಸೌಲ ಸಲಾಮಿಸ್ ಕರಿ ಖ್ಹಯೇರ‍್ನ ಜಾ಼ವಾದಿನ್, ಯೆಹೂದ್ಯರ‍್ನು ಸಬಾ ಮಂದಿರ್‌ಮ ದೇವ್ನಿ ಭೋದನೆನ ಬೋಲ್ಯ. ಮಾರ್ಕಕರಿ ಬೋಲೈರ‍್ಹೋತೆ ಯೋಹಾನ ಇನ ಸೇವೆ ಕರಾನಖ್ಹಾಜೆ ಇನಿ ಜೋ಼ಡ್ಮ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:1

ಪೌಲಬಿ ಬಾರ್ನಬ ಇಕೋನ್ಯ ಖ್ಹಯೇರ‍್ನ ಜೈ಼ನ್, ಹರೇಕ್ ಖ್ಹಯೇರ್‌ಮ ಇವ್ಣೆ ಕರ್ತಥಾತೆ ತಿಮ್ಮಸ್ ಹಜ್ಜಾ಼ಬಿ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಅದ್ಮಿಖ್ಹಾರಾನ ಬೋಧನೆ ಕರ‍್ಯಾ. ಪೌಲ, ಬಾರ್ನಬನಿ ಶನ್‍ಗಾರ‍್ನಿ ಬೋಧನೆನ ಖ್ಹಮ್‌ಜಿನ್‌ ಕೈಯೇಕ್ ಯೆಹೂದ್ಯರ್ ಅಜು಼ ಗ್ರೀಕ್‍ವಾಳು ಯೇಸುಕ್ರಿಸ್ತನ ವಿಶ್ವಾಸ್‍ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:10

ಯೋಸ್ ರಾತ್ಮ ವಿಶ್ವಾಸಿಖ್ಹಾರು ಪೌಲ ಸೀಲನ ಬೆರೋಯ ಕರಿ ಬೋಲಾನು ಬಿಜೇಕ್ ಖ್ಹಯೇರ‍್ನ ಮೋಕ್‍ಲ್ಯು. ಬೆರೋಯಮ ಪೌಲ ಸೀಲನ ಯೆಹೂದ್ಯರ್‌ನ ಸಭೆಮ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:17

ಇನಖ್ಹಾಜೆ ಇನೆ ಸಭೆಮ ಜೈ಼ನ್ ಯೆಹೂದ್ಯರ್ ಅಜು಼ ದೇವ್ನಿ ಭಕ್ತಿರ‍್ಹಾವಳು ಗ್ರೀಕ್‍ವಾಳಾನಿ ಜೋ಼ಡೆ ಅಜು಼ ಖ್ಹಯೇರ್‌ಮ ಬೇಪಾರ್‌ಕರಾನಿ ಝ಼ಗೋಮ ದೇಖವಾಳಾನಿ ಜೋ಼ಡ್ಮ ಹರೇಕ್ ದನ್ ಚರ್ಚೆ ಕರಾಲಗ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:4

ಹರೇಕ್ ಸಬ್ಬತ್ ದನ್ಮ ಯೊ ಸಭೆನಿ ಝ಼ಗೊ ಯೆಹೂದ್ಯರ್‌ನಿ ಜೋ಼ಡೆಬಿ ಗ್ರೀಕ್‍ವಾಳಾನಿ ಜೋ಼ಡೆಬಿ ಚರ್ಚೆಕರೀನ್ ಇವ್ಣುನ ಮಳಾವ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:8

ಯೊ ಖ್ಹಯೇರ್‌ಮ ಪೌಲನೆ ಸಬಾಮಂದಿರ್‌ನ ಮಹಿ ಜೈ಼ನ್ ತೀನ್ ಮಹಿನಲಗು ಹಿಜ್ಜಾ಼ಸ್ ದೇವ್ನಿ ರಾಜ್ಯನಿ ವಾತೆನಿ ಬಾರೇಮ ಫೇಡ್‌ ಬೋಲ್ತೊಹುಯಿನ್ ಅದ್ಮಿಖ್ಹಾರನ ದಿಲ್ನ ಜೀತಾನ ಕೋಶಿಶ್ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:25

ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ‍್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್‌ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:23

ಇನಖ್ಹಾಜೆ ಪೌಲ ಅಜು಼ ಇವ್ಣೆ ಸಭೆ ಮಳಾನ ಏಕ್‍ದನ್ ಖ್ಹಣೇದ್‍ಕರ‍್ಯು, ಯೋ ರೋಜ಼್ಮ ಕೈಯೆಕ್ಕಿ ಜ಼ಣು ಪೌಲನ ಘರ್ಮ ಘಣಿ ಗಣ್ತೀಥಿ ಸಬೆಮಳ್ಯು. ಇನೆ ವ್ಹಾಣೇಥು ಖ್ಹಾಂಜ಼್‌‌ಲಗು ದೇವ್ನ ರಾಜ್ಯನಿ ಬಾರೇಮ ಇನಿ ವಾತೇನ ಇವ್ಣುನ ಸಾಕ್ಷಿನ ಬೋಲ್ತೊಹುಯಿನ್.ಅಜು಼ ಮೋಶೇನು ಧರ್ಮಶಾಸ್ತ್ರ ಪ್ರವಾದಿನು ದಪ್ತರ್‌ನ ಆಧಾರ್ ಲಿದೊ. ಯೇಸುನಿ ಬಾರೇನಿ ವಾತೆಮ ಇವ್ಣುನ ವಿಶ್ವಾಸ್ ರಾಖಾನಿಘೊಣಿ ಕೋಶಿಶ್ ಕರ‍್ಯೊ. ಅನಖ್ಹಾಜೆ ಇನೆ

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:35

ತದೆ ಫಿಲಿಪ್ಪನೆ ಬೋಧನೆ ಕರ್ತೊಹುಯಿನ್ ಯೋಸ್ ವಚನ್ನಿ ಆಧಾರ್ ಕರಿಲಿನ್ ಇನ ಯೇಸುನಿ ಬಾರೇಮಾನಿ ಸುವಾರ್ತೆನ ಖ್ಹಮ್‌ಜಾ಼ಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:20

ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ.

1 ಕೊರಿಂಥ 15:3

ಶನಕತೊ ಮೇಬಿ ಜಿನು ಶಿಕ್ಯೋತೆ ಪಹಿಲಿ ವಾತೆಮಾಥು ಮುಖ್ಯ ವಾತ್ನಸ್ ತುಮೂನ ಖ್ಹಮ್‌ಜಾ಼ಡ್ ರಾಖ್ಯೋಸ್. ಯೋ ಶಾತ್‍ಕತೊ ಧರ್ಮಶಾಸ್ತ್ರಮ ಖ್ಹಮ್‍ಜಾ಼ಡಿರಾಖ್ಯೊತೆ ತಿಮ್ ಕ್ರಿಸ್ತ ಅಪ್ಣ ಪಾಪ್ನಖ್ಹಾಜೆ ಮರ‍್ಯೊ.