ಅಪೊಸ್ತಲರ್‌ನು ಕಾಮ್‌ಖ್ಹಾರು 17:12 - ದೇವ್ನಿ ಖ್ಹಾಚಿ ವಚನ್

¹² ಅಮ್‍ರ‍್ಹಾವಮ ಕೈಯೆಕ್ಕಿ ಜ಼ಣು ನಂಬ್ಯು. ಅಜು಼ ಗ್ರೀಕ್‍ನಿತಯೇಡ ಪರ್ಖ್ಹಾ ವಿಶ್ವಾಸ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:12 ပူးပေါင်းရင်းမြစ်များ

ಮಾರ್ಕ 15:43

ತದೆ ಅರಿಮಥಾಯ ಗಾಮ್‌ನೊ ಯೋಸೇಫ ಕರಿ ಏಕ್‌ ಜ಼ಣೊ ಘಟ್ ಜಾನ್‌ಥಿ ಪಿಲಾತಕನ ಐನ್, ಯೇಸುನ ಶರೀರ್‌ನ ಮನ ದೇ ಕರಿ ಬೋಲಿಲಿದೊ. ಆ ಯೋಸೇಫ ಮೋಟಿ ಸಭೆಮ ಘಣು ಮರ್ಯಾದಿನು ಅದ್ಮಿ ಹುಯಿರ‍್ಹೋಥೊ ಅಜು಼ ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಜ಼ಪಿರ‍್ಹೋತೊ.

ಯೋಹಾನ 7:17

ದೇವ್ನಿ ಮರ್ಜಿನಿಘೋಣಿ ಚಾ಼ಲಾನ ಕಿನ ಮನ್ ಛಾ಼ಕಿ ಇವ್ಣುನ ಆ ವಚನ್ ದೇವ್‍ಥಿ ಆಯುಕಿ, ನತರ್ ಮೇಸ್ ಬಣೈನ್ ಬೋಲುಕರುಸ್ಕಿ ಕರಿ ಬೋಲಾನು ಮಾಲುಮ್‌ ಪಡಾಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:46

ಕತೋಬಿ ಪೌಲ,ಬಾರ್ನಬನೆ ಜಾ಼ಖ್ಹತ್ ಹಿಮ್ಮಥ್ಥಿ ವಾತೆಬೋಲಿನ್, “ಹಮೆ ದೇವ್ನಿ ವಚನ್ ಯೆಹೂದ್ಯರ್ ಹುಯಿರಾತೆ ತುಮೂನ ಪಹಿಲೆ ಬೊಲ್ನುಸ್‍ ಬೋಲ್ನುಥು. ಕತೋಬಿ ತುಮೆ ಇನ ಧಕೇಲಿದಿನ್ ಹರ್‌ಹಮೇಶಾನಿ ಜಿ಼ಂದ್‌ಗಿ ಕೋ ಮಳ್‍ಶೇನಿಕರಿ ತೀರ್ಪ್‌ ಕರಿಲಿದಾತೆ ಇನಖ್ಹಾಜೆ, ಹಮೆ ಅಲ್ಹಾವ್‌ ಜಾ಼ತ್‍ವಾಳಭಣಿ ಜ಼ಯೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:50

ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:1

ಪೌಲಬಿ ಬಾರ್ನಬ ಇಕೋನ್ಯ ಖ್ಹಯೇರ‍್ನ ಜೈ಼ನ್, ಹರೇಕ್ ಖ್ಹಯೇರ್‌ಮ ಇವ್ಣೆ ಕರ್ತಥಾತೆ ತಿಮ್ಮಸ್ ಹಜ್ಜಾ಼ಬಿ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಅದ್ಮಿಖ್ಹಾರಾನ ಬೋಧನೆ ಕರ‍್ಯಾ. ಪೌಲ, ಬಾರ್ನಬನಿ ಶನ್‍ಗಾರ‍್ನಿ ಬೋಧನೆನ ಖ್ಹಮ್‌ಜಿನ್‌ ಕೈಯೇಕ್ ಯೆಹೂದ್ಯರ್ ಅಜು಼ ಗ್ರೀಕ್‍ವಾಳು ಯೇಸುಕ್ರಿಸ್ತನ ವಿಶ್ವಾಸ್‍ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:47

ಇವ್ಣೆ ದೇವ್ನ ಖ್ಹರವ್‌ಕರ್ತೂಥು. ಅಜು಼ ಅದ್ಮಿಖ್ಹಾರಾನು ದಯಾನ ಲಿಲ್ಯಾವವಾಳ ಹುಯಿರ‍್ಹಾಥ. ಹರೇಕ್ ದನ್‍ಬಿ ಘಣು ಘಣು ಅದ್ಮಿಖ್ಹಾರು ರಕ್ಷಣೆ ಲೇವ್‍ಕರ್ತೂಥು. ಪ್ರಭುನೆ ಇವ್ಣುನ ಅಖ್ಖಾನ ವಿಶ್ವಾಸಿನಿ ಸಭೆಮ ಮಳವ಼್ ಕರ್ತೊಥೊ.

1 ಕೊರಿಂಥ 1:26

ಭೇನೆ, ಭೈಯೇವೊ, ದೇವ್ ತುಮೂನ ಬುಲಾವನಿ ವಖ್ಹತ್‌ಮ ತುಮೆ ಕಿಮ್‍ಥಾಕರಿ, ಯಾದ್ ಕರಿಲೆವೊ. ಜಗತ್ನಿ ಗಣ್ತಿಮ ತುಮಾರಮ ಕೈಏಕ್ ಜ಼ಣು ಅಕ್ಕಲ್‍ವಾಳು ಕೋ ಹುಯಿರ‍್ಹಾಥಾನಿ: ಅದಿಕಾರಿ ಕೋ ಹುಯಿರ‍್ಹಾಥಾನಿ; ಮರ್ಯಾದಿನೊ ಕೋ ಹುಯಿರ‍್ಹಾಥಾನಿ.

ಎಫೆಸ 5:14

ಶನಕತೊ ಖಿವು ಅಛ್ಛಿನಿತರ ದೆಖಾವಸ್ಕಿ ಯೋಸ್ ದೆಖಾವಸ್, ಇನಖ್ಹಾಜೇಥಿ ಬೋಲೈರ‍್ಹುಸ್. “ಖ್ಹುತೊರ‍್ಹವಾಳ ಉಠಿಆವ್‌, ಮರಿರ‍್ಹವಾಳೆಥಿ ಮ್ಹೇಲಿನ್ ಉಠೊ, ತದೆ ಕ್ರಿಸ್ತ ತುಮಾರಮ ಉಜಾ಼ಖ್ಹ್‌ ಹುಯಿರ‍್ಹಿಶೆಕರಿ ಇನಖ್ಹಾಜೆ ಬೋಲೈರ‍್ಹುಸ್.

ಯಾಕೋಬ 1:10

ಕ್ರಿಸ್ತಮ ಶೌಕಾರ್ ಹುಯಿರೋತೆ ಭೈಯೇ,ಭೇನೆವೊ ಯೋ ಗರೀಬ್‍ಹಾಲತ್‍ಮ ಆಯೋಕರಿ ಖ್ಹುಶಿಕರಾದೆ. ಕತೋಬಿ ಶೌಕಾರ್ ಘಾಖ್ಹ್‌ನಿ ಫೂಲ್‍ನಿತರ ಮಟಿಜಾ಼ಶೆ.

ಯಾಕೋಬ 1:21

ಇನಾಖ್ಹಾಜೆ ಖ್ಹಾರೂಸ್ ಗಲೀಜ್‍಼ಕಾಮ್‍ನಾಬಿ ಅಖ್ಖು ಖರಾಬ್ ಫನೈನಾಬಿ ಕಾಡಿನಾಖಿನ್ ತುಮಾರಮ ಜ಼ಡ್‍ಗಾಠಿರಾಖ್ಯುತೆ ವಚನ್ನ ಮುಡ್‌ಕ್ಯು ಝು಼ಕೈನ್‌ ಸ್ವಿಕಾರ್‌ಕರೊ. ಯೋ ತುಮಾರ ಆತ್ಮನ ರಕ್ಷಣೆಕರಾನ ಶಕತ್‌ವಾಳು ಹುಯಿರ‍್ಹಿಶೆ.